Skanda Purana · Chapter 7.175
// īśvara uvāca // //
tato gacchenmahādevi puṇyamarkasthalaṃ śubham //
tasmādāgneyakoṇasthaṃ sarvapātakanāśanam
taṃ dṛṣṭvā mānuṣo devi na śocyaḥ saṃprajāyate //
sapta janmāni deveśi dāridryaṃ naiva jāyate
kuṣṭhāni nāśamāyāṃti taṃ dṛṣṭvā daśadhā priye //
gośatasya pradattasya kurukṣetreṣu yatphalam
tatphalaṃ samavāpnoti dṛṣṭvā vārkasthalaṃ ravim //
snātvā trisaṃgame tīrthe saptaiva ravivāsarān
brāhmaṇānbhojayitvā tu mahiṣīṃ tatra dāpayet //
divyaṃ varṣasahasraṃ tu svargaloke mahīyate
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'rkasthalamāhātmyavarṇanaṃnāma pañcasaptatyuttaraśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0