Skanda Purana · Chapter 5.17

// sanatkumāra uvāca // //
daśāśvamedhike snātvā dṛṣṭvā devaṃ maheśvaram //
daśānāmaśvamedhānāṃ phalaṃ prāpnoti māna vaḥ

manunā mānavendreṇa rājñā caiva yayātinā //
raghuṇośanasā caiva lomaśena maharṣiṇā

atriṇā bhṛguṇā vyāsa dattātreyeṇa dhīmatā //
purūravasā puṇyena nahuṣeṇa nalena ca

atra snānena saṃprāptaṃ daśāśvamedhikaṃ phalam //
saṃprāpte dvāparasyāṃte rājñā bāṣkalinā tathā

daśānāmaśvamedhānāṃ phala prāptaṃ dvijottama //
kṛṣṇavarṇaṃ tathā liṃgaṃ pūjitaṃ bhaktitaḥ sadā

dṛṣṭvā spṛṣṭvā ca taṃ devaṃ prāguktaṃ labhate phalam //
caitre māsi sitāṣṭamyāṃ devaṃ saṃpūjya bhaktitaḥ

aśvaṃ dadyācca viprāya surūpaṃ ca guṇānvitam //
yāvaṃti tasya romāṇi gaṇyaṃte saṃkhyayā dvija

tāvadvarṣasahasrāṇi śivaloke mahīyate //
śivalokātparibhraṣṭaḥ sārvabhaumo bhavedbhuvi

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye daśāśvamedhamāhātmyavarṇanaṃnāma saptadaśo'dhyāyaḥ