Skanda Purana · Chapter 5.205

śrīmārkaṇḍeya uvāca -
gacchettataḥ kṣoṇinātha tīrthaṃ paramaśobhanam /
kurkurīnāma vikhyātaṃ sarvapāpapraṇāśanam

yaṃ yaṃ prārthayate kāmaṃ paśuputradhanādikam /
taṃ taṃ dadāti deveśī kurkurī tīrthadevatā

kṣetrapālo vasettatra ḍhauṇḍheśo nāma nāmataḥ /
tasya cārādhanaṃ kṛtvā nārī vā puruṣo'pi vā

vandanādapi rājendra daurbhāgyaṃ nāśamāpnuyāt /
aputro labhate putramadhano dhanamuttamam

nārī narastathāpyevaṃ labhate kāmamuttamam /
sparśanāddarśanāttasya tīrthasya vidhipūrvakam

// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kurkurītīrthamāhātmyavarṇanaṃ nāma pañcādhikadviśatatamo'dhyāyaḥ//