Shatapatha Brahmana · Chapter 12.2

brāhmaṇa १ saṃvatsare samudraprataraṇopāsanam
१-saṃvatsare samudraprataraṇopāsanam-tatra saṃvatsarasambandhiṣu dīkṣaṇīyādyaṅgeṣu tīrthagādhaprabhṛtisamudrāvayavatvaṃ sopapattikamupapādya tattadrūpeṇopāsanavidhānaṃ, sopapattikaṃ saṃvatsarasya pūraṇapradarśanaṃ, saṃvatsarasya yathāyathaṃ trayodaśamāsānprakalpya teṣu pratimāsaṃ pṛṣṭhayābhiplavāvupetavyāvityabhidhānam, ukte'rthe viduṣa āruṇeyasya śvetaketoḥ saṃmatipradarśanaṃ ceti.
brāhmaṇa २
२-pratimāsamupetavyatayoktayoḥ pṛṣṭhyābhiplavayorādhiyajñikenādhidaivikena ca rūpeṇa nirūpaṇaṃ tatra caitau pṛṣṭhyābhiplavau devānāṃ rathacakre bhavato yajamānasya pāpmānamapahataśceti nirūpaṇaṃ, yo dīkṣitānāṃ satre pāpmānaṃ kīrtayettasyaite devacakre śiraśchindyurityādikathanam ete cakre same bhavataḥ stomāstu viṣamāḥ kathameteṣāṃ sāmyamityāśaṅkya tatsamādhānakathanaṃ, tatra paiṅgyācāryamatena pṛṣṭhyābhiplavayoḥ sahetukaṃ tantrānuṣṭhānakaraṇakathanamanyathā'nuṣṭhāne'niṣṭaphalābhidhānaṃ ca phalanirdeśapuraḥsaraṃ māsimāsi navāgniṣṭomasampatterabhidhānaṃ, phalābhidhānasahitaṃ māsimāsi ekaviṃśatyukthyānāṃ sampatterupapādanaṃ, phalābhidhānasahitaṃ māsimāsi catustriṃśadagniṣṭomānāṃ sampatterupapādanaṃ, yato devā etena vīryeṇānnena sarvānkāmānāpnuvannataḥ saṃvatsarāya dīkṣito'pyetasmai kāmāya pṛṣyāetabhiplavau upaiveyādityuktasampatternigamanaṃ, svargaṃ lokamabhigantumādityānāmāṅgirasānāṃ ca parasparaṃ sparddhākaraṇapradarśanaṃ, tatprasaṅgenābhiplavapṛṣṭhyaśabdayornirvacanaṃ, tatrābhiplavasya ṣaṭpañcacatustridvyekāhaḥsampatteḥ sopapattikaṃ nirūpaṇaṃ, kauśāmbeyasya kausurabindeḥ proteraruṇaputrasyoddālakasya ca śiṣyagurvoḥ praśnottarātmakasaṃvādena saṃvatsarasya daśādyekaparyantāhaḥsampatterupasaṃhārakrameṇa sopapattikaṃ nirūpaṇam , eṣoktā sampatsaṃvatsarasyopaniṣadbhavatītyabhidhāya tāṃ vedituḥ phalābhidhānaṃ cetyādi.
brāhmaṇa ३ bṛhatyupaniṣada
३-bṛhattyupaniṣad-tasyāṃ ca eṣa eva saṃvatsaro bṛhatīcchandorūpeṇābhisampanna ityupāsīteti dyotanaṃ, tatra saṃvatsarasya bṛhatyātmanā'bhisampatteḥ sopapattikaṃ saphalaṃ nirūpaṇaṃ, tataḥ prakṛtibhūtenābhiplavenaivātirātrāttatsarvamabhipūritaṃ bhavatīti sopapattikaṃ pradarśanaṃ, viṣuvataḥ pūrveṣu ṣaṭsu māseṣu pūrvamabhiplavamuttaraṃ pṛṣṭhyamupayantyuttareṣu ṣaṭṣu māseṣu pūrvaṃ pṛṣṭhyamuttaramabhiplavamupayantīti pitāputrayorupajīvanakramadṛṣṭāntena pratipādanam uktārthaṃ vedituḥ phalābhidhānaṃ ca, yadi dīkṣitacaturviṃśamaharupetya preyāttadā kathamanāgūrtī bhavatītyāśaṅkaya tatsamādhānakathanaṃ, tataḥ puruṣavidhasya saṃvatsarasya viṣuvānātmā dvādaśa māsā aṅgāni tayoścāṅgāṅgino rnātireko bhavatītyādipratipādanam , idānīmasya saṃvatsarasya mahāsuparṇatvaṃ pratipādya tadarthaṃ tadaṅgajātaṃ copapādya tadīyā''tmapakṣayorapyanyo'nyamatireko na jāyata iti pratipādanaṃ, viṣuvataḥ pūrveṣvābhiplavikeṣu ṣaṭṣu māseṣu trividhā ye ūrdhvāḥ stomāste pārṣṭhikeṣvapyahaḥsūrdhvā bhavanti daśarātre te stomā ūrdhvā evopetavyā ityādipradarśanaṃ, etadvedituḥ phalābhidhānaṃ ca, tato'hnāmabhyārohaṇasādṛśyenāśīrāśaṃsananirūpaṇam, ahnāmabhyārohaṇe kramāntaranirūpaṇaṃ, etadvedituḥ phalābhidhānaṃ ca, asya saṃvatsarasya vidvadavidvadanuṣṭhānamabhilakṣya praśaṃsānindārūpārthavādakathanaṃ, tato'sya saṃvatsarasya parāṃcyahāni kati-avāṃcyahāni ca katītyevampraśnapūrvakaṃ teṣāṃ parācāmarvācāṃ cāhnāmupapādanaṃ cetyādi.
brāhmaṇa ४ gavāmayanīyasaṃvatsarasya puruṣavidhopāsanam
४-gavāmayanīyasaṃvatsarasya puruṣavidhopāsanam-tatra saṃvatsarasatrasya prāyaṇīyātirātrādyaṅgeṣu hastādyaṅgānāṃ sampādanapuraḥsaraṃ sopapattikaṃ puruṣavidhatvaṃ sampādya tadrūpeṇopāsanasya dyotanaṃ, tatra prasaṅgāt paiṅgyācāryamatenābhiplavapṛṣṭhyaśabdayornirvacanam, evamadhyātmatayā pratiṣṭhitaṃ saṃvatsaraṃ vedituḥ phalanirūpaṇaṃ cetyādi.