સ્કંદ પુરાણ · અધ્યાય 5.87

શ્રીમાર્કણ્ડેય ઉવાચ -
તતો ગચ્છેન્મહીપાલ તીર્થં પરમશોભનમ્ ।
સ્થાપિતં મુનિસઙ્ઘૈર્યદ્બ્રહ્મવંશસમુદ્ભવૈઃ

ઋણમોચનમિત્યાખ્યં રેવાતટસમાશ્રિતમ્ ।
ષણ્માસં મનુજો ભક્ત્યા તર્પયન્ પિતૃદેવતાઃ

દેવૈઃ પિતૃમનુષ્યૈશ્ચ ઋણમાત્મકૃતં ચ યત્ ।
મુચ્યતે તત્ક્ષણાન્મર્ત્યઃ સ્નાતો વૈ નર્મદાજલે

પ્રત્યક્ષં દુરિતં તત્ર દૃશ્યતે ફલરૂપતઃ ।
તત્ર તીર્થે તુ યો રાજન્નેકચિત્તો જિતેન્દ્રિયઃ

સ્નાત્વા દાનં ચ વૈ દદ્યાદર્ચયેદ્ગિરિજાપતિમ્ ।
ઋણત્રયવિનિર્મુક્તો નાકે દીપ્યતિ દેવવત્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ઋણત્રયમોચનતીર્થમાહાત્મ્યવર્ણનં નામ સપ્તાશીતિતમોઽધ્યાયઃ ॥