Skanda Purana · Chapter 7.115

// īśvara uvāca // //
tato gacchenmahādevi puṣkareśvaramuttamam //
tasyaiva dakṣiṇe bhāge jānakīśvaramuttamam

liṃgaṃ mahāprabhāvaṃ tu brahmaputreṇa pūjitam //
sanatkumāramuninā śraddhayā hema puṣkaraiḥ

pūjitaṃ tadvidhānena tena tatpuṣkareśvaram //
khyātaṃ tatra varārohe sarvapātakanāśanam

yastaṃ pūjayate bhaktyā gaṃṣapuṣpādibhiḥ kramāt //
yātrā kṛtā bhavettena pauṣkarī nātra saṃśayaḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye vāmanasvāmimāhātmye puṣkareśvaramāhātmyavarṇanaṃnāma pañcadaśottaraśatatamo'dhyāyaḥ