સ્કંદ પુરાણ · અધ્યાય 7.175

॥ ઈશ્વર ઉવાચ ॥ ॥
તતો ગચ્છેન્મહાદેવિ પુણ્યમર્કસ્થલં શુભમ્ ॥
તસ્માદાગ્નેયકોણસ્થં સર્વપાતકનાશનમ્

તં દૃષ્ટ્વા માનુષો દેવિ ન શોચ્યઃ સંપ્રજાયતે ॥
સપ્ત જન્માનિ દેવેશિ દારિદ્ર્યં નૈવ જાયતે

કુષ્ઠાનિ નાશમાયાંતિ તં દૃષ્ટ્વા દશધા પ્રિયે ॥
ગોશતસ્ય પ્રદત્તસ્ય કુરુક્ષેત્રેષુ યત્ફલમ્

તત્ફલં સમવાપ્નોતિ દૃષ્ટ્વા વાર્કસ્થલં રવિમ્ ॥
સ્નાત્વા ત્રિસંગમે તીર્થે સપ્તૈવ રવિવાસરાન્

બ્રાહ્મણાન્ભોજયિત્વા તુ મહિષીં તત્ર દાપયેત્ ॥
દિવ્યં વર્ષસહસ્રં તુ સ્વર્ગલોકે મહીયતે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યેઽર્કસ્થલમાહાત્મ્યવર્ણનંનામ પઞ્ચસપ્તત્યુત્તરશતતમોઽધ્યાયઃ