શતપથબ્રાહ્મણમ્ · અધ્યાય 8.4

ચતુર્થી ચિતિઃ
બ્રાહ્મણમ્ ૧ અષ્ટાદશ સ્તોમેષ્ટકોપધાનમ્
૧ ચતુર્થી ચિતિઃ-તત્રાદૌ અષ્ટાદશસ્તોમેષ્ટકોપધાનમ્-તત્રાપિ પૂર્વં ચતુર્થ્યાશ્ચિત્યા ઉપધાનં વિધાય તત્પ્રશંસનં, અસ્યાં બ્રહ્મણ ઉપધાનવિધાયિન્યાખ્યાયિકાકથનં, સ્તોમસંજ્ઞકાં ઇષ્ટકાં વિધાય તાસાં બ્રહ્માત્મના પ્રશંસનં, પુનસ્તાસાં સોપપત્તિકં પ્રજાપત્યાત્મના પ્રશંસનં, પૂર્વં પ્રાણદ્વારા પ્રજાપતિરૂપત્વેન પ્રશસ્યાધુના ચિતિપ્રયુક્તમૃષિત્વં પ્રાણેષુ સમ્પાદ્ય તદ્દ્વારા પ્રશંસનં, પુનર્વિસ્રસ્તપ્રજાપત્યવયવપ્રતિસન્ધાનરૂપતયા પ્રશંસનં, સ્તોમેષ્ટકોપધાનમનૂદ્ય તત્ર પુરસ્તાદ્દક્ષિણત ઉત્તરતઃ પશ્ચાચોપધેયેષ્ટકા--મન્ત્રાન્વિનિયુજ્ય તેષાં વ્યાખ્યાનં, ઇત્થં ચતુર્દિક્ષુ વાય્વાદિદેવતારૂપાણાં ચતસૃણામિષ્ટકાનામુપધાનમભિધાયોત્તરત્રોપધેયાનાં ચતુર્દશાનાં સંવત્સરરૂપતાપ્રતિપાદનપુરઃસરં તત્ર ક્રમાચ્ચતુર્દશ મન્ત્રાનપિ વિનિયુજ્ય તેષાં વ્યાખ્યાનં, પ્રથમોત્તમસ્તોમેષ્ટકયોર્વાયુરૂપત્વસ્ય પ્રશંસનમ્ , ઉક્તાયા અષ્ટાદશસંખ્યાયાસ્ત્રિવૃતસ્તોમદ્વયસમ્પત્ત્યા પ્રશંસનં પુનસ્તસ્યાઃ પ્રકારાન્તરેણ
પ્રશંસનં ચેત્યાદિ.
બ્રાહ્મણમ્ ૨ સ્પૃદિષ્ટકોપધાનમ્, ઋતવ્યેષ્ટકોપધાનમ્
૨ સ્પૃદિષ્ટકોપધાનમ્-તત્ર દશ સ્પૃદિષ્ટકા વિધાય તત્પ્રશંસનં, પ્રસઙ્ગાત્સ્પૃન્નામનિર્વચનં, દશાનામપ્યુપધેયાનાં સ્પૃદિષ્ટકાનાં મન્ત્રાન્વિધાય તેષાં સોપપત્તિકં વ્યાખ્યાનમ્ , ઉક્તાયા દશસંખ્યાયા વિરાડાત્મના પ્રશંસનં. ઋતબ્યેષ્ટકોપધાનમ્-તત્ર ચ સમંત્રકં સાર્થવાદમૃતવ્યેષ્ટકયોરુપધાનવિધાનમ્, અર્થવાદદ્વયે ચ પ્રજાપતેર્લોકત્રયાત્મકત્વં સંવત્સરાત્મકત્વં ચ પ્રતિપાદ્ય તદ્દ્વારા યચ્ચ તસ્ય વિશ્લિષ્ટમઙ્ગં તત્પ્રતિસન્ધાનસ્થાનીયમિતિ ઋતવ્યયોઃ સ્તવનં ચેત્યાદિ.
બ્રાહ્મણમ્ ૩ સપ્તદશ સૃષ્ટીષ્ટકોપધાનમ્
૩ સપ્તદશ સૃષ્ટીષ્ટકોપધાનમ્-તત્ર ચ સપ્તદશ સૃષ્ટિનામધેયા ઇષ્ટકા વિધાય તત્પ્રશંસનં, સપ્તદશાનામપ્યુપધેયાનાં સૃષ્ટીષ્ટકાનાં મન્ત્રાન્વિધાય તેષાં સોપપત્તિકં વ્યાખ્યાનમ્, ઉક્તાયાઃ સપ્તદશસંખ્યાયાઃ સંવત્સરાત્મના પ્રશસનં, પ્રસઙ્ગાત્સૃષ્ટિનામનિવચનં ચેત્યાદિ,
બ્રાહ્મણમ્ ૪ પ્રતિજ્ઞાપૂર્વકં સ્તોમેષ્ટકાનાં સ્પૃદિષ્ટકાનાં ચ ક્રમદેશયોરભિધાનમ્
૪ પ્રતિજ્ઞાપૂર્વકં સ્તોમેષ્ટકાનાં સ્પૃદિષ્ટકાનાં ચ ક્રમદેશયોરભિધાનમ્ , તતઃ પૂર્વોક્તાનામેવ યજુષ્મતીનાં દેશસ્ય વિધાનમ્ , અસ્યાશ્ચતુર્થ્યાશ્ચિતેઃ બ્રહ્મચિત્યાદિનામધેયાનિ સોપપત્તિકાનિ પ્રતિપાદ્ય તદ્દ્વારાઽસ્યા આર્ષેયવતીત્વબન્ધુમતીત્વયોરભિધાનં, સ્તાવકાર્થવાદાતિદેશસહિતં સ્થાનવિશેષે લોકમ્પૃણયોરુપધાનવિધાનં, સ્તાવકાર્થવાદાતિદેશસહિતં પુરીષનિવપન વિધાનં ચેત્યાદિ.