Shatapatha Brahmana · Chapter 8.4

caturthī citiḥ
brāhmaṇam १ aṣṭādaśa stomeṣṭakopadhānam
१ caturthī citiḥ-tatrādau aṣṭādaśastomeṣṭakopadhānam-tatrāpi pūrvaṃ caturthyāścityā upadhānaṃ vidhāya tatpraśaṃsanaṃ, asyāṃ brahmaṇa upadhānavidhāyinyākhyāyikākathanaṃ, stomasaṃjñakāṃ iṣṭakāṃ vidhāya tāsāṃ brahmātmanā praśaṃsanaṃ, punastāsāṃ sopapattikaṃ prajāpatyātmanā praśaṃsanaṃ, pūrvaṃ prāṇadvārā prajāpatirūpatvena praśasyādhunā citiprayuktamṛṣitvaṃ prāṇeṣu sampādya taddvārā praśaṃsanaṃ, punarvisrastaprajāpatyavayavapratisandhānarūpatayā praśaṃsanaṃ, stomeṣṭakopadhānamanūdya tatra purastāddakṣiṇata uttarataḥ paścācopadheyeṣṭakā--mantrānviniyujya teṣāṃ vyākhyānaṃ, itthaṃ caturdikṣu vāyvādidevatārūpāṇāṃ catasṛṇāmiṣṭakānāmupadhānamabhidhāyottaratropadheyānāṃ caturdaśānāṃ saṃvatsararūpatāpratipādanapuraḥsaraṃ tatra kramāccaturdaśa mantrānapi viniyujya teṣāṃ vyākhyānaṃ, prathamottamastomeṣṭakayorvāyurūpatvasya praśaṃsanam , uktāyā aṣṭādaśasaṃkhyāyāstrivṛtastomadvayasampattyā praśaṃsanaṃ punastasyāḥ prakārāntareṇa
praśaṃsanaṃ cetyādi.
brāhmaṇam २ spṛdiṣṭakopadhānam, ṛtavyeṣṭakopadhānam
२ spṛdiṣṭakopadhānam-tatra daśa spṛdiṣṭakā vidhāya tatpraśaṃsanaṃ, prasaṅgātspṛnnāmanirvacanaṃ, daśānāmapyupadheyānāṃ spṛdiṣṭakānāṃ mantrānvidhāya teṣāṃ sopapattikaṃ vyākhyānam , uktāyā daśasaṃkhyāyā virāḍātmanā praśaṃsanaṃ. ṛtabyeṣṭakopadhānam-tatra ca samaṃtrakaṃ sārthavādamṛtavyeṣṭakayorupadhānavidhānam, arthavādadvaye ca prajāpaterlokatrayātmakatvaṃ saṃvatsarātmakatvaṃ ca pratipādya taddvārā yacca tasya viśliṣṭamaṅgaṃ tatpratisandhānasthānīyamiti ṛtavyayoḥ stavanaṃ cetyādi.
brāhmaṇam ३ saptadaśa sṛṣṭīṣṭakopadhānam
३ saptadaśa sṛṣṭīṣṭakopadhānam-tatra ca saptadaśa sṛṣṭināmadheyā iṣṭakā vidhāya tatpraśaṃsanaṃ, saptadaśānāmapyupadheyānāṃ sṛṣṭīṣṭakānāṃ mantrānvidhāya teṣāṃ sopapattikaṃ vyākhyānam, uktāyāḥ saptadaśasaṃkhyāyāḥ saṃvatsarātmanā praśasanaṃ, prasaṅgātsṛṣṭināmanivacanaṃ cetyādi,
brāhmaṇam ४ pratijñāpūrvakaṃ stomeṣṭakānāṃ spṛdiṣṭakānāṃ ca kramadeśayorabhidhānam
४ pratijñāpūrvakaṃ stomeṣṭakānāṃ spṛdiṣṭakānāṃ ca kramadeśayorabhidhānam , tataḥ pūrvoktānāmeva yajuṣmatīnāṃ deśasya vidhānam , asyāścaturthyāściteḥ brahmacityādināmadheyāni sopapattikāni pratipādya taddvārā'syā ārṣeyavatītvabandhumatītvayorabhidhānaṃ, stāvakārthavādātideśasahitaṃ sthānaviśeṣe lokampṛṇayorupadhānavidhānaṃ, stāvakārthavādātideśasahitaṃ purīṣanivapana vidhānaṃ cetyādi.