Scripture Library

Shiva Purana · Chapter 7.11

7.11.7.2,11.1

īśvara uvāca
atha vakṣyāmi deveśi bhaktānāmadhikāriṇām

7.11.7.2,11.1

viduṣāṃ dvijamukhyānāṃ varṇadharmasamāsataḥ

7.11.7.2,11.2

triḥ snānaṃ cāgnikāryaṃ ca liṃgārcanamanukramam

7.11.7.2,11.2

dānamīśrarabhāvaśca dayā sarvatra sarvadā

7.11.7.2,11.3

satyaṃ saṃtoṣamāstikyamahiṃsā sarvajaṃtuṣu

7.11.7.2,11.3

hrīśraddhādhyayanaṃ yogassadādhyāpanameva ca

7.11.7.2,11.4

vyākhyānaṃ brahmacaryaṃ ca śravaṇaṃ ca tapaḥ kṣamā

7.11.7.2,11.4

śaucaṃ śikhopavītaṃ ca uṣṇīṣaṃ cottarīyakam

7.11.7.2,11.5

niṣiddhāsevanaṃ caiva bhasmarudrākṣadhāraṇam

7.11.7.2,11.5

parvaṇyabhyarcanaṃ devi caturdaśyāṃ viśeṣataḥ

7.11.7.2,11.6

pānaṃ ca brahmakūrcasya māsi māsi yathāvidhi

7.11.7.2,11.6

abhyarcanaṃ viśeṣeṇa tenaiva snāpya māṃ priye

7.11.7.2,11.7

sarvakriyānna santyāgaḥ śraddhānnasya ca varjanam

7.11.7.2,11.7

tathā paryuṣitānnasya yāvakasya viśeṣataḥ

7.11.7.2,11.8

madyasya madyagandhasya naivedyasya ca varjanam

7.11.7.2,11.8

sāmānyaṃ sarvavarṇānāṃ brāhmaṇānāṃ viśeṣataḥ

7.11.7.2,11.9

kṣamā śāṃtiśca santoṣassatyamasteyameva ca

7.11.7.2,11.9

brahmacaryaṃ mama jñānaṃ vairāgyaṃ bhasmasevanam

7.11.7.2,11.10

sarvasaṃganivṛttiśca daśaitāni viśeṣataḥ

7.11.7.2,11.10

liṃgāni yogināṃ bhūyo divā bhikṣāśanaṃ tathā

7.11.7.2,11.11

vānaprasthāśramasthānāṃ samānamidamiṣyate

7.11.7.2,11.11

rātrau na bhojanaṃ kāryaṃ sarveṣāṃ brahmacāriṇām

7.11.7.2,11.12

adhyāpanaṃ yājanaṃ ca kṣatriyasyāpratigrahaḥ

7.11.7.2,11.12

vaiśyasya ca viśeṣeṇa mayā nātra vidhīyate

7.11.7.2,11.13

rakṣaṇaṃ sarvavarṇānāṃ yuddhe śatruvadhastathā

7.11.7.2,11.13

duṣṭapakṣimṛgāṇāṃ ca duṣṭānāṃ śātanaṃ nṛṇām

7.11.7.2,11.14

aviśvāsaśca sarvatra viśvāso mama yogiṣu

7.11.7.2,11.14

strīsaṃsargaśca kāleṣu camūrakṣaṇameva ca

7.11.7.2,11.15

sadā saṃcāritaiścārairlokavṛttāṃtavedanam

7.11.7.2,11.15

sadāstradhāraṇaṃ caiva bhasmakaṃcukadhāraṇam

7.11.7.2,11.16

rājñāṃ mamāśramasthānāmeṣa dharmasya saṃgrahaḥ

7.11.7.2,11.16

gorakṣaṇaṃ ca vāṇijyaṃ kṛṣirvaiśyasya kathyate

7.11.7.2,11.17

śuśrūṣetaravarṇānāṃ dharmaḥ śūdrasya kathyate

7.11.7.2,11.17

udyānakaraṇaṃ caiva mama kṣetrasamāśrayaḥ

7.11.7.2,11.18

dharmapatnyāstu gamanaṃ gṛhasthasya vidhīyate

7.11.7.2,11.18

brahmacaryaṃ vanasthānāṃ yatīnāṃ brahmacāriṇām

7.11.7.2,11.19

strīṇāṃ tu bhartṛśuśrūṣā dharmo nānyassanātanaḥ

7.11.7.2,11.19

mamārcanaṃ ca kalyāṇi niyogo bharturasti cet

7.11.7.2,11.20

yā nārī bhartṛśuśrūṣāṃ vihāya vratatatparā

7.11.7.2,11.20

sā nārī narakaṃ yāti nātra kāryā vicāraṇā

7.11.7.2,11.21

atha bhartṛvihīnāyā vakṣye dharmaṃ sanātanam

7.11.7.2,11.21

vrataṃ dānaṃ tapaḥ śaucaṃ bhūśayyānaktabhojanam

7.11.7.2,11.22

brahmacaryaṃ sadā snānaṃ bhasmanā salilena vā

7.11.7.2,11.22

śāṃtirmaunaṃ kṣamā nityaṃ saṃvibhāgo yathāvidhi

7.11.7.2,11.23

aṣṭābhyāṃ ca caturdaśyāṃ paurṇamāsyāṃ viśeṣataḥ

7.11.7.2,11.23

ekādaśyāṃ ca vidhivadupavāsomamārcanam

7.11.7.2,11.24

iti saṃkṣepataḥ prokto mayāśramaniṣeviṇām

7.11.7.2,11.24

brahmakṣatraviśāṃ devi yatīnāṃ brahmacāriṇām

7.11.7.2,11.25

tathaiva vānaprasthānāṃ gṛhasthānāṃ ca sundari

7.11.7.2,11.25

śūdrāṇāmatha nārīṇāṃ dharma eṣa sanātanaḥ

7.11.7.2,11.26

dhyeyastvayāhaṃ deveśi sadā jāpyaḥ ṣaḍakṣaraḥ

7.11.7.2,11.26

vedoktamakhilaṃ dharmamiti dharmārthasaṃgrahaḥ

7.11.7.2,11.27

atha ye mānavā loke svecchayā dhṛtavigrahāḥ

7.11.7.2,11.27

bhāvātiśayasaṃpannāḥ pūrvasaṃskārasaṃyutāḥ

7.11.7.2,11.28

viraktā vānuraktā vā stryādīnāṃ viṣayeṣvapi

7.11.7.2,11.28

pāpairna te viliṃpaṃte १ padmapatramivāṃbhasā

7.11.7.2,11.29

teṣāṃ mamātmavijñānaṃ viśuddhānāṃ vivekinām

7.11.7.2,11.29

matprasādādviśuddhānāṃ duḥkhamāśramarakṣaṇāt

7.11.7.2,11.30

nāsti kṛtyamakṛtyaṃ ca samādhirvā parāyaṇam

7.11.7.2,11.30

na vidhirna niṣedhaśca teṣāṃ mama yathā tathā

7.11.7.2,11.31

tatheha paripūrṇasya sādhyaṃ mama na vidyate

7.11.7.2,11.31

tathaiva kṛtakṛtyānāṃ teṣāmapi na saṃśayaḥ

7.11.7.2,11.32

madbhaktānāṃ hitārthāya mānuṣaṃ bhāvamāśritāḥ

7.11.7.2,11.32

rudralokātparibhraṣṭāste rudrā nātra saṃśayaḥ

7.11.7.2,11.33

mamānuśāsanaṃ yadvadbrahmādīnāṃ pravartakam

7.11.7.2,11.33

tathā narāṇāmanyeṣāṃ tanniyogaḥ pravartakaḥ

7.11.7.2,11.34

mamājñādhārabhāvena sadbhāvātiśayena ca

7.11.7.2,11.34

tadālokanamātreṇa sarvapāpakṣayo bhavet

7.11.7.2,11.35

pratyayāśca pravartaṃte praśastaphalasūcakāḥ

7.11.7.2,11.35

mayi bhāvavatāṃ puṃsāṃ prāgadṛṣṭārthagocarāḥ

7.11.7.2,11.36

kaṃpasvedo 'śrupātaśca kaṇṭhe ca svaravikriyā

7.11.7.2,11.36

ānaṃdādyupalabdhiśca bhavedākasmikī muhuḥ

7.11.7.2,11.37

sa tairvyastaissamastairvā liṃgairavyabhicāribhiḥ

7.11.7.2,11.37

maṃdamadhyottamairbhāvairvijñeyāste narottamāḥ

7.11.7.2,11.38

yathāyognisamāveśānnāyo bhavati kevalam

7.11.7.2,11.38

sa tathaiva mama sānnidhyānna te kevalamānuṣāḥ

7.11.7.2,11.39

hastapādādisādharmyādrudrānmartyavapurdharān

7.11.7.2,11.39

prākṛtāniva manvāno nāvajānīta paṃḍitaḥ

7.11.7.2,11.40

avajñānaṃ kṛtaṃ teṣu narairvyāmūḍhacetanaiḥ

7.11.7.2,11.40

āyuḥ śriyaṃ kulaṃ śīlaṃ hitvā nirayamāvahet

7.11.7.2,11.41

brahmaviṣṇusureśānāmapi tūlāyate padam

7.11.7.2,11.41

mattonyadanapekṣāṇāmuddhṛtānāṃ mahātmanām

7.11.7.2,11.42

aśuddhaṃ bauddhamaiśvaryaṃ prākṛtaṃ pauruṣaṃ tathā

7.11.7.2,11.42

guṇeśānāmatastyājyaṃ guṇātītapadaiṣiṇām

7.11.7.2,11.43

atha kiṃ bahunoktena śreyaḥ prāptyaikasādhanam

7.11.7.2,11.43

mayi cittasamāsaṃgo yena kenāpi hetunā

7.11.7.2,11.44

upamanyuruvāca
itthaṃ śrīkaṇṭhanāthena śivena paramātmanā

7.11.7.2,11.44

hitāya jagatāmukto jñānasārārthasaṃgrahaḥ

7.11.7.2,11.45

vijñānasaṃgrahasyāsya vedaśāstrāṇi kṛtsnaśaḥ

7.11.7.2,11.45

setihāsapurāṇāni vidyā vyākhyānavistaraḥ

7.11.7.2,11.46

jñānaṃ jñeyamanuṣṭheyamadhikāro 'tha sādhanam

7.11.7.2,11.46

sādhyaṃ ceti ṣaḍarthānāṃ saṃgrahatveṣa saṃgrahaḥ

7.11.7.2,11.47

guroradhikṛtaṃ jñānaṃ jñeyaṃ pāśaḥ paśuḥ patiḥ

7.11.7.2,11.47

liṃgārcanādyanuṣṭheyaṃ bhaktastvadhikṛto 'pi yaḥ

7.11.7.2,11.48

sādhanaṃ śivamaṃtrādyaṃ sādhyaṃ śivasamānatā

7.11.7.2,11.48

ṣaḍarthasaṃgrahasyāsya jñānātsarvajñatocyate

7.11.7.2,11.49

prathamaṃ karma yajñāderbhaktyā vittānusārataḥ

7.11.7.2,11.49

bāhyebhyarcya śivaṃ paścādaṃtaryāgarato bhavet

7.11.7.2,11.50

ratirabhyaṃtare yasya na bāhye puṇyagauravāt

7.11.7.2,11.50

na karma karaṇīyaṃ hi bahistasya mahātmanāḥ

7.11.7.2,11.51

jñānāmṛtena tṛptasya bhaktyā śaivaśivātmanaḥ

7.11.7.2,11.51

nāṃtarna ca bahiḥ kṛṣṇa kṛtyamasti kadācana

7.11.7.2,11.52

tasmātkrameṇa saṃtyajya bāhyamābhyaṃtaraṃ tathā

7.11.7.2,11.52

jñānena jñeyamālokyājñānaṃ cāpi parityajet

7.11.7.2,11.53

naikāgraṃ cecchive cittaṃ kiṃ kṛtenāpi karmaṇā

7.11.7.2,11.53

ekāgrameva ceccittaṃ kiṃ kṛtenāpi karmaṇā

7.11.7.2,11.54

tasmātkarmāṇyakṛtvā vā kṛtvā vāṃtarbahiḥkramāt

7.11.7.2,11.54

yena kenāpyupāyena śive cittaṃ niveśayet

7.11.7.2,11.55

śive niviṣṭacittānāṃ pratiṣṭhitadhiyāṃ satām

7.11.7.2,11.55

paratreha ca sarvatra nirvṛtiḥ paramā bhavet

7.11.7.2,11.56

ihonnamaḥ śivāyeti maṃtreṇānena siddhayaḥ

7.11.7.2,11.56

sa tasmādadhigaṃtavyaḥ parāvaravibhūtaye

iti śrīśivamahāpurāṇe saptamyāṃ vāyavīyasaṃhitāyāmuttarakhaṃḍe śivajñānavarṇanaṃ nāmaikādaśo 'dhyāyaḥ

Original text: śivapurāṇam · Sanskrit Wikisource contributors · Sanskrit Wikisource · CC BY-SA 4.0