Shatapatha Brahmana · Chapter 14.4.4

tryannabrāhmaṇaṃ vā avidyāviṣayasaṃsāratattvapradarśakaṃ brāhmaṇaṃ vā upasaṃhārabrāhmaṇam
trayaṃ vā idaṃ nāma rūpaṃ karma/ teṣāṃ nāmnāṃ vāgityetadeṣāmukthamato hi sarvāṇi nāmānyuttiṣṭhantyetadeṣāṃ sāmaitaddhi sarvairnāmabhiḥ samametadeṣāmbrahmaitaddhi sarvāṇi nāmāni bibharti - १४.४.४.
atha rūpāṇām/ cakṣurityetadeṣāmukthamato hi sarvāṇi rūpāṇyuttiṣṭhantyetadeṣāṃ sāmaitaddhi sarvai rūpaiḥ samametadeṣāṃ brahmaitaddhi sarvāṇi rūpāṇi bibharti - १४.४.४.
atha karmaṇām/ ātmetyetadeṣāmukthamato hi sarvāṇi karmāṇyuttiṣṭhantyetadeṣāṃ sāmaitaddhi sarvaiḥ karmabhiḥ samametadeṣāṃ brahmaitaddhi sarvāṇi karmāṇi bibharti tadetattrayaṃ sadekamayamātmā'tmo ekaḥ sannetattrayaṃ tadetadamṛtaṃ satyena cchannaṃ prāṇo vā amṛtaṃ nāmarūpe satyaṃ tābhyāmayaṃ prāṇaśchannaḥ - १४.४.४.