Scripture Library

Shiva Purana · Verses 7.20-2

7.20-2.7.1,20.1

vāyuruvāca
tato viṣṇupradhānānāṃ surāṇāmamitaujasām

7.20-2.7.1,20.1

dadarśa ca mahatsatraṃ citradhvajaparicchadam

7.20-2.7.1,20.2

sudarbhaṛtusaṃstīrṇaṃ susamiddhahutāśanam

7.20-2.7.1,20.2

kāṃcanairyajñabhāṃḍaiśca bhrājiṣṇubhiralaṃkṛtam

7.20-2.7.1,20.3

ṛṣibhiryajñapaṭubhiryathāvatkarmakartṛbhiḥ

7.20-2.7.1,20.3

vidhinā vedadṛṣṭena svanuṣṭhitabahukramam

7.20-2.7.1,20.4

devāṃganāsahasrāḍhyamapsarogaṇasevitam

7.20-2.7.1,20.4

veṇuvīṇāravairjuṣṭaṃ vedaghoṣaiśca bṛṃhitam

7.20-2.7.1,20.5

dṛṣṭvā dakṣādhvare vīro vīrabhadraḥ pratāpavān

7.20-2.7.1,20.5

siṃhanādaṃ tadā cakre gaṃbhīro jalado yathā

7.20-2.7.1,20.6

tataḥ kilakilāśabda ākāśaṃ pūrayanniva

7.20-2.7.1,20.6

gaṇeśvaraiḥ kṛto jajñe mahānnyakkṛtasāgaraḥ

7.20-2.7.1,20.7

tena śabdena mahatāḥ grastā sarvedivaukasaḥ

7.20-2.7.1,20.7

dudruvuḥ parito bhītāḥ srastavastravibhūṣaṇāḥ

7.20-2.7.1,20.8

kiṃsvidbhagno mahāmeruḥ kiṃsvitsaṃdīryate mahī

7.20-2.7.1,20.8

kimidaṃ kimidaṃ veti jajalpustridaśā bhṛśam

7.20-2.7.1,20.9

mṛgendrāṇāṃ yathā nādaṃ gajeṃdrā gahane vane

7.20-2.7.1,20.9

śrutvā tathāvidhaṃ kecittatyajurjīvitaṃ bhayāt

7.20-2.7.1,20.10

parvatāśca vyaśīryaṃta cakampe ca vasuṃdharā

7.20-2.7.1,20.10

marutaśca vyaghūrṇaṃta cukṣubhe makarālayaḥ

7.20-2.7.1,20.11

agnayo naiva dīpyaṃte na ca dīpyati bhāskaraḥ

7.20-2.7.1,20.11

grahāśca na prakāśaṃte nakṣatrāṇi ca tārakāḥ

7.20-2.7.1,20.12

etasminneva kāle tu yajñavāṭaṃ tadujjvalam

7.20-2.7.1,20.12

saṃprāpa bhagavānbhadro bhadraiśca saha bhadrayā

7.20-2.7.1,20.13

taṃ dṛṣṭvā bhītabhīto 'pi dakṣo dṛḍha iva sthitaḥ

7.20-2.7.1,20.13

kruddhavadvacanaṃ prāha ko bhavān kimihecchasi

7.20-2.7.1,20.14

tasya tadvacanaṃ śrutvā dakṣasya ca durātmanaḥ

7.20-2.7.1,20.14

vīrabhadro mahātejā meghasaṃbhīranissvanaḥ

7.20-2.7.1,20.15

smayanniva tamālokya dakṣaṃ devāśca ṛtvijaḥ

7.20-2.7.1,20.15

arthagarbhamasaṃbhrāntamavocaducitaṃ vacaḥ

7.20-2.7.1,20.16

vīrabhadra uvāca
vayaṃ hyanucarāḥ sarve śarvasyāmitatejasaḥ

7.20-2.7.1,20.16

bhāgābhilipsayā prāptā bhāgo nassaṃpradīyatām

7.20-2.7.1,20.17

atha cedadhvare 'smākaṃ na bhāgaḥ parikalpitaḥ

7.20-2.7.1,20.17

kathyatāṃ kāraṇaṃ tatra yudhyatāṃ vā mayāmaraiḥ

7.20-2.7.1,20.18

ityuktāste gaṇeṃdreṇa devā dakṣapurogamāḥ

7.20-2.7.1,20.18

ūcurmantrāḥ pramāṇaṃ no na vayaṃ prabhavastviti

7.20-2.7.1,20.19

mantrā ūcussurā yūyaṃ mohopahatacetasaḥ

7.20-2.7.1,20.19

yena prathamabhāgārhaṃ na yajadhvaṃ maheśvaram

7.20-2.7.1,20.20

maṃtroktā api te devāḥ sarve saṃmūḍhacetasaḥ

7.20-2.7.1,20.20

bhadrāya na dadurbhāgaṃ tatprahāṇamabhīpsavaḥ

7.20-2.7.1,20.21

yadā tathyaṃ ca pathyaṃ ca svavākyaṃ tadvṛthā 'bhavat

7.20-2.7.1,20.21

tadā tato yayurmaṃdā brahmalokaṃ sanātanam

7.20-2.7.1,20.22

athovāca gaṇādhyakṣo devānviṣṇupurogamān

7.20-2.7.1,20.22

mantrāḥ pramāṇaṃ na kṛtā yuṣmābhirbalagarvitaiḥ

7.20-2.7.1,20.23

yasmādasminmakhe devairitthaṃ vayamasatkṛtāḥ

7.20-2.7.1,20.23

tasmādvo jīvitaissārdhamapaneṣyāmi garvitam

7.20-2.7.1,20.24

ityuktvā bhagavān kruddho vyadahannetravahninā

7.20-2.7.1,20.24

yakṣavāṭaṃ mahākūṭaṃ yathātisraḥ puro haraḥ

7.20-2.7.1,20.25

tato gaṇeśvarāssarve parvatodagravigrahāḥ

7.20-2.7.1,20.25

yūpānutpāṭya hotḥṇāṃ kaṃṭheṣvābadhya rajjubhiḥ

7.20-2.7.1,20.26

yajñapātrāṇi citrāṇi bhittvā saṃcūrṇya vāriṇi

7.20-2.7.1,20.26

gṛhītvā caiva yajñāṃgaṃ gaṃgāsrotasi cikṣipuḥ

7.20-2.7.1,20.27

tatra divyānnapānānāṃ rāśayaḥ parvatopamāḥ

7.20-2.7.1,20.27

kṣīranadyo 'mṛtasrāvāḥ susnigdhadadhikardamāḥ

7.20-2.7.1,20.28

uccāvacāni māṃsāni bhakṣyāṇi surabhīṇi ca

7.20-2.7.1,20.28

rasavanti ca pānāni lehyacoṣyāṇi tāni vai

7.20-2.7.1,20.29

vīrāstadbhujate vaktrairviluṃpaṃti kṣipaṃti ca

7.20-2.7.1,20.29

vajraiścakrairmahāśūlaiśśaktibhiḥ pāśapaṭṭiśaiḥ

7.20-2.7.1,20.30

musalairasibhiṣṭaṃkairbhidhipālaiḥ paraśvadhaiḥ

7.20-2.7.1,20.30

uddhatāṃstridaśānsarvāṃllokapālapurassarān

7.20-2.7.1,20.31

bibhidurbalino vīrā vīrabhadrāṃgasaṃbhavāḥ

7.20-2.7.1,20.31

chiṃdhi bhiṃdhi kṣipa kṣipraṃ māryatāṃ dāryatāmiti

7.20-2.7.1,20.32

harasva praharasveti pāṭayotpāṭayeti ca

7.20-2.7.1,20.32

saṃraṃbhaprabhavāḥ krūrāśśabdāḥ śravaṇaśaṃkavaḥ

7.20-2.7.1,20.33

yatratatra gaṇeśānāṃ jajñire samarocitāḥ

7.20-2.7.1,20.33

vivṛttanayanāḥ keciddaṣṭadaṃṣṭroṣṭhatālavaḥ

7.20-2.7.1,20.34

āśramasthānsamākṛṣya mārayanti tapodhanāt

7.20-2.7.1,20.34

sruvānapaharantaśca kṣipantogniṃ jaleṣu ca

7.20-2.7.1,20.35

kalaśānapi bhindaṃtaśchiṃdaṃto maṇivedikāḥ

7.20-2.7.1,20.35

gāyaṃtaśca nadantaśca hasantaśca muhurmuhuḥ

7.20-2.7.1,20.36

raktāsavaṃ pibantaśca nanṛturgaṇapuṃgavāḥ

7.20-2.7.1,20.36

nirmathya seṃdrānamarān gaṇendrānvṛṣendranāgendramṛgendrasārāḥ

7.20-2.7.1,20.37

cakrurbahūnyapratimabhāvāḥ saharṣaromāṇi viceṣṭitāni

7.20-2.7.1,20.37

nandaṃti kecitpraharanti keciddhāvanti kecitpralapanti kecit

7.20-2.7.1,20.38

nṛtyanti kecidvihasanti kecidvalganti kecitpramathā balena

7.20-2.7.1,20.39

kecijjighṛkṣaṃti ghanānsa toyānkecidgrahītuṃ ravimutpataṃti

7.20-2.7.1,20.39

kecitprasartuṃ pavanena sārdhamicchaṃti bhīmāḥ pramathā viyatsthāḥ

7.20-2.7.1,20.40

ākṣipya kecicca varāyudhāni mahā bhujaṃgāniva vainateyāḥ

7.20-2.7.1,20.40

bhramaṃti devānapi vidravaṃtaḥ khamaṃḍale parvatakūṭakalpāḥ

7.20-2.7.1,20.41

utpāṭya cotpāṭyagṛhāṇi kecitsajālavātāyanavedikāni

7.20-2.7.1,20.41

vikṣipya vikṣipya jalasya madhye kālāṃbudābhāḥ pramathā nineduḥ

7.20-2.7.1,20.42

udvartitadvārakapāṭakuḍyaṃ vidhvastaśālāvalabhīgavākṣam

7.20-2.7.1,20.42

aho batābhajyata yajñavāṭamanāthavadvākyamivāyathārtham

7.20-2.7.1,20.43

hā nātha tāteti pituḥ suteti bhratarmamāmbeti ca mātuleti

7.20-2.7.1,20.43

utpāṭyamāneṣu gṛheṣu nāryo hyānāthaśabdānbahuśaḥ pracakruḥ

iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe yajñavidhvaṃsano nāma viṃśo 'dhyāyaḥ

Original text: śivapurāṇam · Sanskrit Wikisource contributors · Sanskrit Wikisource · CC BY-SA 4.0