Scripture Library
Sārdhatriśatikālottarāgama · Chapter 15
15.1
prāsādaṃ nādamutthāpya japedyaḥ satataṃ naraḥ
ṣaṇmāsātprāpnuyātsiddhiṃ yogayukto na saṃśayaḥ //
15.2
gamāgamasya japataḥ sarvapāpakṣayo bhavet
aṇimādiguṇaiśvaryaṃ ṣaṇmāsaistu na saṃśayaḥ //
15.3
gamāgamaṃ viditvā tu mucyate nātra saṃśayaḥ
tanmayastallayo bhūtvā ṣaṇmāsātsiddhimāpnuyāt //
15.4
sthūlaḥ sūkṣmaḥ paraścaiva prāsādaḥ kathito mayā
prāsādaṃ ye na budhyanti te na budhyanti śaṅkaram //
Original text: Sārdhatriśatikālottarāgama · Edition: N.R. Bhatt: Sardhatrisatikalottaragama, avec le commentaire de Bhatta Ramakantha. Pondicherry : Institut Francais d'Indologie 1979. (Publications de l'Institut Francais d'Indologie, 61) · Data entry Dominic Goodall · GRETIL (Göttingen) · CC BY-NC-SA 4.0