સર્વતથાગતતત્ત્વસંગ્રહ · અધ્યાય 23

અથાસાં વજ્રગુહ્યજ્ઞાનમુદ્રાણાં હૃદયાનિ ભવન્તિ ।
વજ્રગુહ્યસમય અઃ ॥
વજ્રગુહ્યસમય હોઃ ॥
વજ્રગુહ્યસમય હું ॥
વજ્રગુહ્યસમય હં ॥
તતો વજ્રગુહ્યમુદ્રાબન્ધં શિક્ષયેત્ ।
વજ્રાઞ્જલિસમુદ્ભૂતા મહાગુહ્યાઃ પ્રકીર્તિતાઃ ।
મહામુદ્રાઃ સમાસેન તાસાં બન્ધઃ પ્રવક્ષ્યતે

અઙ્ગુષ્ઠદ્વયપર્યઙ્કા કુઞ્ચિતાગ્રાગ્રવિગ્રહા ।
સમમધ્યોત્તમાઙ્ગા ચ વજ્રધાત્વીશ્વરી સ્મૃતા

સા એવ મધ્યવજ્રા તુ મધ્યાભ્યાં તુ મણીકૃતા ।
મધ્યાનામાન્ત્યપદ્મા ચ પ્રસારિતકરાઙ્ગુલી

અગ્ર્યા વજ્રા દિવજ્રાગ્રી સાઙ્ગુષ્ઠદ્વયગૂહિતા ।
સાધુકારાગ્ર્યરત્ના ચ સ રત્નાગ્રાકરોજ્વલા

સમાનામાન્ત્યરત્ના ચ સા એવ પરિવર્તિતા ।
સુપ્રસારિતસર્વાગ્રા સમાઙ્ગુષ્ઠાન્તરસ્થિતા

પ્રસારિતાઙ્ગુલીમણ્ડાસા એવ તુ મુખોદ્ધૃતા ।
અઙ્ગુષ્ઠવજ્રસંચ્છન્ના સમાગ્ર્યાભ્યન્તરસ્થિતા

દ્વયઙ્ગુષ્ઠવિકચા સા તુ તતો ઽભ્યન્તરવજ્રિણી ।
વજ્રગુહ્યાઃ પુનશ્ચૈતા વજ્રબન્ધસમુદ્ભવાઃ

ધર્મગુહ્યાઃ પુનશ્ચિન્હૈઃ સંપુટાન્તરભાવિતૈઃ ।
કર્મગુહ્યાન્તરસ્થિતૈસ્તુ ચિન્હૈઃ કર્મપ્રદર્શનમ્