Shiva Purana · Chapter 2.2.1

atha satīkhaṃḍo dvitīyaḥ prārabhyate //
nārada uvāca //
vidhe sarvaṃ vijānāsi kṛpayā śaṃkarasya ca //
tvayādbhutā hi kathitāḥ kathā me śivayośśubhāḥ

tvanmukhāṃbhojasaṃvṛttāṃ śrutvā śivakathāṃ parām //
atṛpto hi punastāṃ vai śrotumicchāmyahaṃ prabho

pūrṇāṃśaśśaṃkarasyaiva yo rudro varṇitaḥ purā //
vidhe tvayā maheśānaḥ kailāsanilayo vaśī

sa yogī sarvaviṣṇvādisurase vyassatāṃ gatiḥ //
nirdvaṃdvaḥ krīḍati sadā nirvikārī mahāprabhuḥ

so'bhūtpunargṛhasthaśca vivāhya paramāṃ striyam //
hariprārthanayā prītyā maṃgalāṃ svatapasvinīm

prathamaṃ dakṣaputrī sā paścātsā parvatātmajā //
kathamekaśarīreṇa dvayorapyātmajā matā

kathaṃ satī pārvatī sā punaśśivamupāgatā //
etatsarvaṃ tathānyacca brahman gaditumarhasi

sūta uvāca //
iti tasya vacaḥ śrutvā surarṣeḥ śaṃkarātmanaḥ //
prasannamānaso bhūtvā brahmā vacanamabravīt

brahmovāca //
śṛṇu tāta muniśreṣṭha kathayāmi kathāṃ śubhām //
yāṃ śrutvā saphalaṃ janma bhaviṣyati na saṃśayaḥ

purāhaṃ svasutāṃ dṛṣṭvā saṃdhyāhvāṃ tanayaissaha //
abhavaṃ vikṛtastāta kāmabāṇaprapīḍitaḥ

dharmaḥ smṛtastadā rudro mahāyogī paraḥ prabhuḥ//
dhikkṛtya māṃ sutaistāta svasthānaṃ gatavānayam

yanmāyāmohitaścāhaṃ vedavaktā ca mūḍhadhīḥ //
tenākārṣaṃ sahākārya parameśena śaṃbhunā

tadīrṣayāhamākārṣaṃ bahūpāyānsutaiḥ saha //
kartuṃ tanmohanaṃ mūḍhaḥ śivamāyā vimohitaḥ

abhavaṃste'tha vai sarve tasmiñ śaṃbho paraprabho //
upāyā niṣphalāsteṣāṃ mama cāpi munīśvara

tadā'smaraṃ rameśānaṃ vyathopāyastutaissaha //
abodhayatsa āgatya śivabhaktiratassudhīḥ

prabodhito rameśena śivatattvapradarśinā //
tadīrṣāmatyajaṃ sohaṃ taṃ haṭhaṃ na vimohitaḥ

śaktiṃ saṃsevya tatprītyotpādayāmāsa tāṃ tadā //
dakṣādaśiknyāṃ vīriṇyāṃ svaputrāddharamohane

somā bhūtvā dakṣasutā tapaḥ kṛtvā tu dussaham //
rudrapatnyabhavadbhaktyā svabhaktahitakāriṇī

somo rudro gṛhī bhūtvā'kārṣīllīlāṃ parāṃ prabhuḥ //
mohayitvātha māṃ tatra svavivāhe'vikāradhīḥ //

vivāhya tāṃ sa āgatya svagirau sūtikṛttayā //
reme bahuvimoho hi svataṃtrassvāttavigrahaḥ

tayā viharatastasya vyātīyāya mahān mune //
kālassukhakaraśśabhornirvikārasya sadrateḥ

tato rudrasya dakṣeṇa sparddhā jātā nijecchayā //
mahāmūḍhasya tanmāyāmohitasya sugarviṇaḥ

tatprabhāvāddharaṃ dakṣo mahāgarvī vimūḍhadhīḥ //
mahāśāṃtaṃ nirvikāraṃ ninixda bahumohitaḥ

tato dakṣaḥ svayaṃ yajñaṃ kṛtavāngarvito'haram //
sarvānāhūya devādīn viṣṇuṃ māṃ cākhilādhipaḥ

nājuhāva tathābhūto rudraṃ roṣasamākulaḥ //
tathā tatra satīṃ nāmnā svaputrīṃ vidhimohitaḥ

yadā nākāritā pitrā māyāmohita cetasā//
līlāṃ cakāra sujñānā mahāsādhvī śivā tadā

athāgatā satī tatra śivājñāmadhigamya sā //
anāhūtāpi dakṣeṇa garviṇā svapiturgṛham

vilokya rudrabhāgaṃ no prāpyāvajñāṃ ca tātataḥ //
viniṃdya tatra tānsarvāndehatyāgamathākarot

tacchutvā deva deveśaḥ krodhaṃ kṛtvā tu dussaham //
jaṭāmutkṛtya mahatīṃ vīrabhadramajījanat

sagaṇaṃ taṃ samutpādya kiṃ kuryyā miti vādinam //
sarvāpamānapūrvaṃ hi yajñadhvaṃsaṃ dideśa ha

/
tadājñāṃ prāpya sa gaṇādhīśo bahubalānvitaḥ //
gato'raṃ tatra sahasā mahābalaparākramaḥ

mahopadravamācerurgaṇāstatra tadājñayā//
sarvānsa daṃḍayāmāsa na kaścidavaśeṣitaḥ/३२//
viṣṇuṃ saṃjitya yatnena sāmaraṃ gaṇasattamaḥ //
cakre dakṣaśiraśchedaṃ tacchirognau juhāva ca

yajñadhvaṃsaṃ cakārāśu mahopadravamācaran //
tato jagāma svagiriṃ praṇanāma prabhuṃ śivam

yajñadhvaṃso'bhavaccetthaṃ devaloke hi paśyati //
rudrasyānucaraistatra vīrabhadrādibhiḥ kṛtaḥ

mune nītiriyaṃ jñeyā śrutismṛtiṣu saṃmatā //
rudre ruṣṭe kathaṃ loke sukhaṃ bhavati suprabho

tato rudraḥ prasannobhūtstutimākarṇya tāṃ parām //
vijñaptiṃ saphalāṃ cakre sarveṣāṃ dīnavatsalaḥ

pūrvavacca kṛtaṃ tena kṛpālutvaṃ mahātmanā//
śaṃkareṇa maheśena nānālīlāvi hāriṇā

jīvitastena dakṣo hi tatra sarve hi satkṛtāḥ //
punassa kārito yajñaḥ śaṃkareṇa kṛpālunā

rudraśca pūjitastatra sarvairdevairviśeṣataḥ //
yajñe viśvādibhirbhaktyā suprasannātmabhirvane

//
satīdehasamutpannā jvālā lokasukhāvahā //
patitā parvate tatra pūjitā sukhadāyinī

jvālāmukhīti vikhyātā sarvakāmaphalapradā //
babhūva paramā devī darśanātpāpahāriṇī

idānīṃ pūjyate loke sarvakāmaphalāptaye //
saṃvidhābhiranekābhirmahotsavaparasparam

tataśca sā satī devī himālayasutā 'bhavat //
tasyāśca pārvatīnāma prasiddhamabhavattadā

sā punaśca samārādhya tapasā kaṭhinena vai //
tameva parameśānaṃ bharttāraṃ samupāśritā

etatsarvaṃ samākhyātaṃ yatpṛṣṭohaṃ munīśvara //
yacchrutvā sarvapāpebhyo mucyate nātra saṃśayaḥ

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīsaṃkṣepacaritravarṇanaṃ nāma prathamo'dhyāyaḥ