સ્કંદ પુરાણ · અધ્યાય 5.205

શ્રીમાર્કણ્ડેય ઉવાચ -
ગચ્છેત્તતઃ ક્ષોણિનાથ તીર્થં પરમશોભનમ્ ।
કુર્કુરીનામ વિખ્યાતં સર્વપાપપ્રણાશનમ્

યં યં પ્રાર્થયતે કામં પશુપુત્રધનાદિકમ્ ।
તં તં દદાતિ દેવેશી કુર્કુરી તીર્થદેવતા

ક્ષેત્રપાલો વસેત્તત્ર ઢૌણ્ઢેશો નામ નામતઃ ।
તસ્ય ચારાધનં કૃત્વા નારી વા પુરુષોઽપિ વા

વન્દનાદપિ રાજેન્દ્ર દૌર્ભાગ્યં નાશમાપ્નુયાત્ ।
અપુત્રો લભતે પુત્રમધનો ધનમુત્તમમ્

નારી નરસ્તથાપ્યેવં લભતે કામમુત્તમમ્ ।
સ્પર્શનાદ્દર્શનાત્તસ્ય તીર્થસ્ય વિધિપૂર્વકમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કુર્કુરીતીર્થમાહાત્મ્યવર્ણનં નામ પઞ્ચાધિકદ્વિશતતમોઽધ્યાયઃ॥