Shukla Yajurveda · Chapter 39

pravargye gharmabhede prāyaścittam

svāhā prāṇebhyaḥ sādhipatikebhyaḥ /
pṛthivyai svāhā /
agnaye svāhā /
antarikṣe svāhā /
vāyave svāhā /
dive svāhā /
sūryāya svāhā

digbhyaḥ svāhā /
candrāya svāhā /
nakṣatrebhyaḥ svāhā /
adbhyaḥ svāhā /
varuṇāya svāhā /
nābhyai svāhā /
pūtāya svāhā

vāce svāhā /
prāṇāya svāhā /
prāṇāya svāhā /
cakṣuṣe svāhā /
cakṣuṣe svāhā /
śrotrāya svāhā /
śrotrāya svāhā

manasaḥ kāmam ākūtiṃ vācaḥ satyam aśīya /
paśūnāꣳ rūpam annasya raso yaśaḥ śrīḥ śrayatāṃ mayi svāhā

prajāpatiḥ saṃbhriyamāṇaḥ samrāṭ saṃbhṛto vaiśvadevaḥ saꣳsanno gharmaḥ pravṛktas teja ' udyata ' āśvinaḥ payasyā nīyamāne pauṣṇo viṣyandamāne mārutaḥ klathan /
maitraḥ śarasi saṃtāyyamāne vāyavyo hriyamāṇa ' āgneyo hūyamāno vāgghutaḥ

savitā prathame 'hann agnir dvitīye vāyus tṛtīya ' ādityaś caturthe candramāḥ pañcama ' ṛtuḥ ṣaṣṭhe marutaḥ saptame bṛhaspatir aṣṭame /
mitro navame varuṇo daśama ' indra ' ekādaśe viśve devā dvādaśe

ugraś ca bhīmaś ca dhvāntaś ca dhuniś ca /
sāsahvāꣳś cābhiyugvā ca vikṣipaḥ svāhā //
39.

agniꣳ hṛdayenāśaniꣳ hṛdayāgreṇa paśupatiṃ kṛtsnahṛdayena bhavaṃ yaknā /
śarvaṃ matasnābhyām īśānaṃ manyunā mahādevam antaḥparśavyenograṃ devaṃ vaniṣṭhunā vasiṣṭhahanuḥ śiṅgīni kośyābhyām

ugraṃ lohitena mitraꣳ sauvratyena rudraṃ daurvratyenendraṃ prakrīḍena maruto balena sādhyān pramudā /
bhavasya kaṇṭhyaꣳ rudrasyāntaḥpārśvyaṃ mahādevasya yakṛc charvasya vaniṣṭhuḥ paśupateḥ purītat

lomabhyaḥ svāhā lomabhyaḥ svāhā tvace svāhā tvace svāhā lohitāya svāhā lohitāya svāhā medobhyaḥ svāhā medobhyaḥ svāhā /
māꣳsebhyaḥ svāhā māꣳsebhyaḥ svāhā snāvabhyaḥ svāhā snāvabhyaḥ svāhāsthabhyaḥ svāhāsthabhyaḥ svāhā majjabhyaḥ svāhā majjabhyaḥ svāhā /
retase svāhā pāyave svāhā

āyāsāya svāhā prāyāsāya svāhā saṃyāsāya svāhā viyāsāya svāhodyāsāya svāhā /
śuce svāhā śocate svāhā śocamānāya svāhā śokāya svāhā

tapase svāhā tapyate svāhā tapyamānāya svāhā taptāya svāhā gharmāya svāhā /
niṣkṛtyai svāhā prāyaścittyai svāhā bheṣajāya svāhā

yamāya svāhāntakāya svāhā mṛtyave svāhā brahmaṇe svāhā brahmahatyāyai svāhā viśvebhyo devebhyaḥ svāhā dyāvāpṛthivībhyāꣳ svāhā //