સ્કંદ પુરાણ · અધ્યાય 5.17

॥ સનત્કુમાર ઉવાચ ॥ ॥
દશાશ્વમેધિકે સ્નાત્વા દૃષ્ટ્વા દેવં મહેશ્વરમ્ ॥
દશાનામશ્વમેધાનાં ફલં પ્રાપ્નોતિ માન વઃ

મનુના માનવેન્દ્રેણ રાજ્ઞા ચૈવ યયાતિના ॥
રઘુણોશનસા ચૈવ લોમશેન મહર્ષિણા

અત્રિણા ભૃગુણા વ્યાસ દત્તાત્રેયેણ ધીમતા ॥
પુરૂરવસા પુણ્યેન નહુષેણ નલેન ચ

અત્ર સ્નાનેન સંપ્રાપ્તં દશાશ્વમેધિકં ફલમ્ ॥
સંપ્રાપ્તે દ્વાપરસ્યાંતે રાજ્ઞા બાષ્કલિના તથા

દશાનામશ્વમેધાનાં ફલ પ્રાપ્તં દ્વિજોત્તમ ॥
કૃષ્ણવર્ણં તથા લિંગં પૂજિતં ભક્તિતઃ સદા

દૃષ્ટ્વા સ્પૃષ્ટ્વા ચ તં દેવં પ્રાગુક્તં લભતે ફલમ્ ॥
ચૈત્રે માસિ સિતાષ્ટમ્યાં દેવં સંપૂજ્ય ભક્તિતઃ

અશ્વં દદ્યાચ્ચ વિપ્રાય સુરૂપં ચ ગુણાન્વિતમ્ ॥
યાવંતિ તસ્ય રોમાણિ ગણ્યંતે સંખ્યયા દ્વિજ

તાવદ્વર્ષસહસ્રાણિ શિવલોકે મહીયતે ॥
શિવલોકાત્પરિભ્રષ્ટઃ સાર્વભૌમો ભવેદ્ભુવિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડેઽવન્તીક્ષેત્રમાહાત્મ્યે દશાશ્વમેધમાહાત્મ્યવર્ણનંનામ સપ્તદશોઽધ્યાયઃ