सर्वतथागततत्त्वसंग्रह · अध्याय 65

इति ॥
अथ वज्रकुलगुह्यसमयमुद्राबन्धो भवति ।
गुह्यमुष्टिसमुद्भूताः समयाग्र्यः प्रकीर्तिताः ।
तासां बन्धं प्रवक्ष्यामि वज्र[बन्ध]मनुत्तरं

हृदिस्था वलिता पार्श्वे वाणाकर्षा तु वामतः ।
हृदयाच्च समुद्धान्ता भृकुटिः परिवर्त्य वै

सूर्यमण्डलसंदर्शा मूर्ध्नि बाहुप्रसारिता ।
परिवर्त्य स्मितस्था तु मुखमध्यसुसंस्थिता

कोशग्रप्रहराकारा चक्रनिक्षेपदर्शिका ।
मुखतश्च समुद्धान्ता मूर्ध्नि कायाग्रमण्डला

स्कन्धयोर्हृदि पार्श्वाभ्यां वज्ररक्षाकृतिस्तथा ।
दंष्ट्रासंस्थानयोगाच्च गाढमुष्टिनिपीडिता

बाह्यमण्डलमुद्रास्तु बन्धेच्चिह्नानुसारतः ।
समया वज्रबन्धेन तथास्या वज्रमुष्टिना