સ્કંદ પુરાણ · અધ્યાય 7.171

॥ ઈશ્વર ઉવાચ ॥ ॥
તતો ગચ્છેન્મહાદેવિ દેવીમેકલ્લવીરિકામ્ ॥
એકલ્લવીરાયામ્યે તુ નાતિદૂરે વ્યવસ્થિતામ્

પૂર્વં દશરથો યોઽસૌ સૂર્યવંશવિભૂષણઃ ॥
પ્રભાસં ક્ષેત્રમાસાદ્ય તપશ્ચક્રે સુદુશ્ચરમ્

લિંગં તત્ર પ્રતિષ્ઠાપ્ય તોષયામાસ શાંકરમ્ ॥
સ દેવં પ્રાર્થયામાસ પુત્રં ચૈવામિતૌજસમ્ ॥

દદૌ તસ્ય તદા પુત્રં દેવં ત્રૈલોક્યપૂજિતમ્ ॥
રામેતિ નામ યસ્યાસીત્ત્રૈલોક્યે પ્રથિતં યશઃ

યસ્યાદ્યાપીહ ગાયન્તિ ભૂર્ભુવઃસ્વર્નિ વાસિનઃ ॥
દેવદૈત્યાસુરાઃ સર્વે વાલ્મીક્યાદ્યા મહર્ષયઃ

તલ્લિંગસ્ય પ્રભાવેન પ્રાપ્તં રાજ્ઞા મહદ્યશઃ ॥
કાર્તિક્યાં કાર્તિકે માસિ વિધિના યસ્તમર્ચયેત્ ॥
દીપપૂજોપહારેણ યશસ્વી સોઽપિ જાયતે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે દશરથેશ્વરમાહાત્મ્યવર્ણનંનામૈકસપ્તત્યુત્તરશતતમોઽધ્યાયઃ