Shatapatha Brahmana · Chapter 2.2

brāhmaṇa १ pūrṇāhutihomaḥ
१ saprayojanaṃ pūrṇāhutihomaḥ, pūrṇāhuteḥ sakalakāmāvāptihetutvakathanam, pavamāneṣṭikāryasya parokṣatayā pūrṇāhutyaiva sādhitatvātpūrṇāhutyantādhānapakṣaṃ pratipādya tanūhaviṣāṃ pavamāneṣṭīnāṃ tu pratyakṣatayā prāṇānnavīryadhāraṇahetutvānniyamena kartavyatayā vidhānena tadantādhānapakṣasiddhāntanirūpaṇam, pavamāneṣṭīnāṃ praśaṃsārthamarthavādaḥ, tanūhaviṣāṃ pavamāneṣṭīnāṃ madhye prathamasya haviṣaḥ pṛthaktantramuttarayorhaviṣoḥ samānatantramiti vidhānam , pavamā- neṣṭiṣu puroḍāśasambandhikapālasaṃkhyāyā yājyāpuro'nuvākyayo- rgāyatrīchandaskatvasya ca nidhānam, pakṣāntareṇa tṛtīyāyāmiṣṭāvādityacaruvidhānam, sviṣṭakṛtsaṃyājyayorvirāṭchandaskatvavidhānaṃ, dhenurūpadakṣiṇāvattvapratipādanaṃ ca, pakṣā- ntare tu punaḥ kevalamāgneyyaditīṣṭidvayavidhānaṃ cetyādi.
brāhmaṇa २ dakṣiṇābrāhmaṇam
२ dakṣiṇābrāhmaṇaṃ, tatra dakṣiṇādānavidhiḥ, āhutidṛṣṭāṃtenaitaddakṣiṇādānapraśaṃsanam, ādhānasya bhrātṛvyajayahetutvapratipādinī ākhyāyikā, ākhyāyikāsiddhasya phalārthavādasya prakṛte saṅgamanam, gārhapatyādyāyatane bahirāhitasyāgnerantardhāraṇatvopapādanam, āntare'agnāvuddīpanasamindhanavidhānam, evamantaragnimādadhānasya vyavāyādidoṣo'pi nāstīti pratipādanam, āhitāgneḥ satyavadanavratavidhānam, satyavadanasya cāgni- samindhanahetutvakathanaṃ ceti. ityagnyādhānam /
brāhmaṇa ३ punarādhānam
३ tatra prakṛtibhūtasyādhānasya rājyayaśohetutvena praśaṃsanam, punarādheya- vidhāyinyākhyāyikā, punarādheyavidhiḥ, punarādheyasyāgnisambandhopajīvanena praśaṃsanam, punarādhānasya traivarṇikasādhāraṇyenartuviśeṣavidhānam, punarādhānamahani madhyāhne kartavyatayā vidhātumādityasya sarvarturūpatvavarṇanam, prakārāntareṇa tanmadhyandinā- dhānapraśaṃsanam, punarādhitsitasyāgneḥ kuśairādhānavidhānam, saprayojanaṃ vrīhiyavamayayorapūpayorarkaparṇadvayasaṃgṛhītayorgārhapatyāhavanīyāyatanayornidhānavidhānam, pavamāneṣṭisthāne pañcakapālāgneyīṣṭividhānam, asyāṃ pañcakapāleṣṭau sarvasyāpyājyabhāgāderyāgasyāgnidevatyatvavidhānam, asyā iṣṭeḥ prāguttamādanuyājādupāṃśutva vidhānam, prayājādiṣu sarvāgneyakaraṇatvakathanam, prayājayājyāsvapi krameṇāgnivibhaktiyojanaṃ, pañcamaprayā- jānuyājayorviśeṣavidhiḥ, prathamājyabhāge budhidhātuyuktāmagnidaivatyāṃ puro'nuvākyāṃ pradarśya dvitīyājya- bhāge'gniḥ pavamāno'gnirindubhānveti devatāvikalpapuraḥsaraṃ tattaddaivatya- yājyānuvākyāpradarśanaṃ, pradhānasviṣṭakṛtoragnisambandhapradarśanam, dvitīye. 'nuyāje'gnivibhaktiyojanam, prayājānuyājeṣūktavibhaktīnāṃ saṃbhūya praśaṃsanaṃ, tāsāmeva punarakṣarasaṃkhyāmupajīvya praśaṃsanam, punarādheyasya dakṣiṇā- vidhānaścetyādi.
brāhmaṇa ४ agnihotram
४ agnihotrabrāhmaṇaṃ, tatra-sāyamprātaranuṣṭheyāgnihotravidhāyinyākhyāyikā, tasyāṃ ca sāyamprātaragnihotradevatāhavirdravyāṇāmutpattikathanam, sābhiprāyaṃ vaikaṃkatyagnihotrahavaṇīsrugutpattikathanam gorutpattidvārā payautpattikathanam, gavāṃ yajñasya ca nāmasādhāraṇyena praśaṃsanama, agnihotradevatānāṃ madhye sāyamprātaḥkālavibhāge nānuṣṭhānakramanirdhāraṇam, devānāṃ dṛṣṭāntenāgnihotraṃ juhvato viduṣo yajamānasya prajātyādiphalaprāptikathanañceti.