Shatapatha Brahmana · Chapter 3.1

jyotiṣṭomayāgādhikāraḥ
brāhmaṇam १ agniṣṭome devayajanam
१ ādau śālānirmāṇaprabhṛti-dīkṣāhutiparyantāgniṣṭometikartavyatāvidhānaṃ tatra pūrvaṃ śālānirmāṇārthaṃ devayajanaparigrahaḥ, tatrāpi samatvodakpūrvapravaraṇatvādidharmaviśeṣānukathanaṃ, devayajanaprāgdeśe parimitapradeśādhikyasya niṣedhaḥ, ṛṣīṇāmākhyānamukhena devayajanasya prācīnavaṃśatvānugataṃ pakṣāntaravidhānaṃ, prasaṃgāddīkṣitasya śayanaviṣayakaniyamavidhānaṃ, vṛṣṭyādiparihārāya sarvataḥ pariśrayaṇavidhānaṃ, tatra- atraivarṇikānāṃ śūdrādīnāmabhiprāpterniṣedhaḥ, dīkṣitasya sarvaiḥ saha vāgvyavahārasya niṣedhaḥ, samaṃtrakaśālāpraveśakathanaṃ tanmaṃtravyākhyānaṃ ceti.
brāhmaṇam २ dīkṣāsaṃskārāḥ
२ dīkṣāsaṃskārāḥ-tatra pūrvamapsudīkṣā tasyāṃ ca dīkṣākālavidhānaṃ, dīkṣitasyāśanaviṣaye sarvānnābhyanujñānaṃ, śālottarataḥ kṣaurārthaṃ pariśrayaṇavidhānaṃ, sarvāṅgavapanapakṣasya nirā- karaṇaṃ, sakramaṃ saprakārakaṃ samaṃtrakaṃ vapanavidhānaṃ, vapananimittakāśuddhiṃ parihartuṃ saprakārakaṃ snānavidhānaṃ, sārthavādaṃ prāsaṅgikapuruṣārthaniyama- sahitaṃ samaṃtrakamahatavāsaḥparidhāna-
vidhānaṃ, kṣaurānaṃtaraṃ snātasya bhṛtavāsaso dīkṣitasya śālāpraveśavidhānam, atrāpyavasare sopapattikamaśanaviṣayakaniyamānukathanaṃ ceti.
brāhmaṇam ३ apaḥpraṇayanam, āgnāvaiṣṇavīṣṭi ityādi
३ apaḥpraṇayanaṃ kṛtvā dīkṣāṅgabhūtāyā āgnāvaiṣṇaveṣṭeḥ prayogavidhānaṃ, tatra ca svasamṛddhiphalakāmasyādityacarorvaikalpikaṃ vidhānaṃ, tatprasaṅgena mārtaṇḍasyotpattiḥ, sāmidhenīnāṃ sāpta- daśyaṃ-prayājānāṃ pañcasaṃkhyākatvam-anuyājānāṃ tritvaṃ-patnīsaṃyājā- nāmastitvaṃ - samiṣṭayajuṣo'bhāvaścetyādiprayogagataviśeṣakathanaṃ, tato- dīkṣitasya sārthavādaṃ sopakramopasaṃhāraṃ svadharmakaṃ navanītābhyaṅgavidhānaṃ, paurvāparyakramasahitaṃ sasādhanaṃ sārthavādaṃ samantrakaṃ traikakudenākṣṇorañjanavidhānaṃ, samantrakaṃ dīkṣitasya darbhaiḥ pāvanavidhānaṃ, tanmantravyākhyānaṃ ca, āśīrāśaṃsanaṃ, saprakārakaṃ hastadvaye'pyaṅgulīnāṃ nyañcanaṃ tatsādhanamaṃtravyākhyānaṃ ca, dīkṣāhutyarthaṃ śālāpraveśanavidhānaṃ cetyādi.
brāhmaṇam ४ audgrabhaṇahomaḥ/dīkṣāhutiḥ
४ evaṃ dīkṣāsaṃskārakaraṇānantaramaudgrabhaṇasaṃjñakānāṃ pañcānāṃ dīkṣāhutīnāṃ vidhānam,etāsāmudgrahaṇasādhanatāyā vibhāgapūrvakaṃ praśaṃsanaṃ, purātanavṛttāntapradarśanamukhenaiteṣāṃ svargodgrahaṇasādhanatayā upapādanaṃ, tadgatapañcasaṃkhyāyāḥ praśaṃsanaṃ, homamaṃtravyākhyānaṃ tatra tṛtīyamaṃtrasya japyatāvidhānaṃ ca, home tṛtīyamaṃtrasya vyākhyānam, uktamaṃtratraye'gneḥ prasaṅgapradarśanaṃ, tatra prasiddhadevatānāmabhāvaṃ darśayitvā devatāsiddhipratipādanaṃ, caturthyā āhuteḥ samaṃtraṃ vidhānaṃ tanmaṃtravyākhyāna ca, uktāhuticatuṣṭayasyājyasthālyāḥ sruveṇa homavidhānaṃ, pañcamyā āhuterdhrauvājyena srucā homavidhānaṃ, tasya mantraṃ vidhāya praśaṃsanam, evaṃ pañcāhutipakṣamuktvā pañcamīmevaikāṃ juhuyāditi kasyacitpakṣakathanaṃ, akṣarasaṃkhyādvārā tanmaṃtrapraśaṃsanaṃ veti. ityapsudīkṣā