શતપથબ્રાહ્મણમ્ · અધ્યાય 2.2

બ્રાહ્મણ ૧ પૂર્ણાહુતિહોમઃ
૧ સપ્રયોજનં પૂર્ણાહુતિહોમઃ, પૂર્ણાહુતેઃ સકલકામાવાપ્તિહેતુત્વકથનમ્, પવમાનેષ્ટિકાર્યસ્ય પરોક્ષતયા પૂર્ણાહુત્યૈવ સાધિતત્વાત્પૂર્ણાહુત્યન્તાધાનપક્ષં પ્રતિપાદ્ય તનૂહવિષાં પવમાનેષ્ટીનાં તુ પ્રત્યક્ષતયા પ્રાણાન્નવીર્યધારણહેતુત્વાન્નિયમેન કર્તવ્યતયા વિધાનેન તદન્તાધાનપક્ષસિદ્ધાન્તનિરૂપણમ્, પવમાનેષ્ટીનાં પ્રશંસાર્થમર્થવાદઃ, તનૂહવિષાં પવમાનેષ્ટીનાં મધ્યે પ્રથમસ્ય હવિષઃ પૃથક્તન્ત્રમુત્તરયોર્હવિષોઃ સમાનતન્ત્રમિતિ વિધાનમ્ , પવમા- નેષ્ટિષુ પુરોડાશસમ્બન્ધિકપાલસંખ્યાયા યાજ્યાપુરોઽનુવાક્યયો- ર્ગાયત્રીછન્દસ્કત્વસ્ય ચ નિધાનમ્, પક્ષાન્તરેણ તૃતીયાયામિષ્ટાવાદિત્યચરુવિધાનમ્, સ્વિષ્ટકૃત્સંયાજ્યયોર્વિરાટ્છન્દસ્કત્વવિધાનં, ધેનુરૂપદક્ષિણાવત્ત્વપ્રતિપાદનં ચ, પક્ષા- ન્તરે તુ પુનઃ કેવલમાગ્નેય્યદિતીષ્ટિદ્વયવિધાનં ચેત્યાદિ.
બ્રાહ્મણ ૨ દક્ષિણાબ્રાહ્મણમ્
૨ દક્ષિણાબ્રાહ્મણં, તત્ર દક્ષિણાદાનવિધિઃ, આહુતિદૃષ્ટાંતેનૈતદ્દક્ષિણાદાનપ્રશંસનમ્, આધાનસ્ય ભ્રાતૃવ્યજયહેતુત્વપ્રતિપાદિની આખ્યાયિકા, આખ્યાયિકાસિદ્ધસ્ય ફલાર્થવાદસ્ય પ્રકૃતે સઙ્ગમનમ્, ગાર્હપત્યાદ્યાયતને બહિરાહિતસ્યાગ્નેરન્તર્ધારણત્વોપપાદનમ્, આન્તરેઽઅગ્નાવુદ્દીપનસમિન્ધનવિધાનમ્, એવમન્તરગ્નિમાદધાનસ્ય વ્યવાયાદિદોષોઽપિ નાસ્તીતિ પ્રતિપાદનમ્, આહિતાગ્નેઃ સત્યવદનવ્રતવિધાનમ્, સત્યવદનસ્ય ચાગ્નિ- સમિન્ધનહેતુત્વકથનં ચેતિ. ઇત્યગ્ન્યાધાનમ્ ।
બ્રાહ્મણ ૩ પુનરાધાનમ્
૩ તત્ર પ્રકૃતિભૂતસ્યાધાનસ્ય રાજ્યયશોહેતુત્વેન પ્રશંસનમ્, પુનરાધેય- વિધાયિન્યાખ્યાયિકા, પુનરાધેયવિધિઃ, પુનરાધેયસ્યાગ્નિસમ્બન્ધોપજીવનેન પ્રશંસનમ્, પુનરાધાનસ્ય ત્રૈવર્ણિકસાધારણ્યેનર્તુવિશેષવિધાનમ્, પુનરાધાનમહનિ મધ્યાહ્ને કર્તવ્યતયા વિધાતુમાદિત્યસ્ય સર્વર્તુરૂપત્વવર્ણનમ્, પ્રકારાન્તરેણ તન્મધ્યન્દિના- ધાનપ્રશંસનમ્, પુનરાધિત્સિતસ્યાગ્નેઃ કુશૈરાધાનવિધાનમ્, સપ્રયોજનં વ્રીહિયવમયયોરપૂપયોરર્કપર્ણદ્વયસંગૃહીતયોર્ગાર્હપત્યાહવનીયાયતનયોર્નિધાનવિધાનમ્, પવમાનેષ્ટિસ્થાને પઞ્ચકપાલાગ્નેયીષ્ટિવિધાનમ્, અસ્યાં પઞ્ચકપાલેષ્ટૌ સર્વસ્યાપ્યાજ્યભાગાદેર્યાગસ્યાગ્નિદેવત્યત્વવિધાનમ્, અસ્યા ઇષ્ટેઃ પ્રાગુત્તમાદનુયાજાદુપાંશુત્વ વિધાનમ્, પ્રયાજાદિષુ સર્વાગ્નેયકરણત્વકથનમ્, પ્રયાજયાજ્યાસ્વપિ ક્રમેણાગ્નિવિભક્તિયોજનં, પઞ્ચમપ્રયા- જાનુયાજયોર્વિશેષવિધિઃ, પ્રથમાજ્યભાગે બુધિધાતુયુક્તામગ્નિદૈવત્યાં પુરોઽનુવાક્યાં પ્રદર્શ્ય દ્વિતીયાજ્ય- ભાગેઽગ્નિઃ પવમાનોઽગ્નિરિન્દુભાન્વેતિ દેવતાવિકલ્પપુરઃસરં તત્તદ્દૈવત્ય- યાજ્યાનુવાક્યાપ્રદર્શનં, પ્રધાનસ્વિષ્ટકૃતોરગ્નિસમ્બન્ધપ્રદર્શનમ્, દ્વિતીયે. ઽનુયાજેઽગ્નિવિભક્તિયોજનમ્, પ્રયાજાનુયાજેષૂક્તવિભક્તીનાં સંભૂય પ્રશંસનં, તાસામેવ પુનરક્ષરસંખ્યામુપજીવ્ય પ્રશંસનમ્, પુનરાધેયસ્ય દક્ષિણા- વિધાનશ્ચેત્યાદિ.
બ્રાહ્મણ ૪ અગ્નિહોત્રમ્
૪ અગ્નિહોત્રબ્રાહ્મણં, તત્ર-સાયમ્પ્રાતરનુષ્ઠેયાગ્નિહોત્રવિધાયિન્યાખ્યાયિકા, તસ્યાં ચ સાયમ્પ્રાતરગ્નિહોત્રદેવતાહવિર્દ્રવ્યાણામુત્પત્તિકથનમ્, સાભિપ્રાયં વૈકંકત્યગ્નિહોત્રહવણીસ્રુગુત્પત્તિકથનમ્ ગોરુત્પત્તિદ્વારા પયૌત્પત્તિકથનમ્, ગવાં યજ્ઞસ્ય ચ નામસાધારણ્યેન પ્રશંસનમ, અગ્નિહોત્રદેવતાનાં મધ્યે સાયમ્પ્રાતઃકાલવિભાગે નાનુષ્ઠાનક્રમનિર્ધારણમ્, દેવાનાં દૃષ્ટાન્તેનાગ્નિહોત્રં જુહ્વતો વિદુષો યજમાનસ્ય પ્રજાત્યાદિફલપ્રાપ્તિકથનઞ્ચેતિ.