શુક્લયજુર્વેદઃ · અધ્યાય p3

પ્રતિજ્ઞાસૂત્રમ્
શ્રીવેદપુરુષાય નમઃ। અથ પ્રતિજ્ઞા મન્ત્રબ્રાહ્મણયોર્વેદનામધેયં તસ્મિઞ્છુક્લે યાજુષામ્નાયે માધ્યન્દિનીયકે મન્ત્રે સ્વરપ્રક્રિયા હૃદ્યનુદાત્તો મૂર્ધ્ન્યુદાત્તઃ શ્રુતિમૂલે સ્વરિતઃ એવં જાત્યાદયોઽભિહિતા બ્રાહ્મણે તૂદાત્તાનુદાત્તૌ ભાષિકસ્વારૌ તાનસ્વરાણિ છન્દોવત્સૂત્રાણિ

અથાન્તસ્થાનામાદ્યસ્ય પદાદિસ્થસ્થાન્યહલસંયુક્તસ્ય સંયુક્તસ્યાપિ રેફોષ્માન્ત્યાભ્યામૃકારેણ ચાવિશેષેણાદિમધ્યાવસાનેષૂચ્ચારણે જકારોચારણં દ્વિર્ભાવેઽપ્યેવમથાપરાન્તસ્થસ્યાયુક્તાન્યહલસંયુક્તસ્યોષ્મસૃકારૈરેકારસહિતોચ્ચારણમેવં તૃતીયાન્તસ્થસ્ય ક્વચિદૃકારસ્ય તુ સંયુક્તાસંયુક્તસ્યાવિશેષેણ સર્વત્રૈવમથાન્ત્યસ્યાન્તસ્થાનાં પદાદિમધ્યાન્તસ્થસ્ય ત્રિવિધં ગુરુમધ્યમલઘુવૃત્તિભિરુચ્ચારણમથો મૂર્ધન્યોષ્મણોઽસંયુક્તસ્ય ટુમૃતે સંયુક્તસ્ય ચ ખકારોચ્ચારણમધ્યયનાદિકર્મસ્વર્થવેલાયાં પ્રકૃત્યા

અથાનુસ્વારસ્યᳪ ઇત્યાદેશઃ શષસહરેફેષુ તસ્ય ત્રૈવિધ્યમાખ્યાતમ્ । હસ્વદીર્ઘગુરુભેદૈર્દીર્ઘાત્પરો હ્રસ્વો હસ્વાત્પરો દીર્ઘો ગુરૌ પરે ગુરુઃ પરસવર્ણેષત્પ્રકૃત્યા ચાન્યત્ર વિસર્ગેષ્વીષદ્વિરામઃ પદાદ્યસ્ય સંયુક્તાકારસ્યેષદ્દીર્ઘતા ચ ભવતીષદ્દીર્ઘતા ચ ભવતીતિ

ઇતિ કાત્યાયનપરિશિષ્ટપ્રતિજ્ઞાસૂત્રં સમાપ્તમ્ ॥