Sarvatathāgatatattvasaṃgraha · Chapter 64

tatraitāni hṛdayāni bhavanti /
huṃ vajrasphoṭa ṭhaḥ //
huṃ mukhavajra ṭhaḥ //
huṃ vajranetra ṭhaḥ //
huṃ manovajra ṭhaḥ //
tato mahāvajrakulaguhyamudrājñānaṃ śikṣayet / tatra prathamaṃ tāvanmahāmudrābandho bhavati /
kaniṣṭhāṅkuśabandhena vajrakrodhānniveśayet /
vāmatriśūlapṛṣṭhe tu trilokavijayā smṛtā

suprasāritavāmāgryā tathaivottānavārijā /
parivartya tathā caiva vāmavajrā pratiṣṭhite // ti

vajrabandhantale kṛtvā cchādayetkruddhamānasaḥ /
gāḍhamaṅguṣṭhavajreṇa krodhaterintiriḥ smṛtā

kuñcitāgryāṅkuśī caiva tarjanīmukhavajriṇī /
sādhukārā tathāgryābhyāṃ agravajrā mukhasthitā

hṛdaye sūryasaṃdarśā samāgryā mūrdhni saṃsthitā /
parivartya smitasthā tu samāgryā kuḍmalā tathā

khaṅgamuṣṭigrahadvābhyāmagryā cakrā nibandhanaḥ /
samāgryā mukhatoddhāntā tarjanī saṃprasāritā

tarjanī gale bandhā tu tābhyāṃ daṃṣṭrā mukhasthitā /
gāḍhamuṣṭinibandhāśca mahāmudrāḥ prakalpitā