Shukla Yajurveda · Chapter p3

pratijñāsūtram
śrīvedapuruṣāya namaḥ/ atha pratijñā mantrabrāhmaṇayorvedanāmadheyaṃ tasmiñchukle yājuṣāmnāye mādhyandinīyake mantre svaraprakriyā hṛdyanudātto mūrdhnyudāttaḥ śrutimūle svaritaḥ evaṃ jātyādayo'bhihitā brāhmaṇe tūdāttānudāttau bhāṣikasvārau tānasvarāṇi chandovatsūtrāṇi

athāntasthānāmādyasya padādisthasthānyahalasaṃyuktasya saṃyuktasyāpi rephoṣmāntyābhyāmṛkāreṇa cāviśeṣeṇādimadhyāvasāneṣūccāraṇe jakārocāraṇaṃ dvirbhāve'pyevamathāparāntasthasyāyuktānyahalasaṃyuktasyoṣmasṛkārairekārasahitoccāraṇamevaṃ tṛtīyāntasthasya kvacidṛkārasya tu saṃyuktāsaṃyuktasyāviśeṣeṇa sarvatraivamathāntyasyāntasthānāṃ padādimadhyāntasthasya trividhaṃ gurumadhyamalaghuvṛttibhiruccāraṇamatho mūrdhanyoṣmaṇo'saṃyuktasya ṭumṛte saṃyuktasya ca khakāroccāraṇamadhyayanādikarmasvarthavelāyāṃ prakṛtyā

athānusvārasyaᳪ ityādeśaḥ śaṣasaharepheṣu tasya traividhyamākhyātam / hasvadīrghagurubhedairdīrghātparo hrasvo hasvātparo dīrgho gurau pare guruḥ parasavarṇeṣatprakṛtyā cānyatra visargeṣvīṣadvirāmaḥ padādyasya saṃyuktākārasyeṣaddīrghatā ca bhavatīṣaddīrghatā ca bhavatīti

iti kātyāyanapariśiṣṭapratijñāsūtraṃ samāptam //