Sangita Ratnakara · Chapter p6

saṅgītaratnākaraḥ
atha ṣaṣṭho vādyādhyāyaḥ /
tataṃ yenāvanaddhaṃ ca bhuvanaṃ nijamāyayā
ānandaghanamadhyemi taṃ brahmasuṣire haram

citrā vācaḥ pravartante dhātuvṛttivicitritāḥ
yatastaṃ naumi vistāratattvaughānugataṃ śivam

gītaṃ caturvidhādvādyājjāyate coparajyate
mīyate ca tato'smābhirvādyamadya nigadyate
tattataṃ suṣiraṃ cāvanaddhaṃ ghanamiti smṛtam

caturdhā tatra pūrvābhyāṃ śrutyādidvārato bhavet
gītaṃ tato'vanaddhena rajyate mīyate ghanāt

vādyatantrī tataṃ vādyaṃ suṣiraṃ suṣiraṃ matam

carmāvanaddhavadanamavanaddhaṃ tu vādyate
dhano mūrtiḥ sā'bhighātādvādyate yatra tadghanam

tataṃ vīṇā dvidhā sā ca śrutisvaravivecanāt
tatra śrīśārṅgidevena śruticīṇoditā purā

vakṣyate svaravīṇā'tra tasyāmapi vicakṣaṇāḥ
aṅkitvā svaradeśānāṃ bhāgānubhindate śrutīḥ

tadbhedāstvekatantrī syānnakulaśca tritantrikā
citrā vīṇā vipañcī ca tataḥ syānmattakokilā

ālāpinī kiṃnarī ca pinākīsaṃjñitā parā
niḥśaṅkavīṇetyādyāśca śārṅgidevena kīrtitāḥ

vaṃśaḥ pāvaḥ pāvikā ca muralī madhukaryapi
kāhalātuṇḍukinyau ca cukkā śṛṅgamataḥ param

śaṅkhādayaśca vādyasya suṣirasya bhidā matāḥ
paṭaho mardalaścātha huḍukkā karaṭā ghaṭaḥ

ghaḍaso ḍhavaso ḍhakkā kuḍukkā kuḍuṣā tathā
ruñjā ḍamaruko ḍakkā maṇḍiḍakkā ca ḍakkulī

sellukā jhallarī bhāṇastrivalī dundubhistathā
bherīniḥsāṇatumbakyo bhedāḥ syuravanaddhagāḥ

tālo'tha kāṃsyatālaḥ syādghaṇṭā ca kṣudraghaṇṭikā
jayaghaṇṭā tataḥ kesrā śuktipaṭṭādayastathā
prabhedā ghanavādyasya proktāḥ soḍhalasūnunā

śuṣkaṃ gītānugaṃ nṛttānugamanyaddvayānugam
caturdheti mataṃ vādyaṃ tatra śuṣkaṃ taducyate

yadvinā gītanṛtyābhyāṃ tadgoṣṭhītyucyate budhaiḥ
tataḥ paraṃ tu tritayaṃ bhavedanvarthanāmakam

vādyaṃ dakṣādhvaradhvaṃsodvegatyāgāya śaṃbhunā
cakre kautukato nandisvātitumburunāradaiḥ

abhiṣeke narendrāṇāṃ yātrāyāmutsave tathā

maṅgaleṣu ca sarveṣu vivāhopanayādiṣu
utpāte saṃbhrame yuddhe nāṭake vīraraudriṇi

sarvātodyāni vādyante kānicittvalpamaṅgale
viśrāntau raṅgasaṃsthānāṃ gāyatāṃ nṛtyatāmapi

etānyutsāhakārīṇi vīrāṇāṃ maṅgalāya ca
kurvanti hṛdayasphūrtiṃ duḥkhamunmūlayanti ca

gītanṛtyagatanyūnapracchādanapaṭūnyapi
vādyānyatastatādīni tatrā''dau brūmahe tatam

tasya vādanabhedāṃśca vividhāḥ karasāraṇāḥ
suṣiraṃ paṭahaṃ tasya pāṭāṃstadracanāstathā

pāṭaprabhavavādyāni prabandhānvādyasaṃśrayān
mardalākhyaṃ tato vādyaṃ bhedānmārdalikasya ca

guṇadoṣāṃśca tadvṛndaṃ svarūpasya ca lakṣaṇam
huḍukkādyavanaddhānāṃ svasvapāṭasamanvitam

ghanasya ca guṇāndoṣānvādyavādakasaṃgatān
hastayośca guṇānatra vādyādhyāye yathākramam

aṅguṣṭhaparvadairghyaṃ syādaṅgulaṃ dvādaśāṅgulam
vitastistaddvayaṃ hasto vādyabhāṇḍamitau bhavet

granthivraṇabhidā hīnaḥ ślakṣṇaḥ khadiradārujaḥ
suvṛttaḥ saralo daṇḍo vitastiparidhirbhavet

trihastadairghyastāvacca suṣiraṃ dadhadantarā
sārdhāṅgulaparīṇāhamūrdhvādhovadane tathā

kaniṣṭhāṅgulimānaṃ vā garbhe randhratrayaṃ dadhat
tretāgnisaṃsthitaṃ yadvā dve randhre tarjanīmite

ekameva tvadhaḥśaṅkusthāne sārdhāṅgulāyatam
dadhānaḥ kakubhaṃ sāraṃ khādiraṃ vā'nyadārujam

tiryaksaṃsthena dairghyeṇāṣṭāṅgulatryaṅgulāyatam
aṅgulādhikapārśvaṃ ca madhye kūrmonnatākṛtau

sthitena patrikādhāragartena ca samanvitam
gartamadhye ca randhreṇa yonyākāreṇa saṃyutam

randhre tatra niviṣṭena randhrasthaulyena śaṅkunā
anvitāṃ patrikāṃ miśralohajāṃ dvyaṅgulāyatām

caturaṅguladairghyāṃ ca madhye kūrmonnatādbahiḥ
nimnamadhyaṃ manāgantardhārayantamadhaḥ punaḥ

dvidaṇḍikaṃ śaṅkunā'ṣṭāṅguladairghyayujā tathā
vṛttena tryaṅgulasthūlottarārdhaślakṣmamūrtinā

kūrmapṛṣṭhonnataṃ madhyamuttarārdhasya bibhratā
daṇḍavatkramitasthaulyādharabhāgayutena ca

daṇḍavaktrapraviṣṭādhobhāgena ca virājitam
evaṃvidhasya daṇḍasyordhvādhaḥ saptadaśāṅgulaiḥ

adhobhāge'kṣisadṛśaṃ vidhāya vivaradvayam
ekatra dviguṇāṃ tantrīṃ kṣiptvā randhre paratra ca

tantrīprāntāntare kṣiptvā protaṃ taddviguṇe tataḥ
dviguṇātkarṣaṇātkarṣetpunarevaṃ samācaret

ṣaṣṭyaṅgulaparīṇāhaṃ supakvaṃ vartulaṃ ca yat
tumbasyotsedhatastasya vadanaṃ dvādaśāṅgulam

vṛttasthānasthayā nābhyā'dhomukhyā madhyarandhrayā
tryaṅgulāyatayā yuktaṃ pṛṣṭhasaṃśliṣṭapṛṣṭhayā

tumbakaṃ madhyarandhraṃ syātkarparaṃ nālikerajam
antastharandhrasaṃlagnaṃ pṛṣṭhamadhyena randhriṇā

taṃ dadhadrandhramadhye'tha tantrīprāntau niveśya tau
saṃveṣṭya kīlake'ntasthe kīlakaṃ bhrāmayenmuhuḥ

tāvadyāvaddṛḍho bandhastumbakasyaiva jāyate
evaṃ tumbakamuttānaṃ daṇḍe tajjñairnibadhyate

dorakaṃ nāgapāśena dviguṇenānvitaṃ tataḥ
subalaślakṣṇasūtrotthaṃ daṇḍe tumbordhvadeśataḥ

saṃveṣṭya nāgapāśe'sminbaddhaprāntāṃ dṛḍhāṃ ghanām
ślakṣṇāṃ snāyumayīṃ tantrīṃ kṛṣṭvā saṃpīḍya patrikām

tantryā saṃveṣṭya kakubhaṃ nibadhnīyāddṛḍhaṃ tataḥ
vaiṇavī yavavistārā tanvī dvyaṅguladairghyabhāk

tantrīpatrikayorantajīvā nādasya siddhaye
saṃdigdhapatrikā tantrī śleṣaṃ kṣepyā kalāvatā

yā pakvaveṇuvalkotthā dorikā trivṛtā śubhā
kaniṣṭhā nakhavistārā dvādaśāṅguladairghyabhāk

suvṛttā masṛṇā tumbādadhastādaṅgulatraye
daṇḍe saṃveṣṭayenmandrasvarasthānopalakṣikām

yatrābhidadhire dhīrāstāṃ vīṇāmekatantrikām
prakṛtiḥ sarvavīṇānāmeṣā śrīśārṅgiṇoditā

darśanasparśane cāsyā bhogasvargāpavargade
punīto viprahatyādipātakaiḥ patitaṃ janam

daṇḍaḥ śaṃbhurumā tantrī kakughaḥ kamalāpatiḥ
indirā patrikā brahmā tumbaṃ nābhiḥ sarasvatī

dorako vāsukirjīvā sudhāṃśurdorikā raviḥ
sarvadevamayī tasmādvīṇeyaṃ sarvamaṅgalā

adhastumbamadhovaktramūrdhvaṃ tantrīryathā bhavet
tathā'syā ddorikādeśaṃ vāmaskandhe nidhāya ca

kakubhaṃ dakṣiṇasyāṅghreḥ pārṣṇyā saṃdhāya yatnataḥ
nyastāṃ pṛṣṭhe kaniṣṭhāyā vāmahastasya kamrikām

sāraṇāsāraṇetyuktāmanāmāṅguliveṣṭitām
ākuñcanmadhyamāpārśvalagnāṃ tarjanikāgrataḥ

nipīḍyoraḥsthalāsannāṃ tantrīmadhinidhāya ca
ūrdhvādhaḥ sārayennādasiddhyai hastaṃ tu dakṣiṇam

tyaktvā vitastiṃ jīvātastantryāṃ vinyasya sārayet
anyatroparivādyāntaṃ nordhvaṃ vakṣaḥsthalānnayet

kamrikā tatkriyā coktā sāraṇā sā caturvidhā
utkṣiptā saṃniviṣṭākhyobhayī syātkampitetyapi

śliṣṭā tantrī yadotplutya nipatetsāraṇāṃ muhuḥ
tadotkṣiptā saṃniviṣṭā spṛṣṭvaiva sarane bhavet

kramādetaddūyābhyāṃ syādubhayī sāraṇā matā
svarasthāne kampanena kampitā kamrikocyate

ghātaḥ pātaśca saṃlekhastato lekhāvalekhakau
bhramaraḥ saṃdhitacchinnau navamī nakhakartarī

vyāpārā dakṣiṇasyeti pāṇervāmasya tu dvayam
sphuritaḥ khasitaśceti karayorubhayostvamī

ghoṣo repho'tha binduḥ syātkartarī cārdhakartarī
niṣkoṭitākhyaḥ skhalitaḥ śukavaktraśca mūrchanā

talahasto'rdhacandraśca prasāraḥ kuharo'paraḥ
trayodaśeti sarve'mī syuścaturviṃśatiryutāḥ

karanāmānyapīmāni manvate vādyavedinaḥ
ghātaḥ syānmadhyamākrāntatarjanyā tantrikāhatiḥ

iti ghātaḥ
ghātaḥ kevalayā pātaḥ
iti pātaḥ
saṃlekho'ntastathā''hatiḥ
iti saṃlekhaḥ
antarmadhyamayā ghātamullekhaṃ saṃpracakṣire

ityullekhaḥ
avalekho madhyamayā syāttantrītāḍanaṃ bahiḥ
aṅgulyā'nye'nyayā'pyāhuḥ saṃlekhaṃ cāvalekhakam

sarvābhistisṛbhirdvābhyāmathaveti ca te jaguḥ
antarbahirmukhau ghātau tayoste bruvate kramāt

ityavalekhaḥ
bhramaro'ntaḥkramācchīghraṃ caturaṅgulitāḍanam
iti bhramaraḥ
madhyamānāmikābhyāṃ tu bahirghāto'tra saṃdhitaḥ

iti saṃdhitaḥ
tarjanīpārśvalagnāyāstantryā bahiranāmayā
hananaṃ chinnamācaṣṭe śrīmatsoḍhalanandanaḥ

iti cchinnaḥ
kramāddrutaṃ nakhairghātaścaturbhirnakhakartarī
iti nakhakartarī
iti nava dakṣiṇahastavyāpārāḥ
sphurite kampitā tantrīḥ pṛṣṭhalagneva sāraṇāḥ

iti sphuritaḥ /
muhuḥ sāraṇayā tantrīgharṣaṇaṃ khaśito mataḥ
iti khaśitaḥ
iti vāmahastavyāpāradvayam
tantrī lagnāṅguṣṭhapārśvā kartarīvacca hanyate

kaniṣṭhāsāraṇābhyāṃ vā yatrāsau ghoṣa ucyate
iti ghoṣaḥ
dakṣiṇānāmayā yaatra tantrīrantarnihanyate
vāmasya madhyamāṅgulyā bahistaṃ rephamūcire

iti rephaḥ
anāmayā bahistantrīghātājjāto yadā dhvaniḥ
tarjanyā dhāryate bindurniḥśaṅkenoditastadā

iti binduḥ
aṅgulībhiścatasṛbhiḥ krameṇa karayordvayoḥ
bahistantrīhatistūrṇaṃ kartarī kīrtitā budhaiḥ

iti kartarī
dakṣiṇaḥ kartarīṃ kuryādvāmahastastu tantrikām
yatra sāraṇayā hanti prāhustāmardhakartarīm

ityardhakartarī
utsṛṣṭasāraṇā yatra hanit tantrīṃ pradeśinī
niṣkoṭitābhidhaṃ pāṇimamuṃ vādyavido viduḥ

iti niṣkoṭitaḥ
utkṣiptayā sāraṇayā vāmastantrīṃ drutaṃ yadā
nihanti kartarītulyo dakṣiṇaḥ skhalitastadā

iti skhalitaḥ
tantrīkarṣo'ṅguṣṭhatarjanyagrābhyāṃ śukavaktrakaḥ

iti śukavaktraḥ
udveṣṭaparivartābhyāṃ tantryāṃ bhrāmyati dakṣiṇe
svarasthāne drutaṃ kamrāsāraṇaṃ mūrchanā matā

iti mūrchanā
talena dakṣiṇo hastastantrīṃ hantītaraḥ yunaḥ
pradeśinyā spṛśedyatra talahasto bhavedasau

iti talahastaḥ
sparśo'ṅguṣṭhakaniṣṭhābhyāmardhacandro'bhidhīyate
ityardhacandraḥ
caturaṅgulisaṃghāte kuñcitāṅguṣṭhake tale
kaniṣṭhātarjanīpārśvasparśastantryāḥ prasārakaḥ

iti prasārakaḥ
karasya kiṃcitsāṅguṣṭhasakalāṅgulikuñcane
kaniṣṭhāṅguṣṭhasaṃsparśastantryāḥ syātkuharaḥ karaḥ

iti kuharaḥ
iti trayodaśobhayahastavyāpārāḥ /
etaddhastasamāyogādvādanaṃ vādyamucyate
chando dhārā kaikuṭī ca kaṅkālaṃ vastu ca drutam

gajalīlaṃ daṇḍakaṃ coparivādyamataḥ param
vādyaṃ pakṣirutaṃ ceti daśadhā parikīrtitam

khasitasphuritau yatra kriyete bahudhā karau
tāraṃ ca spṛśyate sa syācchando yatimanoharaḥ

iti cchandaḥ
skhalito mūrchanā cātha kartarīrephasaṃyutau
ullekharephau yatrā''stāṃ dhārāṃ brūte harapriyaḥ

iti dhārā
śukavaktraḥ sphuritako ghoṣaḥ syādardhakartarī
kramādete karā yatra tāmāhuḥ kaikuṭīṃ budhāḥ

iti kaikuṭī
sphuritairmūrchanāsaṃjñaiḥ kartarītritayena ca
yuktaṃ karaiḥ kramādebhiḥ kaṅkālaṃ kathitaṃ budhaiḥ

iti kaṅkālam
spṛṣṭatāramupetaṃ yatkartaryā khasitena ca
kuhareṇātha tadvādyaṃ vastu vastuvido viduḥ

iti vastu
kartarīkhasitau yatra krameṇa kuharaḥ karaḥ
rephabhramaraghoṣāśca taddrutaṃ bruvate budhāḥ

iti drutam
bahudhā mūrchanā hastāḥ sphuritāḥ kartarī tataḥ
khasito yatra tatprāhurgajalīlaṃ kalāvidaḥ

iti gajalīlam
skhalito mūrchanākhyaśca kartarīrephasaṃyutaḥ
khasito mūrchanākhyaśca kartarīrephasaṃyutaḥ
khasito yatra vādyajñā daṇḍakaṃ tadbabhāṣire

iti daṇḍakam
ūrdhvādhogau kramāddhastau rephakartarikāhvayau
niṣkoṭite tale haste dvāvapyuparivādyake

ityuparivādyakam
samastahastavādyaṃ tu vādyaṃ pakṣirutaṃ matam
iti pakṣirutam
iti daśavidhaṃ vādyam
sakalaṃ niṣkalaṃ ceti dvividhaṃ vādyamucyate

tantrīsaṃlagnajīvātaḥ sthūlo yatra dhvanirbhavet
taduktaṃ sakalaṃ vādyamapare tvanyathā jaguḥ

ādorikaṃ patrikaṃ cettarjanīsparśavarjitam
sāryate kamrikāvādyaṃ tadāhuḥ sakalābhidham

apanīya kalāṃ kamrāmadho naiṣādadeśataḥ
na nayettarjanīsparśaṃ tantrayāścenniṣkalaṃ tadā

sūkṣmaścātra bhavennādaḥ sāraṇāmatra kecana
āmadhyamasvarasthānaṃ sāraṇāyāṃ prapedire

avocaditi niḥśaṅkaḥ śiṣyābhyāsāya vādanam
śrutyādikramato gītaniṣpattau tvidamādiśet

vakṣyāmaḥ svararandhrāṇāṃ yadvaṃśe'ṣṭādaśāṅgule
prathame saptake sthānaṃ vīṇāyāmapi tanmatam

svarāṇāṃ kiṃtu vaiṇānāmadharādharatāratā
madhyame saptake sthānaṃ tataḥ syāddviguṇāntaram

tṛtīye saptake sthānaṃ tato'pi dviguṇāntaram
aṅketa ca svarasthānānyamūni sukhabuddhaye

yathāsvaṃ svarabhedānāṃ vibhāgācchrutideśadhīḥ
syādgrāmamūrchanādīnāmudbodhaḥ sukarastataḥ
eṣā piñjarakāḥ proktā ghoṣakaścaikatantrikā

ityekatantrīlakṣaṇam
tantrīdvayena nakulaḥ syādanvarthā tritantrikā
tantrībhiḥ saptabhiścitrā vipañcī navabhirmatā

koṇāṅgulīvādanīyā citrā tadvadvipañcikā
kramādanye'ṅgulīkoṇavyavasthāmūcire tayoḥ

citrāyāmaṅgulīmātraṃ vipañcyāmubhayaṃ pare
tantrīṇāmekaviṃśatyā kīrtitā mattakokilā

mukhyeyaṃ sarvavīṇānāṃ tristhānaiḥ saptabhiḥ svaraiḥ
saṃpannatvāttadanyāstu tasyāḥ pratyaṅgamīritāḥ
karaṇaiścitrayantyastāstasyāḥ syuruparañjikāḥ

rūpaṃ kṛtapratikṛtaṃ pratibhedastataḥ param
syādrūpaśeṣamoghaśca pratiśuṣketi ṣaḍvidham
karaṇaṃ tasya vakṣyāmi lakṣmodāharaṇaiḥ samam

mukhyavīṇāprayuktasya gurvāderbhañjanena yat
yugapadvādanaṃ rūpaṃ vipañcyādiṣu tadyathā

vādyate gurumukhyāyāṃ yadā dve laghunī tadā
vipañcyādau yadā tvasyāṃ lastadanyāsu dadvayam

iti rūpam
etatkṛtapratikṛtaṃ paścātpratyaṅgavādane
iti kṛtapratikṛtam
rūpakriyāviparyāsātpratibhedo bhavedyathā

vādyate ladvayaṃ tajjñairmattakokilayā yadā
gurustadā vipañcyādivīṇābhiriti tadvidhiḥ

iti pratibhedaḥ
yadā vidārīvicchedaṃ kurute mukhyavaiṇikaḥ
tadā'nyāsāṃ vādanaṃ yadrūpaśeṣaṃ taducyate

iti rūpaśeṣam
yadā vilambitalayaṃ prayuṅkte mukhyavaiṇikaḥ
tadaivātidrutalayaṃ karacāturyayogataḥ
vaipañcikādyāḥ kuryuścedoghamācakṣate tadā

ityoghaḥ
aṃśasaṃvādyanyatarasvaravyañjikayā yadā

tantryaikayaiva karaṇaṃ syānmukhyāmukhyavīṇayoḥ
pratiśuṣkāṃ tadā''caṣṭaśārṅgidevo vidāṃvaraḥ

iti pratiśuṣkā
puṣṇanti vīṇāvādyaṃ ye raktiṃ dadhati cātulām
kurvantyadṛṣṭapuṣṭiṃ ca tāndhātūnadhunā bruve

ye prahāraviśeṣotthāḥ svarāste dhātavo matāḥ
vistārakaraṇā viddhavyañjanāśceti dhātavaḥ

caturdhā teṣu vistāraścaturdhā bodhito budhaiḥ
vistārajaśca saṃghātajo'tha syātsamavāyajaḥ

anubandhaśceti caturbhedaḥ saṃghātajo bhavet
dviruttaro dviradharo'pyadharādyuttarāntakaḥ

uttarādyadharāntaścetyaṣṭadhā samavāyajaḥ
triruttarastriradharo'tha dviruttarapūrvakaḥ

adharānto dviradharottarāntaścottarādikān
paro dviradharo'tha syādadharādirdviruttaraḥ

madhyottaradviradharo'dharamadhyadviruttaraḥ
evaṃ caturdaśavidho vistāraḥ śārṅgiṇoditaḥ

karaṇasya tu bhedāḥ syū ribhitoccayasaṃjñakau
tathā nīraṭito hrādo'nubandha iti pañca te

kṣepaḥ pluto'tipātaścātikīrṇo'pyanubandhakaḥ
ityāviddhe pañca bhedā daśa tu vyañjane matāḥ

puṣpaṃ kalaṃ talaṃ bindū repho nisvanitaṃ tataḥ
niṣkoṭitamathonmṛṣṭamavamṛṣṭanibandhanau
iti sarve catustriṃśanmilitā dhātavo matāḥ

vistīrṇanādabhedatvādvistāro dhāturucyate
prahāralāghavātkṛtvā svarānti svaro vistārajo bhavet
ekavistārasaṃjñaṃ tamapare sūrayo jaguḥ

alaṃkāratvamapyasya niḥśaṅko niradīdharat

iti vistārajaḥ
atrottarādharau jñeyau mandratārau svarau kramāt
uttarādharaghātau hi tayorniṣpādakāviha

saṃghāteja ye catvārastathā'ṣṭau samavāyaje
bhedāste'nvarthanāmānastallakṣmoktiranarthikā

tathā'pi vālabodhāya tānvayaṃ vivṛṇīmahe
mandrasvaradviruccārāddhāturatra dviruttaraḥ

iti dviruttaraḥ
tārasthāne dvirāghātāddhāturdviradharo bhavet
iti dviradharaḥ
yastvāditāro mandrāntaḥ so'dharādyuttarāntakaḥ

ityadharādyuttarāntakaḥ
ādau mandrastatastāra uttarādyadharāntake
ityuttarādyadharāntakaḥ
ete saṃghātaje bhedā dviḥprahārabhave matāḥ

iti saṃghātajasya bhedacatuṣṭayam
mandrasvaratrirāghātāddhātumāhustriruttaram
iti triruttaraḥ
tristārasvaraghātena dhātustriradharo bhavet

iti triradharaḥ
dviruttarādharānto dvirmandrastārāntago bhavet
iti dviruttarādharāntaḥ
tārasthānaṃ dviḥ prahṛtya vidadhyānmandramantataḥ

ā! tadā dviradharottarānto dhāturucyate
iti dviradharottarāntaḥ
uttarādidviradhare mandratāro dviriṣyate

ityuttarādidviradharaḥ
sakṛttāro'tha mandro dviradharādidviruttare
ityadharādidviruttaraḥ
madhyottaradviradhare tārau madhyasthamandrakau

iti madhyottaradviradharaḥ
mandrādyanto bhavettāro'dharamadhyadviruttare
ityadharamadhyadviruttaraḥ
triprahārabhave bhedāḥ syurime samavāyaje

ityaṣṭau samavāyajabhedāḥ
sajātīyavijātīyabhedasaṃmiśraṇodbhavaḥ
anubandhābhidho dhātuḥ śārṅgadevena kīrtitaḥ

ityanubandhaḥ
iti caturdaśa vistāradhātubhedāḥ
laghugurvātmakairghātaiḥ karaṇāviddhayoḥ kriyāḥ
karaṇo'lpagurustatra tadbhedāllam̐kṣaye'dhunā

ribhito dvau laghū gāntau
iti ribhitaḥ /
caturlāngagurūccayaḥ
ityuccayaḥ
ṣaḍlo'ntagurnīraṭitaḥ
iti nīraṭitaḥ
hrādo'ṣṭalaghurantagaḥ

iti hādaḥ
karaṇasyānubandhastu syādvistārānubandhavat

ityanubandhaḥ
bhūrigurguruhīno vā''viddho'sya vivṛṇe bhidāḥ
kṣeṣo laghugurubhyāṃ syāt
iti kṣepaḥ
pluto laghugururbhavet

iti plutaḥ
atipāto lagābhyāṃ dviḥ
ityatipātaḥ
caturvāraṃ lagau tataḥ
laghuryatrātikīrṇo'sau
ityatikīrṇaḥ
anubandhastu pūrvavat

ityanubandhaḥ
dvābhyāṃ tribhiścaturbhiśca navabhirlaghubhiḥ kramāt
kṣepādayo'tra catvāro bhavantītyapare'bruvan

iti pañcā''viddhadhātubhedāḥ
aṅgulībhedamātreṇa vyañjanastadbhidā bruve

aṅguṣṭhābhyāṃ kanīyasyā tantrīrekā nihanyate
yugapadyatra tatpuṣpamabhilekhuḥ purātanāḥ

iti puṣpam
ekasvaraṃ yadā nānāsthānakaṃ tantrikādvayam
aṅguṣṭhābhyāmekakāle nihanti syātkalaṃ tadā

iti kalam
dakṣiṇāṅguṣṭhato hanti vāmāṅguṣṭhanipīḍitām
tantrīṃ yatra tadā''caṣṭa talaṃ soḍhalanandanaḥ

iti talam
bindurekatra tantryāṃ syātprahāro gurunādakṛt
iti binduḥ
rephastvekasvaro ghātaḥ kramātsarvāṅgulīkṛtaḥ

iti rephaḥ
talaṃ kṛtvā'varoheṇa ghāto nisvanitaṃ matam
iti nisvanitam
vāmāṅguṣṭhena tūrdhvādhoghāto niṣkoṭitaṃ matam

iti niṣkoṭitam
ghāto'timadhuradhvānastarjanyonmṛṣṭamucyate
ityunmṛṣṭam
kaniṣṭhayā dakṣiṇayā'ṅguṣṭhābhyāmapyadhaḥ saran

hanti tristhānakaṃ tantrītrayamekasvaraṃ pṛthak
yatrāvamṛṣṭamācaṣṭa tadyajñapuramaṇḍanaḥ

uktānubandhavadvodhyamanubandhasya lakṣaṇam
nanvekalakṣmabhedo'yaṃ gaṇyate kiṃ pṛthak pṛthak

maivaṃ taddhātubhedānāṃ bāhulyaṃ yatra dṛśyate
viśiṣṭo dhātunā tena so'nubandho bhidāṃ vrajet

ityanubandhaḥ
ityete dhātavaḥ proktāḥ sarvavādyopayoginaḥ
yathāsthānaṃ prayoktavyāste ca vṛttisamāśrayāḥ

tatra jātirudāttā syādvistāre karuṇe ghanā
āviddhadhātau ribhitā vyañjane lalitā matā

iti catustriṃśaddhātavaḥ
vṛttirguṇapradhānatvarūpā vyavahṛtirmatā
citrā vṛttirdakṣiṇā ca tisraḥ syuriti vṛttayaḥ

citrā vādyapradhānatvaṃ gītasya guṇatocyate
ubhayoḥ samabhāvena vṛttirvṛttirudāhṛtā
gītapradhānatāvādyaguṇatā dakṣiṇā matā

drutādikāllam̐yānāsāṃ niyacchanti kramātpare
samāṃ srotogatāṃ tadvadgopucchāṃ ca yatiṃ kramāt

māgadhīṃ saṃbhāvitākhyāṃ gītiṃ ca pṛthulāṃ kramāt
oghaṃ cānugataṃ tattvaṃ vādyānyetānyanukramāt

mārgaṃ citraṃ vārtikākhyaṃ dakṣiṇākhyaṃ yathākramam
anāgatasamātītānprahāniha ca manvate

iti vṛttitrayam
tattvaṃ bhavedanugatamoghaśceti nirūpitam
gītānugaṃ triprakāraṃ vādyaṃ tallakṣma kathyate

layaṃ tālaṃ virāmaṃ ca yatiṃ gītiṃ tathā'kṣaram
varṇagrāmavibhāgaṃ ca nānājātyaṃśakādikam

vyañjadgītagataṃ gītamilitaṃ tattvamucyate
iti tattvam
kiṃcidgītānuharaṇādvādyaṃ tvanugataṃ matam

yathā viratiranyatra sthitiḥ sthānāntareṣvapi
vilambite gītalaye vaidagdhyāddrutavādanam

ityanugatam
gītasyānte'nukartā'pi bhāgaśaścāturīyaśāt
nirantaraiḥ pāṇighātaiḥ samudāyānukāritam
vādako darśayedvādye yatraughaṃ taṃ pracakṣate

ityoghaḥ
ekaviṃśatitantrīsthametaddhātvādivādanam
ekatantryādivīṇāsu yathāyogaṃ pravartayet

ekatantryāṃ ca yatproktaṃ tajjñeyaṃ nakulādiṣu
veṇāvapi tadicchanti veṇuprāvīṇyaśālinaḥ

iti gītānuge vādyam
bhedānnirgītavādyasya vaiṇasyātha pracakṣmahe

āśrāvaṇā''rambhavidhirvaktrapāṇistataḥ param
saṃkhoṭanā caturthī ca pañcamī parighaṭṭanā

mārgāsāritakaṃ līlākṛtamāsāritatrayam
daśeti śuṣkavādyāni tallakṣma vyāhare'dhunā

vistāradhātubhedānāmādimaṃ dviḥ prayujyate
dvitīyaṃ ca prayujya dvirādyaṃ bhedaṃ dvitīyakam

līnākṛtiṃ dviruccārya tadvadyugmāntarāṇyapi
prākprāgyugmottarādīni prayuñjīta tadā bhavet

āśrāvaṇaṃ śuṣkavādyamatra tvāha viśākhilaḥ
vistāradhātubhedānāṃ prayoge drutarūpatām

ādykhaṇḍe yadā''dvau dvāvekādaśacaturdaśau
varṇaḥ pañcadaśastadvaccaturviṃśo gururbhavet

laghavo'ṣṭādaśānye syurevaṃ khaṇḍe dvitīyake

tṛtīye tu tṛtīyo go'ṣṭamapañcadaśau tathā
śeṣā dvādaśa lāḥ khaṇḍaistribhirevaṃ dhruvā bhavet
āśrāvaṇāyāṃ geyā sā sūribhiḥ siddhimīsubhiḥ

vakṣyāmahe munimatādasyāṃ pātakalāvidhim
dvāviṃśatiḥ kalā kecitke'pyaṣṭāviṃśatiḥ kalāḥ

anye dvātriṃśatiṃ prāhustatraivaṃ tālayojanā

śamyātrayaṃ tatastālāstrayo'trānāgatagrahe
tataḥ samagrahe śampādvayaṃ tāladvayaṃ tathā

tato'tītagrahe śampātālau dvādaśa tāḥ kalāḥ
yathākṣarasyottarasya ṣaṭcatasrastu yugmajāḥ
kalā dvāviṃśatāvevamathāṣṭāviṃśatau vidhiḥ

dvādaśātra kalāḥ prāvaddvikalottaravattataḥ
kalā dvādaśa śeṣāstu syurekakalayugmavat

atha dvāviṃśatiḥ prācyāḥ syuścaturviṃśatiḥ kalāḥ
dvitīyapakṣavatprānte tvaṣṭau dvikalayugmavat

eṣu triṣvapi pakṣeṣūttaraścaccatpuṭastathā
atītena graheṇa syādvidārīratha kīrtaye

śampātrayeṇa prathamā parā tālatrayeṇa tu
śampādvayā tṛtīyā syātturyā tāladvayena tu

pañcamī śampātālābhyāṃ ṣaṣṭhī syātpañcapāṇinā
caccatpuṭā saptamī syāttāstisro manvate pare

yathākṣarasya yugmasya dvirāvṛttyā vidārikā
ādyā tathā dvitīyā syāttayorante kalādvayam

evamaṣṭādaśa kalāstato yugmādyathākṣarāt
vidārī syāttṛtīyā'nye vidārīranyathā jaguḥ

ādyā dvikalayugmena dvitīyā ca tathā bhavet
yathākṣareṇottareṇa tṛtīyā'nye'nyathā jaguḥ

pūrvoktā dvādaśa kalā vidāryādyā parā punaḥ
yathākṣareṇottareṇa śeṣā yugmādyathākṣarāt
evamāśrāvaṇāmāha śrīmānyajñapurāgraṇīḥ

ityāśrāvaṇā
syurārohāvarohābhyāṃ yuktā vistāradhātujāḥ
bhedāstalena ribhitahvādābhyāṃ miśritāḥ kramāt

tataḥ karaṇabhedaṃ dvistrirvā'bhyasya vilīnavat

bahulena prayukte caikavistāre punastathā
dvirabhyasyedevameva karaṇasya bhidāḥ parāḥ

yatrā''rambhavidhiḥ sa syādatha tasya dhruvāṃ bruve
guravo'ṣṭau dvādaśātha laghavaḥ pañca gā iti

pañcaviṃśatyakṣaraṃ syādādyakhaṇḍaṃ tataḥ param
laghavo'ṣṭau gururlāśca catvāro gaścaturlaghuḥ

gaścetyekonaviṃśatyā varṇaiḥ khaṇḍaṃ dvitīyakam
yasyāstṛtīyakhaṇḍe'ṣṭau lā go'nte syāddhruvā'tra sā

ekaviṃśe gurau kāryā viśrāntiḥ pūrvakhaṇḍake
dvitīyakhaṇḍe viśrāmyedgurau varṇe caturdaśe

syāddvādaśakalaṃ khaṇḍamādyamanyattu ṣaṭkalam
catuṣkalaṃ tṛtīyaṃ syādatha tālo'tra kathyate

tālatrayaṃ ca śampaikā tālau dvau śampayordvayam
dvau tālau saṃnipātau dvāvityādye śakale kalāḥ

yathākṣarasyottarasya kramāccaccatpuṭasya ca
kalā bhavanti śakale dvitīye ca tṛtīyake

ityārambhavidhiḥ
bahulāviddhakaraṇastokavyañjanadhātukaḥ
vistāradhātunā hīno baktrapāṇiḥ prakīrtitaḥ

mukhapratimukhe syātāṃ tālāṅge dve ca nāthavā
pravṛttaṃ caikakaṃ varṇāṅgamatrātha bruve dhruvām

guravaḥ pañca lāḥ ṣaṭca guravaḥ ṣaḍlaghudvayam

catvāro gāstathā lāḥ syustrayo gā laghavo'ṣṭa ca
yatra syādgururante sā vaktrapāṇau dhruvā bhavet

yā mātrā vastuno'ntyā syādvikale madrake sthitā
tasyāstālo'tra kartavyaḥ kalāsvaṣṭāsu tanmukham

atha pratimukhaṃ kāryaṃ caturāvṛttiyoginā
uttareṇāparetyāhuḥ pūrvokto yaḥ kalāṣṭakaḥ
so'tra kāryastrirāvṛtto mātrayā tu vidārikā
iti vaktrapāṇiḥ
aṅguṣṭhābhyāṃ ca tarjanyā tantrīṃ niṣpīḍya vadayan
binduṃ mitho melayeta vādisaṃvādinau svarau
bahudhā tadguṇatvena prayuñjītānuvādinaḥ

vivādino'lpakānkuryādvistārasya bhidāstathā

dhātvantarairmiśrayitvā'bhyasyeddvistriḥ pṛthaktataḥ
kevalāstāḥ prayujya dvistāsu magnānivāparān
dhātūnyatra prayuñjīta prāhuḥ saṃkhoṭanāmamūm

gurū dvau laghavo'ṣṭau ca dvau gurū ca laghurguruḥ
yatra dvādaśa lā go'nte sā syātsaṃkhoṭanādhruvā

yathākṣaradvikalayoḥ syuratrottarayoḥ kalāḥ
nātra saṃkhyā vidārīṇāṃ bhaṇitā bharatādibhiḥ

iti saṃkhoṭanā
bhedā vyañjanadhātūtthā bhedaiḥ karaṇadhātujaiḥ

citritā lalitāḥ snigdhāḥ kriyante karalāghavāt
ārohabahulā yasyāṃ tāmāhuḥ parighaṭṭanām

gurūṇyaṣṭau ca laghavaḥ syuścaturviṃśatirgurū
dvau ṣoḍaśa laghūnyante gururyatra dhruvā'tra sā

saṃpakeṣṭākavadyadvā syuḥ saṃpiṣṭakavatkalāḥ
saṃpiṣṭake kalāḥ proktā daśa dvādaśa vā purā

saṃpiṣṭakakalāstvatra dvādaśaiveti saṃmatam
dvādaśānāṃ daśānāṃ ca prāhuranye samuccayam

saṃpakveṣṭākatālaṃ ca dvikalīkṛtya kecana
taddvādaśakalā tālayogamatra pracakṣate

yathākṣaradvikalayoḥ saṃpakveṣṭākayoriha
aṣṭādaśa kalāḥ kecidācakṣata samuccitāḥ

iti parighaṭṭanā
vistārāviddhakaraṇabhedaśmiśraprayogataḥ
yathā kalatalākhyābhyāṃ mārgāsāritakaṃ bhavet
anye kalatalonmiśrakaraṇaṃ lakṣma cakṣate

gāścatvāro laghūnyaṣṭau gau dvāvaṣṭau laghūnyatha

gau la ityādyakhaṇḍaṃ syādevaṃ khaṇḍadvayaṃ param
yasyāmasau dhruvā jñeyā mārgāsāritasaṃśrayā

ekaṃ caccatpuṭe khaṇḍamuttare śakaladvayam
kaniṣṭhāsāritoktena kāryastālakalāvidhiḥ

iti mārgāsāritam
prayogo'bhisṛtasya syāttathā parisṛtasya cet
tathā layāntaragatau vādyatālakalāvidhau
mādhuryaṃ saukumāryaṃ ca tadā līlākṛtaṃ bhavet

ṣaḍjagrāmasthajātyaṃśe yadgītaṃ vārtike pathi
āsāritaṃ tadevoktaṃ dhīrairabhisūtāhayam

jātyaṃśe madhyamagrāmasaṃsthe parisṛtaṃ tvidam

anye tu māṣaghātādisaptāṅgamaparāntakam

bruvate'bhisṛtaṃ tattu pradānādinavāṅgakam
prāhuḥ parisṛtaṃ mṛgyaṃ tālādhyāye layāntaram

gītakatrayasaṃyogādevaṃ līlākṛtaṃ tridhā
prayogau dvau padaiścāsya sāryakaiśca nirarthakaiḥ

vīṇāvādyaṃ mānatālayuktaṃ śampādivarjitam
āhureke mānahīnamapi tvāha viśākhilaḥ

dhruvāyāṃ tūbhayastālaḥ paraistvaniyamātmakaḥ

iti līlākṛtam
āsāritatrayaṃ pūrvaṃ tālādhyāye nirūpitam
yathākṣaraṃ dvisaṃkhyātaṃ trisaṃkhyātamiti tridhā

pratyekaṃ tasya cā''vṛttirvarṇālaṃkāraśobhanā
vṛttitrayeṇa vādyaiśca tattvādyaiḥ karaṇena ca
dhātunā citritā kāryā budhairvīṇāvidhāviha

ityāsāritatrayam
ālāpinīgataṃ lakṣma vakṣye lakṣyavidāṃ matam
navamuṣṭimito dairghye vaiṇavaḥ suṣirāntaraḥ

aṅguladvaṃdvaparidhiḥ prāgvadgranthyādivarjitaḥ
ślakṣṇaḥ samaḥ suvṛttaśca daṇḍaḥ syātkakubhaṃ dadhat

aṅguladvayavistāramaṅgulārdhāyataṃ tathā
tadardhaṃ piṇḍasaṃyuktamunmukhaṃ patrikojjhitam

ekadaṇḍamadhobhāge śaṅkunā tu virājitam
caturaṅguladairghyeṇa bahirmadhyonnatena ca

tasya tumbaṃ parīṇāhe dvādaśāṅgulasaṃmitam
caturaṅgulavaktraṃ ca dantanābhisamanvitam

agrādadhastātpādone muṣṭiyugme nibadhyate
atra meṣāntratantrī syātsūkṣmā ślakṣṇā samā dṛḍhā

karparaṃ nārikelotthaṃ dorako dorikāstathā
trīṇyetāni nibadhyante yatra sā''lāpinī matā

daśamuṣṭimitaṃ daṇḍamatrā''huḥ khādiraṃ pare
paṭṭasūtramayīṃ tantrīṃ yadvā kārpāsasūtrajām

raktacanadnajānsarvānvīṇādaṇḍānpare jaguḥ
daśamuṣṭyadhikaṃ mānaṃ kvacillakṣyeṣu dṛśyate

tumbaṃ vakṣasi nikṣipya vāmāṅguṣṭhena tasya ca
mūlamutpīḍya dhṛtvā tāmatha madhyamayā sudhīḥ

dakṣiṇasyānāmayā vā vādayedbidudhātuvat
binduhastena vā mandre madhye tāre ca vādayet

trayastu dakṣiṇātpāṇeścatvāro nāmataḥ svarāḥ
ityuktaṃ kaiścidācāryairapare tvanyathā jaguḥ

madhyamo muktayā tantryā tarjanyādyaṅgulītrayāt
vāmasyānāmikāvarjyāstrayaḥ syuḥ pañcamādayaḥ

muktatantryā'tha ṣaḍjaḥ syādṛṣabhastarjanībhavaḥ
gāndhāro madhyamāṅgulyā dakṣiṇenātha vādanam

āroheṇāvaroheṇa saptakadvitaye bhavet
ebhiḥ svarairviracitaṃ vicitraṃ rāgamālapet

gāyedgītaṃ nibaddhaṃ ca pravīṇo vīṇayā'nayā
idamālāpinīlakṣma śrīniḥśaṅkena kīrtitam

ityālāpinīlakṣaṇam
kiṃnarī dvividhā laghvī bṛhatī ceti kīrtitā
tatra laghvīgataṃ lakṣma sāṃprataṃ pratipādyate

syādvitastitrayaṃ dairghye mānaṃ pañcāṅgulādhikam
pañcāṅgulaḥ parīṇāho veṇudaṇḍasya yatra ca

garbhe'sya vyāpakaṃ randhraṃ kakubhaḥ śākadārujaḥ
sārdhadvyaṅgulavistāro dairghye pañcāṅgulaśca saḥ

tasmādardhāṅgulanyūnā dairghyavistārayorbhavet
madhye kūrmonnatā lauhī patrikā kakubhasthitā

gṛdhravakṣo'sthinalikā kaniṣṭhāṅgulisaṃmitā
lauhī kāṃsyamayī yadvā kīrtitā sārikākhyayā

śliṣṭā vastramaṣīmiśramadanena caturdaśa
caturdaśasvarasthāne daṇḍapṛṣṭhe niveśayet

saptakasya dvitīyasya yo niṣādo bhavedadhaḥ
tasya sthāne bhavedādyā sārikā'nyordhvamaṅgulāt

sthāpayedantare kiṃcitkiṃcitpūrvādhike parā
dvyaṅgulāvadhyaṣṭamīṃ tu pūrvasyāstryaṅgulāntare

sthāpayitvā parāḥ ṣaṭca pūrvapūrvādhikāntare
caturaṅgulaparyantaṃ sārikāḥ saṃniveśayet

tumbaṃ daṇḍasya kakubhasyādhaḥsaṃdhau niveśayet
tṛtīyaturyasāryostu madhye'dhastādvitīyakam

pūrvasmādaparaṃ tumbaṃ vistāre'bhyadhikaṃ manāk
daṇḍāgrāddvyaṅgule'dhastādrandhraṃ kṛtvā'tha nikṣipet

calaśaṅkuṃ gale randhraṃ dadhamānamato'ṅgulāt
adhastādaṅgulotsedhaṃ meḍhakaṃ bāṇapuṅkhavat

kṛtvā tato'grataḥ kiṃcitsthiraśaṅkuṃ niveśayet
tato lohamayīṃ ślakṣṇāṃ vartulāṃ ca samāṃ dṛḍhām

gajakeśopamāṃ tantrīṃ nibadhya kakubhe dṛḍham
sārikāmastakanyastāmānītāṃ meḍhakopari

lagnāṃ dvitīyaprāntena veṣṭayeccalakīlake
śaṅkuṃ taṃ bhrāmayettāvadyāvattantrī dṛḍhā bhavet

bhrāmaṇaṃ vaiparītyena tantrīśaithilyakāraṇam
tantrīdārghye'tha dārḍhyāya calaśaṅkorgalasthite

chidre'nyasyātha saṃkīlaṃ sthiraśaṅkau niveśayet
laghvī sā kiṃnarī proktā śārṅgadevena sūriṇā

asyāṃ sthāyinamārabhya gaṇayetsaptakadvayam
sārīkakubhayormadhye tarjanyādyaṅgulitrayāt

vādayetkiṃnarīvīṇātantrīṃ dakṣiṇapāṇinā
vāmasya tisṛbhistābhiraṅgulībhistu tantrikām

tattatsārīpradeśasthāṃ svaravyaktyai nipīḍayet
vitastyabhyadhikā dairghye pariṇāhe'ṅgulādhikā

laghvyāḥ syādbṛhatī snāyumayā tantrīstritumbikā
ālāpinīvadasyāṃ ca sthāpyaṃ tumbaṃ tṛtīyakam
anyallaghvīgataṃ lakṣma bṛhatīṃ kiṃnarīṃ śrayet

iti dvividhakiṃnarīlakṣaṇam
kiṃnarītritayaṃ tatra deśīsaṃsiddhamanyathā
bṛhatī madhyamā laghvītyathā''sāṃ lakṣma vakṣyate

tiryagyavodaraiḥ ṣaḍbhirnistuṣaiḥ syādihāṅgulam
bṛhatīdaṇḍamānaṃ syāddairghye pañcāśadaṅgulam

ṣaḍaṅgulo'tra paridhirdaṇḍe dairghye tu kākubhe
ṣaḍaṅgulaṃ śirastvasya dairghyavistārayorbhavet

caturaṅgulasaṃmānaṃ dvyaṅgulaṃ tu taducchraye
nikṣipetkākubhaṃ daṇḍaṃ vīṇādaṇḍottare tathā

daṇḍāṃśaḥ pariśeṣo'tra tāvānyāvati śeṣite
vīṇādaṇḍāntakakubhaśiromadhyāntare sthitaḥ

tantrībhāgastṛtīyāṃśādhikatryaṅgulako bhavet
madhye kūrmonnatāṃ lauhīṃ patrikāṃ śirasi kṣipet

parito'rdhāṅgulanyūnā śiraso'sau prakīrtitā
vīṇāśīrṣādadhastācca sārdhadvyaṅgulataḥ sthitam

ūrdhvādhodairghyabhāgrandhraṃ vistāre'rdhāṅgulāyatam
tiryagdairghyaṃ tāvadanyadrandhraṃ cobhayatomukham

tiryagrandhre calaṃ śaṅkumūrdhvarandhraniviṣṭayā
lauhyā sārikayā yuttaprāntāntaraṃ punaḥ

sārikāyāḥ śiromūle badhnīyātkākubhe sudhīḥ
tantrīrandhrātpuraḥ sāndhrīdvyaṅgule meḍhako bhavet

sa ca syātkartarīyukto gale randhrānvito'thavā
kartaryā galarandhre vā sārikāṃ tāṃ niveśayet

tadrandhre daṇḍāntarālāṃ vidadhyātsayavāṅgulam
meḍhakātpurataḥ śaṅkuḥ sthiraḥ sārdhāṅgulottare

tiryagrandhre niveśo'sya calaśaṅkuvadiṣyate
calaśaṅkubhrāmaṇādi jñeyaṃ pūrvoktarītitaḥ

gṛdhravakṣosthijā yadvā tatpādāsthisamudbhavāḥ
kāṃsyamayyo'thavā lauhyo nalikāḥ sārikā matāḥ

sārdhāṅgulāstāḥ paridhau daṇḍapṛṣṭhe niveśayet
yanmeḍhakaśiromadhyādupakramyāntaraṃ bhavet

sārīmastakamadhyānāṃ tadidānīṃ nirūpyate
ādyāntaraṃ tatra yavādhikaṃ pañcāṅgulaṃ matam

dvitīyamantarālaṃ tu caturaṅgulamuttaram
tasmāttṛtīyaturye tu yavanyūne mate satām

yavādhikatryaṅgulaṃ tu jñeyaṃ pañcamamantaram
yavonadvyaṅgulaṃ ṣaṣṭhaṃ sayavadvyaṅgulaṃ punaḥ

antarālaṃ saptamaṃ syātsārdhadvyaṅgulamaṣṭamam
navamaṃ tu yavārdhena sārdhāṅgulamitaṃ matam

daśamaṃ dvyaṅgulaṃ hīnaṃ yavenaikādaśaṃ tataḥ
dvādaśaṃ tu tṛtīyāṃśanyūnaṃ tasmāttrayodaśam

satṛtīyāṃśāgulaṃ syādaṅgulaṃ tu caturdaśam
dvitīyāntarato'dhastānnyasyettumbamadhomukham

anyatkakubhamūrdhvādhastumbakaṃ saṃniveśayet
ṣaṭtriṃśadaṅgulaṃ cakre paridhistvādyatumbake

kiṃcinnyūnaṃ tatastumbaṃ paridhau syādadhastana
īṣadaspaṣṭasarikā sārikāstā niveśayet

madaneneṣṭakācūrṇamiśreṇa śleṣaṇaṃ dṛḍham
sārīṇāmathavā vastramaṣīmiśreṇa saṃmitam

muktatantrībhavaṃ kṛtvā svaramādyaṃ caturdaśam
svarāḥ pare syuḥ sārīṇāṃ caturdaśabhirantaraiḥ

saptakadvayamevaṃ syādekatārasvarādhikam
yathāsvaṃ svaradeśāṃśaiḥ śrutistasyā vicinvate

dvitrāstato'dhikāḥ sārīrnibadhnīyātpare tviha
lakṣayantyantarāṇyāsāṃ svarāvirbhāvato budhāḥ

śrīśārṅgadevopadeśāttadbodhaḥ sulabho nṛṇām
kecittrayodaśaivātra sārīrnidadhate budhāḥ

bṛhatī kiṃnarītyeṣā śārṅgadevena kīrtitā
madhyamāyāṃ daṇḍadairghyaṃ tricatvāriṃśadaṅgulam

paridhirdṛśyate tatra dviyavonaṣaḍaṅgulaḥ
sārdhatryaṅgulavistāraṃ prāgdairghyaṃ kākubhaṃ śiraḥ

kṣipetkakubhadaṇḍasya vīṇādaṇḍe'ṅgulatrayam
tāvāṃśca pariśeṣe'sau yāvataḥ pariśeṣaṇe

daṇḍāntaśīrṣamadhyānte sārikāvayavasthitaḥ
tṛtīyabhāgarahitāṅgulatrayamito bhavet

daṇḍānte sārikotsedhaḥ syādyavonāṅguladvayaḥ
tadardho meḍhakopāntye sārīṇāmantaraḥ tviha

prathamaṃ prathitaṃ prājñaiḥ sārdhāṅgulacatuṣṭayam
dvitīyamantaraṃ meyaṃ sayavairaṅgulaistribhiḥ

tṛtīyaṃ tu tṛtīyāṃśābhyadhikaistribhiraṅgulaiḥ
caturthaṃ tryaṅgulaṃ proktaṃ pañcamaṃ sārikāntaram

yavādhikābhyāṃ sārdhābhyāmaṅgulābhyāṃ mitaṃ matam
ṣaṣṭhaṃ yavadvayanyūnadvyaṅgulaṃ saptamaṃ punaḥ

sayavārdhāṅguladvaṃdvamaṣṭamaṃ tvaṅguladvayam
aṅgulaṃ sayavadvaṃdvaṃ navamaṃ daśamaṃ punaḥ

yavonamaṅguladvaṃdvamantaratritayaṃ punaḥ
itaṃ parasyāḥ pratyekaṃ sapādāṅgulasaṃmitam

viśeṣo'yamihānyattu lakṣma syādbṛhatīgatam
laghvīdaṇḍagataṃ dairghye syātpañcatriṃśadaṅgulam

paridhistu tṛtīyāṃśābhyadhikāṅgulapañcakaḥ
aṅgulatrayavistāraṃ kakubhasya śiro bhavet

pūrvavatkākubho daṇḍo vīṇādaṇḍe nidhīyate
pariśeṣastathā sā syādyathā daṇḍāntatantrikā

ā kākubhaśiromadhyādbhavettryaṅgulasaṃmitā
daṇḍānte sārikotsedhaḥ syātsārdhāṅgulasaṃmitaḥ

tadardhe meḍhakopānte tatrā''dyaṃ sārikāntaram
proktaṃ yavenābhyadhikaiścaturbhirmitamaṅgulaiḥ

dvitīyaṃ dviyavopetāṅguladvaṃdvamitaṃ bhavet
yavonābhyāmaṅgulībhyāṃ tṛtīyaṃ mīyate budhaiḥ

pādonatryaṅgulaṃ turyamatha pañcamamantaram
yavārdhonāṅguladvaṃdvaṃ ṣaṣṭhaṃ sārdhāṣṭabhiryavaiḥ

saptamaṃ tu yavonenāṅguladvaṃdvena mīyate
sādhāṅgulaṃ tvaṣṭamaṃ syānnavamaṃ tvaṣṭabhiryavaiḥ

daśamaikādaśe protte sapādāṅgulake pṛthak
yavanyūnāṅgulamitaṃ dvādaśaṃ ca trayodaśam

anyattu laghukiṃnaryāṃ lakṣma pūrvavadiṣyate
na bṛhatyadhikaṃ mānaṃ na hīnaṃ triṃśadaṅgulāt

ādartavyaṃ kiṃnarīṇāṃ raktimādhuryavarjanāt
etayorantarāle tu yatheṣṭaṃ mānakalpanā

śaktā vivektumatrāpi svarasthānāni tadvidaḥ

pradarśanārthaṃ keṣāṃcidrāgāṇāṃ vādanakramam
asyāṃ kiṃnaravīṇāyāṃ vakti śrīkaraṇeśvaraḥ

sthāyinaṃ madhyamaṃ mandraṃ madhyaṃ vā sthāyatatparān
āruhya panisānpañcāvaroha kramataḥ svarān

ṣaḍjataḥ sthāyiparyantādyathā hanyāttu dhaivatam
āruhya panisānpañcāvaroha kramataḥ svarān

ṣaḍjataḥ sthāyiparyantādyathā hanyāttu dhaivatam
madhyamādeḥ samākhyātaṃ svasthānaṃ prathamaṃ tadā

dvyardhamardhasthitaṃ tadvadāruhya dviguṇaṃ svaram
ādyaṃ svasthānamātiṣṭhetsvasthānaṃ tritaye pare

asaṃbhave pūrvapūrvasvarasya tu paraṃ param
krameṇa svaramārohetsarvarāgeṣviti sthitiḥ

iti madhyamādiḥ
kiṃnarīvādakāḥ prāyaḥ sthāyinaṃ pañcamaṃ svaram
rāge kurvanti baṅgāle tadajñānavijṛmbhitam

graho hi madhyamo rāgasyāsya śāstre prakīrtitaḥ

yadvā lakṣyapradhānāni śāstrāṇyetāni manvate
tasmāllakṣyaviruddhaṃ yattacchāstraṃ neyamanyathā

madhyamādipadaṃ jñeyaṃ pañcamādyupalakṣaṇam

prāthamyasāmyato yadvā niyamādṛṣṭakalpanā
madhyamādigrahe kāryā nanvasminmadhyame grahe

adhastanaḥ syādgāndhāro madhyamaḥ pañcamagrahe
turyādivyatyaye'pyevaṃ rāgasāmyaṃ kathaṃ bhavet

niḥśaṅko'tra samādhatte gāndhārādyaprayojakam
kiṃtu sthāyinamārabhya ye syusturyādayaḥ svarāḥ

rāgābhivyaktiśaktāḥ ye syusturyādayaḥ svarāḥ

rāgābhivyaktiśaktāḥ syurnanu śāstreṣvanarthikā
ṣaḍjādyuktiḥ prasajyeta satyaṃ tatrocyate tvidam

madhyamādigrahaḥ śāstre niyatastadapekṣayā
turyādayo niṣādādyā bhavantītyupapadyate

grahāṃśanyāsaniyamau yadvā śāstrārthagocaraḥ
gumphaḥ svarāntarāṇāṃ tu lakṣyasthāne virudhyate

sarvatra parihāro'yaṃ lakṣye lakṣmāvirodhini
deśīrāgeṣu nirṇītaḥ śārṅgadevena sūriṇā

madhyamaṃ sthāyinaṃ kṛtvā gāndhārāttadadhastanāt
pañcā''ruhya niṣādāntāngaparyantāvarohaṇam

kṛtvā sthāyiniṣādau ca vidhāyā''hatya dhaivatam
sthāyyantamavarohaścedbaṅgālo jāyate tadā

iti baṅgālaḥ
dhaivataṃ sthāyinaṃ kṛtvā tṛtīyaṃ ca caturthakam
tasmātkṛtvā'varoheṇa sthāyiparyantametya ca

tṛtīyaṃ ca tato'dhasthaṃ vidhāya sthāyinaṃ vrajet
yadā tadā bhairavaḥ syāllakṣye sthāyī nirīkṣyate

iti bhairavaḥ
sthāyino dhaivatātpūrvaṃ svaramāgatya tatparān
pañcānāruhya turyaṃ ca dvitīyaṃ dviḥ prayujyate

sthāyini nyasyate rāgo varāṭī jāyate tadā
lakṣye tu dṛśyate sthāyī kiṃnaryāmṛṣabhasvaraḥ

iti varāṭī
sthāyinaṃ madhyamṛṣabhaṃ kṛtvā dvau tadadhastanau
gatvā sthāyinamārabhya trīnāruhyāvaruhya tu

pañca svarānnyasyate cedṛṣabhe gurjarī tadā
graho gāndhāra evāsyā dṛśyate lakṣyagocare

iti gurjarī
madhyaṣaḍjādgrahātpūrvaṃ svarametya tṛtīyakam

turyaṃ coktvā dvitīyādīṃstrīnāruhyāvaruhya ca
grahanyāsādvasantaḥ syāllakṣye tvasyarṣabho grahaḥ

iti vasantaḥ
madhyaṣaḍjaṃ grahaṃ kṛtvā tṛtīyaṃ ca caturthakam
uktvā dvitīyatṛtīyau spṛṣṭvā turyaṃ ca pañcamam

etatkrameṇāvarohastyaktvā sthāyidvitīyakam
sthāyipūrvāntamāgatya grahaṃ tasmāttṛtīyakam

turyaṃ tatastṛtīyaṃ ca procyate nyasyate gṛhe
dhannāsī syāttadā dṛṣṭo lakṣye syātpañcamo grahaḥ

iti dhannāsī
ṛṣabhaṃ sthāyinaṃ kṛtvā paraṃ spṛṣṭvā tataḥ param
vilambya turyamāndolya spṛṣṭvā turyādadhastanau

grahānniḥsaraṇaṃ kṛtvā parau procya dvitīyakam
etya sthāyini cennyāso deśīrāgastadā bhavet
gāndhārastu graho deśyāṃ deśīvediṣu dṛśyate

iti deśī
sthāyinaṃ madhyagāndhāraṃ kṛtvā'dhasturyametya ca
tasmādāṣaṣṭhamāruhya svarāṃstānavaruhya ca

grahādhastāttṛtīyaṃ ca kṛtvā cennyasyate grahe
deśākhyā sā tadā lakṣye dṛṣṭo'syā madhyamo grahaḥ

iti deśāntarākhyā
grahānmadhyasthitātṣaḍjāddvitīyaṃ svarametya cet
tṛtīyaṃ tadadhasthaṃ ca vilambya sthāyinaṃ spṛśet

adhastṛtīyaturyau ca taṃ tṛtīyaṃ punaḥ svaram
kṛtvā sthāyisvare nyāso ḍombakrī jāyate tadā
bhūpālī sā janairuktā sthāyyasyā madhyamo mataḥ

iti ḍombakrī
mandrasthaṃ pañcamaṃ kṛtvā sthāyinaṃ saha tena ca

āruhya ṣaṭsvarāneṣāmavarohe tṛtīyakam
vilambya kampitaṃ kṛtvā turyaṃ sthāyinamāvrajet

krameṇa yadi jāyeta tadā prathamamañjarī
asyāstu mandragāndhāraḥ sthāyī lakṣyeṣu dṛśyate

iti prathamamañjarī
dhaivataṃ sthāyinaṃ kṛtvā''ndolya tasmādavarohe gṛhaṃ vrajet
yadā tadā syātkāmodā madhyamo'syā graho bhavet

iti kāmodā
ṣaḍjaṃ tu sthāyinaṃ kṛtvā tatpūrvasvarametya ca

svaradvayaṃ dvirāruhya tṛtīyaṃ ca caturthakam
prakampyātha tṛtīyaṃ ca vilambyā''hatya pañcamam

sthāyyantamavaroheccetsvarānṛṣabhavarjitān
madhyaṣaḍjaṃ grahaṃ kṛtvā saha prācā parau svarau

procya turyaṃ vilambyātha tṛtīyaṃ sadvitīyakam
spṛṣṭvā yadā grahe nyāsastadā rāmakṛtirbhavet

iti rāmakṛtiḥ
sthāyinaṃ madhyamaṃ kṛtvā'dhaścaturthamupetya ca
grahādharāṃstrīnāruhya svaraṃ spṛṣṭvā tṛtīyakam

grahādhasturyaparyantamāgatyāpyavarohiṇā
tatastṛtīyamāruhya karamādetya prakampya ca

grahe nyāso yadā rāgastadā gauḍakṛtirbhavet
pañcamo lakṣyate sthāyī lakṣye syāllakṣyavedibhiḥ

iti gauḍakṛtiḥ
madhyaṣaḍjaṃ grahaṃ kṛtvā'dhastametya punargraham
kṛtvā tṛtīyaturyau ca kampitaṃ pañcamaṃ svaram

vādayitvā grahātturyaṃ tṛtīyaṃ sthāyinaṃ tathā
dvitīyaṃ kampayitvā ca tṛtīyaṃ svaramāspṛśet

tato yadi grahe nyāsastadā devakṛtirbhavet
asyāstu madhyamo nyāso lakṣye śrīśārṅgiṇoditaḥ

iti devakṛtiḥ
dhaivataṃ sthāyinaṃ kṛtvā gatvā'dhasthaṃ punargraham

tatparaṃ sthāyinaṃ tasmātpūrvamāgatya ca graham
āruhya trīṃstṛtīyādīnpañcamādavaruhya ca

ṣaṭsvarāngrahamuccārya tṛtīyaṃ kampayettataḥ
turyapañcamaturyāṃśca spṛṣṭvā procya tṛtīyakam

dvitīyaṃ ca grahe nyāso yadā syādbhairavī tadā
asya rāgasya gāndhāraḥ sthāyī lakṣyeṣu dṛśyate

iti bhairavī
mandraṣaḍjaṃ grahaṃ kṛtvā madhyaṣaḍjamupetya ca
avarohikramādetya grahamārohiṇā tataḥ

pamāgatya vilambyāmuṃ spṛṣṭvā dhaivatamāvrajet
grahāccedavaroheṇa cchāyānaṭṭā tadā bhavet

iti cchāyānaṭṭā
madhyaṣaḍjaṃ grahaṃ kṛtvā tatparau dvau ca pañcamam

ṣaṣṭhaṃ kṛtvā'varuhyemau tṛtīyādavaruhya ca
āgrahaṃ prāktṛtīyādvā'varuhya prāktṛtīyakam

prakampya tatparaṃ procya grahe cennyasyate tadā
rāmakrī syādasau proktā bahulīpūrvikā janaiḥ

iti bahulīrāmakrī
dhaivataṃ sthāyinaṃ kṛtvā tatparaṃ tu vilambitam
spṛṣṭvā grahadvitīyau ca grahāttu prāktṛtīyakam

īṣadvilambya cā''ruhya grahādīnvā tṛtīyakam
vilambya tadadhasthaṃ vā'varuhya sparśanāttataḥ

grahādīṃstrīnsvarānspṛṣṭvā grahamuccārya tatparam
grahe cennyasyate rāgo mahlāro jāyate tadā
rāge'tra pañcamaḥ sthāyī dṛśyate lakṣyagocaraḥ

iti mahlāraḥ
sthāyino madhyamātpañcāavrucca yadi māvadhīn
māttṛtīyaṃ vrajettasmādāruhya caturaḥ svarān

spṛṣṭvā sthāyinametasmātpūrvaṃ kṛtvā vilambitam
ṣaḍje cennyasyate gauḍakarṇāṭo jāyate tadā

lakṣye tu pañcamasthāyī gauḍasyāsya vilokyate
grahānmandraniṣādāccetsamuccārya svaraṃ param

tatastṛtīyaturyau ca gatvā sthāyitṛtīyakam
sthāyituryaṃ ca kṛtvā'smātsvarānpañcāvaruhya ca

sthāyino'dhasturīyaṃ ca sthāyino'dhastanaṃ tataḥ
sthāyinaṃ tatparaṃ coktvā sthāyituryaṃ grahātparam

kṛtvā nyāso grahe gauḍastauruṣko jāyate tadā
sa eva mālavītyuktaḥ sthāyī lakṣye'sya pañcamaḥ

iti turuṣkagauḍaḥ
grahaṃ mālavinaḥ kṛtvā dvitīyaṃ procya tatparam
laṅghayellaṅghitādūrdhvaṃ trīṇyāruhyāvaruhya ca

prakampya laṅghitaṃ tasmātpūrvaṃ procya grahaṃ vrajet
yadā tadā drāviḍaḥ syādgauḍo'sau sālako janaiḥ

asyāpi sthāyinaṃ prāhurlakṣyajñāḥ pañcamaṃ svaram

iti drāviḍagauḍaḥ
ityupāṅgāni
sthānino dhaivatātprācyādavaruhya grahāntaram
grahaṃ coktvā tṛtīyaṃ ca turyaṃ kṛtvā vilambitam

tasmādadhastanau spṛṣṭvā tṛtīyaṃ tu vilambayet
spṛṣṭvā grahātparaṃ pūrvau pūrvaṃ coktvā grahe yadi

kampite nyasyate rāgastadā syāllalitābhidhaḥ
atra gāndhāramevā''huḥ sthāyinaṃ lakṣyavedinaḥ

iti lalitaḥ
evaṃ katipaye rāgāḥ proktāḥ saṃmugdhabuddhaye
vastutaḥ sarvayantreṣu rāgāṇāṃ vādanaṃ samam

grahādisvarasaṃbhūtidvārato'nviṣyatāṃ budhaiḥ
kiṃnaryāṃ yaiḥ svaraiḥ svasvasthānajairyasya saṃbhavaḥ
rāgasya tasya taireva vaṃśādāvapi dṛśyate

iti kiṃnarīlakṣaṇam
pinākyāṃ dhanuṣaḥ kamraikacatvāriṃśadaṅgulā
dairghye syānmadhyavistāraḥ syātsapādāṅguladvayam

ante cāṅgulamānena śikhāṃ kuryādadhastanīm
sapādāṅgulamātrā tu kārmukasyottarā śikhā

kāryāvaṅguladairghyau ca pādonāṅgulapiṇḍakau
khaṭakau śikhayorlagnau tābhyāṃ tvarvāgupāntayoḥ

pādonamaṅguladvaṃdvaṃ vistāre mānamiṣyate
madhyaprāntāntarāle tu vistāraṃ kalpayetsudhīḥ

tantrīmānena badhnīyācchikhayornipuṇo guṇam
mānaṃ vādanacākpe syādaṅgulānyekaviṃśatiḥ

dairghye muṣṭau tu vistāro'trāṅgulitritayānmitaḥ
sa tvaṅgulatṛtīyāṃśaḥ śikhe tyaktvā'ntayorbhavet

ūrdhvādharaśikhādvaṃdvamānaṃ pādonamaṅgulam
aśvavāladhikeśottho guṇo vādanadhanvanaḥ

tumbaṃ dhṛtvā'tha pādābhyāṃ bhuvi nyastamadhomukham
tatra lagnaśikhā'thordhvā pinākīskandhasaṃśritā

ākramya vāmahastasthatumbamūlena tadguṇam
tato dakṣiṇahastasthadhanuṣo vādayejjyayā

rālāsaṃliptayā'syāṃ ca svarasthānāni nirṇayet
ekatantrīvadadharādharatāratayā sudhīḥ

iti pinākīlakṣaṇam
badhyaprāntātirikteṃ'śe tantrī dairghye catuṣkarā

uparisthe kvacitkāṣṭhe prāntenaikena badhyate
prāntāntareṇānyakāṣṭhe'dhasthe sārdhakarāyate

sthaulyenā''lāpinītulye tyaktvā'grādaṅguladvayam
tantrīṃ baddhvā tato'dhastāttumbamābadhya dāru tat

vāmorumūlākrāntāgraṃ jaṅghāyāṃ kuñcitākṛtau
bhūlagnabāhyapārśvāyāṃ vāmāyāṃ nyasya jaṅghayā

ākramya vāmetarayā pinākyāmiva vādanam
dhanuṣā vāmahastasthatumbakena ca sāraṇā

ārdracarmakṛtāṃ śuṣkāṃ peśīṃ koṇānvitāṃ kharām
vāmenā''dāya tatkoṇenāthavā sāraṇā bhavet

yatra niḥśaṅkavīṇā sā śārṅgadevena śīrtitā
tristhānasvararāgādivyaktiḥ saṃjāyate tayā

iti niḥśaṅkavīṇālakṣaṇam
yathā yathā svare vyaktī rakteḥ pracuratā bhavet
tathā tathā vidhātavyaṃ tataṃ lokānusārataḥ

samyaksvaropayogīni tantrīvādyāni kānicit
uktānyanyānapi prājñastarkayedanayā diśā

yo vīṇāvādanaṃ vetti tattvataḥ śrutijātivit

tālapātakalābhijñaḥ so'kleśānmokṣamṛcchati
tasmādvīṇā niṣevyeti yājñavalkyādayo'bruvan

nādaśrutisvaragrāmajātirāgāditattvavit
dehasauṣṭhavasaṃpannaḥ sthirāsanaparigrahaḥ

jitaśramakaradvaṃdvastyaktabhītirjitendriyaḥ
pragalbhadhīḥ suśārīro gītavādanakovidaḥ
sāvadhānamanāśceti vaiṇike varṇitā guṇāḥ

iti tatavādyalakṣaṇam
vaiṇavaḥ khādiro dāntaścāndano raktacandanaḥ
āyasaḥ kāṃsyajo raupyo vaṃśaḥ syātkāñcano'thavā

vartulaḥ saralaḥ ślakṣṇo granthibhedavraṇojjhitaḥ
kaniṣṭhāṅgulivistāraṃ garbhe ca suṣiraṃ dadhat

svadairghyamānadairghyaṃ ca samākṛti samantataḥ
tasya dve trīṇi catvāri cāṅgulāni śiraḥsthalāt

tyaktvā phūtkārasuṣiraṃ kāryamaṅgulasaṃmitam
mukharandhrāntare randhraṃ bhavedekāṅgulāntaram

ardhāṅgulāntarāṇi syū randhrāṇyanyāni sapta ca
tānyaṣṭau badarībījasaṃkāśāni pracakṣate

vaṃśo'dhaḥ sarvarandhrebhyaḥ pariśeṣyo'ṅguladvayam
teṣu svaravibhāgāya sapta randhrāṇi manvate

nādahetormārutasya nirgamāyāṣṭamaṃ matam
phūtkāraprabhavo vāyuḥ pūryate mukharandhrataḥ

vaṃśasthairnavabhī randhrairekavīro nigadyate

vaṃśasya mukharandhrasya tārarandhrasya cāntare
ekaikāṅgulavṛddhyā syuranye vaṃśāścaturdaśa
aṣṭādaśāṅgulādvaṃśādetadaṅgulavardhanam

ardhāṅgulāntarāṇi syū randhrāṇyanyāni sapta ca
tānyaṣṭau badarībījasaṃkāśāni pracakṣate

vaṃśo'dhaḥ sarvarandhrebhyaḥ pariśeṣyo'ṅguladvayamsvaravibhāgāya sapta randhrāṇi manvate

nādahetormārutasya nirgamāyāṣṭamaṃ matam
phūtkāraprabhavo vāyuḥ pūryate mukharandhrataḥ

vaṃśasthairnavabhī randhrairekavīro nigadyate

vaṃśasya mukharandhrasya tārarandhrasya cāntare
ekaikāṅgulavṛddhyā syuranye vaṃśāścaturdaśa
aṣṭādaśāṅgulādvaṃśādetadaṅgulavardhanam

umāpatirdvyaṅgulaḥ syāttribhistripuruṣo'ṅgulaiḥ
caturmukhaścaturbhiḥ syātpañcavaktrastu pañcabhiḥ

ṣaḍaṅgulaḥ ṣaṇmukhaḥ syānmuniḥ saptāṅgulo mataḥ
vasuraṣṭāṅgulaḥ prokto nāthendrastu navāṅgulaḥ

daśāṅgulo mahānando rudrastvekādaśāṅgulaḥ

dvādaśāṅgula ādityo manurvaṃśaścaturdaśaḥ
kalānidhiḥ ṣoḍaśaḥ syādanvartho'ṣṭādaśāṅgulaḥ

avispaṣṭāntaratvena neṣṭaḥ saptadaśāṅgulaḥ
trayodaśāṅgulastadvanna ca pañcadaśāṅgulaḥ

muralyākhyo'parairvaṃśo viṃśatyaṅgulakaḥ smṛtaḥ
dvāviṃśatyaṅgulo'pyanyo vaṃśastajjñeṣu dṛśyate

taṃ ca śrutinidhiṃ prāhurvaṃśaṃ vaṃśavido janāḥ
atimandradhvanitvena neṣyate'sau vicakṣaṇaiḥ

viralāścātitāratvādvaṃśāḥ pañcāṅgulādadhaḥ

aṣṭādaśāṅgule vaṃśe svararandhreṣu saptasu

mudriteṣu bhavetṣaḍjo mandrasaptakasaṃsthitaḥ
ṣaṭsvevamanyavaṃśeṣu syuḥ kramādṛṣabhādayaḥ

ārabhyāṣṭāṅgulādevamadho vaṃśeṣu saptasu
madhyasthānagatāḥ saptodyanti ṣaḍjādayaḥ kramāt

tārasthānasthitaḥ ṣaḍjastvekavīrasya jāyate

sarveṣveteṣu vaṃśeṣu mukte randhradvaye'ntime
svaro dvitīyo jāyeta tṛtīyādyāstataḥ kramāt
saptamāntāḥ prajāyante tryādirandhravimocanāt

mukte tu tārarandhre'nyarandhreṣu pihiteṣu ca
aṣṭamasvarasaṃbhūtiḥ pūrvācāryairudīritā

vyaktamuktāṅgulitvena samagro jāyate svaraḥ
aṅgulyāḥ kampane tatra śrutirekā'pacīyate

śrutidvayaṃ tvardhamukte tatkampe tu śrutitrayam
anyathā varṇayantīha kecitsaptasvarodayam

ardhendunāgaphaṇavadvaṃśe sthāpyaṃ karadvayam
vāmasyānāmikāṅgulyā ṣaḍjo madhyamayā punaḥ

ṛṣabhaḥ syātpradeśinyā gāndhāra iti vāmataḥ
trayaḥ svarāḥ prajāyante catvāro dakṣiṇātkarāt

kaniṣṭhayā madhyamaḥ syātpañcamo'nāmayā svaraḥ
dhaivataḥ syānmadhyamayā pradeśinyā niṣādavān

sthānatrayasya niṣpatti te cāsminnanyathā jaguḥ

suśikṣitena racitātphūtkārānmadhyasaptake
jāyante vaiṇaśārīrasvarasaṃvādinaḥ svarāḥ

tārasthā mukhasaṃyogasaṃkaṭe mukharandhrake
taṃ vādanaprakāraṃ ca ṭīpāmācakṣate janāḥ

tayā yadvādyate randhre tatsvaro dviguṇo bhavet
randhrasya mukhasaṃyogaviprakarṣāttu mandragāḥ

tīvrātīvratayā vāyoḥ śīghramantharabhāvataḥ
pūraṇāpūraṇābhyāṃ copacayāpacayāddhvaneḥ
kurvantyekatra randhre'pi tajjñā nānāsvarodayam

kampitā valitā muktār'rdhamuktā ca nipīḍitā
iti vaṃśe gatiḥ proktā śārṅgadevena pañcadhā

adharasthasya vaṃśasya kampanātkampitā matā
varṇālaṃkāraniṣpattiḥ prayoge'syāḥ prayojanam

iti kampitā
bhavetsaṃcāriniṣpattau valitā'ṅgulicālanam
iti valitā
randhre'dhile'ṅgulīmukte muktā syānmuktaśabdakṛt

iti muktā
ardhamuktā'rdhamukteḥ syādghṛtaśabdavidhāyinī

ityardhamuktā
samantātsarvarandhrāṇi pidhāyāṅgulibhiryadā
vaṃśaṃ pūrayate tajjñastadā jñeyā nipīḍitā

iti nipīḍitā
atra kīrtidharastvanyāṃ vyavasthāmabhyupāgamat

ṣaṭsaptāṣṭāṅgulā vaṃśāstārasvaravidhāyakāḥ
madhyasvarā navadaśaikādaśāṅgulakāstrayaḥ

aṅgulairyo dvādaśabhiḥ syāttrayodaśabhiśca yaḥ
hetū mandrakharāṇām tau sarvavaṃśamayaḥ punaḥ

caturdaśāṅgulo vaṃśastristhānasvarasādhakaḥ
varṇālaṃkāradhātvādivādyasaṃvādanakṣamaḥ
evaṃ vaṃśā navaiveti yuktāyuktavido viduḥ

keciddeśīvido vaṃśānekavīrādikānamūn
mānāntareṇābhidadhusteṣāṃ matamidaṃ bruve

prākcaturdaśavaṃśānte'ṅgulaṃ pañcayavaṃ jaguḥ
caturdaśādivaṃśeṣu sārdhapañcayavaṃ tvidam

caturdaśāṅgulaṃ daṇḍamekavīre pracakṣate
sārdhāṅgulau śiraḥprāntau pṛthagjātimukhe'ṅgulam

mānaṃ tārādirandhrāṇi pratyekaṃ triyavāni tu
triyavānyantarālāni pṛthaksthāneṣu mūlataḥ
pañcamāṃśonitaṃ mānaṃ kaniṣṭhāparvamadhyataḥ

ubhāpatestu vaṃśasya daṇḍaḥ pañcadaśāṅgulaḥ
pādonena yavadvaṃdvenādhiko'syāntareṣu tu

sapādatriyavaṃ mānaṃ pṛthaganyattu pūrvavat
aṅgulaiḥ saptadaśabhiryavayugmādhikairmataḥ

daṇḍastripuruṣe vaṃśe pṛthagantarasaptake
yavonamaṅgulaṃ mānamaparaṃ lakṣma pūrvavat

yavadvayādhikaiḥ sārdhairaṣṭādaśabhiraṅgulaiḥ
mitaścaturmukhe daṇḍe śirontau tu mitau pṛthak

pādonābhyāmaṅgulābhyāṃ lakṣaṇaṃ pūrvavatparam
yavasya sārdhapādena nyūnā dvāviṃśatirmatā

aṅgulānāṃ daṇḍamānaṃ pañcavaktre śirontayoḥ
sārdhāṅguladvayaṃ mānaṃ pṛthagantarasaptake

caturyavī sārdhapādābhyadhikā'nyattu pūrvavat
ṣaṇmukhe yavapādābhyāṃ sapādābhyāṃ sahāṅgulaiḥ

caturviśatisaṃkhyaiḥ syāddaṇḍaḥ parimitastataḥ
tārādyaṣṭasu randhreṣu sapādatriyavā mitiḥ

pratyekamantarāleṣu ṣoḍaśāṃśonitā yavāḥ
pañcamānamitāḥ śeṣaṃ lakṣma syātpañcavaktravat

ataḥ pareṣu vaṃśeṣu saptasvabhyadhiko yavaḥ
svamānāddṛśyate tārarandhre jātimukhāntare

yuktā yavena sārdhenāṅgulaṣaḍviṃśatirbhavet
pramāṇaṃ munidaṇḍasya mānaṃ randhrāṣṭake punaḥ

yavatrayaṃ sārdhapādādhikaṃ pratyekamīritam
pṛthakpañcayavī sārdhāntareṣvanyattu pūrvavat

vasuvaṃśe tu daṇḍasyāṅgulāṣṭāviṃśatirmitiḥ
yavādhikā jātimukhaṃ yavenādhikamaṅgulam

yavādhikāṅgulā jñeyā'ntarāleṣu mitiḥ pṛthak
śeṣaṃ tu pūrvavadvaṃśe nāthendre daṇḍasaṃmitiḥ

yavapādādhikā triṃśadaṅgulānāṃ śirontayoḥ
pādonatryaṅgulaṃ mānaṃ pṛthagantarasaptake

sapādamaṅgulaṃ mānaṃ khānimānaṃ tu mūlataḥ
ṣaṣṭhabhāgavihīnaṃ syātkaniṣṭhāparva madhyamam

aparaṃ pūrvavaddaṇḍe mahānandasya saṃmitiḥ
pādanyūnena pādena yavasyābhyadhikā bhavet

dvātriṃśadaṅgulānāṃ tacchirontau tryaṅgulau pṛthak
sapādāṅgulakaṃ jātimukhamantarasaptake

pṛthaksapādapādenābhyadhikaṃ mānamaṅgulam
mūlataḥ saptamāṃśonakaniṣṭhāmadhyaparvaṇā

mitā khāniḥ paraṃ lakṣma pūrvoktaṃ tairudīritam
sapādāni catustriṃśadaṅgulāni mitirbhavet

yavārdhasahitā rudradaṇḍasyāntarasaptake
sārdhāṅgulaṃ pṛthaṅmānaṃ kaniṣṭhāmadhyaparvaṇā

khāniḥ parimitā śeṣaṃ pūrvavaṃśavadiṣyate
saptatriṃśadyavārdhenābhyadhikānyaṅgulāni tu

āditye daṇḍamānaṃ syātpādonaṃ tvaṅguladvayam
antareṣu pṛthaṅmānamaparaṃ rudravaṃśavat

manordaṇḍe sapādaikonacatvāriṃśadaṅgulam
yavādhikaṃ sapādenāṣṭamāṃśena yavasya ca

sahitaṃ mānamākhyātaṃ pādanyūnāṅgulatrayaiḥ
śiraḥprāntau pṛthagjātimukhe syānmānamaṅgulam

ṣoḍaśāṃśonapādenādhikaṃ randhrāṣṭake punaḥ
yavatrayaṃ pṛthaksārdhamantareṣu ca saptasu

pratyekaṃ yavapādena nyūnaṃ syādaṅguladvayam
mānaṃ lakṣaṇamanyattu bhavedādityavaṃśavat

yavasya sārdhapādābhyāṃ dvātriṃśāṃśe navādhikaiḥ
catuścatvāriṃśatā syātpādonairaṅgulairmitaḥ

daṇḍaḥ kalānidhau vaṃśe śirontau tryaṅgulau pṛthak
antareṣvaṅguladvaṃdvaṃ samādayavasaṃyutam

pratyekaṃ mānamākhyātaṃ lakṣmānyanmanuvanmatam
yavasyāṣṭamabhāgena sapādena samanvitaiḥ

aṣṭācatvāriṃśatā syātpādonaiḥ saṃmito'ṅgulaiḥ
aṣṭādaśāṅgule daṇḍaḥ sārdhaṃ tvaṅgulayordvayam

antareṣu pṛthaṅmānaṃ vedyamanyatkalānidheḥ
nātra trayodaśo vaṃśo nava pañcadaśāṅgulaḥ

iṣyate'lpāntaratvena nava saptadaśāṅgulaḥ
evaṃ pañcadaśaivaite vaṃśāsteṣāmime matāḥ

mādhuryaraktisaṃyuktā rāgābhivyaktihetavaḥ
yadidaṃ lakṣma śāstroktaṃ yacca deśīgataṃ matam
te dve rañjayituṃ śakte na manāṃsi kalāvidām

vaktre phūtkārarandhrasthe kasya vā vitatākṛteḥ
svararandhrāṇyāpnuyātāmapi dīrghatarau karau

antaraṃ svararandhrāṇāmuktamardhāṅgulaṃ ca yat
śāstreṇa tena kasyāpi svarasya vyaktirīritā

ye pūrvoktakramāḥ sapta svarāḥ sarigamādayaḥ
mānte'tra dṛśyate teṣāṃ nāsau kramaparikramaḥ

mūrchanārāgabhāṣādeḥ sudūrotsāritā kathā
kiṃcchiā!strakṛtāṃ prācāmācāryāṇāṃ mahātmanām

upālambho'pi doṣāyakiṃ tayā kathayā'pi naḥ
tadāstāmucyate kiṃtu kiṃciddeśīvidaḥ prati

māne pañcayave kasmāddṛśyate'tra yavo'dhikaḥ
saptāṅgulādivaṃśeṣu kathaṃ cordhvaṃ caturdaśāt

pūrvamānādhikāḥ santi te saptāṣṭa na vā yavāḥ
sārdhapañcayave māne lakṣma syādavyavasthitam

trayodaśādayo ye ca trayo vaṃśā nirākṛtāḥ
na tatra yuktileśo'sti yena tuṣyanti sūrayaḥ

alpāntaratvamuktaṃ yattadasārataraṃ punaḥ
vaṃśāntarāntaraistulyamantaraṃ teṣu dṛśyate

dvādaśārdhasvaranyūno yathaikādaśavaṃśataḥ
mudritaḥ svararandhraḥ syāttathā tasmāttrayodaśa

evaṃ caturdaśātpañcadaśo vaṃśāttu ṣoḍaśāt
vaṃśaḥ saptadaśo lakṣmāprasiddhamiti cenna tat

vaktuṃ taduktarītyā hi śakyaṃ teṣvapi lakṣaṇam
trayodaśāṅgulo vaṃśo viśvamūrtirudāhṛtaḥ

adhikaṃ yavapādena syāccatvāriṃśadaṅgulam
viśvamūrtau daṇḍamānaṃ tārādau suṣirāṣṭake

pratyekaṃ triyavī sārdhā mānamantarasaptake
aṅguladvitayaṃ mānaṃ pṛthagādityavatparam

yuktairyavena pādena dvācatvāriṃśadaṅgulaiḥ
yavasya cāṣṭamāṃśena sapādenādhikairmataḥ

daṇḍaḥ śrīśārṅgidevokto vaṃśe pañcadaśāṅgule
aṅgulatritayaṃ mānaṃ śiraḥprānte pradeśayoḥ

pratyekamantarāleṣu saptasvardhayavādhikam
aṅguladvitayaṃ mānaṃ manuvallakṣaṇaṃ param

yavasya sārdhapādena dvātriṃśāṃśayavādhikaḥ
ṣaṭcatvāriṃśatā pādanyūnaiḥ syādaṅgulairmitaḥ

daṇḍaḥ saptadaśe vaṃśe'ntareṣu tvaṅguladvayam
pṛthaksadviyavaṃ mānaṃ syātkalānidhivatparam

evaṃm prasiddhalakṣmāṇo rāgādivyaktihetavaḥ
trayodaśādayo vaṃśā niṣidhyante mudhā paraiḥ

api pañcayavaṃ mānaṃ vaṃśeṣvaṣṭādaśasvapi
vyaktaṃ pragalbhate vaktuṃ sūriḥ śrīkaraṇāgraṇīḥ

tasmāddeśyanusāreṇa lakṣyalakṣaṇatattvavit
śārṅgadevo'nyathā vaṃśasvarūpaṃ pratyapādayat

aṅgulaṃ nibabandhāsau siddhaṃ gaṇitaśāstrataḥ
na hyaṅgulaṃ pañcayavaṃ dṛśyate śāstralokayoḥ

aṅgulaṃ nistuṣaiḥ ṣaḍbhistiryagbhiḥ syādyavodaraiḥ
dakṣiṇasya karasya syātkhānimāne kaniṣṭhikā

na sthūlā na kṛśā'tyantaṃ gṛhyate kiṃtu madhyamā
mūlaśabdo'nvayaṃ yāti madhyamenātra parvaṇā

samā sarvatra khāniḥ syādviṣamaḥ svarabhaṅgakṛt
caturdaśāṅgulo daṇḍa ekavīrasya dṛśyate

tacchiraḥprāntayormānamaṅguladvitayaṃ pṛthak
mānaṃ jātimukhākhye syātphūtkārasuṣire'ṅgulam

tārarandhraṃ tato'dhastādaṅgulāntaritaṃ matam
ṣoḍaśāṃśādhikaṃ tasya mānamardhāṅgulaṃ viduḥ

tadadho'dhaśca tāvanti sapta randhrāṇi kalpayet
teṣvaṣṭāsūrdhvarandhrāṇi sapta syuḥ svarasiddhaye

antimaṃ vāyurandhraṃ syādantarālāni sapta ca
pṛthagardhāṅgulānyeṣāṃ garbharandhraṃ tu saṃmitam

mūlataḥ pañcamāṃśena kaniṣṭhāmadhyaparvaṇā
khānistaducyate deśyāṃ pūrvoktoktasvarodayaḥ

trayodaśāpare tārarandhrajātimukhāntare
ekaikāṅgulavṛddhyā syurācaturdaśa vaṃśataḥ

ubhāpatau daṇḍamānaṃ bhavetpañcadaśāṅgulam
ekavīravadanyattu lakṣma tripuruṣe punaḥ

daṇḍaḥ sārdhaiḥ ṣoḍaśabhiḥ sayacārdhairmito'ṅgulaiḥ
saptāntarāṇyadhastārātpṛthaksārdhaistribhiryavaiḥ

mitāni lakṣaṇaṃ śeṣaṃ pūrvavaṃśavadiṣyate
daṇḍaścaturmukhe sārdhāṣṭādaśāṅgulasaṃmitaḥ

pṛthaksaptāntarālāni caturbhiḥ sāṅghribhiryavaiḥ
mitāni pūrvavaccheṣaṃ pañcavaktre tu saṃmitiḥ

daṇḍaśca yavayugmenābhyadhikāṅgulaviṃśatiḥ
saptānāmantarālānāṃ pṛthakpañcayavā mitiḥ

anyattu pūrvavallakṣma daṇḍamānaṃ tu ṣaṇmukhe
aṅgulānāṃ yavārdhānāṃ dvāviṃśatirudīritā

sārdhapañcayavaṃ mānaṃ pṛthagantarasaptake
śeṣaṃ tu pūrvavadvaṃśe munau daṇḍamitiḥ punaḥ

trayoviṃśatyaṅgulānāṃ sārdhayā'ntarasaptake
pratyekamaṅgulaṃ mānaṃ śeṣaṃ pūrvavadiṣyate

vaṃśe vasau daṇḍamānaṃ caturbhiradhikā yavaiḥ
pañcaviṃśatirākhyātā'ṅgulānāmantarāṇi tu

pṛthaksaptayavāni syuḥ śeṣaṃ pūrvoktamiṣyate
nāyendradaṇḍamānaṃ syātsapādā saptaviṃśatiḥ

aṅgulānāmantarāṇi syuḥ sapādāṅgulāni tu
pratyekaṃ mūlataḥ ṣaṣṭhāṃśonamadhyamaparvaṇā

kaniṣṭhāy mitā khāniranyallakṣma tu pūrvavat
mānaṃ mahānandadaṇḍe triṃśadaṅgulakaṃ mitam

pṛthaksārdhāṅgulāni syurantarālāni sapta ca
nāyendravatparaṃ lakṣma rudre daṇḍamitiḥ punaḥ

sapādāni trayastriṃśadaṅgulānyantareṣu tu
pratyekaṃ mānāmākhyātaṃ pādanyūnāṅguladvayam

randhreṣvaṣṭasu tārādiṣvaṣṭamāṃśasamanvitam
aṅgulārdhaṃ pṛthaṅmānaṃ khānermānaṃ tu mūlataḥ

saptamāṃśavihīnaṃ syātkaniṣṭhāparva madhyamam
pūrvoktamanyadāditye vaṃśe daṇḍastu kathyate

aṣṭamāṃśādhikaiḥ pañcatriṃśatā saṃmito'ṅgulaiḥ
antareṣvaṣṭamāṃśonamaṅguladvitayaṃ pṛthak

mānaṃ khānau tvaṣṭamāṃśanyūnamāmūladeśataḥ
kaniṣṭhāmadhyapūrvoktamaparaṃ rudravaṃśavat

ṣoḍaśāṃśonitaiḥ sārdhaiḥ saptatriṃśanmitāṅgulaiḥ
mito daṇḍo viśvamūrtāvantareṣvaṅguladvayam

ṣoḍaśāṃśādhikaṃ māne pratyekaṃ madhyaparvaṇā
kaniṣṭhāyā mitā khāniḥ śeṣamādityavaṃśavat

manau daṇḍastu pādonaikacatvāriṃśatā'ṅgulaiḥ
mitaḥ śiraḥ pṛthakprāntadeśau sārdhāṅguladvayau

pratyekamantarāleṣu sapādadvyaṅgulā mitiḥ
viśvamūrtivadanyattu lakṣma śrīśārṅgiṇoditam

vaṃśāścaturdaśaivaivaṃ proktāḥ soḍhalasūnunā
nātaḥ paraṃ tu vaṃśānāmīdṛśāmasti saṃbhavaḥ

teṣu randhrāṅgulīprāptirna kasyāpi hi dṛśyate
atimandradhvanitvācca na te tattvavidāṃ matāḥ

gatānugatikatvena tvekavīrādayastrayaḥ
kathitā na tu teṣvasti raktimādhuryadhuryatā

caturmukhādayastasmādekādaśa manoharāḥ
svamate'bhyupagamyante vaṃśāḥ soḍhalasūnunā

śārṅgadevo'nyamāṅgena vaṃśarūpaṃ nyarūpayat
tiryagyavodaraiḥ sārdhaiścaturbhirnistuṣairiha

aṅgulaṃ tena pūrvoktarītyā'rabhyaikavīrataḥ
santi dvāviṃśatirvaṃśaviśeṣāsteṣu cakṣmahe

vaṃśaśreṇīmimāmāha niḥśaṅkonupamābhidhām
ekavīre daṇḍamānaṃ syātṣoḍaśabhiraṅgulaiḥ

sārdhena yavapādenābhyadhikaistacchirontayoḥ
sārdhāṅguladvayaṃ mānaṃ pratyekaṃ parikīrtitam

sapādamaṅgulaṃ jātimukhe randhrāṣṭake punaḥ
pṛthaktṛtīyabhāgonamaṅgulaṃ mānamiṣyate

ardhāṅgulāni pratyekamantarālāni sapta ca
mūlataḥ pañcamāṃśonakaniṣṭhāmadhyaparvaṇā

mitā khānirbhavettārarandhrajātimukhāntaram
ekavīrādisaṃjñābhiḥ sarvavaṃśeṣu veditam

aṣṭamāṃśavihīnena yavārdhenādhikairbhavet
aṅgulaiḥ saptadaśabhirdaṇḍamānamumāpatau

ekāṅgulādhikastasmāddaṇḍastripuruṣe mataḥ
anayorvaṃśayoḥ śeṣaṃlakṣma syādekavīravat

mānaṃ syādyavapādonavihīnāṅgulaviṃśatiḥ
caturmukhasya daṇḍasyāntarāleṣvardhamṅgulam

aṣṭamāṃśādhikaṃ mānaṃ pṛthaganyattu pūrvavat
sadvātriṃśāṃśapādonadviyavādhikayā mitaḥ

daṇḍo'ṅgulaikaviṃśatyā pañcavaktrasya kīrtitaḥ
aṅgulasya tribhiḥ pādaiḥ pādonairantarāṇi tu

mitāni sapta pratyekaṃ pūrvavallakṣaṇaṃ param
sārdhatrayoviṃśatiḥ syādaṅgulānāṃ yavādhikā

mānaṃ ṣaṇmukhadaṇḍasya pādonaṃ tvaṅgulatrayam
pṛthakśirontayormānamantareṣu tu saptasu

yavapādādhikaṃ mānaṃ pṛthakpādonamaṅgulam
śeṣaṃ tu pūrvavadvaṃśe munau syāddaṇḍasaṃmitiḥ

yavapādonapādonāṅgulaṣaḍviṃśatirmatā
aṅgulaṃ yavapādena nyūnamantarasaptake

pratyekaṃ mānamākhyātaṃ śeṣaṃ ṣaṇmukhavaṃśavat
vasau vaṃśe yavārdhena dvātriṃśāṃśayujā'dhikā

syātsaptaviṃśatiḥ sārdhāṅgulānāṃ daṇḍasaṃmitiḥ
sapādena tu pādena dvātriṃśāṃśayutena ca

yavasyābhyadhikaṃ mānamantareṣvaṅgulaṃ pṛthak
śeṣaṃ tu munivaddaṇḍe nāthendrasya tu saṃmitiḥ

yavāṣṭamāṃśasahitairekonatriṃśadaṅgulaiḥ
sārdhapādādhikairuktā pṛthaktu suṣirāṣṭake

tārādau yavayuktenārdhāṅgulena mitirbhavet
antareṣu pṛthaṅmānamaṣṭamāṃśāhdikāṅgulam

śeṣaṃ tu pūrvavaddaṇḍe mahānandasya saṃmitiḥ
uktā yavāṣṭamāṃśonāṅgulaikatriṃśadiṣyate

sapādāvantarāleṣu pratyekaṃ mānamucyate
sapādamaṅgulaṃ śeṣaṃ pūrvokaṃ śārṅgiṇoditam

aṅgulāni trayastriṃśadaṣṭamāṃśayutāni tuā!ṣṭamāṃśayuktāni rudre daṇḍamitirbhavet

yuktaṃ sārdhena pādenāṅgu lamantarasaptake
pratyekaṃ mānamākhyātaṃ khānermānaṃ tu mūlataḥ

ṣaṣṭhāṃśonaṃ madhyaparva kaniṣṭhāyāḥ prakīrtitam
śeṣaṃ prāgvadathā''ditye syātpañcatriṃśatāṅgulaiḥ

yavāṣṭamāṃśasahitairdaṇḍamānamathāntaram
sārdhāṅgulakamekaikaṃ khānimānaṃ tu kīrtitam

mūlataḥ saptamāṃśonaṃ kaniṣṭhāparva madhyamam
prāgvatparam viśvamūrtau vaṃśe daṇḍasya saṃmitiḥ

yavāṣṭamāṃśasahitaiḥ syātsaptatriṃśatā'ṅgulaiḥ
sārdhapādādhikaiḥ śīrṣaṃ prāntau tryaṅgulakau pṛthak

antareṣvaṣṭamāṃśonāhdikaṃ sārdhāṅgulaṃ pṛthak
mānaṃ khānestvaṣṭamāṃśanyūnamāmūlato matam

madhyaparva kaniṣṭhāyāḥ pūrvoktaṃ śeṣamiṣyate
daṇḍamānaṃ manorekonacatvāriṃśatāṅgulaiḥ

sapādairaṣṭamāṃśena yavasya sahitairapi
pādonamaṅguladvaṃdvaṃ pṛthagantarasaptake

mānaṃ khānistu mātavyā kaniṣṭhāmadhyaparvaṇā
pūrvoktamaparaṃ sārdhaikacatvāriṃśatā'ṅgulaiḥ

yuktairyavasya pādonapādadvaṃdvena saṃmitiḥ
daṇḍe pañcadaśasya syāttataḥ sārdhayavatrayā

pratyekamaṣṭarandhrī syādantareṣvaṅguladvayam
aṣṭamāṃśonitaṃ mānaṃ pratyekaṃ manuvatparam

kalānidhau sapādaiḥ syāttricatvāriṃśatā'ṅgulaiḥ
yavādhikairdaṇḍamānamantarāleṣu saptasu

pratyekamaṅguladvaṃdvaṃ sapādaṃ pūrvavatparam
daṇḍo'ṣṭādaśavaṃśasyāṣṭācatvāriṃśatāṅgulaiḥ

yavānvitaiḥ sapādena sapādenādhikairmitaḥ
pratyekaṃ ṣoḍaśāṃśonasārdhāṅgulayugaṃ matam

pramāṇamantarāleṣu paraṃ pūrvavadiṣyate
daṇḍe tvekonaviṃśasya sāṅghri pañcāśadaṅgulam

yavenābhyadhikaṃ mānamantareṣu tu saptasu
pratyekaṃ ṣoḍaśāṃśonādhikaṃ sārdhāṅguladvayam

prāgvatparaṃ muralyāstu daṇḍamānaṃ yavādhikam
dvāpañcāśadbhavetsārdhāṅgulānāmantarāṇi tu

pādonatryaṅgulāni syuḥ pratyekaṃ pūrvavatparam
ekaviṃśe daṇḍamānaṃ pañcapañcāśadaṅgulam

sapādaṃ ṣoḍaśāṃśenābhyadhikaṃ yavasaṃyutam
aṅgulānyantarāṇi syuḥ pratyekaṃ pūrvavatparam

daṇḍamānaṃ śrutinidhāvaṣṭāpañcāśadaṅgulam
sārdhaṃ yavādhikaṃ tasya tvantareṣvaṅgulatrayam

sapādaṣoḍaśāṃśonādhikaṃ mānaṃ pṛthaṅmatam
pūrvoktamaparaṃ lakṣma śārṅgadevena kīrtitam

sarveṣāmapi vaṃśānāṃ piṇḍaḥ sārdhayavo bhavet
raktimādhuryavirahātpañcavaktrādadhastanāḥ

caturmukhādayo vaṃśā neṣṭāḥ śrīśārṅgisūriṇā
deśīvaṃśeṣu sarveṣu mudritātpūrvavaṃśataḥ

uttaro mudrito vaṃśaḥ svarārdhenādhiko bhavet
vaṃśānāmalpamānānāṃ sarvatrottaratā matā

svarārdhaṃ syādūrdhvatayā dakṣiṇasya kaniṣṭhayā
atastasyā mudritāyāṃ pūrvavaṃśasya jāyate

uttaro mudrito vaṃśaḥ pūrvatulyasvarodayaḥ
uddhṛtāṅgulivṛddhau tu tasmādapyuttarottare

milanti mudritā vaṃśā yathāsaṃkhyaṃ purātanaiḥ
svaroday'pyaṅgulayaḥ śātrīye laukike tathā

yaṃśe tulyaprakārāḥ syuriti śrīśārṅgiṇoditam
ekasvarāṇi randhrāṇi saṃnidhau vyavadhāvapi

milanti sarvavaṃśānāmiti brūte harapriyaḥ
mānahīnaṃ tu yadrandhraṃ khānirvā yatra tādṛśī

na tadrandhraiḥ svajātīyairmilanti svarabhaṅgataḥ
caturdaśādivaṃśānāmāvaṃśādekavīrataḥ

idānīṃ tādṛśīṃ vaṃśasvarūparacanāmimām
śārṅgadevaḥ samācaṣṭe śivānugrahaśuddhadhīḥ

vaṃśapaddhatireṣā ca śārṅgavidvābhidhīyate
aṅgulaṃ ṣaḍyavaṃ cātra randhrādimitaye matam

ekavīre daṇḍamānaṃ sapādadvādaśāṅgulam
yavārdhenādhikaṃ tasya śirontau dvyaṅgulau pṛthak

mukharandhre'ṅgulaṃ mānaṃ tārādau suṣirāṣṭake
pratyekamaṅguladalaṃ teṣāṃ tvantarasapteke

yaddvayaṃ pṛthaṅmānamuktaṃ śrīśārṅgisūriṇā
sarvavaṃśeṣu tārasya mukharandhrasya cāntare

ekavīrādisaṃjñābhirvijñeyā'ṅgulasaṃmitiḥ
umāpatau tripuruṣe caikaikāṅgulavardhitam

daṇḍamānaṃ paraṃ lakṣma tvekavīravadiṣyate
caturmukhe daṇḍamānaṃ pādanyūnayavādhikaiḥ

aṅgulaiḥ pañcadaśabhiḥ sārdhairasyāntareṣu tu
sapādadviyavī mānaṃ pṛthaganyattu pūrvavat

sapādaiḥ saptadaśabhiḥ pādanyūnayavādhikaiḥ
aṅgulairdaṇḍamānaṃ syātpañcavaktre'ntareṣu tu

ṣoḍaśāṃśādhikā mānaṃ pādonatriyavī pṛthak
śeṣaṃ tu pūrvavaddaṇḍe ṣaṇmukhasya tu saṃmitiḥ

yuktā yavena sārdhenāṣṭamāṃśarahitena ca
ekonaviṃśatiḥ proktā'ṅgulānāmantareṣu tu

yavasya sārdhapādābhyāṃ yuktamardhāṅgulaṃ pṛthak
pūrvoktamaparaṃ lakṣma daṇḍe tu syānmitirmuneḥ

aṅgualirekaviṃśatyā sārdhapādadvayādhikaiḥ
yavasya cāṣṭamāṃśena sapādena samanvitaiḥ

sapādayavapādena dvātriṃśāṃśayutena ca
yuktamantaramānaṃ syātpṛthakpādonamaṅgulam

śeṣaṃ tu pūrvavallakṣma jñeyaṃ vaṃśe vasau punaḥ
aṣṭamāṃśavihīnena yavenādhikayā bhavet

caturviṃśatyaṅgulānāṃ caraṇanyūnayā mitiḥ
pṛthagaṣṭāsu randhreṣu sapādatriyavī mitiḥ

pratyekamantarāleṣu sāṣṭamāṃśacavādhikam
pādonamaṅgulaṃ mānamaparaṃ lakṣma pūrvavat

sapādayavasaṃyuktā'ṅgulaṣaḍviṃśatirbhavet
mānaṃ nāthendradaṇḍasyāntarāleṣu tu saptasu

aṣṭamāṃśādhikaṃ mānamaṅgulaṃ pūrvavatparam
yavṣṭāamāṃśasahitā sārdhāṣṭāviṃśatirmatā

aṅgulānāṃ daṇḍamānaṃ mahānande'ntareṣu tu
sapādamaṅgulaṃ sārdhayavapādādhikaṃ pṛthak

prāgvatparaṃ rudradaṇḍe tvaṅgulānāṃ yavādhikā
ekatriṃśanmitā mānamatha sārdhayavatrayā

pratyekamaṣṭarandhrī syādantarāleṣu saptasu
sārdhāṅgulaṃ pṛthaṅmānaṃ pūrvoktaṃ śeṣamiṣyate

daṇḍasya mānamāditye syāccatustriṃśadaṅgulam
yavena ca sapādena dvātriṃśāṃśayujā'dhikam

dvātriṃśāśonapādābhyāṃ yavasya sahitaṃ pṛthak
pādonamaṅguladvaṃdvaṃ mānamantarasaptake

prāgvatparaṃ viśvamūrtau syātsaptatriṃśadaṅgulam
daṇḍamānaṃ yutaṃ sārdhayavapādadvayena ca

pratyekamantarāleṣu tvaṅguladvitayaṃ matam
yavasya sārdhapādenābhyadhikaṃ pūrvatparam

daṇḍo yavāṣṭamāṃśena sapādena samanvitaiḥ
catuścatvāriṃśatā syādaṅgulaiḥ saṃmito manoḥ

sārdhāṅguladvayamitau śiraḥprāntau matau pṛthak
sādhena ṣoḍaśāṃśena yavasyābhyadhikaistribhiḥ

pādonairaṅgulairmānamantarāleṣu saptasu
pūrvoktaṃ lakṣaṇaṃ śeṣamavocatkaraṇāgraṇīḥ

khāniḥ sarveṣu vaṃśeṣu kaniṣṭhāmadhyaparvaṇā
mūlena saṃmitā kāryetyuktaṃ soḍhalasūnunā

sarvamanyattu vaṃśānāṃ deśīśāstrabhuvāṃ samam
ekavīrādayo'trāpi trayaḥ prāgvanna saṃmatāḥ

dhātūnvṛttitrayaṃ tattvānugataudhāṃśca yānpurā
vādyānyāśrāvaṇādīni vīṇāyāṃ yānyavādiṣam

geyaṃ śrutisvaragrāmamūrchanādi ca yanmatam
tatsarvaṃ vaṃśavādye'tra viśeṣeṇopadarśayet

vaṃśavīṇāśarīrāṇi trayo'mī svarahetavaḥ
lalito madhuraḥ snigdhasteṣu vaṃśaḥ praśasyate

vaṃśavīṇāśarīrāṇāmekībhāvena yo dhvaniḥ
tatra raktiviśeṣasya pramāṇaṃ vibudhā viduḥ

adhvanyānāṃ pravāseṣu kāminīnirjiteṣu ca
śokārteṣu prayuñjīta mṛdumadhyalayadhvanim

vaṃśaṃ yuñjīta śṛṅgāre drutādilalitadhvanim
kampitasphuritadhvānaṃ vaṃśaṃ drutalayāśrayam
krodhābhimānayoḥ kuryānmataṅgeneti kīrtitam

snigdhatā ghanatā raktivyaktiḥ pracuratā dhvaneḥ
lālityaṃ komalatvaṃ ca nādānuraṇanaṃ tathā

tristhānatvaṃ śrāvakatvaṃ mādhuryaṃ sāvadhānatā
dvādaśeti guṇāḥ proktāḥ phūtkāre sūriśārṅgiṇā

tatra śabdaguṇeṣvevaikādaśa proktalakṣaṇāḥ
phūtkṛteḥ sāvadhānatvaṃ nyūnatādhikyavarjanam

iti dvādaśa phūtkāraguṇāḥ
phūtkātro yamalaḥ stokaḥ kṛśaḥ skhalita ityamī
phūtkāradoṣā yamalaṃ bruvate pratiphūtkṛtim
evamanvarthanāmatvānnocyate lakṣaṇaṃ pṛthak

kapilastumbakī kākī saṃdaṣṭaścāvyavasthitaḥ
pañceti phūtkṛterdoṣānaparānūcire pare

yaḥ kaphopahatādvaktrādvisvaraḥ sphuṭito bhavet
kapilo'sau tumbudhvānaprāyaḥ proktastu tumbakī

tāranyūnatayā kākasvaraḥ kākīti kathyate
alpaḥ saṃdaṣṭavadbhāti yo'sau saṃdaṣṭa ucyate
ūno'dhiko vā yo rūkṣaḥ kathyate so'vyavasthitaḥ

kaṇṭhasya guṇadoṣā ye puroktāsteṣu kecana
phūtkāre'pi yathāyogaṃ yojanīyā manīṣibhiḥ

iti daśa phūtkāradoṣāḥ
aṅgulīsāraṇābhyāsaḥ susthānatvaṃ surāgatā
surāgavyaktimādhuryānvitā vegādgatāgate
gītavādanadakṣatvaṃ gātṝāṃ! sthānadāyitā
taddoṣācchādanaṃ mārgadeśīrāgeṣu kauśalam

nā!vadapasthāne rāgodbhūtipragalbhatā
vāṃśikasya guṇānetānvakti śrīkaraṇāgraṇīḥ

iti vāṃśikaguṇāḥ
mithyāprayogabāhulyametadguṇaviparyayaḥ
iṣṭasthānānavāptiśca śirasaḥ kampanaṃ tathā
vāṃśikasyeti doṣāḥ syurvarjanīyāḥ prayatnataḥ

iti vāṃśikadoṣāḥ
ekaḥ syādvāṃśiko mukhyaścatvāro'syānuyāyinaḥ
vāṃśikānāmiti prāyastajjñairvṛndaṃ nigadyate

iti vāṃśikavṛndam
adhunā mugdhabodhārthamudāharaṇamātrataḥ
vaṃśe deśīstharāgāṇāṃ keṣāṃcidvādanaṃ bruve

madhyamaṃ sthāyinaṃ kṛtvā tṛtīye kampite svare
vilambite dvitīye'tha sthāyini nyasyate yadā
svasthānaṃ prathamaṃ proktaṃ madhyamādestadā budhaiḥ

tṛtīyakampanādūrdhvaṃ caturthaṃ pañcamaṃ tataḥ

turyasvaraṃ dvitīyaṃ ca kṛtvā nyāso grahe yadā
tadā dvitīyaṃ svasthānaṃ śārṅgadevena kīrtitam

caturthasvaramāhatya sthāyinaṃ tatparaṃ tataḥ
samuccārya svaraṃ turyaṃ pañcamaṃ tu vilambya ca

ṣaṣṭhaṃ ca pañcamaṃ kṛtvā dvitīyaṃ ca grahe yadā
nyāsastadā tṛtīyaṃ syātsvasthānamiti tadvidaḥ

grahadvitīyaturyāṃśca pañcamaṃ saptamaṃ tataḥ
kṛtvā'ṣṭamaṃ bilambyātha dvitīyaṃ tatparaṃ tataḥ

dvitīyaṃ saptamaṃ kṛtvā pañcamaṃ ca caturthakam
dvitīyaṃ ca grahe nyāsaḥ svasthānaṃ turyamiṣyate

dṛśyate madhyamādestu graho vaṃśeṣu mudritaḥ

iti madhyamādiḥ
ṣaḍje grahe mamāhatya ṣaḍjaṃ kṛtvā hatau rimau
pamāndolya prakamyāpi pamagāṃ dviḥ prayujya ca

āndolya maṃ prakampyāpi laghuṣaḍjaṃ vidhāya ca
kampayitvā rimau dvitrānvārānāvartya ṣaḍjagau

sthāyinyāsādhbavedādyaṃ svasthānaṃ mālavaśriyaḥ
ādyasvasthānavidhinā vidhāya svarapañcakam

niṃ vilambyāvarohī cetpūrvaḥ svasthānagaḥ kṛtaḥ
tadā dvitīyaṃ svasthānaṃ dhāntamāndolya saptamam
āhatya ca dvitīyasya svasthānasyāvarohaṇam

kṛtaṃ yatra tṛtīyaṃ tatsvasthānamuditaṃ budhaiḥ
āhatya maṃ dviguṇasaṃ kṛtvā riṃ tatparaṃ tataḥ

taṃ saṃ procya nimāhatya vilambya punarapyamum
kṛtvā tṛtīyaṃ svasthānāvarohī kriyate yadā
tadā caturthaṃ svasthānamākhyātaṃ mālavaśriyaḥ

ṣaḍjo'nyo vā svaro vaṃśe graho'syā mudritaḥ svaraḥ

prakallpya tasya ṣaḍjatvaṃ pareṣāmṛṣabhāditam
lakṣmedaṃ yojayetsarvamityuktaṃ sūriśārṅgiṇā

iti mālavaśrīḥ
sthāyinaṃ madhyamaṃ kṛtvā kampayitvā paraṃ svayam
turyaṃ vilambya kṛtvā ca tṛtīyaṃ taṃ drutāhatam

vidhāya taṃ punaḥ procya grahanyāsena jāyate
svasthānaṃ prathamaṃ toḍyāḥ proktaṃ munivarairiti

prāksvasthānavadāruhya pañcamādavaruhyate
sthāyisvarāntaṃ yatrādaḥ svasthānaṃ syāddvitīyakam

prāgvā ṣaṣṭhamārohāvarohī ca grahāvadhiḥ
asyāstṛtīye svasthāne caturthe tvaṣṭamāvadhau

ārohiṇyavarohī syātpūrvavattadvidāṃ mataḥ
mudritastu grahaḥ prokto lakṣye syāllakṣmavedibhiḥ

iti toḍī
madhyamaṃ grahamāsthāya prāñcaṃ procya tato graham

sadvitīyaṃ kampayitvā tṛtīyaṃ sacaturthakam
laghūkṛtya tṛtīyaṃ coccāryā''hatya ca taṃ tataḥ

prācīnaṃ svaramuccārya sthāyini nyasyate yadā
bhavedbaṅgālarāgasya svasthānaṃ prathamaṃ tadā

ārohī pañcamāntaḥ sthātsvasthāne'syādvitīyake
saptamāntastṛtīye syātturye syādaṣṭamāvadhi

prākprāgvadavarohī syātsvasthāne tūttarottaram
lakṣye tu sarvavaṃśastho dvitīyo'sya graho mataḥ

iti baṅgālaḥ
dhaivataṃ sthāyinaṃ kṛtvā prāñcaṃ taṃ ca tṛtīyakam
punaḥ prāñcaṃ vidhāyātha kampayitvā tṛtīyakam

vilambya cā''hataṃ kṛtvā dvitrivāraṃ dvitīyakam
grahe nyāsādbhairavasya svasthānaṃ prathamaṃ bhavet

dvitīye pañcamāntaḥ syādāroho'tha tṛtīyake
ṣaṣṭhontaḥ saptamānto vā caturthe tvaṣṭamāvadhiḥ

pare pare'varohī syātsvasthāne pūrvapūrvavat
dvitīyo'tra svaraḥ sthāyī sarvavaṃśeṣu dṛśyate

iti bhairavaḥ
sthāyinaṃ dviguṇaṃ ṣaḍjaṃ kṛtvā'rdhaṃ vādayettataḥ
pūrvaṃ grahaṃ dvitīyaṃ ca tṛtīyamatha vādayet

atha dvitīyamāgatya nyasyate sthāyini svare
yadā varāṭyāḥ svasthānaṃ prathamaṃ jāyate tadā

iha bhairavavatkāryaṃ svasthānatritayaṃ param
svasthānaprakriyaiṣaiva jñeyā rāgāntareṣvapi
dvitīyo'syāḥ svaro lakṣye grahatvenopalakṣyate

iti varāṭī
ṛṣabhe sthāyini prāñcaṃ kampayitvā'rdhamasya ca

kṛtvā grahaṃ dvitīyaṃ ca tṛtīyaṃ tadadhaḥ svaram
grahametya tataḥ prāñcaṃ prakampyoktārdhamasya ca

grahe nyāsena garjaryāḥ svasthānaṃ prathamaṃ bhavet
tṛtīyo dṛśyate prāyo graho'syāṃ lakṣyagocare

iti gurjarī
ṣaḍje grahe dvitīyaṃ ca tṛtīyaṃ sakṛdāhṛtam
vegātkṛtvā'tha turyaṃ ca tṛtīyaṃ tadadhastanam

uktvā tṛtīyaturyau ca tṛtīyaṃ tadadhastanam
grahe nyāso vasantasya svasthāne prathame bhavet
tṛtīyastvasya vaṃśeṣu sthāyitvenopalabhyate

iti vasantaḥ
sthāyini dviguṇe ṣaḍje tadardhaṃ laghu vādayet
tatastatsakṛdāhatya grahaṃ tasmāttṛtīyakam

turyaṃ coktvā tṛtīyaṃ ca sakṛdāhatya tatparam
drutaṃ kṛtvā pañcamaṃ tu vilambyāsmādadhastanau

laghūkṛtya grahe nyāsaḥ svasthāne prathame bhavet
dhannāsyā dṛśyate vaṃśe syāddvitīyasvaro grahaḥ

iti dhannāsī
tameva sthāyinaṃ kṛtvā dvitīyaṃ vādayeddrutam
laghū grahadvitīyau ca kṛtvā tābhyāṃ paraṃ svaram

vilambya sphuritaṃ tu dvirvidhyātpañcamaṃ tataḥ
adharāṃstrīnkramāduktvā sthāyini nyasyate yadā
deśyāstadā''dyaṃ svasthānaṃ dvitīyo'syā graho jane

iti deśī /
gāndhāre sthāyini procya dvitīyaṃ ca tṛtīyakam
turyaṃ vilambya tatprāñcaṃ kṛtvā spṛṣṭvā dvitīyakam

dīrghīkṛtya tṛtīyaṃ coktvā dvitīyaṃ grahasvare
nyāso yadā syātsvasthānaṃ deśākhyāyāstadā''dimam

mudrito'syā graho vaṃśe lakṣyate lakṣyavedibhiḥ

iti deśākhyā
grahaṃ dviguṇasaṃ kṛtvā pūrvaṃ spṛṣṭvā tṛtīyakam
kṛtvā spṛṣṭvā grahaṃ procya tatparaṃ sphuritau vadet

dvistrirvā grahatatpūrvo nyasyate kampite grahe
yadā ḍombakriyaḥ proktaṃ svasthānaṃ prathamaṃ tadā
sā bhūpālī śrutā loke dvitīyaṃ grahamāśritā

iti ḍombakrīḥ
dhaivate sthāyitāṃ nīte dviruccārya paraṃ laghum
taṃ cātha prāñcamasyārdhaṃ pūrvaṃ pūrvaṃ vidhāya tam

vilambya kampayitvā'rdhaṃ tasyā''hatya ca tanmuhuḥ
pūvaṃ prakampya tasyārdhaṃ dīrghīkṛtya grahaṃ vrajet

athordhapreritau pūrvagrahau kṛtvā dvitīyakam
procya spṛṣṭvā grahaṃ tasmātparaṃ procya prakampya tu

tṛtīyaṃ grahapāścātyagrahau tūccārayenmuhuḥ
tatastṛtīyamākampya vilambya tadadhastanam

īṣadviramya spṛṣṭvā ca dvitīyaṃ nyasyate grahe
yadā tadā''dyaṃ svasthānaṃ velāvalyāḥ prakīrtitam
tṛtīyagrahatā tvasyā dṛśyate vaṃśagocare

iti velāvalī
pañcamaṃ grahamāsthāyā''rohiṇā pañcamaṃ tataḥ
gatvā vilambya taṃ tasmādadharaṃ drutatāṃ nayet

tato'dhaḥ sthaṃ drāghayitvā spṛṣṭvā ca drāghitātparam
tatparaṃ dīrghatāṃ nītvā punaḥ procyāvarohiṇā

tasmādetya grahanyāse svasthānaṃ prathamaṃ bhavet
rāge prathamamañjaryāṃ dvitīyo'syā graho jane

iti prathamamañjarī
sthāyino'rdhātsamāruhya tṛtīyādicatuḥsvarīm
kampayitvā vilambyāpi ṣaṣṭhaturyaṃ vidhāya ca

etya pañcamametasmādgrahāntamavaruhya ca
grahārdhaṃ grahapūrvaṃ ca gatvā spṛṣṭvā grahaṃ tataḥ

dvitīyaṃ kampitaṃ kṛtvā tṛtīyaṃ sphuritaṃ tataḥ
sthāyini syasyate yatra svasthānaṃ syāttadā''dimam
āḍīkāmodikāyāḥ syāddvitīyagrahatā jane

ityāḍīkāmodī
sthāyini dviguṇe ṣaḍje dvirāhatya tṛtīyakam
triścaturvā tataḥ spṛṣṭvā grahaṃ pūrvamudīrya ca

kampite sthāyini nyāsātsvasthānaṃ prathamaṃ bhavet
rāge śuddhavarāṭyāṃ sā dvitīyasthāyikā jane

iti śuddhavarāṭī
tameva sthāyinaṃ kṛtvā taṃ tadardhaṃ dvirāhatam
dvistrirvoktvā'tha dvitīyaṃ kampayitvā vilambya ca

āhatya dviścaturvā'smātparaṃ kṛtvā laghuṃ graham
uktvā grahārdhapūrve tu dīrghīkṛtya grahe yadā

nyasyate śuddhanaṭṭāyāḥ svasthānaṃ prathamaṃ tadā
vaṃśeṣvasyāmapi prāyo dvitīyo dṛśyate grahaḥ

iti śuddhanaṭṭā
grahaṃ dviguṇasaṃ procya tadardhaṃ ca dvitīyakam
vilambite tṛtīye'tha dvitīyaṃ drutatāṃ nayet

grahārdhe ca sthirībhūya kampayitvā grahaṃ tataḥ
parau svarau drutīkṛtya laghūkṛtya paraṃ grahe

nyāse kṛte rāmakṛteḥ svasthānaṃ prathamaṃ bhavet
dvitīyasvaramevāsyā vaṃśe vīkṣāmahe graham

iti rāmakrīḥ
tasminneva grahe kṛtvā tṛtīyaṃ ca dvitīyakam
grahārdhaṃ drutamuccārya spṛṣṭvā pūrvaṃ grahasya ca

ardhaṃ procya viramyātha pūrvaṃ spṛṣṭvā tṛtīyakam
laghūkṛtya laghoḥ pūrvau spṛṣṭvā'tha sthāyinaḥ parau

laghūkṛtya drutaṃ kṛtvā dvitīyaṃ nyasyate graha
yadā tadā gauḍakṛterbhavetsvasthānamādimam

dvitīyo'syāmapi prāyo graho lakṣyeṣu dṛśyate

iti gauḍakrīḥ
dhaivate sthāyini prāñcaṃ grahaṃ grahatṛtīyakam
turyaṃ kṛtvā tamāhatya dvitīyaṃ kampayettataḥ

avaruhya tṛtīyādikrameṇa caturaḥ svarān
grahanyāsāddevakṛterādyaṃ svasthānamādiśet
tṛtīyagrahatāṃ tvasyāḥ paśyāmo vaṃśagocare

iti devakrīḥ
dhaivataṃ grahamāsthāya tṛtīyādavaruhya ca
svaratrayaṃ viramyātha grahaṃ paramatha graham

pūrvaṃ kṛtvā tamāhatya grahanyāsena jāyate
svasthānamādyaṃ bhairavyāstṛtīyo'syā graho jane

iti bhairavī
sthāyini dviguṇe ṣaḍje'dhastṛtīyaṃ vidhāya ca
adhastanaṃ prakampyātha vilambya sthāyinaṃ tataḥ

prācīnaṃ laghutāṃ nītvā dvistrirvā''hatya taṃ graham
laghūkṛtyādharasyārdhamāspṛśya grahapañcamam

vilambya taṃ drutīkṛtya tṛtīyasparśamācaret
athoktvā pañcamaṃ taṃ ca dīrghīkṛtyādharaṃ manāk

kampayitvā grahanyāsādbhavetsvasthānamādimam
chāyānaṭṭākhyarāgasya graho vaṃśe tṛtīyakaḥ

etāṃ sālaganaṭṭāṃ tu bhāṣante lakṣyavedinaḥ

anye tu pañcamaṃ kṛtvā sthāyinaṃ riṃ vidhāya ca
maṃ prakampya sthirībhūya pañcame dviḥ pamadhyamau

kṛtvā gamṛṣabhārdhaṃ ca saṃspṛśyārdhaṃ punarvrajet
tato dīrghau rimau kṛtvā grahe cennyasyate tadā
ādyaṃ sālaganaṭṭāyāḥ svasthānaṃ tadvido viduḥ

maṃ vidhāya grahaṃ taṃ ca drutīkṛtya paraṃ tataḥ
uktvā turyaṃ vilambyātha paramāspṛśya pañcamam

vilambyāto'varoheṇa grahameti yadā tadā
svasthānamādimaṃ rāmakṛtervaṃśe dvitīyakaḥ
grahaścindhamarāmakrīḥ sā siddhā lokavartmani

iti cindhamarāmakrīḥ
rimeva grahamāśritya dvistrirvā''hatya maṃ tataḥ

taṃvilambitatāṃ nītvā dīrghīkṛtya nu madhyamam
rigau ridalametāni drutīkṛtya vilambya nim

punaruccārya taṃ kṛtvā dhaivataṃ sakṛdāhatam
vādayitvā niṣādaṃ ca grahanyāsena jāyate

nāṭyarāmakṛterādyaṃ svasthānamiti tadvidaḥ
athavā madhyamaṃ kṛtvā grahamāhatya pañcamam

dvistrirvā'pyavaroheṇa dhātkramādṛṣabhaṃ drutam
etyārdhaṃ tasya ṣaḍjaṃ ca rerardhaṃ vādayetpunaḥ

athoccārya rimau paṃ tu vilambya nyasyate grahe
yatra svasthānamādyaṃ tannāṭyarāmakṛtermatam

iti nāṭyarāmakrīḥ
grahaṃ kṛtvā dhamāhatya sakṛdgrahaparaṃ svaram
kṛtvā grahātparau dvistu grahamāhatya pūrvakam

dvitīyaṃ ca kramāduktvā grahe cennyasyate tadā
svasthānamādyaṃ mahlāre graho vaṃśe dvitīyakaḥ

iti mahlāraḥ
grahaṃ dviguṇasaṃ kṛtvā drutīkṛtya tato'dharam

tamāndolya dvitīyaṃ tu vidhāyātha tṛtīyakam
sphuritaṃ grahatatpūrvau vādayitvā grahe yadā

nyāsaḥ kaṇāṭagauḍasya svasthānaṃ prathamaṃ tadā
vaṃśe grahastṛtīyo'sya gṛhyate lakṣyavedibhiḥ

iti karṇāṭagauḍaḥ
grahaṃ tameva saṃ kṛtvā procya turyatṛtīyakau
sthāyinaṃ taddalaṃ coktvā pūrvasthāyidalaṃ tataḥ

sthāyinyāsāddeśavālagauḍasvasthānamādimam
jāyate'syāpi vaṃśe tu dvitīyo dṛśyate grahaḥ

iti deśavālagauḍaḥ
niṣāde sthāyini procya pūrvaṃ grahamathottaram
turyaṃ dvitīyatastu trīnavaruhya grahe yadā

nyāsasturuṣkagauḍasya tadā svasthānamādimam
loke mālavagauḍo'sau tṛtīyo'sya graho gataḥ

iti turuṣkagauḍaḥ
niṣādādgrāhatāṃ nītādārohedācaturthakam
taṃ vilambya tato gacchedgrahe cedavarohiṇā

tadā drāviḍagauḍasya svasthānaṃ prathamaṃ bhavet
loke sālagagauḍo'yaṃ dvitīyo'sya graho mataḥ

iti drāviḍagauḍaḥ
pañcamaṃ grahamāsthāya tṛtīyaṃ ca dvitīyakam
muktvā tṛtīyaṃ spṛṣṭvā ca prāntamuktvā tṛtīyakam

spṛṣṭvā vilambya dvitīye nyasyate kampite grahe
yadā bhavaṅti kaiśikyāḥ svasthānaṃ prathamaṃ tadā

tṛtīyo'syāḥ svaro vaṃśe graho lakṣyeṣu dṛśyate

iti kaiśikī
sthāyinaṃ dviguṇaṃ ṣaḍjaṃ drutīkṛtya dvitīyakam
uktvā dvitīyatṛtīyau drutīkṛtyādharādharam

udīrya taṃ drutīkṛtya dvitīyaṃ vādayettataḥ
tṛtīyaṃ dvistrirāhatya syāyini nyasyate yadā

lalitāyāstadā proktaṃ svasthānaṃ prathamaṃ budhaiḥ
asyāmapi svaro lakṣye tṛtīyo dṛśyate grahaḥ

iti lalitā
grahaṃ dviguṇasaṃ kṛtvā'dhastanaṃ sthāyinaṃ tathā
kṛtvā dvitīyaturyau ca dvitīyasthāyinau spṛśet

vilambite dvitīye'tha sthāyini nyasyate yadā
śrīrāgasya budhaiḥ proktaṃ tadā svasthānamādimam
svaro vaṃśe dvitīyo'sya grahatvenopalakṣitaḥ

iti śrīrāgaḥ
yo grahaḥ driyate vaṃśe tamapekṣyātra yojayet
lakṣaṇasthaṃ dvitīyādi yadā kiṃtu grahādayaḥ

yāvanto yatra rāge syuḥ svarā lakṣmaṇi tāvatām
saṃbhavaḥ sthāyinā yena sthāyinaṃ tatra saṃśrayet

anugrahāya mugdhānāmityete katicinmayā
rāgāḥ proktāḥ pathā'nena saṃpaśyadhvaṃ budhāḥ parān

iti vaṃśaprakaraṇam
pāvo veṇusamutpannaḥ syānnavāṅgulavaṃśavat
kṛtāveṣṭo vaṅgapatrairlokarītyaiṣa vādyate

iti pāvalakṣaṇam
pāvikā vaiṇavī kāryā dvādaśāṅguladairghyabhāk
sthaulye'ṅguṣṭhamitā garbhe svadairghye suṣiraṃ śritā

kaniṣṭhāgramitasthaulyamasyā lokānusārataḥ
phūtkārarandhramekaṃ syātpañca syuḥ svarasiddhaye
vādanaṃ vividhaṃ nāgayakṣāveśavidhāyakam

iti pāvikālakṣaṇam
hastadvayādhikā māne mukharandhrasamanvitā
catuḥsvaracchidrayutā muralī cārunādinī

iti muralī
śṛṅgajā dāravī vā syātkāhalākṛtidhāriṇī
aṣṭāviṃśatyaṅgulā ca dairghye madhukarī śubhā

mukharandhraṃ ca tasyāḥ syāttuvarībījasaṃnibham
mukharandhrādaṅgulāni tyaktvā catvāri vaṃśavat

vidhāya sapta randhrāṇi kurvīta vivarāntaram
teṣāṃ ca mukharandhrasya madhye'dhobhāgasaṃsthitam

madhuradhvānasiddhyai tanmukharandhre tu tāmrajā
nidhātavyā yavasthūlā nalikā caturaṅgulā

tadūrdhvaṃ cakrikā sthāpyā dantajā śuktijā'thavā
randhramadhye kāśamayīṃ yadvā devanalodbhavām

śuktikāṃ kiṃcidunnidramālatīkalikākṛtim
mṛdulāṃ kṣīrapākeṇa kṣiptvā madhukarīṃ tataḥ

vaṃśavadvādayedrandhraṃ pidadhītāpyadhastanam
vāmāṅguṣṭhāgrabhāgeṇetyuktaṃ niḥśaṅkasūriṇā

iti madhukarīlakṣaṇam
tāmrajā rājatī yadvā kāñcanī suṣirāntarā
dhattūrakusumākāravadanena virājitā

hastatrayamitā dairghye kāhalā vādyate janaiḥ
hāhūvarṇavatī vīrabirudoccārakāriṇī

iti kāhalālakṣaṇam
hastadvayakṛtā yā sā saiva tuṇḍakinī matā
turuturyapi sā loke tittirī ca nigadyate
yamalaṃ tuṇḍakinyośca vādyaṃ vādyavido viduḥ

iti tuṇḍakinīlakṣaṇam
tuṇḍakinyeva cukkā syāddairghye hastacatuṣṭayā

iti cukkālakṣaṇam
kareṇuvadanākāravadanaṃ doṣavarjitam
vṛṅgaṃ yanmāhiṣaṃ ślakṣṇaṃ snigdhaṃ sughaṭitaṃ kṛtam

śṛṅgasyānaḍuhaścātha dhattūrakusumākṛti
khaṇḍamaṣṭāṅgulaṃ nyasya mūle'sya dhvanivṛddhaye

agraṃ dvitrāṅgulaṃ tasya cchitvā phūtkārarandhrakam
vidhāya tuthukāreṇa vādayedvividhadhvanim
etadvai dhvānagambhīraṃ vādyaṃ gopālakeliṣu

iti śṛṅgalakṣaṇam
nirdoṣasyotkhātanābheḥ śaṅkhasyaikādaśāṅgulam
śikharaṃ nirmitaṃ dhātumicchakābhyāṃ manoharam

mūlataścāgraparyantaṃ hrasvamānākṛpi kramāt
randhramardhāṅgulamitaṃ śikharasya mukhe bhavet

antastu māṣamātraṃ syācchaṅkamevaṃvidhaṃ sudhīḥ
dhṛtvā karkaṭahastena bhūriśvāsabhṛtodaram
huṃbhuṃtho digidityetadvarṇodbodhena vādayet

iti śaṅkalakṣaṇam
mārgadeśīgatatvena paṭaho dvividho bhavet
mārgasthapaṭahasyātra lakṣaṇaṃ tāvaducyate

sārdhahastadvayaṃ tasya dairghyaṃ syātparidhiḥ punaḥ
ṣaṣṭyaṅgulo madhyadeśaḥ pṛthulo dakṣiṇaṃ mukham

kartavyaṃ saṃmitaṃ sārdhairekādaśabhiraṅgulaiḥ
vāmaṃ tu daśabhiḥ sārdhaiḥ saṃmitaṃ dakṣiṇe mukhe

āyasaṃ valayaṃ kāryaṃ vāme vallīsamudbhavam

ṣāṇmāsiko mṛto vatso yastasyā''dāya pārikām
tayā'vaguṇṭhya valayaṃ vallījaṃ vāmavaktragam

saptarandhrānvitaṃ kṛtvā sudṛḍhaiḥ sūkṣmadorakaiḥ
nikṣiptaisteṣu randhreṣu bandhavyāḥ kalaśāḥ ślatham

te hemādimayāḥ sapta dairghyeṇa caturaṅgulāḥ
tyaktvā'ṅgulāni catvāri vāme syāllohapatrikām

aṅgulatrayavistārāṃ paṭahe veṣṭayeddṛḍham
bāhyakāyasya yaccarma paśostena ghanena ca

kambalākhyena badhnīyātpihitaṃ vadanadvayam
dakṣiṇāsyasya kavalaṃ paritaḥ kṛtarandhrakam

randhrakṣiptairguṇairgāḍhamākṛṣyetaravaktragaiḥ
valaye tānguṇānsamyagbadhnīyāddārḍhyasiddhaye

vāmāsyakavalāntasthasaptarandhraniveśitaiḥ
guṇairāveṣṭya kalaśānāyasairvalayairdṛḍhaiḥ

antaḥ kṣiptvā samākṛṣṭairvalaye gāḍhatāṃ nayet
kalaśebhyo bahirvāmavalayānte ca badhyate

veṣṭanāya kaṭeḥ kacchetyukto'yaṃ skandadaivataḥ
śrīyajñapuravaryeṇa paṭaho mārgasaṃbhavaḥ

deśīstho'pyevameva syāddairghye'sau sārdhahastakaḥ
saptāṅgulaṃ dakṣiṇāsyamanyatsārdhaṣaḍaṅgulam

āntaraṃ jāṭharaṃ carma paśorgaditamuddalī
tayā tu svecchayā vaktraṃ vāmamasya nibadhyate

viśeṣo'yaṃ bhavedasminnubhau khādiradārujau
tridhokto'yaṃ dvayoranyairuttamo madhyamo'dhamaḥ

uttamaḥ proktamānaḥ syāddvādaśāṃśonitaḥ punaḥ
madhyamaḥ ṣaṣṭhabhāgena vihīnastvadhamo bhavet

athā''dyavarṇāḥ
ṅavarjitaḥ kavargaśca ṭatavargau rahāvapi
iti ṣoḍaśa varṇāḥ syurubhayoḥ pāṭasaṃjñakāḥ

saṃyogaviprayogābhyāṃ kramavyutkramayogataḥ
sasvaratvāsvaratvābhyāṃ pāṭāste syuranekadhā

uddalyāmeva jheṃkāro deṃkāraḥ kavale'dhikaḥ
deśīpaṭahamevā''hurimamaḍḍāvajaṃ janāḥ

aṣṭādaśāṅgulaḥ kiṃcinnatāgro madhyataḥpṛthuḥ
koṇaḥ kāryo mūladeśe madanāmbaraveṣṭitaḥ

padmāsanopaviṣṭena goṣṭhyāmūrudvayopari
saṃsthāpya mārgapaṭaho vādyo varṇodbhave paṭuḥ

nāṭake tvardhavaktro'yaṃ vādyate ghaṭavādyavat
koṇena pāṇinā vā'sya vādanaṃ sūrayo viduḥ

iti paṭahalakṣaṇam
ye pāṭāḥ paṭahe proktāsteṣāṃ vividhagumphanāt
hastodbhavāḥ pāṭabhedā hastapāṭāḥ prakīrtitāḥ

te cānantā na śakyante pratyekaṃ vedituṃ janaiḥ
pradarśanārthameteṣu katicitpratipādaye

sadyojātānnāgabandhaḥ svastiko vāmadevataḥ
alagno'bhūdaghorāttu śuddhistatpuruṣābhidhāt

āsīdīśānavaktrastu samaskhalitasaṃjñakaḥ
jātāḥ pañceti pañcabhyo mukhebhyaḥ pārvatīpateḥ

ataste sarvapāṭānāṃ pāṭā mukhyatamā matāḥ
kramāttaddevatā brahmaviṣṇuśarvaravīndavaḥ

nāgabandhaśca pavanastathaikaikasarābhidhau
tato duḥsarasaṃcāravikṣepā nāgabandhajāḥ

saptetyatha svastikajāḥ svastiko balikohalaḥ
phullapūrvaśca vikṣepaḥ kuṇḍalīpūrvakaśca saḥ

saṃcāravilikhī khaṇḍanāgabandhaśca pūrakaḥ
bhedāḥ saptetyalagnasya tvete sapta prakīrtitāḥ

alagnotsāraviśrāmā viṣamādyā khalī sarī
sphurī sphuraṇakaśceti śuddhe syācchuddhirādimaḥ

svarasphuraṇakocchallavalatāvaghaṭāstataḥ
takāro māṇikyavallī bhedāḥ sapteti saṃmatāḥ

samaskhalitakasyā''dyaḥ samaskhalitasaṃjñakaḥ
vikaṭaḥ sadṛśaḥ pāṭakhalī cāḍukhalī tataḥ

anucchallastathā khutto bhedāḥ sapteti santyamī
pañcatriṃśaddhastapāṭāstalapāṭāśca kīrtitāḥ

koṇāhataśca saṃbhrānto viṣamārdhasamāviti
catvāro hastapāṭāḥ syurnandikeśvarabhāṣitāḥ

utphullaḥ khalakastadvatpāṇyantaranikuṇṭakaḥ
daṇḍahastaḥ piṇḍahasto yugahasto'rdhahastakau

sthūlahasto'rdhārdhapāṇiḥ pārśvapāṇyardhapāṇyapi
kartarīsamakartaryau tato viṣamakartarī

samapāṇiśca viṣamapāṇiḥ syātpāṇihastakaḥ
nāgabandho'pyavaghaṭaḥ svastikaśca samagrahaḥ
ityekaviṃśatirhastapāṭāḥ syuḥ paṭahādiṣu

ullolaḥ pāṇyantaraśca nirghoṣaḥ khaṇḍakartarī
daṇḍahastaḥ samanakho binduryamalahastakaḥ

recito bhramaro vidyudvilāso'pyardhakartarī
alagnākhyastato rephaḥ samapāṇirataḥ param

parivṛttaḥ ṣoḍaśeti vādyeṣu paṭahādiṣu
etānprāyo huḍukkāyāṃ kurvate vādyavedinaḥ

aṣṭau viṣamapāṭāḥ syurapāṭākhyānbruve'dhunā

talaprahāraḥ praharo valito guruguñjitaḥ
ardhasañcastrisañcaśca viṣamo'bhyasta ityamī

syātāmalagapāṭau dvau sañcavicchuritābhidhau
bhramaraḥ kuñcitaśceti citrapāṭāvubhau matau

aṣṭāśītirime hastapāṭā niḥśaṅkakīrtitāḥ

śivavaktrotthapāṭānāṃ svarūpaṃ pratipādaye
teṣāmutpādakānpāṇīm̐llokato lakṣayetsudhīḥ

kaniṣṭhāṅguṣṭhasaṃyogāccheṣāṅgulivivardhanāt
koṇāhato hastapāṭaḥ śārṅgadevodito yathā

khuṃkhuṃdhari khuṃkhuṃdhari karagiḍa karagiḍa /
iti koṇāhataḥ

sarvāṅgulyagraghātaśca sarvāṅgulivivartanam
yasya niṣpādakaṃ so'tra saṃbhrāntaḥ kathito yathā

daragiḍadaragiḍa girigiḍada dāṇakiṭa maṭaṭaku
iti saṃbhrāntaḥ

calanaṃ maṇibandhasya patākasyātha kampanam
pādakampo'tha janako yasyāsau viṣamo yathā

dahreṃ dahreṃ khuṃkhuṃ dahreṃ khuṃkhuṃ dahreṃ tataki tataki
iti viṣamaḥ

pūrvalakṣmaviparyāsādbhavedardhasamo yathā

dadagida gigirikiṭadagi thaॐ thaॐ gidathaॐgida
ityardhasamaḥ

utphullo nakharāghātādalapadmasya jāyate

katheṃ katheṃ ityutphullaḥ

yadā prasāritāṅguṣṭhaḥ śukatuṇḍasya hanyate
viralāṅgulibhirvādyaṃ krameṇa khalakastadā

dāṃgiḍa giḍadagidā iti khalakaḥ

yastu dakṣiṇahastasya tarjanyaṅguṣṭhaghātataḥ
kramavyutkramaghātāttu vāmahastena rephavat
jāyate śārṅgiṇokto'sau pāṇyantaranikuṭṭakaḥ

dagiḍadāṃ kharikkadāṃ kharikka kharikkadāṃdāṃ kharikharidāṃ giḍadāṃ
iti pāṇyantaranikuṭṭakaḥ

ūrdhvaghātaṃ patākena kṛtvaikamatha rephataḥ
kṛtau yatrordhvaghātau dvau daṇḍahasto bhavedasau

dātarikiṭa dāṃ kharikharidāṃ iti daṇḍahastaḥ

kramādrepho'rdhahastābhyāṃ piṇḍahastaḥ prajāyate
tharikaṭajheṃ tharikaṭajheṃ iti piṇḍahastaḥ

rephātmabhyāṃ karābhyāṃ cedūrdhvaghātadvayaṃ pṛthak

kriyate pāṭaniṣpattyai yugahastastadā bhavet
dreṃdreṃ dāṃdāṃ iti yugahastaḥ

ūrdhvahasto dakṣiṇena talenodgāḍhaghātakaḥ

daragiḍa dāṃdāṃ ityūrdhvahastaḥ

ūrdhvaghātadvayaṃ kṛtvā talahastena hanyate
yadā vādyapuṭadvaṃdvaṃ sthūlahastastadoditaḥ

khuṃkhuṃdakhuṃkhuṃda iti sthūlahastaḥ

ardhārdhapāṇirardhābhyāṃ karayostāḍanādbhavet
khudāṃ khudāṃ ityardhārdhapāṇiḥ

vādanaṃ nakharāgreṇa pārśvapāṇirudāhṛtaḥ

tharagiḍa dāgiḍa dagiḍa dagiḍa iti pārśvapāṇiḥ

ardhapāṇirbhavedekakarāgrakṛtatāḍanāt
dagiḍa dagiḍa daragiḍa daragiḍa ityardhapāṇiḥ

pracālanādvāmahastāṅgulīnāṃ kartarī matā

ṭiri ṭiri ṭiri kiṭathaॐ digidāṃ tiri ṭiri kiṭajheṃjhe taki-
kiṭa iti kartarī
kartarībhyāṃ samaṃ ghātaḥ karābhyāṃ samakartarī
jhiṃnakiṭa kanakiṭa kiṭajheṃthaॐ digida tiriṭi tiriṭiki iti samakartarī

krameṇa tāḍanāddvābhyāṃ bhavedviṣamakartarī

ṭiri ṭiri thaॐ digida ṭiri ṭiri kida iti viṣamakartarī

aṅguṣṭhāṅgulisaṃghātau hastayoryutapadyadā
pīḍayetāṃ puṭadvaṃdvaṃ samapāṇistadā bhavet

dāṃ giḍa giḍa dāṃdāṃ iti samapāṇiḥ

vyatyayādvyāpṛtau hastau sāṅguṣṭhāṅgulibhiḥ kramāt
yasminviṣamapāṇiṃ taṃ brūte śaṃkaravallabhaḥ

dāṃdāṃ giḍa giḍa dāṃdāṃ iti viṣamapāṇiḥ

samapāṇestu viralāṅgulitve pāṇihastakaḥ

taragiḍa daragiḍa iti pāṇihastakaḥ

nāgabandho viparyāsātpuṭayoḥ karaghātataḥ
pratyekaṃ vā puṭadvaṃdve karābhyāṃ tāḍanādayam

iti nāgabandhaḥ

talena hatvā praharetsāṅguṣṭhāṅgulibhiḥ kramāt
puṭamekaikapāṇiścedbhavedavaghaṭastadā

tatagiḍa giḍa dagiṭana ginaginanagi ityavaghaṭaḥ

puṭamekaṃ nihanyātāṃ svastike svastikau karau

takiṭa takiṭataki iti svastikaḥ

samaṃ karatalābhyāṃ tu puṭaghātātsamagrahaḥ
tale kecidiha prāhuraṅguṣṭhāṅgulivarjite

takiṭa kiṭataka iti samagrahaḥ

ityekaviṃśatirhastapāṭāḥ
lolo vyavahitāṅguṣṭho dakṣiṇo yasya sādhakaḥ
vāmaścecchvasito hastamullolaṃ taṃ pracakṣate

aṅguṣṭhamadhyamanye'tra bruvate dakṣiṇaṃ karam
puṭamadhye dakṣiṇena sāṅguṣṭhena hatiṃ pare

vyaṅguṣṭho dakṣiṇo hastaḥ puṭe cenmuhurullaset
svapuṭaṃ pīḍayedvāmastadā pāṇyantaro bhavet

viśliṣṭāṅgulisaṃcāramaṅguṣṭhārdhārdhatāḍanam
pāṇyantarasya janakaṃ kecidācakṣate budhāḥ

anye pāṇyantaraṃ prāhurvyaṅguṣṭhādyuktalakṣaṇam
hastāntaraṃ tato nniṃ viśliṣṭādikalakṣaṇam

nakheṃ nakheṃ nakheṃ kheṃkheṃkheṃ nakheṃ nakheṃ nakheṃ kheṃkheṃkheṃkheṃ dakhuṃ khuṃda khuṃda iti pāṇyantaraḥ

koṇaghoātena nirghoṣaṃ niḥśaṅkaḥ samabhāṣata

nakhakhi thaॐthaॐ digidā iti nirghoṣaḥ

ghātāddakṣiṇahastena viralāṅgulinā tataḥ
aṅguṣṭhaghātairvāmena pīḍanātkhaṇḍakartarī

dāṃ khukhudāṃ

khukhuga thaॐṭajheṃdeṃ jheṃdaॐ githaॐṭe iti khaṇḍakartarī

aṅgulyagraiḥ pīḍayitvā'ṅguṣṭhena parighaṭṭanāt
vāmena pīḍanādvādya daṇḍahasto'bhijāyate

khukhuṇaṃ khukhuṇaṃ jheṃdrajheṃdra ṭiriṭiri iti daṇḍahastaḥ

samatvaṃ pāṭavarṇānāmaṅgulīnakharāhate
dṛśyate yatra taṃ prāhuḥ pāṭaṃ samanakhābhidham

raha raha tarakiṭa kikiṭa takidhaki ṭeṃheṃṭaheṃtraḥ iti samanakhaḥ

avaṣṭabhya puṭaṃ vāmapāṇinā tarjanīhate
bindurutpadyate proktamiti soḍhalasūnunā

deṃdigi deṃdigi girigiḍa

iti binduḥ

samavaṣṭabhya vāmena puṭaṃ dakṣiṇapāṇinā
saṃpīḍanaṃ vādayeccettadā yamalahastakaḥ

kuṃda kuṃda jheṃdra jheṃdra jheṃheṃ jheṃheṃ iti yamalahastaḥ

uttuṅgīkaraṇaṃ vādye skandhasya sphuraṇaṃ tathā
aṅguṣṭhatarjanīghātaḥ pāṭaṃ kurvanti recitam

deṃdeṃ thāṃ thaॐ deṃdeṃ nakhajheṃ

nahanajheṃ iti recitaḥ

bhramaro hastapāṭaḥ syātsamastāṅgulitāḍanāt

khekheṇaṃ khukhuṇaṃ khu

ṇaṃ jheṃdra

ṇaha kareṃ jheṃ iti bhramaraḥ

aṅguṣṭhatarjanīghātādvalitārdhārdhahastakaḥ
vidyudvilāso bhaṇito vidyudvilasito'thavā

taṇe

tira jhaॐjhaॐ dri

trāṃ iti vidyudvilāsaḥ

tarjanīmadhyamānāmā viralāḥ praharanti cet
śrīśrīkaraṇanāthena tadā proktā'rdhakartarī

dokhuṃkhuṃ

greha gheṭa

jheṃheṃ dhigigi thaॐṭeṃ ityardhakartarī

hastau na kuṇḍalīlagnau yatrālagnaṃ tamūcire
khuṃkhuṃ

nakheṃ jhehegi

thaॐṭeṃ ityalagnaḥ

syādrephaḥ skandhasañcena samastāṅgulidhātataḥ

hanathaॐ jheṃjheṃ draṃ

jheṃdra jheṃheṃdra iti rephaḥ

samapāṇiraviśrāntaviralāṅgulighātataḥ
nanagi

degi thaॐ ginaha

jheṃ iti samapāṇiḥ

parivṛtto hastapāṭaḥ syātpuṭadvaṃdvatāḍanāt

jheṃ thaॐ

giṇanā

iti parivṛttaḥ

iti ṣoḍaśa prāyikahauḍukkahastapāṭāḥ /
talaprahārahetuḥ syādvāmaskandhapracālanam
madhyevāmapuṭaṃ vāmapāṇinā ca nipīḍanam

deṃ thaॐ dreṃ dhikiṭa kiṭa jheṃdhitiri

trā iti talaprahāraḥ

talāṅguṣṭhaprahāreṇa praharo'bhihito budhaiḥ
jhedāṃ thaॐ gidigida

kiṭa dhaॐ dhaॐ iti praharaḥ

ūrdhvāgre paṭahādau tu tarjanyaṅguṣṭhadhārite
vādanena samudbhūtamapāṭaṃ valitaṃ viduḥ

khuṃkhudari

dāṃ thaॐgi thaॐgi iti valitaḥ

aṅguṣṭhānāmikābhyastavalanāddakṣiṇe puṭe
ucchvāsādvāmapāṇeśca jāyate guruguñjitaḥ

thukara

thaॐragiḍidā

dhiki thaॐṭeṃ iti guruguñjitaḥ

kampanaṃ vāmapādasya nitambacalanaṃ tathā
ucchvāsanaṃ karatalasyārdhasañcaprapañcakam

kheṃ kheṃ dari

kheṃ kheṃṭaḥ

ityardhasañcaḥ

trikasya calanādvāmāguṣṭhasya parighaṭṭanātskandhasañcācca saṃjātaṃ trisañcaṃ paricakṣate

kheṃda kheṃ kheṃ dakheṃda iti trisañcaḥ

hastavaiṣamyasaṃjāto viṣamaḥ saṃmataḥ satām //
kheṃdaṃdhari

thaॐ digidharikheṃ

kharakaṭa

iti viṣamaḥ

apāṭo'bhyastasaṃjñastu bhavetkaravivartanāt

khaṇagiṇakhaṅgi

takidhikitta ityabhyastaḥ

ityaṣṭāvapāṭākhyā hastapāṭāḥ /
ardhāṅgulyagraghātotthaṃ sañcamācakṣate yathā
thukara

giṇaṇaṃ

iti sañcaḥ

karasañcena śuddhenāṅguṣṭhadhātena ca kramāt
utpanno'lagapāṭaḥ syānnāmnā vicchurito yathā

jheṃdra

jheṃgiri giḍidā nagiri giḍanam iti vicchuritaḥ

ityalagapāṭadvayam
talaprahāro valitabhedito bhramaro yathā
daṃ thaṃ dreṃ jheṃdra

khuṃkhuṃdhari dathaॐgiṃ iti bhramaraḥ

saṃkarātkarapāṭānāṃ kuñcitaḥ kathito yathā

khuṃkhuṃdhari

dharigigiḍa

datheṃ

khuṃkhuṃ datheṃ

girigiḍida

datthaॐgi thaॐgi

iti kuñcitaḥ

iti citrapāṭadvayam
paṭahasya huḍukkāyāḥ pañca sañcānbruve'dhunā
skandakūrparayostadudaṅguṣṭhamaṇibandhayoḥ

vāmasya caraṇasyāpi kampaḥ sañco'bhidhīyate
śreṣṭhaḥ pāṭahikaḥ sañcādaṅguṣṭhamaṇibandhayoḥ

skandhakūrparasañcāttu nīcaḥ paṭahavādakaḥ
varo hauḍukkiko'ṅguṣṭhakūrparaskandhasañcataḥ

sañcābhyāṃ maṇibandhotthakaurparābhyāṃ tu madhyamaḥ
asau vāmāṅghrisañcena vādanādadhamo bhavet

iti pañcasañcalakṣaṇam
pāṭavinyāsabhedāḥ syurvādyāni paṭahādiṣu

vollāvaṇī ca callāvaṇyuḍubaśca kucumbiṇī
cāruśravaṇikā'lagnapariśravaṇikā tataḥ

samaprahāraḥ kuḍupavāraṇā karavāraṇā
daṇḍahasto ghanaravastānīti dvādaśāvadan

valliśca vallipāṭaḥ syādghattābhedau jhaḍappaṇī
anuśravaṇikā hasto joḍaṇī triguṇā tataḥ

pañcahastaḥ pañcapāṇirvādyaṃ syātpañcakartarī
tataścandrakalā prāhurvādyānīti trayodaśa

prāyeṇaitāni dṛśyante huḍukkāvādyagocare
vādyānāmubhayeṣāṃ syātpañcaviṃśatirityasau

ādimadhyāvasāneṣu deṃkārabahulaṃ bhavet
ādyakhaṇḍaṃ dvitīyaṃ ca tādṛśaṃ vādyate pṛthak
yatra vollāvaṇī soktā paṭahe vādyavedibhiḥ

asyāḥ khaṇḍadvayaṃ vādyāntare syādyojanānvitam

jheṃkṛtirdeṃkṛtisthāne huḍukkāyāṃ bhavediha
ḍakkāyāṃ mardale caiva thaॐ trivallyāṃ tu daॐ bhavet

karaṭāyāṃ tu ṭemeva pradhānākṣarayojanā
vādyāntareṣvapi prājñaiḥ prohyatāmanayā diśā

iti vollāvaṇī
maṇḍale cālyate yatra procuścallāvaṇīmamūm
iti callāvaṇī
vāmena talahastena dakṣiṇena tu pāṇinā
lulitena sakoṇena vādanāduḍuvo bhavet

ityuḍuvaḥ
uddalīpihite vaktre hastasvastikatāḍanāt
khukārabahulaṃ vādyaṃ kīrtayanti kucumbiṇīm

iti kucumbiṇī
vollāvaṇyeva pāṇibhyāṃ kramādvā yugapatkṛtaiḥ
bhūribhiḥ saṃbhṛtā pāṭaiścāruśravaṇikā bhavet
śuddhaiścitraiḥ kramātpāṭaiḥ śuddhā citreti sā dvidhā

iti cāruśravaṇikā
alagnaḥ kuṇḍalīsparśaṃ vinā koṇaprahārataḥ

ityalagnaḥ
kartarī samapāṇiścāvaghaṭo yatra tu kramāt
soktā pariśravaṇikā śrīyajñapurasūriṇā

iti pariśravaṇikā
samaprahāro yugapatkaradvaṃdvena ghātataḥ
iti sayaprahāraḥ
kuḍupodbhavapāṭākhyaṃ vādyaṃ kuḍupavāraṇā
ucyate vādano daṇḍaḥ koṇaḥ kuḍupa ityapi

iti kuḍupavāraṇā
jātā hastajapāṭaistu kevalaiḥ karavāraṇā

iti karavāraṇā
akaiko yaḥ karadvaṃdvānmṛdudakṣiṇapāṇikāt
jāyate tādṛśaiḥ pāṭairdaṇḍahasto'bhidhīyate

iti daṇḍahastaḥ
yaḥ kareṇa karābhyāṃ vā kṛtaiḥ pāṭairnirantaraiḥ
nirantaraghanadhvānaḥ sa syādghanaravābhidhaḥ

iti ghanaravaḥ
skandhena maṇibandhena kuḍupena ca cālanāt
sollāsājjāyate vallistrividhā paṭahādiṣu

iti valliḥ
ardhaṃ vā'rdhadvayaṃ vallyāṃ svaiḥ svaiḥ pāṭairayojanam
kṛtasaṃyojanaṃ vā cedvallipāṭastadā bhavet

iti vallipāṭaḥ
nibaddhaṃ vādayedardhaṃ jheṃkārādyaṃ purātanam
anibaddhaṃ svabuddhyā'rdhaṃ karābhyāṃ vādayedatha

vādyenā''dyaṃ nibaddhaṃ cetpunardhattā tadocyate
iti dhattā
yonenaikena niṣpannastadupāṅgabhavo'paraḥ

pāṭo'nyonyāṅgayogastaiḥ saṃmiśraiḥ pādapūraṇaiḥ
nānāvādyodbhavaiḥ pāṭairbhedastredhā layatrayāt

iti bhedaḥ
yasyāmupakrame madhye'nye'tha vādyairanekadhā
sarvavādyāni vādyante jagadustāṃ jhaḍappaṇīm

iti jhaḍappaṇī
pāṭaḥ pāṭākṣaraṃ yadvā śrūyate cetpunaḥ punaḥ
anuśravaṇikāṃ prāhaṃ śaṃkarānucarastadā

ityanuśravaṇikā
dve catvāri bhavantyaṣṭau yadvā khaṇḍāni ṣoḍaśa
deṃkārādīni yatrāsau hastaḥ sa tu caturvidhaḥ

caturasratryasramiśrakhaṇḍatālaprayogataḥ
iti hastaḥ
tadardhārdhādibhedena krameṇa vyutkrameṇa vā
akhaṇḍatālāḥ pāṭāścedyujyante joḍaṇī tadā

iti joḍaṇī
khaṇḍāni trīṇi yatra syurekaikaṃ triguṇaṃ tathā
vādyate yatra sā proktā triguṇā trividhā ca sā

ādimadhyāntakhaṇḍāṇāṃ traiguṇyātsā punardviā!
kramavyutkramato'thāsyāstattraiguṇyamudāharet

prayujya trīṇi khaṇḍāni prayuñjītā''dimadvayam
tataścā''dyamiti proktaṃ khaṇḍe traiguṇyamādime

ityāditriguṇā madhye triguṇā tu dvidhā bhavet
traiguṇyānmadhyakhaṇḍasya dviḥprakārāttaducyate

khaṇḍatrayaṃ tataḥ khaṇḍadvayamādyaṃ prayujyate
tato madhyamamityevaṃ yadvā khaṇḍadvayātparam

antyadvayaṃ vādayitvā prayojyaṃ madhyamaṃ dalam
athāntatriguṇāyāṃ prākkhaṇḍatritayavādanam

tato'ntimadvayaṃ khaṇḍamantimaṃ vādayettathā
evamaṣṭavidhāmāha triguṇāṃ bhavavallabhaḥ

athavā caturasrādau kvāpi tāle dalatrayam
prayujyaikasya khaṇḍasya mānenātha daladvayam

kuryāddalatrayaṃ tāvadyatra sā triguṇā bhavet
caturasratryasramiśrayuktairvaiṣā kramāddalaiḥ

anye tvekakale tāle dvikale'tha catuṣkale
kramādviracitaiḥ khaṇḍaistriguṇāmabhaṇanbudhāḥ

ekaṃ caccatpuṭe khaṇḍadvayaṃ cācapuṭe tataḥ
miśre khaṇḍatrayaṃ yatra triguṇāṃ tāṃ jaguḥ pare

padaiścaturbhirasyāṃ syātkhaṇḍamekaṃ padaṃ punaḥ
mitaṃ kalābhiraṣṭābhirityuktaṃ sūriśārṅgiṇā

iti triguṇā
pañcahasto hastapāṭairhastaśabdānvitābhidhaiḥ
iti pañcahastaḥ
pañcapāṇistu pāṭaiḥ syātpāṇiśabdayutābhidhaiḥ

iti pañcapāṇiḥ
kartarīpadavatsaṃjñaiḥ pāṭaiḥ syātpañcakartarī

iti pañcakartarī
vardhante ca hrasante cenmātrāścandrakalā iva
tālaścandrakalākhyaśca tadā candrakalā bhavet

dvātriṃśanmātrikāmanye prāhuścandrakalāmimām
dvimātrāḥ ṣoḍaśakalā vṛddhihrāsayujo viduḥ
tādṛkcatuḥṣaṣṭikalāṃ tāmāhurdakṣiṇe pathi

iti candrakalā
udgrāhādinibaddhāḥ syuratra gītaprabandhavat
vādyaprabandhāstadbhedalakṣmāṇyabhidadhe'dhunā

yatirotā ca gajaro rigoṇī kavitaṃ padam
melāpakaścopaśamodgrāhaprakaraṇānyatha

avatsakaśchaṇḍaṇaśca tuḍukā malapaṃ tataḥ
malapāṅgaṃ ca malapapāṭaśchedo'tha rūpakam

antaro'ntarapāṭaśca khojaḥ khaṇḍayatistataḥ
khaṇḍacchedo'pyavayatiḥ khaṇḍapāṭaśca khaṇḍakaḥ

khaṇḍahullaḥ samaḥ pāṭo dhruvako'ṅgāṅgarūpake
tālo vitālaḥ khalakaḥ samudāyaśca joḍaṇī

udavastalapāṭaścoṭṭavaṇī tuṇḍakastataḥ
aṅgapāṭaśca paisārastricatvāriṃśadityamī

uktāḥ śrīkaraṇāgraṇyā prabandhā vādyasaṃśrayāḥ
śītodakāstathā snānagarvo'nyo garvanirṇayaḥ

utprekṣāmātrajā lakṣmahīnāste'smadupekṣitāḥ
prāyo vādyaprabandhānāṃ deṃkāro'nte nidhīyate

kābhyāṃcitkūṭavarṇābhyāṃ racito'tyantakomalaḥ
ekarūpākṣarastālacchandobhivyañjanojjvalaḥ

yo vādyate vādyakhaṇḍo virāmairbahubhirmuhuḥ
yatirjakkā ca sā tajjñairvādyā maṇṭhādisālage

ādau vādyaprabandhasya kasyāpyaṅgatayā yadā
tadvido vādayantyetāṃ vadantyuṭavaṇaṃ tadā

gaḍdagathaॐ gakkayaॐṭeṃ gaḍdagathaॐ gakkathaॐṭeṃ gaḍdagathaॐ gakkathaॐṭeṃ /
pāṭānāṃ racanāṃ kecidatra necchanti sūrayaḥ

iti yatiḥ
dvirudgrāhastataḥ khaṇḍaḥ yasyāṃ dvirbhūrideṃkṛti
tatkiṃcidadhikaṃ vāre dvitīye'tha tṛtīyakam

kiyaddīrdhaṃ śuddhakūṭakhaṇḍaiḥ pāṭairvimiśritaiḥ
vyastaiḥ samastai racitaṃ tato deṃkṛtimatpunaḥ

sakṛttacca prayoktavyamatha varṇasarātmakam
dīrghaṃ khaṇḍaṃ tato'lpaṃ ca prācyaṃ śuddhādinirmitam
otā soktā chaṇḍaṇāntā kaiściddeṃkṛtimuktikā

eṣaikakalayugme syānniḥsārau chaṇḍaṇo bhavet
uddhato dhvaniratra syātprāyo mānaṃ vilambitam

dīptaṃ nṛttaṃ ca tāmāhuḥ kecitkedāra ityapi
imāmāvahanīṃ prāhureke'nye tvanyathā jaguḥ

pāṭairbahuladeṃkāraistālaiśca nikhilaiḥ kṛtā
bahudhā sthāpanā yasyāmāhurāhavanīṃ budhāḥ

ādau deṃkārakhaṇḍaṃ ceddeṃkārādistadocyate

yathā--taddhiṭa katthaॐkaṭa naganathaॐgakuthaॐgadā

dhikkaṭṭa

takaṭa-
thaॐgaka dhidhika thoraghaṭa

ityudgrāho dvivāraṃ kartavyaḥ / taḍdagade
ginadeṃgak tu thaṃ haṃ deṃgak deṃganatha ganatadigi nattattekkaṭadeṃdeṃgina-
takkaṭa khukhughaṃghaṃ deṃgak / iti deṃkārakhaṇḍaṃ dviḥ /
dvitīyavāre tvadhikaṃ kathyate yathā--gaḍpak deṃgak gaḍaḍdak deṃgak iti / tadeṃgaḍadakṭeṃ thaॐkadathaॐgak taṭe kaṭadakaṭ dare haॐkathore-
heṭaitakkeṃ dhikathaॐṭaiṃ thaॐ ṭaiṃ thaॐ ṭaiṃ iti tṛtīyakhaṇḍe śuddhādipāṭaracitam /
tataḥ punaḥ prācīnadeṃkārakhaṇḍaṃ sakṛt / tataḥ--gaḍdak dagnina-
dhikādhika takadeṃgi kathana hakadaka daḍak daragaḍa dhirigiḍa
dharagaḍdak / daragaradaga dhiragaḍadaga

takadhiṃgathaॐgaṭe dhikathaॐ-
gaṭai thika thoḍiṃ khuṃ khutatak thoragaḍa

tak thoragaḍatak thotak
thotak thoragaḍa thoragaḍa tak dhikathaॐgaṭeṃ / iti varṇasarātmakaṃ
khaṇḍam /
tataḥ prācīnaṃ śuddhādinirmitaṃ svalpam / etāvatparyantaṃ caccatpuṭe /
gaḍdag ṭeṃdrag thohaṭeṃ hete dahaṃ tho

tada dhidhi thaॐ thaॐ raghaṭe ṭaiṃ
thaॐ tathaॐ takathaॐ dhikathaॐṭeṃ / iti niḥsārau chaṇḍaṇaḥ / ṭeṃkārasthāne
ṭeṃkāra ityanye /
kṛtvaikavāramudgrāhaṃ nātidīrgho na cālpakaḥ
vādakodghoṣagambhīradhvanimuccataraṃ dadhat

triḥ khaṇḍobhyasyate kūṭairbaddho varṇasareṇa vā
muhurvidhāyopaśamaṃ chaṇḍaṇo yatra rajyate

gajaro'sāvuṭṭavaṇaṃ syādasyā''dau punaḥ punaḥ
ekatālyāmuṭṭavaṇaṃ tasyāṃ niḥsāruke'thavā

bhavedupaśamo'nyatra nāsya tālo niyamyate
gajarāvayavāḥ sarve vādyante te nirantarāḥ

yathā--tathoha tathoha dhiyaॐ

haṭe / thaॐhadaga thohaṭa / ityuṭṭavaṇamekatālyāṃ punaḥ punaḥ / thaॐṭeṃ daṃdagena thaॐgaṭeṃ geṃ dhikataka / ityudgrāhaḥ / pratigrāheṇa vocyate / ayaṃ kilaikatālyāṃ kṛtaḥ /
gaḍdagata deṃgaganagdihik / kathaॐgatakadhika thaॐgaṭeṃheṃ thodagak /
giḍdakthaॐgakkathaॐ

deṃthaॐhaṭagathaॐ

deṃ iti trirekatālyāṃ
khaṇḍaḥ / kevalo'pyayaṃ khaṇḍo gajara ityucyate / gaḍdakthaॐgakthaॐ-
gakkathoharaghaṭa thare / ityekatālyāṃ punaḥ punarupaśamaḥ / thohaṭeṃ / iti cchaṇḍaṇaḥ / etatsarvaṃ nairantaryeṇa vādyate / iti gajaraḥ /
pratyekaṃ dviḥ prayuktenopaśamenāntayoginā
yuktaṃ khaṇḍatrayaṃ śuddhaiḥ kūṭaiḥ khaṇḍaiśca nirmitam
pāṭairvyastaiḥ samastaiśca baddhaṃ varṇasareṇa vā

yasyāṃ syādvādakasthūlamilatkolāhalākulam
chaṇḍanāntā rigoṇī sā dadhatī dhvanimuttamam

asyāmuṭṭavaṇaṃ kāryaṃ vaikalpikamupakrame
dīptanṛtte bhavedeṣopaśamā lalitā matā

lalitaṃ yadyuṭṭavaṇaṃ tadā tallalite bhavet
antyakhaṇḍātsopaśamacchaṇḍaṇāddīptanartanam

yathā--takkeṃ dhikkeṃ takadhika takaki thaॐkaṭagena

thaॐgakkathaॐ

iti prathamakhaṇḍam /
ṭaithoṭeṃgeṃ tthaॐdhithaॐhadhihaṭeṃ / ityupaśamo dviḥ / tarkkarga daḍa-
rada kuthikurgadaḍadhikka dakkarga daḍagdakthaॐgattakadhika kadhikata dhika-
kadhi ṭeṃgeṃnathaॐga

thaॐgakkathaॐ iti dvitīyakhaṇḍam /
ṭaiṃ thaॐ haṭageṃ thaॐṭeṃ / ityupaśamo dviḥ / thaॐgaṭaṃ daragaḍa dhiragaḍa dhitthāḥ thaॐkaṭa takathaॐ kaṭadhikkak / thaॐdhika taddhitak / iti tṛtīyakhaṇḍam /
katthaॐṭakka thaॐhakaṭage dhikaṭai thau haṭageṃ thaॐ haṭeṃ ityupaśamo dviḥ / tathaॐ giḍdak diganadigana diganaka thaॐgataddhitak / thaॐhaṭeṃ / iti cchaṇḍaṇaḥ /
ityekatālyāmudāharaṇam / iti rigoṇī /
nātidīrghaṃ dvirādyaṃ syātkhaṇḍaṃ śuddhādinirmitam
yadvā varṇasareṇātha tādṛkkhaṇḍaṃ sakṛdbhavet

ityudgrāhadhruvau kṛtvā svodgrāhāntyadale'thavā
svodgrāhe yatra muktistatkavitaṃ kavayo viduḥ

asya nāmāntaraṃ prāhuranye'vaccheda ityapi
bhavediha drutaṃ mānaṃ varṇāḥ prāyaḥ syuruddhatāḥ
bāhulyānnartanaṃ dīptaṃ niḥśaṅkeneti kīrtitam

yathā--gaḍdakdaginadaṃdaṃ ginathaॐga dhikkaṭa nakādhitaka deṃhakadara gaḍadariktha riktha ridaragaḍa tharika thaॐ gaṃḍake / dhikthaॐṭeṃ

ityudgrāho dviḥ / jheṃkaka nakhakhina

taheṃ hake nakhakhinathaॐ / iti dhruvākhyaṃ khaṇḍam
tato deṃhakaḍaragaḍetyādinodgrāhāntyakhaṇḍenodgrāheṇa vā sakalena gaḍgatityādinā tyāgaḥ / niḥsārutāle cedamudāharaṇam /
iti kavitam
udgrāho'lpo dhruvo nātidīrghaḥ śuddhādinirmitaḥ
syādvarṇasarabaddho vā chaṇḍaṇo'nte yadā tadā
padaṃ vadanti vādyajñāḥ prāyastaddīptanartane

yathā--taddeheṃ taddeṃ tataktaddai / ityudgrāhaḥ / takaṭa dhikaṭa dhidhikiṭa dhikiṭargāḍdagadhikataka dhikathaॐgaṭeṃ / iti dhruvaḥ /
gata kaṭadhidhi kaṭadhikkiḍadagadhidhikaṭa dhikkiraḍāḍagadhigakki-
gḍāhagathaॐṭaiṃ haṃdhikkathaॐgaṭeṃ / iti cchaṇḍaṇaḥ / idamudāharaṇaṃ varṇatāle /
vādayitvā yatiṃ madhye prabandhasya vimucyate
pāṭena yatra tatproktamaparaiḥ sūribhiḥ padam

iti padam
ekatālyāṃ drute māne nartanārambhagocare
samaṃ ca karaṭāṭīpikāhalāvādane sati

abhyasto vādyakhaṇḍo'llpaḥ kūṭenaikena nirmitaḥ
taddhīmiticchaṇḍaṇāntaḥ smṛto melāpako budhaiḥ

vidyāvantaḥ svasamaye prāhurmelāpanīmimām
varṇānāṃ ṭirikītyeṣāmāvṛttiṣṭīpirucyate

yathā--thaॐgaṭeṃ gaḍdagnaṃ thaॐgaṭeṃ / iti yāvatprabandhapūrti punaḥ punarvādanīyam / taddhīmiti / iti cchaṇḍaṇaḥ / iti melāpakaḥ /
khaṇḍaṃ śuddhādibhiḥ pāṭairbaddhaṃ varṇasareṇa vā
alpaṃ komalanādaṃ ca sukumārākṣarānvitam
abhyastaṃ komale nṛtte bhavedupaśamābhidham

yathāk--ṭeṃthaॐkkage thoṭeṭe thaॐhaṭage thātheṃ thaॐṭe / ityupaśamaḥ /
ādau vādyaprabandhānāṃ śuddhakūṭādinirmitaḥ
yaḥ khaṇḍo vādyate prāhurudgrāhaṃ taṃ mahattamāḥ

udgrāhopaśamādīnāṃ yadyapyanyāṅgatoditā
yāvatpūraṇamāvṛttestathā'pi syātprabandhatā

dvirāvṛttiranāvṛttirvā syādaṅgatayā sthitau

teṃ ṭeṃ hai taṭṭeṃ takkataṭe iti yāvatprabandhapūraṇamabhyāsādudgrāha-
prabandhaḥ / aṅgatvaṃ tu dviḥ sakṛdvā / prākprayogastvaṅgaprabandhayostulyaḥ / ityudgrāhaḥ /
uddhataṃ dhvanitaṃ kūṭabaddhaṃ khaṇḍaṃ muhurmuhuḥ
prayuktaṃ syātpraharaṇaṃ dhruvādyābhogagocare
nṛtte prāyaḥ prayoktavyamanyatrāpīcchayā bhavet

yathā--kathaॐgakka thaॐgatthaॐgaṭathaॐgakka thoga thogathok kathogak thaॐkaṭa yogakthokaṭaṃ thogak / gaḍdakkādhika thaॐgak / ṭageṃ daṃthaॐha / diṅ-nikukudhittho hadhikkaṃ dhiṭaiṃ iti punaḥ punaḥ prayojyam / ekatālyāmidamudāharaṇam / iti praharaṇam /
udgrāhaḥ syāttataḥ khaṇḍaṃ śuddhakūṭādinirmitam

tadvarṇasarabaddhaṃ vā prayujya dviridaṃ dvayam
tataḥ prākkhaṇḍasahitaṃ tādṛkkūṭamayaṃ dalam

vādyate chaṇḍaṇo'nte ca yatra so'vatsako bhavet
prayojya nartane dīpte śārṅgadevena kīrtitaḥ

yathā-- gaḍdagdaṃdaṃ gaḍdakthikkaṭa takadhikkaṭa takdhiktak / ityudgrāhaḥ /
khaḍi khaḍi khakhanakha khidak jheṃkhakhanakha khidaktadakka dhikkaka-
kagiṇanaga thaॐgadihikiṃ thogadihikkitaka dhikathaॐgaṭe gaḍak /
takadhika thaॐgaṭeṃ / iti dvitīyaṃ khaṇḍam / etacca sahodgrāheṇa punaḥ punarvādayet / jhaka jhakhikhinnakhanakhakhita hreṃ khakhanakhajheṃ khana khariba tuḍi hidihi / kathaॐgak / iti tṛtīyakhaṇḍaṃ pūrvakhaṇḍena
saha vādayet / takadhika takkare ghaṭathathaॐgakka thaॐgakkaṭeṃ / iti chaṇḍaṇaḥ / idamudāharaṇaṃ raṅgavidyādharatāle /
ityavatsakaḥ /
kūṭādibaddhaḥ khaṇḍaḥ syācchaṇḍaṇo vādyamokṣakaḥ

iti cchaṇḍaṇaḥ
śuddhakūṭādibhirbaddhaḥ khaṇḍo varnasareṇa vā
abhyastaḥ syāddrute māne tuḍukā dīptanartane
drutādrutataraṃ mānamatra lakṣyeṣu dṛśyate

yathā--ṭeṃ daṃdagi tathaॐgaṭeṃdhikataḥ raghaṭe he kathoḥ ṭegedhika taṭathaॐgaḥ gaṇa nagiḥ thaॐgataka dhikathaॐgaṭeṃ / ekatālyāmidamudāharaṇam /
udgrāhadhruvakābhoge yatrānyatamakhaṇḍakam

vādanīyaṃ mpare prāhuranye tu tuḍukāṃ jaguḥ
udgrāhadhruvakābhogodgrāhāṇāṃ vādanaṃ kramāt

iti tuḍukā
yatra śuddhādibhirbaddhaḥ khaṇḍo varṇasarena vā
viśālaḥ syāddrutalayaḥ paryante tu vilambitaḥ

dīptairvarṇaiḥ kvacitkvāpi komalaiścārugumphitaḥ
yatrāsau malapaḥ proktaḥ prāyiko dīptanartane

yathā--gaḍdak taddhitthaॐ hathaॐhare ghaṭaiṃ gaṇanagataka dhikaka thauṃ haṭeṃ haiṃ thodagak / takka tahadhika thokathohaka tho

haṭṭai ḍiṃ khikharakhikhikherathaṭaiṃ haiṃ thohagak / dihaṃ kaṭadahaṃ kaṭagaḍda gatharikaṭaṃ

tharikaṭataka

tataka dhidhika tho'thaॐdaṭeṃ / idamudāharaṇaṃ mudritamaṇṭhatāle /
yatrodgrāhaḥ sakṛddvirvā dhruvako'tha sakṛdbhavet
vyāpakākṣaramiśraistaddhithaॐṭeṃdeṃbhirakṣaraiḥ
baddhaṃ nirantarayatiṃ prāhustaṃ malapaṃ pare

iti malapam
sodāharaṇalakṣmāṇi vālabodhārthamabhyadhām
lakṣmamātramatho vakṣye vistaratrastamānasaḥ

malapāṅgaṃ tu malapenāṅgena malapena ca
iti malapāṅgam
pāṭairmalapapāṭaḥ syādviṣamairmalapopamaḥ

iti malapapāṭaḥ
drutaiḥ karatalāghātaiviṃkṛtairyatra vādyate
vādyaṃ vicchidya vicchidya cchedamicchanti taṃ budhāḥ
otāṃ kṛtvā dvirudgrāhaḥ sakṛdvā vyāpakākṣaraiḥ
sapāṭairvihito yatra prānte racitadeṃkṛtiḥ
madhye laye chaṇḍaṇaḥ syādrūpakaṃ tannirūpitam

iti rūpakam
nibaddho vādito gītavādyasaṃdhau mato'ntaraḥ

ityantaraḥ
antaraṃ vādayitvā cedanibaddhasya vādanam
kriyate'ntarapāṭaḥ syāttadā niḥśaṅkasaṃmataḥ

ityantarapāṭaḥ
samuśliṣṭaghanaślakṣṇapāṭavarṇavinirmitaḥ
hastalāghavasaṃpannaḥ khojaḥ saṃjalpito budhaiḥ

iti khojaḥ
kṛtvā khaṇḍaṃ pāṭabaddhaṃ yativadvādanaṃ bhavet
evamāvṛttikaraṇādāhuḥ khaṇḍayatiṃ budhāḥ

iti khaṇḍayatiḥ
khaṇḍacchedasamāyogātkhaṇḍacchedaprabandhayoḥ
chedairvyaktaiḥ samāyuktaṃ khaṇḍacchedaṃ pare jaguḥ

iti khaṇḍacchedaḥ
yasyāṃ viratirante ca tālasya vyāpakākṣaraiḥ
sapāṭairbaddhakhaṇḍā yā sā''khyātā'vayatirbudhaiḥ

ityavayatiḥ
pāṭasya khaṇḍanādvādya khaṇḍapāṭo'bhidhīyate
iti khaṇḍapāṭaḥ
khaṇḍaḥ syātkhaṇḍamadhye'pi khaṇḍaśo vādane sati

iti khaṇḍakaḥ
śrotogatākhyayā yatyā khaṇḍaḍullo'bhidhīyate
iti khaṇḍahullaḥ
gītanṛttasamo māne prabandhaḥ procyate samaḥ

iti samaḥ
niṣpannaḥ kevalaiḥ pāṭaiḥ pāṭa ityabhidhīyate
iti pāṭaḥ
dhruvako bhūrivādyeṣu syādāvṛtto'ntare'ntare

iti dhruvakaḥ
aṅgamaṅgīkṛtaṃ sāndrairapāṭairvyāpakākṣaraiḥ
ityaṅgam
dvirudgrāho dhruvābhoga dhruvākhyaḥ kramaśastataḥ
yatrāṅgarūpakaṃ prāha tattejonvayadīpakam

ityaṅgarūpakam
tālaścatuḥṣaṣṭikalo yugme mārge ca dakṣiṇe
iti tālaḥ
vitālastvādimadhyāntavikṛtastāla iṣyate

iti vitālaḥ
hastena vitatāṅguṣṭhaviralāṅgulinā kramāt
patākena hatairjātaiḥ pāṭaiḥ syātkhalakābhidhaḥ

iti khalakaḥ
samudāyo nijaiḥ pāpaiḥ samastātodyavādanāt
iti samudāyaḥ
pāṭānāṃ pṛthaguktānāṃ miśraṇājjoḍaṇī matā

iti joḍaṇī
uḍavaḥ salayāttālāddvitālācca layojjhitāt
ityuḍavaḥ
talapāṭastu malaponmiśrapāṭaprabandhajaḥ

iti talapāṭaḥ
nijairyā taddhithaॐṭebhirvyāpakairakṣaraistathā

pāṭairvā racitā kiṃcidvilambitalayāśrayā
dekārālaṃkṛtādyantā vadantyuṭṭavaṇīmamūm

ityuṭṭavaṇī
vādyaikadeśaṃ vargāntamayaṃ vādyādimadhyayoḥ
vādayellaghuhastatvādyaṃ tamākhyāti tuṇḍakam

iti tuṇḍakaḥ
pāṭaireva yatiḥ sāndraiḥ prāñjalairaṅgapāṭakaḥ
ityaṅgapāṭakaḥ
khaṇḍaḥ syātpṛthagātodyavādyaiḥ paisārasaṃjñakaḥ

iti paisāraḥ
pradarśanārthamityuktāḥ prabandhāḥ katicinmayā
anyānapi pathā'nena vidāṃkurvantu tadvidaḥ

pāṭabhedāśca vādyāni prabandhā vādyasaṃśrayāḥ
yathāyogaṃ mardalādisarvavādyeṣvime matāḥ

iti vādyaprabandhalakṣaṇam
nirdoṣabījavṛkṣotthaḥ piṇḍe'rdhāṅgulasaṃmitaḥ
ekaviṃśatyaṅgulaḥ syāddairghye vāme mukhe punaḥ

caturdaśāṅgulāni syurdakṣiṇe tu trayodaśa
mānaṃ yasya manāṅmadhyaḥ pṛthurekāṅgulādhike

vaktrābhyāṃ carmaṇī vṛtte ghane ye prāntayostayoḥ
catvāriṃśatpṛthagrandhrāṇyaṅgulāntaravanti ca

vadhre tadrandhravinyaste sīvanaprakriyāvati
protordhvādhaḥsthitā dṛṣṭodarapṛṣṭhā ca vignikā

kriyate veṣṭyate madhye tribhirbandhairdṛḍhaṃ tathā
kāryo gomūtrikābandhastatra vadhradvayena ca

tathā yathā pinaddhāsye bhavetāṃ carmaṇī dṛḍhe
kuṇḍalyoḥ prāntayorvāmakuṇḍalyāṃ saṃniveśya ca

kacchāṃ kṣiptvā dakṣiṇasyāṃ kṛṣṭvā dviguṇatāṃ nayet
sāñcaladvitayāṃ paṭṭamayīmaṣṭāṅgulāyatām

yadvā'nyavastrajāṃ śobhānugāṃ nyasyetkaṭītaṭe
nigadanti mṛdaṅgaṃ taṃ mardalaṃ murajaṃ tathā

proktaṃ mṛdaṅgaśabdena muninā puṣkaratrayam
atyantāvyavahāryatvānniḥśaṅko na tanoti tat

bhūrimiśreṇa bhaktena cikkaṇenātimardanāt
piṇḍikāṃ pūrikākārāṃ vāmavaktre niveśayet

bohaṇākhyena tenā''syaṃ limpedalpena dakṣiṇam
evaṃ jaladharadhvānagambhīro bhavati dhvaniḥ

niḥśaṅkenātra ca proktā devatā nandikeśvaraḥ
raktacandanajo yadvā khādiro'nyairayaṃ mataḥ

triṃśadaṅguladairghyaśca piṇḍe tvaṅgulasaṃmitaḥ
etasya vāmaṃ vadanaṃ dvādaśāṅgulasaṃmitam

dakṣiṇaṃ tu mitaṃ sārdhairekādaśabhiraṅgulaiḥ
pāṭāśca taddhithoṭeṃheṃnaṃdemityatra kīrtitāḥ

taṭahā dadhalāśceti pāṭānanyatra manvate
iha syuḥ paṭahoktāśca varṇāḥ ṣoḍaśa kādayaḥ

adhikānbhajhamānvarṇānvarṇayantyapare tviha
teṣu taddhyādayaḥ sapta kevalāḥ śuddhasaṃjñakāḥ

sasvarairasvarairyuktairayuktairvā kakhādibhiḥ
vyāpakākhyaiḥ ṣoḍaśabhirmiśrāste kūṭasaṃjñakāḥ
kūṭamiśrāstu te śuddhā budhaiḥ khaṇḍābhidhā matāḥ

chandasā bhūrihṛdyena sphūrtimūrtirudāradhīḥ

kaviḥ kavayati ślokaṃ śravaṇotsavadaiḥ padaiḥ
yathā tathā kvacittāle varṇāllam̐ yamanoharān

vidhāya vādako vādyaprabandhānbaddhumarhati
emaṃ kavitakārākhyaṃ vādakaṃ bruvate manāḥ

iti mardalalakṣaṇam
caturvidho mārdaliko vādiko mukharī tathā
tataḥ pratimukharyākhyasturyo gītānugo mataḥ

vādiko vādakartā syādvādaḥ pakṣaparigrahaḥ
svapakṣasādhanaṃ tadvatparapakṣasya dūṣaṇam

ye'nye jalpavitaṇḍādyā vādabhedāḥ salakṣaṇāḥ
na tānbravīmyahaṃ granthaprapañcabhayabhaṅguraḥ
vāde ca vādanaṃ kāryaṃ prathamaṃ trāṭanābhidham

mardale tālarahite vohaṇena vinā dhvaniḥ
yo dehaḍaḍagityādi kṛto'sau trāṭanaṃ matam

voḍavāḍaṃ ghanaravaṃ hastāvatyarthamācaret
muktaśabdātmakaṃ rehadaḍādapramukhaṃ tataḥ
udhāra sthāpanaṃ paścādvādayettadathocyate

mukhayorbohaṇaṃ dattvā vādayedvāmamānanam
gaḍdagnemiti vaktraṃ tu gaḍdagnāmiti dakṣiṇam

tato madhyalaye tāle dvitīye mukhayordvayoḥ
kuryānnādasamāyogmathoccoccaṃ dalatrayam

pṛthagvilambite madhye drute caiva laye kramāt
tathaikadvitrithaॐkāraracitaṃ grahamokṣabhāk

ālaptivacca tristhānaśuddhaṃ hastadvayena yat
madhuraṃ vādyate tajjñaiḥsthāpanaṃ tadudāhṛtam

tatasthaॐkārabahulagrahamokṣo'ntaro bhavet
caturasratryasramiśrakhaṇḍeṣvekena kenacit

tālena ṭākaṇīvādau kartavyau tadanantaram
tayorekasaro joḍā ceti bhedadvayaṃ matam

kṛtvā śramasya vahanīṃ yastāle'ṣṭakalādike
vādyakhaṇḍastālakalāprastārānugataḥ kṛtaḥ
akhaṇḍitaṣṭākiṇī saikasaratvaṃ sakṛtkṛteḥ

ekadvitricaturvāraṃ śuddhābhyasanato bhavet
iha śramavahanyākhyaḥ prakāro vādane yathā

taddhitoṭeṃ tatadhidhi thaॐ thaॐ ṭeṃ ṭeṃ tatatadhi dhidhi thaॐ thaॐ thaॐ ṭeṃ ṭeṃ ṭeṃ / tatatata dhi dhi dhi dhi tho tho tho tho ṭe ṭe ṭe ṭe / iti śramavahanīṃ kṛtvaikasaraṭākiṇī yathā / takadhikaṭa / takadhikaṭa / dhikaṭataka takadhikaṭa takatakadhikaṭa dhikaṭakatadhikaṭa /
ityaṣṭau vādyakhaṇḍasya khaṇḍā aṣṭāsu kalāsu / saiva dvivāraṃ joḍā /
ṭākaṇīvatsamastaṃ prākkhaṇḍaṃ kṛtvā tataḥ param

khaṇḍaṃ khaṇḍaṃ dvirdvivāraṃ vādyate vādyasaṃjñake
tatraikasarajoḍātvaṃ ṭākiṇīvadudāhṛtam

yathā--daṃdaṃ / ṭiri / ṭiṭṭikaḍda / kaḍadagajhe

/ tharikathari / ṭagaṇa-
gaṇadhari / gaṇagaṇadhari / dathari gaḍadaga / datharigaḍadaga / datharigaḍadaga / dathari datharitargaḍdaktharikkaṭatattak / iti ṣoḍaśakale tāle ṣoḍaśakalāsu ṣoḍaśakhaṇḍakaṃ vādyaṃ kṛtvā tānṣoḍaśa khaṇḍāndvirdviḥ kuryāt
ityekasaravādaḥ
takāreṇa ca sarveṣāmeteṣāṃ tyāga iṣyate
kuryāttato digidigiṃ tāṭavādādikaṃ tathā

varṇā digidigītyete proktā digidige budhaiḥ
yaḥ khaṇḍo'tidrute māne tāṭavādaḥ sa kathyate

anye'pi vādavidhayo'bhyūhyantāmadhvanā'munā
iti vādaprakārāṇāṃ samyaktve vijayo bhavet

iti vādakaḥ
kartā vādyaprabandhānāṃ nṛttaśikṣāvicakṣaṇaḥ
gītavādananiṣṇātaḥ surekho'ntarmukhaśca yaḥ

ardhāṅgamiva nartakyā vādayedraṅgabhūmigaḥ
vādakaiḥ prekṣitamukho vādanārthaṃ mukharyasau

iti mukharī
kiṃciddhīno mukhariṇaḥ proktaḥ pratimukharyasau

iti pratimukharī
śuddhasālagagītānāṃ varṇānkaṭhinakomalān
samāṃśca viṣamānnādaṃ mandraṃ madhyaṃ ca tārakam

prauḍhaṃ vā madhuraṃ samyaganugacchati vādanāt
pūrvabhāge tathā''bhoge jakkāpraharaṇe kramāt

kuryādvaikalpike yadvā samagraṃ gītamāśrite
samutthite vā''nulomyādvailomyādvobhayena vā

niḥsāro sālage gīte yastaṃ gītānugaṃ viduḥ
kramāttakārathaॐkārau sa kuryādgrahamokṣayoḥ

iti gītānugaḥ
iti caturvidhamārdalikalakṣaṇam
varṇavyaktiḥ surekhatvamanuyāyapravīṇatā
madhuroddhatavādyeṣu vijñatā hastalāghavam

avadhānaṃ śramajayo mukhavādyeṣu pāṭavam
raktirāvarjikasyānuvṛttirbahulatā tathā

yatitālalayajñatvaṃ gītānugamanaṃ tathā
guṇā mārdalikasyaite doṣaḥ syāttadviparyayaḥ

iti mārdalikaguṇadoṣāḥ
tadvṛndaṃ dvitricaturaistajjñairmardaladhāribhiḥ
prādhānyena vidhātavyaṃ tairmukharyanuvartanam

yā hastasaṃmitā dairghye'ṣṭāviṃśatyaṅgulā punaḥ
paridhāvaṅgulamitā piṇḍe saptāṅgule mukhe

maṇḍalyau vaktrayorvallīmadhyāvekādaśāṅgule
sapādāṅgulakasthaulye uddalīkṛtabandhane

vadanābhyāṃ saha syātāṃ kuryādrandhrāṇi ṣaṭtayoḥ
baddharajjuniveśārthaṃ purobhāge'rgalātrayam

kalaśākalitadvyantaṃ paścādbhāge'rgalādvayam
bandhasūtrāntare madhye bhavedudarapaṭṭikā

aṅgulatrayavistārā ślakṣṇā hṛdayahāriṇī
dvātriṃśattantusaṃjātarajjvā pakṣadvayaṃ dṛḍham

baddhvā tatrotkakṣakau ca vidhāya skandhapaṭṭikām
tayordviguṇatāṃ nyasyedaṅgulārdhārdhasaṃmitam

chidraṃ yasyāścaturthāṃśe nādodbodhavidhāyakam
huḍukkā sā budhaiḥ proktā tasyāśca skandhapaṭṭikām

nyasya skandhe dakṣṇena pāṇinā vādanaṃ bhavet
udare paṭṭikā yoktā tasyāṃ vāmaṃ niveśayet

devatā mātaraḥ sapta śārṅgadevena kīrtitāḥ
kurvīta pāṭahānvarṇāniha deṃkāravarjitān

atrānyairadhikāvuktau majheṃkārau manīṣibhiḥ
lakṣajñāstvāvajaṃ prāhurimāṃ skandhāvajaṃ tathā

iti huḍukkālakṣaṇam
bījavṛkṣodbhavā piṇḍe'ṅgulaturyāṃśasaṃmitā
ekaviṃśatyaṅgulā syāddairghye hastamitā'thavā

paridhau dadhate mānaṃ yā catvāriṃśadaṅgulam
caturdaśāṅgule vaktre keṣāṃciddvādaśāṅgule

maṇḍalyu lohaje sūtraveṣṭite carmabandhane
paridhau saṃmite te ca dvācatvāriṃśatā'ṅgulaiḥ

tisrastisrastathā tantrīrmukhayorvalayadvayam
dadhate kevalaṃ vyāptaṃ caturdaśabhiranvitam

randhraisteṣvekāntareṣu vignikāstāvatīḥ kṣipet
dvābhyāṃ dvābhyāṃ vignikābhyāṃ bandho matsyākṛtirbhavet

yasyāstāṃ karaṭāmāhuḥ prāntayoḥ prāntabaddhayā
kacchayā skandhadeśe tāṃ kaṭyāṃ vā vādane vahet

carcikā devatā cāsyāṃ pāṭāstu karaṭetyamī

vādanaṃ kuḍupābhyāṃ tu śārṅgadevena kīrtitam
tirikitirikirīti prāyaḥ pāṭadvayaṃ matam

iti karaṭālakṣaṇam
dhanaḥ ślakṣṇaḥ supakvaśca stokavakro mahodaraḥ
pāṇibhyāṃ vādyate tajjñaiścarmanaddhānano ghaṭaḥ
kathitāḥ pāṭavarṇā ye mardale te ghaṭe matāḥ

huḍukkayaiva ghaḍaso vyākhyātaḥ kiṃtu maṇḍalī

dakṣiṇasyoddalībaddhā vāmā rajjvā niyantritā
audaryāṃ paṭṭikāyāṃ ca vāmo'tra na niveśyate

gaॐkārabahulaṃ cāmuṃ vādayediti tadvidaḥ
aṅguṣṭhamadhyamāṅgulyau madanāktāgrabhāgataḥ

dakṣiṇena kareṇā''sye gharṣaṇādgaॐkṛtirbhavet
ghāto'ṅgulībhirvāmasya vāmāṅguṣṭhena pīḍanam

iti ghaḍasalakṣaṇam
syāddhastadairghyaḥ paridhau sanavatriṃśadaṅgulaḥ
dvādaśāṅgulake vaktre vallīvalayasaṃyute

yo dhatte sapta saptāpi randhrāṇi valayadvaye
tathā kavalayostābhyāṃ tuṇḍe valayasaṃyute

pidhāya gāḍhaṃ badhyete randhravinyastadorakaiḥ
yasyāsau ḍhavasaḥ proktaḥ śārṅgadevena sūriṇā

skandhe nikṣipya kacchāntaṃ vāmahastena vādayet
vāmāsye dakṣiṇasthena kuḍupena tu dakṣiṇe
ḍheṃkārapāṭavasate rūḍho'yaṃ ḍhavaso jane

iti ḍhavasalakṣaṇam
vyākhyātā ḍhavasenaiva ḍhakkā kiṃtu mukhadvayam
trayodaśāṅgulaṃ tasyā dhṛtvā tāṃ vāmapāṇinā

tajjño dakṣiṇahastasthakoṇaghātena vādayet
ḍheṃkāraḥ pāṭavarṇāḥ syurniśaṅkeneti kīrtitam

iti ḍhakkālakṣaṇam
huḍukkaivārgalāhīnā kuḍukkā kiṃtu vādanam
asyāḥ kareṇa koṇena kṣetrapālastu devatā

iti kuḍukkālakṣaṇam
bījadārumayī saptāṅgulagarbhamukhadvayā
ekaviṃśatyaṅgulā ca yasyā dairghye samākṛtiḥ

saṃhatāgnitrayākāratryaṅgulasthūlatāyute
vṛtte navāṅgule garbhe valaye vallinirmite

saptasaptacchidrayute yasyāḥ syātāṃ mukhadvaye
kavalābhyāṃ pinahyete mukhe ca valayānvite

sarandhre kavale randhranyastatantrīsuyantrite
kuḍuvā sā huḍukkoktavarṇātkreṃkārabhūyasī

koṇābhyāṃ madanāktābhyāṃ vādyate tyaktajheṃkṛtiḥ

iti kuḍuvālakṣaṇam
aṣṭādaśāṅgulā dairghye dṛḍhā ruñjā samākṛtiḥ
ekādaśāṅgule tasyā vadane kuṇḍalīyute

tadvadye carmaṇā vāmavaktrāntaḥkuṇḍalīdvayam
tatraikā vaktramātrā syādaparā caturaṅgulā

kuṇḍalyorantarāle syājjālikā snāyunirmitā
saikacchidraṃ vāmavaktraṃ sūtratattvañcanīyutam

pūrvavadvignikāḥ kāryā vaktrayoḥ sapta sapta ca
pādonahastamātrāṃ ca nāgapāśavatīṃ dṛḍhām

kacchāṃ skandhe niveśyāsyā vādanaṃ veditaṃ budhaiḥ
ruṃkārajananādruñjā sā bhavedbhṛṅgidaivatā

mataṅgoktāstvime varṇāḥ karagā dhaṭanāḥ khahau
vignikā vādyaśāstre'sminkarkarāḥ parikīrtitāḥ

iti ruñjālakṣaṇam
vitastimātradairghyaḥ syādaṣṭāṅgulamukhadvayaḥ
yogasya maṇḍalīyukte mukhe baddhe ca carmaṇā

trivalīvatkṣāmamadhyo nibaddhaḥ sūtradorakaiḥ
madhye ca gāḍhatāṃ nīte rañcanyau vādanāya ca

bhavetāṃ prāntasaṃlagnasamyaṅmadanagolakaiḥ
asau ḍamaruko madhye dhṛtvā hastadvayena ca

ḍaghavarṇo vādanīyaḥ prokto niḥśaṅkasūriṇā
anyaiḥ kakharaṭā varṇāḥ proktā ḍamaruka'dhikāḥ

iti ḍamarukalakṣaṇam
vitastimātraṃ dairghyaṃ syānmadhyaḥ kiṃcitkṛśo bhavet
mukhe tvaṣṭāṅgulaiḥ piṇḍo'rdhāṅgulastantrikādvayam

mukhe mukhe śaṅkavaśca catvārastāmranirmitāḥ
teṣāmadho'dhāvūrdhvaṃ dvau tantrībandhanasiddhaye

tantryostṛṇaśalākāṃ ca nidadhyād dhvanipuṣṭaye
anyallakṣma huḍukkāvadyasyāḥ pāṭākṣarāṇyapi

syāddaśāṅguladairghyeṇa kuḍupena tu vādanam
niḥśaṅkaśārṅgadevena ḍakkā sā parikīrtitā

anye'syā vādanaṃ prāhuḥ kareṇa kuḍupena ca
hastaghātena ḍaṃkāro vādane kuḍupena tu

ghaṭastato ḍagiśceti mukhānpāṭānvadantyamī
nagau khakaraṭā varṇā mukhyāḥ proktāḥ parairiha

asyāṃ ca sūrayaḥ prāhurdevatāṃ vindhyavāsinīm
aṅgulonā madhyamā sā dvyaṅgulonā kanīyasī

iti ḍakkālakṣaṇam
ḍakkaiva maṇḍiḍakkā syātkiṃ tvasyāḥ ṣoḍaśāṅgulam
dairghyamaṣṭāṅgulau garbhau syātāṃ vadanayordvayoḥ

ṣoḍaśāṅgulako madhyaparidhirnātra cārgalā
na ca kacchotkakṣakastu madhye syādañcanīdvayam

utkakṣaṃ cāñcanīdvaṃdvaṃ vāmāṅguṣṭhāṅgulitrayāt
dhṛtvā saṃpīḍya tarjanyā maṇḍalīprāntamānanam

asyā dakṣiṇajānusthaṃ hanyāddakṣiṇapāṇinā
utkakṣaṃ maṇibandhordhvaṃ yadvā'nyasyāñcanīdvayam

kaniṣṭhānāmikāṅguṣṭhaiḥ saṃyujyā''pīḍya maṇḍalīm
tarjanyā madhyayā vā'tha hastenānyena vādayet

vadanti vādanaṃ tasyāḥ kareṇa kuḍupena vā
caryāgāne ca pūjāyāṃ śakteḥ sā viniyujyate

iti maṇḍiḍakkālakṣaṇam
kāṃsyādgośṛṅgato dantridantādvā ḍaddulī bhavet
dairghye pañcāṅgulā vaktre tasyāśca caturaṅgule

meṣapāryuddalībaddhe svasvacakrasamanvite
cakre ca kāṃsyaje tāmramaye vā lohaje pṛthak

pañcarandhre tathoddalyau randhravinyastadorakaiḥ
sautrairgāḍhaṃ nibadhyete madhye sūtreṇa veṣṭitam

nātiślathaṃ nātigāḍhaṃ madhyaṃ sūtre tvanāmikām
nidhāya madhyatarjanyau vivṛte cakrasaṃyute

kṛtvā'ṅguṣṭhaṃ tvanyacakre nyasyātha madanāñcitām
vidhāyāñcanikāmekāṃ tāṃ duṃdumiti vādayet

tuṃtumityapare prāhuḥ pāṭā mardalasaṃbhavāḥ
yathāsaṃbhavametasyāṃ śārṅgadevena kīrtitāḥ

iti ḍakkulīlakṣaṇam
ṣaḍviṃśatyaṅgulā dairghye paridhau triṃśadaṅgulā
samakāyā sellukā syādbījakāṣṭhena nirmitā

daśāṅgule mukhe tasyāḥ maraistvekādaśāṅgule
ukte na bandhanoddalyau tābhyāmekāṅgulādhike

vallījaṃ tarjanīsthaulyaṃ mukhayorvalayadvayam
sarandhraṣaṭkaṃ randhrastharajjubhirgāḍhayantritam

ekāṅgulādhikaṃ tacca vaktrābhyāṃ vadanaṃ punaḥ
tantrikāgarbhitaṃ vāmaṃ vāmahastena vādayet

mukhaṃ dakṣiṇapāṇisthakuḍupena tu dakṣiṇam
mukhe vāme tu jheṃkāro dhiṃkāro dakṣiṇe mukhe

iti sellukālakṣaṇam
palaiḥ syātpañcaviṃśatyā dairghye tu dvādaśāṅgulā

aṣṭādaśāṅgulamitā paridhau samavigrahā
sasūtrakaṭakaṃ randhradvayaṃ kaṇṭhe ca bibhratī

carmaṇā''naddhavadanā jhallarī parikīrtitā
vāmahastadhṛtā sā ca vādyā dakṣiṇapāṇinā

iti jhallarīlakṣaṇam
syāttadardhapalo bhāṇaḥ paridhau dvādaśāṅgulaḥ
anyattu jhallarīlakṣma tasya śrīśārṅgiṇoditam

iti bhāṇalakṣaṇam
saptāṅgulamukhadvaṃdvāttrivalī hastadairghyabhāk
muṣṭigrāhyaśca madhyo'syā vadane kavalāvṛte

kavale lohamaṇḍalyau saptarandhre pṛthakpṛthak
randhranyastairguṇairbaddho madhye gāḍhaṃ ca veṣṭanam

sūtrarajjvā hastamātrā kacchā skandhāvalambinī
vādanaṃ karayugmeṇa śārṅgadevena kīrtitam

tadāṃdaॐdeti varṇāḥ syustripurā cātra devatā
ekādaśāṅgulamukhī viṃśatyaṅguladairghyabhāk

mukhārdhamānamadhyā'sau madhye cāñcanikāyutā
tadardhavarṇasaṃyuktā trikulyā cocyate budhaiḥ

iti trivalīlakṣaṇam
āmradrumasamudbhūto mahāgātro mahādhvaniḥ
kāṃsyabhājanasaṃbhāragarbho valayavarjitaḥ

carmanaddhānano baddho vadhrairgāḍhaṃ samantataḥ
dṛḍhavarṇena koṇena vādyaḥ prāṇena dundubhiḥ

meghanirghoṣagambhīraghaॐkārasyātra mukhyatā
maṅgale vijaye caiva bādyate devatālaye

iti dundubhilakṣaṇam
vitastitrayadairghyā syādbherī tāmreṇa nirmitā

caturviṃśatyaṅgule ca vadane valayānvite
tasyāḥ savalaye carmacchanne chidrasamanvite

rajjvā niyantrite gāḍhaṃ madhye sūtreṇa bandhanam
dakṣiṇasthena koṇena vāmahastena tāḍanāt

udbhaṭo bhavati dhvāno gambhīro'ribhayaṃkaraḥ
takāraḥ pāṭavarṇo'syāṃ mukhyo niḥśaṅkakīrtitaḥ

iti bherīlakṣaṇam
kāṃsyajastāmrajo lauho vottamo madhyamo'dhamaḥ
ekavaktro mahānvaktre svalpo'dho'rdhayavākṛtiḥ

bhṛtagarbhaḥ kāṃsyapātrabhārairmahiṣacarmaṇā
channānano baddhacarmā tadrandhranyastavadhrakaiḥ

kṣipto'dho vadhravalaye niveśyā''vartitairmuhuḥ
dviṣadvitrāsajanano niḥsāṇaḥ śārṅgiṇoditaḥ

cārmaṇenāsya koṇena sadvitīyasya vādanam
dṛḍhaśabdena bhīrūṇāṃ bhinatti hṛdayānyayam
syādasmādyuddhavīrāṇāṃ romāñcopacitaṃ vapuḥ

iti niḥsāṇalakṣaṇam
niḥsāṇavattambakī syāttato'lpā gātranādayoḥ

iti tambakīlakṣaṇam
uktau prakṛtidārūṇāmanuktau vā vikalpataḥ
jñeyo dāravavādyānāṃ khadiro raktacandanaḥ

sarveṣu syuryathāyogaṃ pāṭāḥ pāṭahamārdalāḥ

nīrasocchritabhūjātājjīrṇādvātāhatāttaroḥ

nirbhidyotsārite garbhe śeṣādvādyāni kārayet
pūrvaprarohe chinne'nyo yaḥ prarohaḥ prarohati

tadudbhavadrumodbhūtaṃ vādyaṃ sarvaṃ praśasyate
garbhasyotsāraṇaṃ tvetadveṇoranyatra pādape

tarūṇāṃ jātayastisraḥ pittalā vātalā tathā
śleṣmalā ceti tatra syātpittalā nīrasakṣitau

atyalparasabhūjātā vātalā śleṣmalā punaḥ
jalāśayasamīpastharasasaṃplutabhūmijā

pittalā'tyuttamā jātirvātalā tvadhamā bhavet
śleṣmalā varjyate śuṣke vṛkṣe'pi cchedanātpurā

iti kāṣṭhalakṣaṇamkomalatvaṃ vraṇagranthibhedāndāruṣu varjayet

iti kāṣṭhadoṣāḥ
ṣāṇmāsikasya vatsasya carma syātpuṭabandhane
anye dvivatsarasyā''hustanna lakṣyeṣu dṛśyate

vṛddhasya vṛṣabhasyāsya carmaṇā vadhrakalpanā
kundenduhimasaṃkāśamāmrapallavasaṃnibham

snāyumāṃsavihīnaṃ ca carma gosaṃbhavaṃ ca yat
śītodake niśāmekāṃ vāsayitvā samuddhṛtam
vādyāvanahanārthaṃ tadgrāhyaṃ śrīśārṅgiṇoditam

iti carmaguṇāḥ
medoduṣṭaṃ jarākrāntaṃ klinnaṃ kākamukhāhatam
agnidhūmahataṃ jīrṇaṃ na vādye carma karmakṛt

iti carmadoṣāḥ
guṇairbhūritarodārairyasya naddhaṃ jagattrayam
avanaddhamidaṃ tena śārṅgidevena kīrtitam

atha ghavavādyam
kāṃsyaje ghanavādye syātkāṃsyamagnau suśodhitam

kāṃsyajo vartulastālaḥ sapādadvyaṅgulānanaḥ
madhye'syāṅgulavistāro nimno randhraṃ ca nimnagam

pādonaguñjāmātraṃ syātpiṇḍastu yavamātrakaḥ
sārdhāṅgulaḥ syādutsedhaḥ samā ślakṣṇaśubhā''kṛtiḥ

kāryā tathā yathā nādo bhavecchrutimanoharaḥ
netravastrāṃñcalāgrāṇi rajjūkṛtya niveśayet

randhre'grāṇāmnanirgatyai granthiṃ ca racayeddṛḍham
īdṛktālayugaṃ kṛtvā tālamekamathāñcalaiḥ

āveṣṭya tarjanīṃ vāmāmaṅguṣṭhena ca veṣṭanam
ākramya talamadhyasthaṃ dhṛtvā tiryaṅmukhīkṛtam

śeṣāṅgulīḥ prasāryordhvāddakṣiṇena tu pāṇinā
tālamanyatarasyāntalambamānācalāvalim

tarjanyaṅguṣṭhayoragrabhāgatastiryagānanam
dhṛtvā tasyāgrabhāgeṇa madhyamanyasya tāḍayet

alpanādo bhavecchaktirbhūrinādaḥ śivo bhavet
śive snigdhe ghano nādaḥ śaktau syāttadviparyayaḥ

vāmena dhārayecchaktiṃ śivaṃ dakṣiṇapāṇinā
aśvamedhaphalaṃ caiva prāpnuyāddoṣamanyathā

devatā tumbaruryugme śaktiḥ śaktau śive śivaḥ
drutādisiddhyai tannādadhṛtirūrdhvāṅgulīkṛtā

kalpanetyucyate kāryamasya syāttāladhāraṇam
niḥśaṅkaśārṅgadevena pāṭāḥ sarve'tra kīrtitāḥ

iti tālalakṣaṇam
nalinīdalasaṃkāśau kāṃsyatālau samākṛtī
trayodaśāṅgulau vaktre kāṃsyaje dvyaṅgulau tale

madhye'ṅgulamitau nimnau tayoranyattu tālavat

pāṭā jhanakaṭā mukhyāḥ santi pāṭāntarāṇyapi
nārado devatā cātretyuktaṃ soḍhalasūnunā

iti kāṃsyatālalakṣaṇam
ardhāṅgulamitā piṇḍe ghaṇṭā kāṃsyamayī bhavet
ucchrāye'ṣṭāṅgulā vaktre viśālā mūlato'lpikā

sā ca prāsādasaṃbaddhā śalākākāradhāriṇī
mūle daṇḍaṃ triśṛṅgāgraṃ dadhatī mūlasaṃyutā

ṣaḍaṅgulāyataṃ sārdhāṅgulapiṇḍaṃ ca lambitam
lohajaṃ lālakaṃ garbhe dadhānāṃ tāmadhomukhīm

daṇḍe dhṛtvā ṭaṇatkārabahulaṃ vādayetsudhīḥ
sā sarvadevatā tajjñairvādyate devatārcane

iti ghaṇṭālakṣaṇam
taikṣṇagolakagarbhāḥ syuḥ kāṃsyodbhavapuṭadvayāḥ

saghanāḥ sūkṣmajātīyabadarībījasaṃmitāḥ
śiraḥsuṣiravinyastarajjavaḥ kṣudraghaṇṭikāḥ

tāśca ghargharikā loke bhāṣyante ghargharāstathā
tābhirghargharabhedānāṃ kṛtiḥ parāṇi nartane

iti kṣudraghaṇṭikālakṣaṇam
kāṃsyajā hastamātrā syātpiṇḍe tvardhāṅgulā ghanā

jayaghaṇṭā samā ślakṣṇā vṛttā prānte dvirandhrabhāk
dhṛtvā tadrandhravinyastarajjau tāṃ vāmapāṇinā

dakṣiṇo dakṣiṇasthena dṛḍhakoṇena vādayet
ḍeṃkārabahulāḥ pāṭāḥ sarve'syāḥ śārṅgiṇoditāḥ

iti jayaghaṇṭālakṣaṇam
khādiraṃ ghanaveṇūtthaṃ yadvā kamrācatuṣṭayam

ślakṣṇadvayṅgulavistāraṃ dvādaśāṅguladairghyakam
madhye piṇḍo yathāśobhaṃ kiṃcinnyūnastato'ntayoḥ

yasya tatkamrikāvādyaṃ tatra dve dve tu kamrike
ekaikahastanyaste ye tayorekaikakamrikām

madhyamāṅguṣṭhayormūle dhṛtvā prānte tayoḥ punaḥ
aparāmaparāṃ dhṛtvā śithilāṃ vādayeddhiyā

kampena maṇibandhasya kamrikāvādanaṃ matam
pāṭāḥ kiṭakiṭāmukhyāstatra pāṭāntarāṇyapi

kamrāṇāmantaraṃ kṛtvā'nāmayā dakṣiṇasthayā
talaghātāṅguṣṭhaghṛṣṭī vāmasyetyapare jaguḥ

iti kamrālakṣaṇam
sarpākṛtiratho nimnā kāṃsyajā lohajā'thavā
śuktistryaṅgulavistārā sārdhahastadvayā matā

tiryagrekhārājitā ca mṛgaśṛṅgopamena sā
ṛjuṇā lohakoṇena saroṣeṇa vigharṣaṇāt

vādyate kirikiṭṭeti pāṭhā yakṣāstu devatāḥ
yatimātrāvabodhe'tretyuktaṃ niḥśaṅkasūriṇā
kirikiṭṭakamityuktaṃ talloke rudravallabham

iti śuktivādyam
śrīparṇīdārujaḥ paṭṭaścaturasrāyato bhavet

dvātriṃśadaṅgulo dairghye'nyairuktastriṃśadaṅgulaḥ
vistāre hastamātraḥ syādūrdhvādhaḥsthitayordvayoḥ

lohamayyoḥ sarikayostrivṛdrajjūpamāyujoḥ
kṣiptābhistādṛśakṣudravalayāvilibhiryutaḥ

vakṣogre jānunormadhye yadvā saṃdhārya vādyate
ayaṃ ca karaśākhāgrai rālālipto vighṛṣyate

karavau thaḍaraṭāḥ pāṭāḥ pāṭahāśceha saṃmatāḥ
saptātra devamunayo devatāḥ śārṅgiṇoditāḥ

iti paṭṭavādyam
santyanyānyapi vādyāni loke bhūyāṃsi yāni ca
teṣu vistārasaṃtrāsādudāste soḍhalātmajaḥ

iti ghanavādyalakṣaṇam
raktaṃ viraktaṃ madhuraṃ samaṃ śuddhaṃ kalaṃ ghanam
sphuṭaprahāraṃ sulabhaṃ vughuṣṭaṃ ca guṇairiti

daśabhiḥ saṃyutaṃ vādyamuktaṃ soḍhalasūnunā
anvarthānyatra nāmāni samaṃ tvaṣṭavidhaṃ matam

akṣarādyaṅgapūrvaṃ ca tālādi yatipūrvakam
layādi nyāsāpanyāsapūrvaiḥ pāṇisamaṃ tathā

syādakṣarasamaṃ gītagurulaghvakṣarānugam
gītasya grahamokṣādīnyaṅgānyatreti yatpunaḥ

syāttadaṅgasamaṃ tālānugaṃ tālasamaṃ matam
yatirlayasya nyāsaḥ syātsanyāsasya ca sāmyataḥ
yatyādipūrvakaṃ jñeyaṃ kramātsamacatuṣṭayam

gītagrahaiḥ pāṇisaṃjñaiḥ samaṃ pāṇisamaṃ matam
vādyasyaite guṇāḥ proktā doṣaḥ syāttadviparyayaḥ

iti vādyaguṇadoṣāḥ
hastakoṇaprahārajño gītavādanakovidaḥ
yatitālalayābhijñaḥ pāṭajñaḥ pañcasañcavit

daśahastaguṇopetaḥ pātrābhipretavādakaḥ
ātodyadhvanitattvajñaḥ samādigrahaveditā

gītavādananṛtyasthacchidracchādanapaṇḍitaḥ
grahamokṣapradeśajño gītanṛttapramāṇavit

vādye samastabhedajño rūparekhānvitastathā
udghaṭṭanapaṭuḥ sarvavādyabhedavivecakaḥ

nādavṛddhikṣayāpattikovido vādako vidaḥ
guṇaiḥ katipayairhīnaḥ sarvairvā vādako'dhamaḥ

vāñchānugau dṛḍhau vyaktau snigdhau dṛḍhanakhau laghū

vidhāyāṅgulisaṃcārau svadahīnau jitaśramau
yuktaprahārau ca karau proktau daśaguṇāviti

iti hastaguṇāḥ
iti śrīmadanavadyavidyāvinodaśrīkaraṇādhipatiśrīsoḍhaladevanandananiḥśaṅkaśrīśārṅgadevaviracite saṃgītaratnākare vādyādhyāyaḥ ṣaṣṭhaḥ samāptaḥ