Scripture Library
Skanda Purana · Chapter 7.164
7.164.1
// īśvara uvāca // //
tato gacchenmahādevi tasmātpūrveṇa saṃsthitam //
mahāpāpaughaśamanaṃ pūjitaṃ sarvakāmadam
7.164.2
aśvineśvaranāmānaṃ dhanuṣāṃ paṃcake sthitam //
sarvarogapraśamanaṃ dṛṣṭaṃ sarvārthasādhakam
7.164.3
ye kecidrogiṇo loke teṣāṃ tadbheṣajaṃ mahat //
māghamāse dvitīyāyāṃ darśanaṃ tasya durlabham
7.164.4
tasmātpaśyecca tadbhaktyā yadi śreyo'bhikāṃkṣitam //
mahāpāpaughaśamanaṃ pūjitaṃ sarvakāmadam
7.164.5
iti liṅgadvayaṃ devi sūryaputrapratiṣṭhitam //
tasminneva dine paśyetsaṃyatātmā narottamaḥ
7.164.164
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'śvineśvaramāhātmyavarṇanaṃnāma catuḥṣaṣṭyuttaraśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0