Scripture Library

Skanda Purana · Chapter 5.89

5.89.89.1

śrīmārkaṇḍeya uvāca -
tato gacchettu rājendra pūtikeśvaramuttamam /
narmadādakṣiṇe kūle sarvapāpakṣayaṃkaram

5.89.89.2

sthāpitaṃ jāmbuvantena lokānāṃ tu hitārthinā /
rājā prasenajinnāma tasyāṃ vakṣasthalānmaṇau

5.89.89.3

samutkṣipte tu tenaiva sapūtirabhavadvraṇaḥ /
tatra tīrthe tapastaptvā nirvraṇaḥ samajāyata

5.89.89.4

tena tatsthāpitaṃ liṅgaṃ pūtikeśvaramuttamam /
yastatra manujo bhaktyā snāyādbharatasattama

5.89.89.5

sarvānkāmānavāpnoti sampūjya parameśvaram /
kṛṣṇāṣṭamyāṃ caturdaśyāṃ sarvakālaṃ narādhipa /
ye'rcayanti sadā devaṃ te na yānti yamālayam

// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe pūtikeśvaratīrthamāhātmyavarṇanaṃ nāmaikonanavatitamo'dhyāyaḥ //

Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0