Shiva Purana · Chapter 2.1

atha dvitīyāyā rudrasaṃhitāyāḥ prathamaḥ sṛṣṭikhaṇḍaḥ

१ nirguṇaśivasya śaktisaṃbaṃdhena prapaṃcanirmāṇādilābhaviṣayakāmeka praśnakartṛ śaunakādṛṣīnprati sūtasyānaṃdapūrvakaṃ brahmanāradasaṃvādamukhena kathane pratijñā /
२ tapo'rthaṃ himādigatanāradataponāśārthendrapreṣitasmarasya śivaprabhātparābhavaḥ, tadajñānyahaṃ kāma- jayāti / sagarvanāradaḥ śivena bodhitopi tama- nādṛtya brahmaṇo'ntikaṃ gatastenāpi śivamahi- metyuktau vaikuṇṭhe viṣṇunāpi tathāyite vihasya kiṃ prabhāvaḥ smara ityuktvā yadṛcchayānyatra gataḥ /
३ nārade gate viṣṇuḥ kiṃ kṛtavān nāradaśca kutrā- gata iti ṛṣīṇāṃ praśnaḥ / nāradasya mārgamadhye viṣṇormāyikanagararacanā, tasminnāradasya svayaṃ varotsavalābhaḥ, atratyā śrīmatī kanyā kāma- jitpatimicchatīti jñātvā kāmavivaśasya munerviṣṇuloka gamanaṃ tatsvarūpayācanacca. nāra dasya hari- ( vānara) rūpeṇa svayaṃvare gamanaṃ tatra tasya parābhavaḥ, viṣṇośrīmatīprāptiśca, śivagaṇayorupahāsātkruddhasya ca muneḥ śāpaḥ / /
४ tato nāradasya vaikuṇṭhagamanaṃ
tvaṃ manuṣyo bhūtvā virahiduḥkhaṃ vānaraiḥ sahānubhava iti
viṣṇave śāpadānaṃ, viṣṇunā śāpaṃ gṛhītvā śivevaccheyuktvā sāṃtvitasya munemohāpasaraṇam paścāttāpayuktaṃ muniṃ sarvamidaṃ śivakṛtamityupadiśya hareraṃtardhānam / ५ śivakṣetradarśanāya nārade bhūmiṃ paryaṭati pūrvaṃ sadāśivagaṇayoḥ samāgamaḥ, tayoḥ svaśāpamuktau prārthanā, tāvāśvāsya nāradasya kāśīkṣetragamanam,kāśīpurīṃ dṛṣṭvā viśveśvaraṃ natvā nāradasya brahmalokagamanam, vidhiṃ prati nāradakṛtānekapraśnoktiḥ /
६ nāradasya lokopakārakānekapraśnaśravaṇottaraṃ mahāpralayasvarūpavarṇanam śivanirguṇalakṣaṇavarṇanam, īśecchārūpaśakterutpattisvarūpakathanañca / tayoḥ saguṇamūrtyutpattiniruktiḥ, śivalokasya kāśīkṣetrasya ca sahaiva nirmāṇakathanam tatra krīḍāsaktayoḥ śivaśaktyoricchayaiva viṣṇorutpattiviṣṇornāmakarmaprāptau prārthanākathanam, śivājñayā tapa:karaṇājjātaśramasya viṣṇoraṃgebhyo niḥsṛtajalairniruktyā nārāyaṇanāmaprāpteśca nirūpaṇam. etasmin kāle jaḍaprakṛti paṃcaviṃśati tattvotpattiḥ tattvaiḥ saha harestatra śayanoktiḥ
७ nārāyaṇanābheḥ kamalotpattiḥ, śivadakṣiṇāṃgādbrahmotpatiprakāra:, punarlīlayā tasya kamalāt mama kuto janmeti tasya bhramaḥ, punarmohātpitṛgaveṣaṇāya vidhernāladaṃḍādhaḥpraveśaḥ tadādhārājñānātpunaruparyāgamaḥ, evaṃ brahmaṇo bahutakālabhramaṇavarṇanam, tapasā brahmaṇo viṣṇu darśanakathanam, brahmaviṣṇvoḥ svasvaśreṣṭhatva vivādavarṇanam, tayormadhye liṃgāvirbhāvaḥ, tadavalokanena brahmaviṣṇvo: svasvajayāya vārāhahaṃsarūpe dhṛtvā liṃgordhvādhobhāgagamanam, liṃgāṃtānadhigamālliṃganikaṭāgamanavarṇanam /
८ śivadarśanārthaṃ sthitayorbrahmaviṣṇvoroṃkāranādaśravaṇam / ooṃkāragatavarṇānāṃ liṃge sthitiprakāraḥ oṃkārādeva brahmāṃḍotpattiḥ, haribrahmaṇorjñānaprāptyuktiśca / etasmādeva paṃcavaktraśiva saguṇamūrtiprādurbhāva iti tayorjñānādhigamaḥ, tataḥ śabdabrahmasvarūpavarṇanam / śabdabrahmajñānena viṣṇuvidhigarvaparihārasya varṇanam/
९ paṃcavaktraśivādvidhiviṣṇvorvedādhigama:, liṃgapūjaivaśivatuṣṭau paraṃ kāraṇamiti brahmaviṣṇorupadeśa: sṛṣṭi karmaṇi sahāye yācite śive sṛṣṭikartāhameva rudrarūpeṇa kanapālane sahakārī triguṇayā śaktyā bhavāmiti tayorvarapradānena kalahanivāraṇoktiḥ /
१० vidhisṛṣṭaprajāduḥkhamocane'nekarūpadhāraṇe viṣṇorājñākaraṇam, rudrarūpeṇāhamapi svadaśakyaṃkāya kariṣyāmīti rudroktau harihararūpabhedavatāṃ nirayagāmitvoktiviṣṇoradhikārapradānaṃ ca, brahmaviṣṇurūdrāṇāmāyuṣyabalapramāṇavarṇanam, viṣṇuprārthanayā nirguṇatāpradānottaraṃ liṃgasvarūpakathanam /
११ saparikaraṃ saṃkṣipya śivārcanavidhinirūpaṇaṃ tatphalakathanañca /
१२ liṃgārcanajñānecchayā devaiḥ saha brahmaṇaḥ kṣīranidhitīragamanam, liṃgārcanameva sarveṣāṃ sarvārthadamityevaṃrūpāṃ viṣṇūktiṃ śrutvā sarveṣāṃ yathādhikāraṃ liṃgāni deyānīti brahmoktiṃ śrutvā viśvakarmāṇaṃ prati sarveṣāṃ liṃgapradāne viṣṇorājñādānam, tatsakāśāddevānāṃ liṃgaprāptiḥ, , liṃgārcanādeva sarveṣāṃ sarvārthalābhakathanam, karmayajñādīnāṃ svarūpavarṇanam, bāhyāṃtarabhedena liṃgasya dvaividhyoktiḥ, bhaktijñānasvarūpakathanaṃ taddvārā ca dvividhaliṃgapūjāvikāravarṇanam /
१३ vistṛtāliṃgapūjāvidhivarṇanaprasaṃgena snānāsanādividhikathanam, mṛnmayādiliṃgapratiṣṭhābhūtaśuddhipādyārghyādyupacārārpaṇavidhinirūpaṇam, pūjāṃte japastotra paṭhanapūrvakaliṃgavisarjanaprakārakathanam/
१४ puṣpaviśeṣairliga pūjane phalaviśeṣavarṇanam, lakṣadvilakṣapuṣpapūjanepi phalaviśeṣakathanam tathā kāmanābhedena puṣpaviśeṣārliṃgapūjane vicitra
phalaprāptivarṇanam, caṃpakaketake hitvā sarvapatrapuṣpavihitatvokti dhānyalakṣapūjāyāṃ mānālakṣaṇaphalādikathanaṃ jalādidhārāpūjanaphalādi varṇanañca /
१५ sṛṣṭirakṣaṇāya harividhibhyāṃ varāhahaṃsarūpadhāraṇe kāraṇoktiḥ, bhuvanātmakāṃḍanirmāṇaprakāraḥ, tasminvirāṭpraveśaḥ, kailāsavaikuṃṭhayorutpattiḥ, navadhā brahmasṛṣṭivarṇanam, tato rudrādirudragaṇa śivasṛṣṭibrahmasṛṣṭivarṇanam /
१६ sūkṣmabhūtebhyaḥ sthūlākāśadipaṃcabhūtasṛṣṭivarṇanaṃ, parvatasamudrotpattivarṇanaṃ ca, brahmaṇa: svāṃgebhyo marīcyādīnāmudbhavakathanam, mānavarūpeṇa brahmaṇā surāsuranirmāṇaprakārassteṣāṃ tattaccharīradānaṃ ca / maithunaprajānirmāṇaprakāraḥ / priyavratottānapādotpattistathā manukanyātrayaprasavaiḥ sarvajagatyutpattivarṇanam, dakṣakanyāvaṃśavarṇanam, satīnāmakaśivaśakterdakṣākṣātprādurbhāvastasyā striguṇātvaprakārakathanaṃ, śivasatīvivāhavarṇanañca / dakṣayajñe svatanutyāgena vipulakīrtyānekanāmalābhavarṇanaṃ śivaśaktirudrasvarūpavarṇanañca /
१७ śivasya kailāsagamanakuberamitratākathanaprasaṃgena guṇanidhicaritravarṇanam /
१८ taddurācāreṇa tannayanārthaṃ samāgatairyamadūtai: saha śivagaṇānāṃ saṃvādaḥ, śivagaṇaiḥ sākaṃ guṇanidheḥ kailāsagamanavarṇanam, punarbhūmau rājaputrī bhūtasya śivopāṃstyaiva tasyālakāpuraprāptyuktidvārā śivasyālpatopitvavarṇanam /
१९ pādmakalpe paulastyo vaiśravaṇo'lakāpatiḥ, paścānmeghavāhanakalpe yājñadattestasyādhipatya prāpti, tatrāpi tasya śivabhaktyudrekācchivasakhyasaṃpādane bhavānīvacanānekainākṣatvaprāptipūrvaka yakṣapatitvādyaiśvaryaprāptivarṇanam/
२० kuberatapobalātaḍhakkāvādanenāhvānasūcanāddevādīnāmāgamaḥ, tatraiva, kuberaśivasakhyavarṇanaṃ ca / iti-dvitīyāyā rudrasaṃhitāyāḥ prathamaḥ sṛṣṭikhaṇḍa: