Skanda Purana · Chapter 5.12

sanatkumāra uvāca//
uttare tu pravakṣyāmi markaṭeśvaramuttamam//
tatra tīrthaṃ ca vikhyātaṃ sarvakāmapradāyakam

tasmiṃstīrthe naraḥ snātvā gośatasya phalaṃ labhet//
visphoṭānāṃ praśāṃtyarthaṃ bālānāṃ caiva kāraṇe

māpena māpitānkṛtvā masūrāṃstatra kuṭṭayet //
śītalāyāḥ prabhāvena bālāḥ saṃtu nirāmayāḥ

ye paśyaṃti narā bhaktyā śītalāṃ duritāpahām //
na teṣāṃ duṣkṛtaṃ kiṃcinna dāridryaṃ dvijottama

na ca rogabhayaṃ teṣāṃ grahapīḍā tathaiva ca

iti śrīskāṃde mahāpurāṇa ekāśītisāhasryāṃ saṃhitāyāṃ āvaṃtyakhaṇḍe'vantīkṣetramāhātmye śītalā māhātmyavarṇanaṃnāma dvādaśo'dhyāyaḥ