Scripture Library
Skanda Purana · Chapter 5.87
5.87.87.1
śrīmārkaṇḍeya uvāca -
tato gacchenmahīpāla tīrthaṃ paramaśobhanam /
sthāpitaṃ munisaṅghairyadbrahmavaṃśasamudbhavaiḥ
5.87.87.2
ṛṇamocanamityākhyaṃ revātaṭasamāśritam /
ṣaṇmāsaṃ manujo bhaktyā tarpayan pitṛdevatāḥ
5.87.87.3
devaiḥ pitṛmanuṣyaiśca ṛṇamātmakṛtaṃ ca yat /
mucyate tatkṣaṇānmartyaḥ snāto vai narmadājale
5.87.87.4
pratyakṣaṃ duritaṃ tatra dṛśyate phalarūpataḥ /
tatra tīrthe tu yo rājannekacitto jitendriyaḥ
5.87.87.5
snātvā dānaṃ ca vai dadyādarcayedgirijāpatim /
ṛṇatrayavinirmukto nāke dīpyati devavat
// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ṛṇatrayamocanatīrthamāhātmyavarṇanaṃ nāma saptāśītitamo'dhyāyaḥ //
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0