Scripture Library

Shatapatha Brahmana · Chapter 4.6.3

4.6.3.4.6.3.1

athātaḥ paśvayanasyaiva / paśvekādaśinyaiveyātsa āgneyaṃ prathamampaśumālabhate'tha vāruṇamatha punarāgneyamevamevaitayā paśvekādaśinyeyāt -

4.6.3.4.6.3.2

atho apyaindrāgnamevāharahaḥ paśumālabheta / agnirvai sarvā devatā agnau hi sarvābhyo devatābhyo juhvatīndro vai yajñasya devatā tatsarvāścaivaitaddevatānāparādhnoti yo ca yajñasya devatā tāṃ nāparādhnoti -

4.6.3.4.6.3.3

athāta stomāyanasyaiva / āgneyamagniṣṭoma ālabheta taddhi saloma yadāgneyamagniṣṭoma ālabheta yadyukthyaḥ syādaindrāgnaṃ dvitīyamālabhetaindrāgnāni hyukthāni yadi ṣoḍaśī syādaindraṃ tṛtīyamālabhetendro hi ṣoḍaśī yadyatirātraḥ syātsārasvataṃ caturthamālabheta vāgvai sarasvatī yoṣā vai vāgyoṣā rātristadyathāyathaṃ yajñakratūnvyāvartayatyetāni trīṇyayanāni teṣāṃ yatamatkāmayeta teneyāddvā upālambhyau paśū sauryaṃ dvitīyaṃ paśumālabhate vaiṣuvate'hanprājāpatyaṃ mahāvrate -

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0