Skanda Purana · Chapter 7.231

// īśvara uvāca // //
tato gacchenmahādevi yatra jāṃbavatī nadī //
purā jāṃbavatīnāma viṣṇoryā mahiṣīpriyā //
apṛcchadarjunaṃ sādhvī vada vārtāṃ kurū dvaha

tasyāstadvacanaṃ śrutvā arjuno niśvasanmuhuḥ //
vāṣpagadgadayā vācā idaṃ vacanamabravīt

parityaktā vayaṃ bhadre yādavaiḥ sumahātmabhiḥ //९
baladevasya vīrasya sātyakeśca mahātmanaḥ

anyeṣāṃ yaduvīrāṇāṃ pāpakarmātinirghṛṇaḥ //
jijīviṣuriha prāpto vāsudevanirākṛtaḥ

sā śrutvā bhartṛnidhanamarjunācca mahāsatī //
gaṃgātīre samutpādya pāvakaṃ pāvakaprabhā //
samutsṛjya mahākāyaṃ nadībhūtvā viniryayau

sā gṛhītvā satī bharturbhasma sarvaṃ citestathā //
praviṣṭā sāgaraṃ devi tadā jāṃbavatī śubhā

yā nārī tatra deveśi bhaktyā snānaṃ samācaret //
tadanvayepi kācitstrī na vaidhavyamavāpnuyāt

tasmātsarvaprayatnena tatra snānaṃ samācaret //
naro vā yadi vā nārī prāpnoti paramāṃ gatim

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye jāṃbavatīnadīmāhātmyavarṇanaṃnāmaikatriṃśaduttaradvi śatatamo'dhyāyaḥ