Sarvatathāgatatattvasaṃgraha · Chapter 65

iti //
atha vajrakulaguhyasamayamudrābandho bhavati /
guhyamuṣṭisamudbhūtāḥ samayāgryaḥ prakīrtitāḥ /
tāsāṃ bandhaṃ pravakṣyāmi vajra[bandha]manuttaraṃ

hṛdisthā valitā pārśve vāṇākarṣā tu vāmataḥ /
hṛdayācca samuddhāntā bhṛkuṭiḥ parivartya vai

sūryamaṇḍalasaṃdarśā mūrdhni bāhuprasāritā /
parivartya smitasthā tu mukhamadhyasusaṃsthitā

kośagrapraharākārā cakranikṣepadarśikā /
mukhataśca samuddhāntā mūrdhni kāyāgramaṇḍalā

skandhayorhṛdi pārśvābhyāṃ vajrarakṣākṛtistathā /
daṃṣṭrāsaṃsthānayogācca gāḍhamuṣṭinipīḍitā

bāhyamaṇḍalamudrāstu bandheccihnānusārataḥ /
samayā vajrabandhena tathāsyā vajramuṣṭinā