स्कन्द पुराण · अध्याय 7.164

॥ ईश्वर उवाच ॥ ॥
ततो गच्छेन्महादेवि तस्मात्पूर्वेण संस्थितम् ॥
महापापौघशमनं पूजितं सर्वकामदम्

अश्विनेश्वरनामानं धनुषां पंचके स्थितम् ॥
सर्वरोगप्रशमनं दृष्टं सर्वार्थसाधकम्

ये केचिद्रोगिणो लोके तेषां तद्भेषजं महत् ॥
माघमासे द्वितीयायां दर्शनं तस्य दुर्लभम्

तस्मात्पश्येच्च तद्भक्त्या यदि श्रेयोऽभिकांक्षितम् ॥
महापापौघशमनं पूजितं सर्वकामदम्

इति लिङ्गद्वयं देवि सूर्यपुत्रप्रतिष्ठितम् ॥
तस्मिन्नेव दिने पश्येत्संयतात्मा नरोत्तमः

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्रमाहात्म्येऽश्विनेश्वरमाहात्म्यवर्णनंनाम चतुःषष्ट्युत्तरशततमोऽध्यायः