Sarvatathāgatatattvasaṃgraha · Chapter 23

athāsāṃ vajraguhyajñānamudrāṇāṃ hṛdayāni bhavanti /
vajraguhyasamaya aḥ //
vajraguhyasamaya hoḥ //
vajraguhyasamaya huṃ //
vajraguhyasamaya haṃ //
tato vajraguhyamudrābandhaṃ śikṣayet /
vajrāñjalisamudbhūtā mahāguhyāḥ prakīrtitāḥ /
mahāmudrāḥ samāsena tāsāṃ bandhaḥ pravakṣyate

aṅguṣṭhadvayaparyaṅkā kuñcitāgrāgravigrahā /
samamadhyottamāṅgā ca vajradhātvīśvarī smṛtā

sā eva madhyavajrā tu madhyābhyāṃ tu maṇīkṛtā /
madhyānāmāntyapadmā ca prasāritakarāṅgulī

agryā vajrā divajrāgrī sāṅguṣṭhadvayagūhitā /
sādhukārāgryaratnā ca sa ratnāgrākarojvalā

samānāmāntyaratnā ca sā eva parivartitā /
suprasāritasarvāgrā samāṅguṣṭhāntarasthitā

prasāritāṅgulīmaṇḍāsā eva tu mukhoddhṛtā /
aṅguṣṭhavajrasaṃcchannā samāgryābhyantarasthitā

dvayaṅguṣṭhavikacā sā tu tato 'bhyantaravajriṇī /
vajraguhyāḥ punaścaitā vajrabandhasamudbhavāḥ

dharmaguhyāḥ punaścinhaiḥ saṃpuṭāntarabhāvitaiḥ /
karmaguhyāntarasthitaistu cinhaiḥ karmapradarśanam