સ્કંદ પુરાણ · અધ્યાય 5.89

શ્રીમાર્કણ્ડેય ઉવાચ -
તતો ગચ્છેત્તુ રાજેન્દ્ર પૂતિકેશ્વરમુત્તમમ્ ।
નર્મદાદક્ષિણે કૂલે સર્વપાપક્ષયંકરમ્

સ્થાપિતં જામ્બુવન્તેન લોકાનાં તુ હિતાર્થિના ।
રાજા પ્રસેનજિન્નામ તસ્યાં વક્ષસ્થલાન્મણૌ

સમુત્ક્ષિપ્તે તુ તેનૈવ સપૂતિરભવદ્વ્રણઃ ।
તત્ર તીર્થે તપસ્તપ્ત્વા નિર્વ્રણઃ સમજાયત

તેન તત્સ્થાપિતં લિઙ્ગં પૂતિકેશ્વરમુત્તમમ્ ।
યસ્તત્ર મનુજો ભક્ત્યા સ્નાયાદ્ભરતસત્તમ

સર્વાન્કામાનવાપ્નોતિ સમ્પૂજ્ય પરમેશ્વરમ્ ।
કૃષ્ણાષ્ટમ્યાં ચતુર્દશ્યાં સર્વકાલં નરાધિપ ।
યેઽર્ચયન્તિ સદા દેવં તે ન યાન્તિ યમાલયમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે પૂતિકેશ્વરતીર્થમાહાત્મ્યવર્ણનં નામૈકોનનવતિતમોઽધ્યાયઃ ॥