Skanda Purana · Chapter 7.171

// īśvara uvāca // //
tato gacchenmahādevi devīmekallavīrikām //
ekallavīrāyāmye tu nātidūre vyavasthitām

pūrvaṃ daśaratho yo'sau sūryavaṃśavibhūṣaṇaḥ //
prabhāsaṃ kṣetramāsādya tapaścakre suduścaram

liṃgaṃ tatra pratiṣṭhāpya toṣayāmāsa śāṃkaram //
sa devaṃ prārthayāmāsa putraṃ caivāmitaujasam //

dadau tasya tadā putraṃ devaṃ trailokyapūjitam //
rāmeti nāma yasyāsīttrailokye prathitaṃ yaśaḥ

yasyādyāpīha gāyanti bhūrbhuvaḥsvarni vāsinaḥ //
devadaityāsurāḥ sarve vālmīkyādyā maharṣayaḥ

talliṃgasya prabhāvena prāptaṃ rājñā mahadyaśaḥ //
kārtikyāṃ kārtike māsi vidhinā yastamarcayet //
dīpapūjopahāreṇa yaśasvī so'pi jāyate

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye daśaratheśvaramāhātmyavarṇanaṃnāmaikasaptatyuttaraśatatamo'dhyāyaḥ