Skanda Purana · Chapter 5.7

// vyāsa uvāca // //
bhagavankena vidhinā mahākālavane naraiḥ //
rudralokamabhīpsadbhirvastavyaṃ kṣetravāsibhiḥ

kiṃ manuṣyairuta strībhiḥ siddhyarthaṃ hyāśramānvitaiḥ//
vasadbhiḥ kimanuṣṭheyametatsarvaṃ bravīhi naḥ

naraiḥ strībhiśca vastavyaṃ varṇaiścāśramavāsibhiḥ //
svadharmācāraniratairdaṃbhamohavivarjitaiḥ

karmaṇā manasā vācā rudrabhaktairyatendriyaiḥ //
anuśrutibhirakṣudraiḥ sarvabhūta hite rataiḥ //
kiṃ kurvāṇairnaraiḥ karma rudrabhaktiṃ bravīhi naḥ

// sanatkumāra uvāca // //
trividhā kathitā hyatra manovākkāyasaṃbhavā //
laukikī vaidikī cānyā bhavedādhyātmikī tathā

dhyānadhāraṇayā buddhyā rudrāṇāṃ smaraṇaṃ hi tat //
rudrabhaktikarī caiṣā mānasī bhaktiru cyate

vratopavāsaniyamairyatedriyanirodhibhiḥ //
kāyikā bhaktī rudrasya jñānadhyānasya dharmiṇām

goghṛtakṣīradadhibhirgaṃdharaktakuśo dakaiḥ //
gandhamālyaiśca vividhairdhātubhiścopapāditā

ghṛtagugguladhūpaiśca kṛṣṇāgarusugaṃdhibhiḥ //
bhūṣaṇairhemaratnānāṃ citrābhiḥ sragbhireva ca

vāsapravisarāstotraiḥ patākāvyajanocchritaiḥ //
nṛtyavāditragītaiśca sarvapratyupahārakaiḥ

bhakṣyabhojyānupānaiśca yāvatpūjākṣatairnaraiḥ //
maheśvaraṃ puraskṛtya bhaktiḥ sā laukikī matā

vedamantrahaviryāgairyā kriyā vaidikī matā

darśe ca pūrṇamāsyāṃ vā kartavyaṃ cāgnihotrakam ///
prāśanaṃ dakṣiṇādānaṃ puroḍāśaśca satkriyā

iṣṭavṛttiḥ somapānaṃ yājñikaṃ sarvakarma ca//
ṛgyajuḥsāmajāpyāni saṃhitādhyayanāni ca

/
kriyate rudramuddiśya sā bhaktirvaidikī smṛtā //
agnibhūmyanilākāśaniśākaradivākarān

samuddiśya kṛtaṃ karma tatsarvaṃ daivikaṃ bhavet ///
ādhyātmikī tu dvividhā rudrabhaktiḥ sthitā mune

sāṃkhyākhyā yaugikī cānyā vibhāgaṃ tatra me śṛṇu //
caturviṃśatitattvāni pradhānādīni saṃkhyayā

acetanāni yojyāni puruṣaḥ pañcaviṃśakaḥ //
cetanaḥ puruṣo bhoktā na kāryaṃ tasya karmaṇaḥ

rudraḥ ṣaḍviṃśakaḥ kartā sarvajñaścetanaḥ prabhuḥ //
ajanmā nityamavyaktamadhiṣṭhātā prayojakaḥ

puruṣo nityavyaktaḥ syātkāraṇaṃ ca maheśvaraḥ //
tattvasargaṃ bhavetsargaṃ bhūtasargaṃ ca tattvataḥ

saṃkhyayā parisargāya pradhānaṃ ca guṇātmakam //
sādharmyamātmanaiśvaryaṃ pradhānaṃ vai vidharmi ca

kāraṇaṃ tacca rudrasya kāmya tvamidamucyate //
sarvatra kartṛtā rudre puruṣe cāpyakartṛtā

acaitanyaṃ pradhāne ca tacca tattvamidaṃ smṛtam //
tattvāṃtareṇa mucyaṃte kāryaṃ kāraṇameva ca

prayojane ca vaijātyaṃ jñātvā tattvamasaṃkhyayā //
saṃkhyāstītyucyate prājñai rudratattvārthaciṃtakaiḥ

iti tasya tattvabhāvaṃ tattvasaṃkhyā ca tattvataḥ //
rudratattvādhikaṃ cāpi jñānatattvaṃ vidurbudhāḥ

sāṃkhye kṛtā bhaktireṣā sadbhirādhyātmikī matā //
yogināmapi me bhaktyā śṛṇu bhaktiṃ mahāsura

prāṇāyāmaparo nityaṃ dhyāyate niyateṃdriyaḥ //
dhāraṇāṃ hṛdaye dhṛtvā dhyāyate yo maheśvaram

hṛtkañjakarṇikāsīnaṃ pañcavaktraṃ trilocanam //
śaśāṃkajyotijaṭharaṃ vyālavṛttakaṭītaṭam

śvetaṃ daśabhujaṃ bhadraṃ varadābhayahastakam //
yogajā mānasī vyāsa rudrabhaktiḥ parā smṛtā

ya eva bhaktimānrudre rudrabhaktaḥ sa ucyate //
vidhiṃ tu śṛṇu me vyāsa yaḥ smṛtaḥ kṣetravāsinām

svayaṃ rudreṇa vihito brahmādīnāṃ samāgame //
kathito vistarātpūrvaṃ sarveṣāṃ tatra sannidhau

nirmamā nirahaṃkārā niḥsaṃgā niṣparigrahāḥ //
baṃdhuvargeṇa niḥ snehāḥ samaloṣṭāśmakāṃcanāḥ

bhūtānāṃ karmabhirnityaṃ trividhairabhayapradāḥ //
sāṃkhyayogavidhijñāśca dharmajñāśchinnasaṃśayāḥ

yajaṃto vivi dhairyajñairye viprāḥ kṣetravāsinaḥ //
mahākālavane teṣāṃ mṛtānāṃ yatphalaṃ śṛṇu

vrajaṃtyeva suduṣprāpyaṃ brahmasāyujyamakṣayam //
saṃprāpya na puna rjanma labhaṃte mokṣamavyayam

punarāvartanaṃ hitvā vidhiṃ māheśvaraṃ sthitāḥ //
punarāvṛttiranyeṣāṃ prapaṃcāśramavāsinām

gārhasthyaṃ vidhimāsādya ṣaṭkarmaniratāḥ sadā //
juhvate vidhinā samyaṅmaṃtrastotrairniyaṃtritāḥ

adhikaṃ phalamāyāṃti sarvaduḥkhavivarjitāḥ //
sarva lokeṣu cānyatra gatistasya na hanyate

divyenaiśvaryayogena svārūḍhaḥ svaparigrahaḥ //
bahusūryaprakāśena vimānena suvarcasā

vṛtaḥ strīṇāṃ sahasraiśca svacchaṃdagamanālayaḥ //
vicaratyavicāryaiva sarvalokāndivaukasām

spṛhaṇīyatamaḥ puṃsāṃ sarvavarṇottamo dhanī //
svargāccyutaḥ prajāyeta kule mahati rūpavān

dharmajño rudrabhaktaśca sarvavidyārthapāragaḥ //
tathaiva brahmacaryeṇa guruśuśrūṣaṇena ca

vedādhyayanasaṃyukto ca bhaikṣavṛttirjiteṃdriyaḥ //
nityaṃ satyavrate yuktaḥ svadharme ca pramodavān

mṛtaḥ kāle samṛddhena sarvabhogāvalaṃbinā //
sūryeṇeva dvitīyena vimānena vicāritaḥ

guhyakonāma rudrasya gaṇaḥ paramasaṃmataḥ //
aprameyabalaiśvaryo devadānavapūjitaḥ

teṣāṃ ca samatāṃ yāti tulyaiśvaryasama nvitaḥ //
devadānavamartyeṣu sa ca pūjyatamo bhaveta/

varṣakoṭisahasrāṇi varṣakoṭiśatāni ca //
aivamaiśvaryasaṃyukto rudraloke mahīyate

vasitvāsau vibhūtyā vai yadā ca cyavate naraḥ //
rudralokāccyuto bhūmau vasate nātra saṃśayaḥ

mahākālavane kṣetre brahmacaryāśrame sthitaḥ ///
maheśvaraparo nityaṃ vasedvā'tha mriyeta vā

mṛto'sau yāti divye vai vimāne sūryavarcasi //
pūrṇacaṃdraprakāśo vai śaśivatpriyadarśanaḥ

rudralokaṃ samāsādya guhyakaiḥ saha modate //
aiśvaryaṃ ca mahadbhuṃkte sarvasya jagataḥ prabhuḥ

bhuktvā yugasahasrāṇi rudraloke mahīyate //
pracyutastu punastasmādrudralokātkrameṇa tu

nityaṃ pramuditastatra bhuktvā lokamanāmayam //
dvijānāṃ sādhane nityaṃ kule mahati jāyate

/
mānaveṣu ca dharmeṣu vasedbhūyāṃśca rūpavān //
spṛhaṇīyavapuḥ strīṇāṃ mahābhogapatirbhavet

vānaprasthasamācāro vanauṣadhivivarjitaḥ //
śīrṇaparṇa samāhāraḥ phalapuṣpāṃbubhojanaḥ

kaṇāśano'śmakuṭṭo vā daṃtolūkhalako'tha vā //
yena kenāpyupāyena jīrṇavalkaladhārakaḥ

jaṭī triṣavaṇasnāyī muktakeśaḥ sudaṃḍavān //
jalaśāyī paṃcatapā varṣāsvabhrāvakāśakaḥ

kīṭakaṃṭakapāṣāṇabhūmyāṃ tu śayanaṃ tathā //
sthānaṃ vīrāsanarataḥ saṃvibhāgī dṛḍhabataḥ

araṇyauṣadhibhoktā ca sarvabhūtābhayapradaḥ //
nityaṃ dharmaparo maunī jitakrodho jiteṃdriyaḥ

rudrabhaktaḥ kṣetravāsī mahākālavane muniḥ //
sarvasaṃgaparityāgī svārāmo vigataspṛhaḥ

yaścātra vasate vyāsa śṛṇu tasya hi yā gatiḥ //
taruṇārkapradīptena vedikāstaṃbhaśobhinā

rudrabhakto vimānena yāti kāmapracāriṇā //
virājamāno nabhasi dvitīya iva caṃdramāḥ

gītavāditraśabdena saṃvṛto'psarasāṃ gaṇai //
varṣakoṭiśataṃ sāgraṃ rudraloke mahīyate

rudralokāccyutaścāpi viṣṇuloke mahīyate //
viṣṇulokātparibhraṣṭo brahmalokaṃ sa gacchati

tasmādapi cyutaḥ sthānāddvīpeṣu sa hi jāyate //
svargaṣu ca tathānyeṣu bhogānbhuṃkte yathecchayā

bhuktaiśvaryo narasteṣu martyāmartyeṣu jāyate //
rājā vā rājatulyo vā jāyate dhanavānsukhī //
surūpaḥ subhagaḥ kāṃtaḥ kīrtimānrudrabhāvitaḥ

brāhmaṇāḥ kṣatriyā vaiśyāḥ śūdrā vā kṣetravāsinaḥ //
svadharmaniratā vyāsa svabhṛtyā cārajīvinaḥ

sarvātmanā rudrabhaktā bhūtānugrahakāriṇaḥ //
mahākālavane kṣetre ye vasaṃti mumukṣavaḥ

mṛtāste rudrabhavane vimānairyāṃti śobhanaiḥ //
apsarogaṇasaṃyuktaiḥ kāmagaiḥ kāmarūpibhiḥ

athavā saṃvidagnau ca śarīraṃ vijuhoti yaḥ //
rudradhyāyī mahāsattvaḥ sa rudra bhavane vaset

rudraloko'kṣayasteṣāṃ śāśvato guhyakaiḥ saha //
sarvalokottamo ramyo bhavatīṣṭārthasādhakaḥ

ye tyajaṃti mahākāle prāṇāna naśanairnarāḥ //
teṣāmapyakṣayo vyāsa rudraloko mahātmanām

sāṃkhyāḥ stuvaṃti te rudraṃ sarvaduḥkhavivarjitāḥ //
sarvāmarayutaṃ devaṃ naṃdidevagaṇai ryutam//
anāśakamṛtāḥ śūdrā mahākālavane narāḥ

siṃhayuktaistu te yāṃti vimānairarkasannibhaiḥ

nānāvarṇasuvarṇāḍhyairhṛṣṭagaṃdhādhivā sitaiḥ /
anaupamyaguṇai ramyairapsarogītavādibhiḥ

patākādhvajavinyastairnānāghaṃṭānināditaiḥ//
suprabhairguṇasaṃpannairmayūravaracāribhiḥ

rudraloke narā dhīrāḥ sarve cānaśanairmṛtāḥ //
tatroṣitvā ciraṃ kālaṃ bhogānbhuktvā yathepsitān //
dhanī viprakule bhogī jāyate martyamāgataḥ

karīṣaṃ sādhayedyastu mahākālavane naraḥ //
sarvabhogavinirmukto rudralokaṃ sa gacchati

rudraloke vasettāvadyāvatkalpakṣayo bhavet

tatra bhuktvā mahābhogāniha jāto mahīpatiḥ //
pṛthivyāḥ sakalāyāśca rūpavānsubhago bhavet

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye mahākālavanavāsavidhivarṇanaṃnāma saptamo'dhyāyaḥ