Sama Veda Samhita · Chapter 2

upāsmai gāyatā naraḥ pavamānāyendave/ abhi devāṃ iyakṣate //

abhi te madhunā payo'tharvāṇo aśiśrayuḥ / devaṃ devāya devayu //

sa naḥ pavasva śaṃ gave śaṃ janāya śamarvate/ śaṃ rājannoṣadhībhyaḥ / 1(tī) //

davidyutatyā rucā pariṣṭobhantyā kṛpā/ somāḥ śukrā gavāśiraḥ //

hinvāno hetṛbhirhita ā vājaṃ vājyakramīt/ sīdanto vanuṣo yathā //

ṛdhaksoma svastaye saṃjagmāno divā kave/ pavasva sūryo dṛśe /2(yi) //

pavamānasya te kave vājintsargā asṛkṣata / arvanto na śravasyavaḥ //

acchā kośaṃ madhuścutamasṛgraṃ vāre avyaye/ avāvaśanta dhītayaḥ //

acchā samudramindavo'staṃ gāvo na dhenavaḥ/ agmannṛtasya yonimā /3(kau) //

agna ā yāhi vītaye gṛṇāno havyadātaye/ ni hotā satsi barhiṣi //

taṃ tvā samidbhiraṅgiro ghṛtena vardhayāmasi/ bṛhacchocā yaviṣṭhya //

sa naḥ pṛthu śravāyyamacchā deva vivāsasi/ bṛhadagne suvīryam //

ā no mitrāvaruṇā ghṛtairgavyūtimukṣatam/ madhvā rajāṃsi sukratū //

uruśaṃsā namovṛdhā mahnā dakṣasya rājathaḥ/ drāghiṣṭhābhiḥ śucivratā //

gṛṇānā jamadagninā yonāvṛtasya sīdatam/ pātaṃ somamṛtāvṛdhā /5 (yi) //

ā yāhi suṣumā hi ta indra somaṃ pibā imam/ edaṃ barhiḥ sado mama //

ā tvā brahmayujā harī vahatāmindra keśinā/ upa brahmāṇi naḥ śṛṇu //

brahmāṇastvā yujā vayaṃ somapāmindra sominaḥ/ sutāvanto havāmahe /6(phau) //

indrāgnī ā gataṃ sutaṃ gīrbhiunabho vareṇyam/ asya pātaṃ dhiyeṣitā //

indrāgnī jarituḥ sacā yajño jigāti cetanaḥ/ ayā pātamimaṃ sutam //

indramagniṃ kavicchadā yajñasya jūtyā vṛṇe/ tā somasyeha tṛmpatām /7(tā) //

uccā te jātamandhaso divi sadbhūmyā dade/ ugraṃ śarma mahi śravaḥ //

sa na indrāya yajyave varuṇāya marudbhyaḥ/ varivovitpari srava //

enā viśvānyarya ā dyumnāni mānuṣāṇām/ siṣāsanto vanāmahe /8(ṭhī) //

punānaḥ soma dhārayāpo vasāno arṣasi/ ā ratnadhā yonimṛtasya sīdasyutso devo hiraṇyayaḥ //

duhāna ūdhardivyaṃ madhu priyaṃ pratnaṃ sadhasthamāsadat/ āpṛcchyaṃ dharuṇaṃ vājyarṣasi nṛbhirdhauto vicakṣaṇaḥ //

pra tu drava pari kośaṃ ni ṣīda nṛbhiḥ punāno abhi vājamarṣa/ aśvaṃ na tvā vājinaṃ marjayanto'cchā barhī raśanābhirnayanti //

svāyudhaḥ pavate deva induraśastihā vṛjanā rakṣamāṇaḥ/ pitā devānāṃ janitā sudakṣo viṣṭambho divo dharuṇaḥ pṛthivyāḥ //

ṛṣirvipraḥ puraetā janānāmṛbhurdhīra uśanā kāvyena/ sa cidviveda nihitaṃ yadāsāmapīcyā'ṃ guhyaṃ nāma gonām /10(hu) //

abhi tvā śūra nonumo'dugdhā iva dhenavaḥ/ īśānamasya jagataḥ svardṛśamīśānamindra tasthuṣaḥ //

na tvāvāṃanyo divyo na pārthivo na jāto na janiṣyate/ aśvāyanto maghavannindra vājino gavyantastvā havāmahe //

kayā naścitra ā bhuvadūtī sadāvṛdhaḥ sakhā/ kayā śaciṣṭhayā vṛtā //

kastvā satyo madānāṃ maṃhiṣṭho matsadandhasaḥ/ dṛḍhā cidāruje vasu //

abhī ṣu ṇaḥ sakhīnāmavitā jaritṛृ़ṇām/ śataṃ bhavāsyūtaye //

taṃ vo dasmamṛtīṣahaṃ vasormandānamandhasaḥ/ abhi vatsaṃ na svasareṣu dhenava indraṃ gīrbhirnavāmahe //

dyukṣaṃ sudānuṃ taviṣībhirāvṛtaṃ giriṃ na purubhojasam/ kṣumantaṃ vājaṃ śatinaṃ sahasriṇaṃ makṣū gomantamīmahe //

tarobhirvo vidadvasumindraṃ sabādha ūtaye/ bṛhadgāyantaḥ sutasome adhvare huvebharaṃ na kāriṇam //

na yaṃ dudhnā varante na sthirā muro madeṣu śipramandhasaḥ/ ya ādṛtyā śaśamānāya sunvate dātā jaritra ukthyam //

svādiṣṭhayā madiṣṭhayā pavasva soma dhārayā/ indrāya pātave sutaḥ //

rakṣohā viśvacarṣaṇirabhi yonimayohate/ droṇe sadhasthamāsadat //

varivodhātamo bhuvo maṃhiṣṭho vṛtrahantamaḥ/ parṣi rādho maghonām //

pavasva madhumattama indrāya soma kratuvittamo madaḥ/ mahi dyukṣatamo madaḥ //

yasya te pītvā vṛṣabho vṛṣāyate'sya pītvā svarvidaḥ/ sa supraketo abhyakramīdiṣo'cchā vājaṃ naitaśaḥ //

indramaccha sutā ime vṛṣaṇaṃ yantu harayaḥ/ śruṣṭe jātāsa indavaḥ svarvidaḥ //

ayaṃ bharāya sānasirindrāya pavate sutaḥ/ somo jaitrasya cetati yathā vide //

asyedindro madeṣvā grābhaṃ gṛbhṇāti sānasim/ vajraṃ ca vṛṣaṇaṃ bharatsamapsujit /17(ki) //

purojitī vo andhasaḥ sutāya mādayitnave/ apa śvānaṃ śnathiṣṭana sakhāyo dīrghajihvyam //

yo dhārayā pāvakayā pariprasyandate sutaḥ/ induraśvo na kṛtvyaḥ //

taṃ duroṣamabhīnaraḥ somaṃ viśvācyā dhiyā/ yajñāya santvadrayaḥ //

abhi priyāṇi pavate canohito nāmāni yahvo adhi yeṣu vardhate/ ā sūryasya bṛhato bṛhannadhi rathaṃ viṣvañcamaruhadvicakṣaṇaḥ //

ṛtasya jihvā pavate madhu priyaṃ vaktā patirdhiyo asyā adābhyaḥ/ dadhāti putraḥ pitrorapīcyāṃ'. nāma tṛtīyamadhi rocanaṃ divaḥ //

avadyutānaḥ kalaśāṃ acikradannṛbhiryemāṇaḥ kośa ā hiraṇyaye/ abhī ṛtasya dohanā anūṣatādhi tripṛṣṭha uṣaso vi rājasi //

yajñāyajñā vo agnaye girāgirā ca dakṣase/ prapra vayamamṛtaṃ jātavedasaṃ priyaṃ mitraṃ na śaṃsiṣam //

ūrjo napātaṃ sa hināyamasmayurdāśema havyadātaye/ bhuvadvājeṣvavitā bhuvadvṛdha uta trātā tanūnām //

ehyū ṣu bravāṇi te'gna itthetarā giraḥ/ ebhirvardhāsa indubhiḥ //

yatra kva ca te mano dakṣaṃ dadhasa uttaram/ tatra yoniṃ kṛṇavase //

na hi te pūrtamakṣipadbhuvannemānāṃ pate/ athā duvo vanavase //

vayamu tvāmapūrvya sthūraṃ na kaccidbharanto'vasyavaḥ/ vajriṃ citraṃhavāmahe //

upa tvā karmannūtaye sa no yuvograścakrāma yo dhṛṣat/ tvāmidhyavitāraṃ vavṛmahe sakhāya indra sānasim //

adhā hīndra girvaṇa upa tvā kāma īmahe sasṛgmahe/ udeva gmanta udabhiḥ //

vārṇa tvā yavyābhirvardhanti śūra brahmāṇi/ vāvṛdhvāṃsaṃ cidadrivo divedive //

yuñjanti harī iṣirasya gāthayorau ratha uruyuge vacoyujā/ indravāhā svarvidā / / 712 //

pāntamā vo andhasa indramabhi pra gāyata/ viśvāsāhaṃ śatakratuṃ maṃhiṣṭhaṃ carṣaṇīnām //

puruhūtaṃ puruṣṭutaṃ gāthānyā'ṃ sanaśrutam/ indra iti bravītana //

indra inno mahonāṃ dātā vājānāṃ nṛtuḥ/ mahāṃabhijñvā yamat //

pra va indrāya mādanaṃ haryaśvāya gāyata/ sakhāyaḥ somapāvne //

śaṃsedukthaṃ sudānava uta dyukṣaṃ yathā naraḥ/ cakṛmā satyarādhase //

tvaṃ na indra vājayustvaṃ gavyuḥ śatakrato/ tvaṃhiraṇyayurvaso //

vayamu tvā tadidarthā indra tvāyantaḥ sakhāyaḥ/ kaṇvā ukthebhirjarante //

na ghemanyadā papana vajrinnapaso naviṣṭau/ tavedu stomaiściketa //

icchanti devāḥ sunvantaṃ na svapnāya spṛhayanti/ yanti pramādamatandrāḥ //

indrāya madvane sutaṃ pari ṣṭobhantu no giraḥ/ arkamarcantu kāravaḥ //

yasminviśvā adhi śriyo raṇanti sapta saṃsadaḥ/ indraṃ sute havāmahe //

trikadrukeṣu cetanaṃ devāso yajñamatnata/ tamidvardhantu no giraḥ //

ayaṃ ta indra somo nipūto adhi barhiṣi/ ehīmasya dravā piba //

śācigo śācipūjanāyaṃraṇāya te sutaḥ/ ākhaṇḍala pra hūyase //

yaste śṛṅgavṛṣo ṇapātpraṇapātkuṇḍapāyyaḥ/ nyasmiṃ dadhra ā manaḥ //

ā tū na indra kṣumantaṃ citraṃ grābhaṃ saṃ gṛbhāya/ mahāhastī dakṣiṇena //

vidmā hi tvā tuvikūrmiṃ tuvideṣṇaṃ tuvīmagham/ tuvimātramavobhiḥ //

na hi tvā śūra devā na martoso ditsantam/ bhīmaṃ na gāṃ vārayante //

abhi tvā vṛṣabhā sute sutaṃsṛjāmi pītaye/ tṛmpā vyaśnuhī madam //

mā tvā mūrā aviṣyavo mopahasvāna ā dabhan/ mā kīṃ brahmadviṣaṃ vanaḥ //

iha tvā goparīṇasaṃ mahe mandantu rādhase/ saro gauro yathā piba //

idaṃ vaso sutamandhaḥ pibā supūrṇamudaram/ anābhayinrarimā te //

nṛbhirdhautaḥ suto aśnairavyā vāraiḥ paripūtaḥ/ aśvo na nikto nadīṣu //

taṃ te yavaṃ yathā gobhiḥ svādumakarma śrīṇantaḥ/ indra tvāsmiṃtsadhamāde //

idaṃhyanvojasā sutaṃrādhānāṃ pate/ pibā tvā3sya girvaṇaḥ //

yaste anu svadhāmasatsute ni yaccha tanvam/ sa tvā mamattu somya //

pra te aśnotu kukṣyoḥ prendra brahmaṇā śiraḥ/ pra bāhū śūra rādhasā //

ā tvetā ni ṣīdatendramabhi pra gāyata/ sakhāya stomavāhasaḥ //

purūtamaṃ purūṇāmīśānaṃ vāryāṇām/ indraṃ some sacā sute //

sa ghā no yoga ā bhuvatsa rāye sa purandhyā/ gamadvājebhirā sa naḥ //

yogeyoge tavastaraṃ vājevāje havāmahe/ sakhāya indramūtaye //

anu pratnasyaukaso huve tuvipratiṃ naram/ yaṃ te pūrvaṃ pitā huve //

ā ghā gamadyadi śravatsahasriṇībhirūtibhiḥ/ vājebhirupa no havam //

indra suteṣu someṣu kratuṃ punīṣa ukthyam/ vide vṛdhasya dakṣasya mahāṃhi ṣaḥ //

sa prathame vyomani devānāṃ sadane vṛdhaḥ/ supāraḥ suśravastamaḥ samapsujit //

tamu huve vājasātaya indraṃ bharāya śuṣmiṇam/ bhavā naḥ sumne antamaḥ sakhā vṛdhe //

enā vo agniṃ namasorjo napātamā huve/ priyaṃ cetiṣṭhamaratiṃ svadhvaraṃ viśvasya dūtamamṛtam //

sa yojate aruṣā viśvabhojasā sa dudravatsvāhutaḥ / subrahmā yajñaḥ suśamī vasūnāṃ devaṃrādho janānām //

pratyu adarśyāyatyū'.cchantī duhitā divaḥ/ apo mahī vṛṇute cakṣuṣā tamo jyotiṣkṛṇoti sūnarī //

udusriyāḥ sṛjate sūryaḥ sacā udyannakṣatramarcivat/ taveduṣo vyuṣi sūryasya ca saṃ bhaktena gamemahi //

imā u vāṃ diviṣṭaya usrā havante aśvinā/ ayaṃ vāmahve'vase śacīvasū viśaṃviśaṃ hi gacchathaḥ //

yuvaṃ citraṃ dadathurbhojanaṃ narā codethāṃ sūnṛtāvate/ arvāgrathaṃ samanasā ni yacchataṃ pibataṃ somyaṃ madhu //

asya pratnāmanu dyutaṃ śukraṃ duduhre ahrayaḥ/ payaḥ sahasrasāmṛṣim //

ayaṃ sūrya ivopadṛgayaṃ sarāṃsi dhāvati/ sapta pravata ā divam //

ayaṃ viśvāni tiṣṭhati punāno bhuvanopari/ somo devo na sūryaḥ //

eṣa pratnena janmanā devo devebhyaḥ sutaḥ/ hariḥ pavitre arṣati //

eṣa pratnena manmanā devo devebhyaspari/ kavirvipreṇa vāvṛdhe //

duhānaḥ pratnamitpayaḥ pavitre pari ṣicyase/ krandaṃ devāṃ ajījanaḥ //

upa śikṣāpatasthuṣo bhiyasamā dhehi śatrave/ pavamāna vidā rayim //

upo ṣu jātamapturaṃ (gobhirbhaṅgaṃ pariṣkṛtam / induṃ devā ayāsiṣu) //

upāsmai gāyatā naraḥ (pavamānāyendave) //

pra somāso vipaścito'po nayanta ūrmayaḥ/ vanāni mahiṣā iva //

abhi droṇāni babhravaḥ śukrā ṛtasya dhārayā/ vājaṃ gomantamakṣaran //

sutā indrāya vāyave varuṇāya marudbhyaḥ/ somā arṣantu viṣṇave //

pra soma devavītaye sindhurna pipye arṇasā/ aṃśoḥ payasā madiro na jāgṛviracchā kośaṃ madhuścutam //

ā haryato arjuno atke avyata priyaḥ sūnurna marjyaḥ/ tamīṃ hinvantyapaso yathā rathaṃ nadīṣvā gabhastyoḥ //

pra somāso madacyutaḥ śravase no maghonām/ sutā vidathe akramuḥ //

ādīṃ haṃso yathā gaṇaṃ viśvasyāvīvaśanmatim/ atyo na gobhirajyate //

ādīṃ tritasya yoṣaṇo hariṃ hinvantyadribhiḥ / indumindrāya pītaye //

ayā pavasva devayu rebhanpavitraṃ paryeṣi viśvataḥ/ madhordhārā asṛkṣata //

pavate haryato hariḥ (rati hvarāsi rahyā/ abhyarṣa stotṛbhyo vīravadyaśaḥ)* //

pra sunvānāsyāndhasoḥ (marto na vaṣṭa tadvacaḥ/ apa śvānamarādhasam̐ hatā makhaṃ na bhṛgavaḥ)* //

pavasva vāco agriyaḥ soma citrābhirūtibhiḥ/ abhi viśvāni kāvyā //

tvaṃsamudriyā apo'griyo vāca īrayan/ pavasva viśvacarṣaṇe //

tubhyemā bhuvanā kave mahimne soma tasthire/ tubhyaṃ dhāvanti dhenavaḥ //

pavasvendo vṛṣā sutaḥ kṛdhī no yaśaso jane/ viśvā apa dviṣo jahi //

yasya te sakhye vayaṃsāsahyāma pṛtanyataḥ/ tavendo dyumna uttame //

yā te bhīmānyāyudhā tigmāni santi dhūrvaṇe/ rakṣā samasya no nidaḥ / / 780 //

vṛṣā soma dyumāṃasi vṛṣā deva vṛṣavrataḥ/ vṛṣā dharmāṇi dadhriṣe //

vṛṣṇaste vṛṣṇyaṃśavo vṛṣā vanaṃ vṛṣā sutaḥ/ sa tvaṃ vṛṣanvṛṣedasi //

aśvo na cakrado vṛṣā saṃ gā indo samarvataḥ/ vi no rāye duro vṛdhi //

vṛṣā hyasi bhānunā dyumantaṃ tvā havāmahe/ pavamāna svardṛśam //

yadadbhiḥ pariṣi(śi)cyase marmṛjyamāna āyubhiḥ/ droṇe sadhasthamaśnuṣe //

ā pavasva suvīryaṃ mandamānaḥ svāyudha/ iho ṣvindavā gahi //

pavamānasya te vayaṃ pavitramabhyundataḥ/ sakhitvamā vṛṇīmahe //

ye te pavitramūrmayo'bhikṣaranti dhārayā/ tebhirnaḥ soma mṛḍaya //

sa naḥ punāna ā bhara rayiṃ vīravatīmiṣam / īśānaḥ soma viśvataḥ //

agniṃ dūtaṃ vṛṇīmahe hotāraṃ viśvavedasam/ asya yajñasya sukratum / 790 //

agnimagniṃhavīmabhiḥ sadā havanta viśpatim/ havyavāhaṃ purupriyam //

agne devāṃ ihā vaha jajñāno vṛktabarhiṣe/ asi hotā na īḍyaḥ //

mitraṃ vayaṃ havāmahe varuṇaṃ somapītaye/ yā jātā pūtadakṣasā //

ṛtena yāvṛtāvṛdhāvṛtasya jyotiṣaspatī/ tā mitrāvaruṇā huve //

varuṇaḥ prāvitā bhuvanmitro viśvābhirūtibhiḥ/ karatāṃ naḥ surādhasaḥ //

indramidgāthino bṛhadindramarkebhirarkiṇaḥ/ indraṃ vāṇīranūṣata //

indra iddharyoḥ sacā sammiśla ā vacoyujā/ indro vajrī hiraṇyayaḥ //

indra vājeṣu no'va sahasrapradhaneṣu ca/ ugra ugrābhirūtibhiḥ //

indro dīrghāya cakṣasa ā sūryaṃrohayaddivi/ vi gobhiradrimairayat //

indre agnā namo bṛhatsuvṛktimerayāmahe/ dhiyā dhenā avasyavaḥ / 800 //

tā hi śaśvanta īḍata itthā viprāsa ūtaye/ sabādho vājasātaye //

tā vāṃ gīrbhirvipanyuvaḥ prayasvanto havāmahe/ medhasātā saniṣyavaḥ //

vṛṣā pavasva dhārayā marutvate ca matsaraḥ/ viśvā dadhāna ojasā //

taṃ tvā dharttāramoṇyoḥ3 pavamāna svardṛśam/ hinve vājeṣu vājinam //

ayā citto vipānayā hariḥ pavasva dhārayā/ yujaṃ vājeṣu codaya //

vṛṣā śoṇo abhikanikradadgā nadayanneṣi pṛthivīmuta dyām/ indrasyeva vagnurā śṛṇva ājau pracodayannarṣasi vācamemām //

rasāyyaḥ payasā pinvamāna īrayanneṣi madhumantamaṃśum/ pavamāna santanimeṣi kṛṇvannindrāya soma pariṣicyamānaḥ //

evā pavasva madiro madāyodagrābhasya namayanvadhasnum/ pari varṇaṃ bharamāṇo ruśantaṃ gavyurno arṣa pari soma siktaḥ //

tvāmiddhi havāmahe sātau vājasya kāravaḥ/ tvāṃ vṛtreṣvindra satpatiṃ narastvāṃ kāṣṭhāsvarvataḥ //

sa tvaṃ naścitra vajrahasta dhṛṣṇuyā maha stavāno adrivaḥ/ gāmaśvaṃrathyamindra saṃ kira satrā vājaṃ na jigyuṣe / / 810 //

abhi pra vaḥ surādhasamindramarca yathā vide/ yo jaritṛbhyo maghavā purūvasuḥ sahasreṇeva śikṣati //

śatānīkeva pra jigāti dhṛṣṇuyā hanti vṛtrāṇi dāśuṣe/ gireriva pra rasā asya pinvire datrāṇi purubhojasaḥ //

tvāmidā hyo naro'pīpyanvajrinbhūrṇayaḥ/ sa indra stomavāhasa iha śrudhyupa svasaramā gahi //

matsvā suśiprinharivastamīmahe tvayā bhūṣanti vedhasaḥ/ tava śravāṃsyupamānyukthya suteṣvindra girvaṇaḥ //

yaste mado vareṇyastenā pavasvāndhasā/ devāvīraghaśaṃsahā //

jaghnirvṛtramamitriyaṃsasnirvājaṃ divedive/ goṣātiraśvasā asi //

sammiślo aruṣo bhuvaḥ sūpasthābhirna dhenubhiḥ / sīdaṃ cchyeno na yonimā //

ayaṃ pūṣā rayiubhagaḥ somaḥ punāno arṣati/ patirviśvasya bhūmano vyakhyadrodasī ubhe //

samu priyā anūṣata gāvo madāya ghṛṣvayaḥ/ somāsaḥ kṛṇvate pathaḥ pavamānāsa indavaḥ //

ya ojiṣṭhastamā bhara pavamāna śravāyyam/ yaḥ pañca carṣaṇīrabhi rayiṃ yena vanāmahe / / 820 //

vṛṣā matīnāṃ pavate vicakṣaṇaḥ somo ahnāṃ pratarītoṣasāṃ divaḥ/ prāṇā sindhūnāṃ kalaśāṃ acikradadindrasya hārdyāviśanmanīṣibhiḥ //

manīṣibhiḥ pavate pūrvyaḥ kavirnṛbhiryataḥ pari kośāṃ asiṣyadat/ tritasya nāma janayanmadhu kṣarannindrasya vāyūṃ sakhyāya vardhayan //

ayaṃ punāna uṣaso arocayadayaṃ sindhubhyo abhavadu lokakṛt/ ayaṃ triḥ sapta duduhāna āśiraṃ somo hṛde pavate cāru matsaraḥ //

evā hyasi vīrayurevā śūra uta sthiraḥ / evā te rādhyaṃ manaḥ //

evā rātistuvimagha viśvebhirdhāyi dhātṛbhiḥ/ adhā cidindra naḥ sacā //

mo ṣu brahmeva tandrayurbhavo vājānāṃ pate/ matsvā sutasya gomataḥ //

indraṃ viśvā avīvṛdhantsamudravyacasaṃ giraḥ/ rathītamaṃ rathīnāṃ vājānāṃ satpatiṃ patim //

sakhye ta indra vājino mā bhema śavasaspate/ tvāmabhi pra nonumo jetāramaparājitam //

pūrvīrindrasya rātayo na vi dasyantyūtayaḥ/ yadā vājasya gomata stotṛbhyo maṃhate magham / / 829 //

eta asṛgramindavastiraḥ pavitramāśavaḥ/ viśvānyabhi saubhagā / 830 //

vighnanto duritā puru sugā tokāya vājinaḥ/ tmanā kṛṇvanto arvataḥ //

kṛṇvanto varivo gave'bhyarṣanti suṣṭutim/ iḍāmasmabhyaṃ saṃyatam //

rājā medhābhirīyate pavamāno manāvadhi/ antarikṣeṇa yātave //

ā naḥ soma saho juvo rūpaṃ na varcase bhara/ suṣvāṇo devavītaye //

ā na indo śātagvinaṃ gavāṃ poṣaṃ svaśvyam/ vahā bhagattimūtaye //

taṃ tvā nṛmṇāni bibhrataṃ sadhastheṣu maho divaḥ/ cāruṃ sukṛtyayemahe //

saṃvṛktadhṛṣṇumukthyaṃ mahāmahivrataṃ madam/ śataṃ puro rurukṣaṇim //

atastvā rayirabhyayadrājānaṃ sukrato divaḥ/ suparṇo avyathī bharat //

adhā hinvāna indriyaṃ jyāyo mahitvamānaśe/ abhiṣṭikṛdvicarṣaṇiḥ //

viśvasmā itsvardṛśe sādhāraṇaṃ rajasturam/ gopāmṛtasya virbharat / / 840 //

iṣe pavasva dhārayā mṛjyamāno manīṣibhiḥ / indo rucābhi gā ihi //

punāno varivaskṛdhyūrjaṃ janāya girvaṇaḥ/ hare sṛjāna āśiram //

punāno devavītaya indrasya yāhi niṣkṛtam/ dyutāno vājibhirhitaḥ //

agnināgniḥ samidhyate kavirgṛhapatiryuvā/ havyavāḍjuhvāsyaḥ //

yastvāmagne haviṣpatirdūtaṃ deva saparyati/ tasya sma prāvitā bhava //

yo agniṃ devavītaye haviṣmāṃ āvivāsati/ tasmai pāvaka mṛḍaya //

mitraṃhuve pūtadakṣaṃ varuṇaṃ ca riśādasam/ dhiyaṃ ghṛtācīṃṃsādhantā //

ṛtena mitrāvaruṇāvṛtāvṛdhāvṛtaspṛśā/ kratuṃ bṛhantamāśāthe //

kavī no mitrāvaruṇā tuvijātā urukṣayā/ dakṣaṃ dadhāte apasam //

indreṇa saṃhi dṛkṣase sajagmāno abibhyuṣā/ mandū samānavarccasā / 850 //

ādaha svadhāmanu punargarbhatvamerire/ dadhānā nāma yajñiyam //

vīḍu cidārujatnubhirguhā cidindra vahnibhiḥ/ avinda usriyā anu //

tā huve yayoridaṃ papne viśvaṃ purā kṛtam/ indrāgnī na mardhataḥ //

ugrā vighaninā mṛdha indrāgnī havāmahe/ tā no mṛḍāta īdṛśe //

hatho vṛtrāṇyāryā hatho dāsāni satpatī/ hatho viśvā apa dviṣaḥ //

abhi somāsa āyavaḥ pavante madyaṃ madam/ samudrasyādhi viṣṭape manīṣiṇo matsarāso madacyutaḥ //

taratsamudraṃ pavamāna ūrmiṇā rājā deva ṛtaṃ bṛhat/ arṣā mitrasya varuṇasya dharmaṇā pra hinvāna ṛtaṃ bṛhat //

nṛbhiryemāṇo haryato vicakṣaṇo rājā devaḥ samudryaḥ //

tisro vāca īrayati pra vahnirṛtasya dhītiṃ brahmaṇo manīṣām/ gāvo yanti gopatiṃ pṛcchamānāḥ somaṃ yanti matayo vāvaśānāḥ //

somaṃ gāvo dhenavo vāvaśānāḥ somaṃ viprā matibhiḥ pṛcchamānāḥ/ somaḥ suta ṛcyate pa vamānaḥ some arkāstriṣṭubhaḥ saṃ navante / 860 //

evā naḥ soma pariṣicyamāna ā pavasva pūyamānaḥ svasti/ indramā viśa bṛhatā madena vardhayā vācaṃ janayā purandhim //

yaddyāva indra te śataṃśataṃ bhūmīruta syuḥ/ na tvā vajrintsahasraṃsūryā anu na jātamaṣṭa rodasī //

ā paprātha mahinā vṛṣṇyā vṛṣanviśvā śaviṣṭha śavasā/ asmāṃava maghavan gomati vraje vajriṃcitrābhirūtibhiḥ //

vayaṃ gha tvā sutāvanta āpo na vṛktabarhiṣaḥ/ pavitrasya prasravaṇeṣu vṛtrahanpari stotāra āsate //

svaranti tvā sute naro vaso nireka ukthinaḥ/ kadā sutaṃ tṛṣāṇa oka ā gamadindra svabdīva vaṃsagaḥ //

kaṇvebhirdhṛṣṇavā dhṛṣadvājaṃ darṣi sahasriṇam/ piśaṅgarūpaṃ maghavanvicarṣaṇe makṣū gomantamīmahe //

taraṇiritsiṣāsati vājaṃ puraṃdhyā yujā/ ā va indraṃ puruhūtaṃ name girā nemiṃ taṣṭeva sudruvam //

na duṣṭutirdraviṇodeṣu śasyate na sredhantaṃrayirnaśat/ suśaktirinmaghavaṃ tubhyaṃ māvate deṣṇaṃ yatpārye divi //

tisro vāca udīrate gāvo mimanti dhenavaḥ/ harireti kanikradat //

abhi brahmīranūṣata yahvīrṛtasya mātaraḥ/ marjayantīrdivaḥ śiśum / 870 //

rāyaḥ samudrāṃścaturo'smabhyaṃ soma viśvataḥ/ ā pavasva sahasriṇaḥ //

sutāso madhumattamāḥ somā indrāya mandinaḥ/ pavitravanto akṣaraṃ devāngacchantu vo madāḥ //

indurindrāya pavata iti devāso abruvan/ vācaspatirmakhasyate viśvasyeśāna ojasaḥ //

sahasradhāraḥ pavate samudro vācamīṅkhayaḥ/ somaspatī rayīṇāṃsakhendrasya divedive //

pavitraṃ te vitataṃ brahmaṇaspate prabhurgātrāṇi paryeṣi viśvataḥ/ ataptatanūrna tadāmo aśnute śṛtāsa idvahantaḥ saṃ tadāśata //

tapoṣpavitraṃ vitataṃ divaspade'rcanto asya tantavo vyasthiran/ avantyasya pavitāramāśavo divaḥ pṛṣṭhamadhi rohanti tejasā //

arūrucaduṣasaḥ pṛśniragriya ukṣā mimeti bhuvaneṣu vājayuḥ/ māyāvino mamire asya māyayā nṛcakṣasaḥ pitaro garbhamā dadhuḥ //

pra maṃhiṣṭhāya gāyata ṛtāvne bṛhate śukraśociṣe/ upastutāso agnaye //

ā vaṃsate maghavā vīravadyaśaḥ samiddho dyumnyāhutaḥ/ kuvinno asya sumatirbhavīyasyacchā vājebhirāgamat //

taṃ te madaṃ gṛṇīmasi vṛṣaṇaṃ pṛkṣu sāsahim/ u lokakṛtnumadrivo hariśriyam / 880 //

yena jyotīṃṣyāyave manave ca viveditha/ mandāno asya barhiṣo vi rājasi //

tadadyā citta ukthino'nu ṣṭuvanti pūrvathā/ vṛṣapatnīrapo jayā divedive //

śrudhī havaṃ tiraścyā indra yastvā saparyati/ suvīryasya gomato rāyaspūrdhi mahāṃasi //

yasta indra navīyasīṃ giraṃ mandrāmajījanat/ cikitvinmanasaṃ dhiyaṃ pratnāmṛtasya pipyuṣīm //

tamu ṣṭavāma yaṃ gira indramukthāni vāvṛdhuḥ/ purūṇyasya pauṃsyā siṣāsanto vanāmahe / / 885 //

pra ta āśvinīḥ pavamāna dhenavo divyā asṛgranpayasā dharīmaṇi/ prāntarikṣātsthāvirīste asṛkṣata ye tvā mṛjantyṛṣiṣāṇa vedhasaḥ //

ubhayataḥ pavamānasya raśmayo dhravasya sataḥ pari yanti ketavaḥ/ yadī pavitre adhi mṛjyate hariḥ sattā ni yonau kalaśeṣu sīdati //

viśvā dhāmāni viśvacakṣa ṛbhvasaḥ prabhoṣṭe sataḥ pari yanti ketavaḥ/ vyānaśī pavase soma dharmaṇā patirviśvasya bhuvanasya rājasi //

pavamāno ajījanaddivaścitraṃ na tanyatum/ jyotirvaiśvānaraṃ bṛhat //

pavamāna rasastava mado rājannaducchunaḥ/ vi vāramavyamarṣati / 890 //

pavamānasya te raso dakṣo vi rājati dyumān/ jyotirviśvaṃ svardṛśe //

pra yadgāvo na bhūrṇayastveṣā ayāso akramuḥ/ ghnantaḥ kṛṣṇāmapa tvacam //

suvitasya vanāmahe'ti setuṃ durāyyam/ sāhyāma dasyumavratam //

śṛṇve vṛṣṭeriva svanaḥ pavamānasya śuṣmiṇaḥ/ caranti vidyuto divi //

ā pavasva mahīmiṣaṃ gomadindo hiraṇyavat/ aśvavatsoma vīravat //

pavasva viśvacarṣaṇa ā mahī rodasī pṛṇa/ uṣāḥ sūryo na raśmibhiḥ //

pari naḥ śarmayantyā dhārayā soma viśvataḥ/ sarā raseva viṣṭapam //

āśurarṣa bṛhanmate pari priyeṇa dhāmnā/ yatrā devā iti bruvan //

pariṣkṛṇvannaniṣkṛtaṃ janāya yātayanniṣaḥ/ pṛṣṭiṃ divaḥ pari srava //

ayaṃ sa yo divaspari raghuyāmā pavitra ā/ sindhorūrmā vyakṣarat / 900 //

suta eti pavitra ā tviṣiṃ dadhāna ojasā/ vicakṣāṇo virocayan //

āvivāsanparāvato atho arvāvataḥ sutaḥ/ indrāya sicyate madhu //

samīcīnā anūṣata hariṃ hinvantyadribhiḥ/ indumindrāya pītaye //

hinvanti sūramusrayaḥ svasāro jāmayaspatim/ mahāminduṃ mahīyuvaḥ //

pavamāna rucārucā devo devebhyaḥ sutaḥ/ viśvā vasūnyā viśa //

ā pavamāna suṣṭutiṃ vṛṣṭiṃ devebhyo duvaḥ/ iṣe pavasva saṃyatam //

janasya gopā ajaniṣṭa jāgṛviragniḥ sudakṣaḥ suvitāya navyase/ ghṛtapratīko bṛhatā divispṛśā dyumadvi bhāti bharatebhyaḥ śuciḥ //

tvāmagne aṅgiraso guhā hitamanvavindañchiśriyāṇaṃ vanevane/ sa jāyase mathyamānaḥ saho mahatvāmāhuḥ sahasasputramaṅgiraḥ //

yajñasya ketuṃ prathamaṃ purohitamagniṃ narastriṣadhasthe samindhate/ indreṇa devaiḥ sarathaṃsa barhiṣi sīdanni hotā yajathāya sukratuḥ //

ayaṃ vāṃ mitrāvaruṇā sutaḥ soma ṛtāvṛdhā/ mamediha śrutaṃ havam / 910 //

rājānāvanabhidruhā dhruve sadasyuttame/ sahasrasthūṇa āśāte //

tā samrājā ghṛtāsutī ādityā dānunaspatī/ sacete anavahvaram //

indro dadhīco asthabhirvṛtrāṇyapratiṣkutaḥ/ jaghāna navatīrnava //

icchannaśvasya yacchiraḥ parvateṣvapaśritam/ tadvidaccharyaṇāvati //

atrāha goramanvata nāma tvaṣṭurapīcyam/ itthā candramaso gṛhe //

iyaṃ vāmasya manmana indrāgnī pūrvyastutiḥ/ abhrādvṛṣṭirivājani //

śṛṇutaṃ jarituuhavamindrāgnī vanataṃ giraḥ/ īśānā pipyataṃ dhiyaḥ //

mā pāpatvāya no narendrāgnī mābhiśastaye/ mā no rīradhataṃ nide //

pavasva dakṣasādhano devebhyaḥ pītaye hare/ marudbhyo vāyave madaḥ //

saṃ devaiḥ śobhate vṛṣā kaviuyonāvadhi priyaḥ/ pavamāno adābhyaḥ / 920 //

pavamāna dhiyā hito3'bhi yoniṃ kanikradat/ dharmaṇā vāyumāruhaḥ //

tavāhaṃ soma rāraṇa sakhya indo divedive/ purūṇi babhro ni caranti māmava paridhīṃrati tāṃihi //

tavāhaṃ naktamuta soma te divā duhāno babhra ūdhani/ ghṛṇā tapantamati sūryaṃ paraḥ śakunā iva paptima //

punāno akramīdabhi viśvā mṛdho vicarṣaṇiḥ/ śumbhanti vipraṃ dhītibhiḥ //

ā yonimaruṇo ruhadgamadindro vṛṣā sutam/ dhruve sadasi sīdatu //

nū no rayiṃ mahāmindo'smabhyaṃ soma viśvataḥ/ ā pavasva sahasriṇam //

pibā somamindra madantu tvā yaṃ te suṣāva haryaśvādriḥ/ soturbāhubhyāṃ suyato nārvā //

yaste mado yujyaścārurasti yena vṛtrāṇi haryaśva haṃsi/ sa tvāmindra prabhūvaso mamattu //

bodhā su me maghavanvācamemāṃ yāṃ te vasiṣṭho arcati praśastim/ imā brahma sadhamāde juṣasva //

viśvāḥ pṛtanā abhibhūtaraṃ naraḥ sajūstatakṣurindraṃ jajanuśca rājase/ kratve vare sthemanyāmurīmutogramojiṣṭhaṃ tarasaṃ tarasvinam / 930 //

nemiṃ namanti cakṣasā meṣaṃ viprā abhisvare/ sudītayo vo adruho'pi karṇe tarasvinaḥ samṛkvabhiḥ //

samu rebhāso asvarannindraṃ somasya pītaye/ svaḥpatiryadī vṛdhe dhṛtavrato hyojasā samūtibhiḥ //

yo rājā carṣaṇīnāṃ yātā rathebhiradhriguḥ/ viśvāsāṃ tarutā pṛtanānāṃ jyeṣṭhaṃ yo vṛtrahā gṛṇe //

indraṃ taṃśumbha puruhanmannavase yasya dvitā vidhartari/ hastena vajraḥ prati dhāyi darśato mahāṃ devo na sūryaḥ //

pari priyā divaḥ kavirvayāṃsi naptyorhitaḥ/ svānairyāti kavikratuḥ //

sa sūnurmātarā śucirjāto jāte arocayat/ mahānmahī ṛtāvṛdhā //

prapra kṣayāya panyase janāya juṣṭo adruhaḥ/ vītyarṣa paniṣṭaye //

tvaṃ hyāðŽ'ṃṅga daivya pavamāna janimāni dyumattamaḥ/ amṛtatvāya ghoṣayan //

yenā navagvā dadhyaṅṅaporṇute yena viprāsa āpire/ devānāṃ sumne amṛtasya cāruṇo yena śravāṃsyāśata //

somaḥ punāna ūrmiṇāvyaṃ vāraṃ vi dhāvati/ agre vācaḥ pavamānaḥ kanikradat / 940 //

dhībhirmṛjanti vājinaṃ vane krīḍantamatyavim/ abhi tripṛṣṭhaṃ matayaḥ samasvaran //

asarji kalaśāṃ abhi mīḍhvāṃtsaptirna vājayuḥ/ punāno vācaṃ janayannasiṣyadat //

somaḥ pavate janitā matīnāṃ janitā divo janitā pṛthivyāḥ/ janitāgnerjanitā sūryasya janitendrasya janitota viṣṇoḥ //

brahmā devānāṃ padavīḥ kavīnāmṛṣirviprāṇāṃ mahiṣo mṛgāṇām/ śyeno gṛdhrāṇāṃ svadhitirvanānāṃ somaḥ pavitramatyeti rebhan //

prāvīvipadvāca ūrmiṃ na sindhurgira stomānpavamāno manīṣāḥ/ antaḥ paśyanvṛjanemāvarāṇyā tiṣṭhati vṛṣabho goṣu jānan //

agniṃ vo vṛdhantamadhvarāṇāṃ purūtamam/ acchā naptre sahasvate //

ayaṃ yathā na ābhuvattvaṣṭā rūpeva takṣyā/ asya kratvā yaśasvataḥ //

ayaṃ viśvā abhi śriyo'gnirdeveṣu patyate/ ā vājairupa no gamat //

imamindra sutaṃ piba jyeṣṭhamamartyaṃ madam/ śukrasya tvābhyakṣarandhārā ṛtasya sādane //

na kiṣṭvadrathītaro harī yadindra yacchase/ na kiṣṭvānu majmanā na kiḥ svaśva ānaśe / 950 //

indrāya nūnamarcatokthāni ca bravītana/ sutā amatsurindavo jyeṣṭhaṃ namasyatā sahaḥ //

indra juṣasva pra vahā yāhi śūra hariha/ pibā sutasya matirna madhoścakānaścārurmadāya //

indra jaṭharaṃ navyaṃ na pṛṇasva madhordivo na/ asya sutasya svāurnopa tvā madāḥ suvāco asthuḥ //

indrasturāṣāṇmitro na jaghāna vṛtraṃ yatirna/ bibheda valaṃ bhṛgurna sasāhe śatrūnmade somasya //

govitpavasva vasuviddhiraṇyavidretodhā indo bhuvaneṣvarpitaḥ/ tvaṃ suvīro asi soma viśvavittaṃ tvā nara upa girema āsate //

tvaṃ nṛcakṣā asi soma viśvataḥ pavamāna vṛṣabha tā vi dhāvasi/ sa naḥ pavasva vasumaddhiraṇyavadvayaṃ syāma bhuvaneṣu jīvase //

īśāna imā bhuvanāni īyase yujāna indo haritaḥ supakaṇyaḥ/ tāste kṣarantu madhumadghṛtaṃ payastava vrate soma tiṣṭhantu kṛṣṭayaḥ //

pavamānasya viśvavitpra te sargā asṛkṣata/ sūryasyeva na raśmayaḥ //

ketuṃ kṛṇvaṃ divaspari viśvā rūpābhyarṣasi/ samudraḥ soma pinvase //

jajñāno vācamiṣyasi pavamāna vidharmaṇi/ krandaṃ devo na sūryaḥ / / 960 //

pra somāso adhanviṣuḥ pavamānāsa indavaḥ/ śrīṇānā apsu vṛñjate //

abhi gāvo adhanviṣurāpo na pravatā yatīḥ/ punānā indramāśata //

pra pavamāna dhanvasi somendrāya mādanaḥ/ nṛbhiryato vi nīyase //

indo yadadribhiḥ sutaḥ pavitraṃ paridīyase/ aramindrasya dhāmne //

tvaṃ soma nṛmādanaḥ pavasva carṣaṇīdhṛtiḥ/ sasniryo anumādyaḥ //

pavasva vṛtrahantama ukthebhiranumādyaḥ/ śuciḥ pāvako adbhutaḥ //

śuciḥ pāvaka ucyate somaḥ sutaḥ sa madhumān/ devāvīraghaśaṃsahā //

pra kavirdevavītaye'vyā vārebhiravyata/ sāhvānviśvā abhi spṛdhaḥ //

sa hi ṣmā jaritṛbhya ā vājaṃ gomantaminvati/ pavamānaḥ sahasriṇam //

pari viśvāni cetasā mṛjyase pavase matī/ sa naḥ soma śravo vidaḥ / 970 //

abhyarṣa bṛhadyaśo maghavadbhyo dhruvaṃ rayim/ iṣaṃ stotṛbhya ā bhara //

tvaṃ rājeva suvrato giraḥ somāviveśitha/ punāno vahne adbhuta //

sa vahnirapsu duṣṭaro mṛjyamāno gabhastyoḥ/ somaścamūṣu sīdati //

krīḍurmakho na maṃhayuḥ pavitraṃ soma gacchasi/ dadhatstotre suvīryam //

yavaṃyavaṃ no andhasā puṣṭaṃpuṣṭaṃ pari srava/ viśvā ca soma saubhagā //

indo yathā tava stavo yathā te jātamandhasaḥ/ ni barhiṣi priye sadaḥ //

uta no govidaśvavitpavasva somāndhasā/ makṣūtamebhirahabhiḥ //

yo jināti na jīyate hanti śatrumabhītya/ sa pavasva sahasrajit //

yāste dhārā madhuścuto'sṛgraminda ūtaye/ tābhiḥ pavitramāsadaḥ //

so arṣendrāya pītaye tiro vārāṇyavyayā/ sīdannṛtasya yonimā / 980 //

tvaṃ soma pari srava svādiṣṭho aṅgirobhyaḥ/ varivoviddhṛtaṃ payaḥ //

tava śriyo vakaṣyasyeva vidyuto'gneścikitra uṣasāmivetayaḥ/ yadoṣadhīrabhisṛṣṭo vanāni ca pari svayaṃ cinuṣe annamāsani //

vātopajūta iṣito vaśāṃanu tṛṣu yadannā veviṣadvitiṣṭhase/ ā te yatante rathyo'.yathā pṛthakśardhāṃsyagne ajarasya dhakṣataḥ //

medhākāraṃ vidathasya prasādhanamagniṃhotāraṃ paribhūtaraṃ matim/ tvāmarbhasya haviṣaḥ samānamitvāṃ maho vṛṇate nānyaṃ tvat //

purūruṇā ciddhyastyavo nūnaṃ vāṃ varuṇa/ mitra vaṃsi vāṃsumatim //

tā vāṃsamyagadruhvāṇeṣamaśyāma dhāma ca/ vayaṃ vāṃ mitrā syāma //

pātaṃ no mitrā pāyubhiruta trāyethāṃsutrātrā sāhyāma dasyūṃ tanūbhiḥ //

uttiṣṭhannojasā saha pītvā śipre avepayaḥ/ somamindra camū sutam //

anu tvā rodasī ubhe spardhamānamadadetām/ indra yaddasyuhābhavaḥ //

vācamaṣṭāpadīmahaṃ navasraktimṛtāvṛdham/ indrātparitanvaṃ mame / / 990 //

indrāgnī yuvāmime3'bhi stomā anūṣata/ pibataṃśambhuvā sutam //

yā vāṃsanti puruspṛho niyuto dāśuṣe narā/ indrāgnī tābhirā gatam //

tābhirā gacchataṃ naropedaṃsavanaṃsutam/ indrāgnī somapītaye //

arṣā soma dyumattamo'bhi droṇāni roruvat/ sīdanyonau vaneṣvā //

apsā indrāya vāyave varuṇāya marudbhyaḥ/ somā arṣantu viṣṇave //

iṣaṃ tokāya no dadhadasmabhyaṃ soma viśvataḥ/ ā pavasva sahasriṇam //

soma u ṣvāṇaḥ sotṛbhiradhi ṣṇubhiravīnām/ aśvayeva haritā yāti dhārayā mandrayā yāti dhārayā //

anūpe gomāngobhirakṣāḥ somo dugdhābhirakṣāḥ/ samudraṃ na saṃvaraṇānyagmanmandī madāya tośate //

yatsoma citramukthyaṃ divyaṃ pārthivaṃ vasu/ tannaḥ punāna ā bhara //

vṛṣā punāna āyūṃṣi stanayannadhi barhiṣi/ hariḥ sanyonimāsadaḥ / 1000 //

yuvaṃ hi sthaḥ svaḥpatī indraśca soma gopatī/ īśānā pipyataṃ dhiyaḥ //

indro madāya vāvṛghe śavase vṛtrahā nṛbhiḥ/ taminmahatsvājiṣūtimarbhe havāmahe sa vājeṣu pra no'viṣat //

asi hi vīra senyo'si bhūri parādadiḥ/ asi dabhrasya cidvṛdho yajamānāya śikṣasi sunvate bhūri te vasu //

yadudīrata ājayoḥ (dhṛṣṇave dhīyate dhanām/ // yuṅkṣvā madacyutā harī kaṃ hanaḥ kaṃ vasau dadho'smāṃ indra vasau dadhaḥ /)* //

svādoritthā viṣūvato (madhvaḥ pibanti gauryaḥ/ yā indreṇa sayāvarīrvṛṣṇā madanti śobhase vasvīranu svarājyam //)* //

tā asya pṛśanāyuvaḥ somaṃ śrīṇanti pṛśnayaḥ/ priyā indrasya dhenavo vajraṃ hinvanti sāyakaṃ vasvīranu svarājyam //

tā asya namasā sahaḥ saparyanti pracetasaḥ/ vratānyasya saścire purūṇi pūrvacittaye vasvīranu svarājyam //

asāvyaṃśurmadāyāpsu dakṣo giriṣṭhāḥ/ śyeno na yonimāsadat //

śubhramandho devavātamapsu dhautaṃ nṛbhiḥ sutam/ svadanti gāvaḥ payobhiḥ //

ādīmaśvaṃ na hetāramaśūśubhannamṛtāya/ madho rasaṃ sadhamāde / / 1010 //

abhi dyubhnaṃ bṛhadyaśa iṣaspate dīdihi deva devayum/ vi kośaṃ madhyamaṃ yuva //

ā vacyasva sudakṣa camvoḥ suto viśāṃ vahnirna viśpatiḥ/ vṛṣṭiṃ divaḥ pavasva rītimapo jinvangaviṣṭaye dhiyaḥ //

prāṇā śiśuumahīnāṃ hinvannṛtasya dīdhitim/ viśvā pari priyā bhuvadadha dvitā //

upa tritasya pāṣyo'bhakta yadguhā padam/ yajñasya sapta dhāmabhiradha priyam //

trīṇi tritasya dhārayā pṛṣṭheṣvairayadrayim/ mimīte asya yojanā vi sukratuḥ //

pavasva vājasātaye pavitre dhārayā sutaḥ/ indrāya soma viṣṇave devebhyo madhumattaraḥ //

tvāṃ rihanti dhītayo hariṃ pavitre adruhaḥ/ vatsaṃ jātaṃ na mātaraḥ pavamāna vidharmaṇi //

tvaṃ dyāṃ ca mahivrata pṛthivīṃ cāti jabhriṣe/ prati drāpimamuñcathāḥ pavamāna mahitvanā //

indurvājī pavate gonyoghā indre somaḥ saha invanmadāya/ hanti rakṣo bādhate paryarātiṃ varivaskṛṇvanvṛjanasya rājā //

adha dhārayā madhvā pṛcānastiro roma pavate adridugdhaḥ/ indurindrasya sakhyaṃ juṣāṇo devo devasya matsaro madāya / 1020 //

abhi vratāni pavate punāno devo devāntsvena rasena pṛñcan/ indurdharmāṇyṛtuthā vasāno daśa kṣipo avyata sāno avye //

ā te agna idhīmahi dyumantaṃ devājaram / yaddha syā te panīyasī samiddīdayati dyavīṣaṃ stotṛbhya ā bhara //

ā te agna ṛcā haviḥ śukrasya jyotiṣaspate / suścandra dasma viśpate havyavāṭ tubhyaṃ hūyata iṣaṃ stotṛbhya ā bhara //

obhe suścandra viśpate darvī śrīṇīṣa āsani/ uto na utpupūryā uktheṣu śavasaspata iṣaṃ stotṛbhya ā bhara //

indrāya sāma gāyata viprāya bṛhate bṛhat/ brahmakṛte vipaścite panasyave //

tvamindrābhibhūrasi tvaṃ sūryamarocayaḥ/ viśvakarmā viśvadevo mahāṃ asi //

vibhrājaṃ jyotiṣā sva'gaccho rocanaṃ divaḥ/ devāsta indra sakhyāya yemire //

asāvi soma indra te śaviṣṭha dhṛṣṇavā gahi/ ā tvā pṛṇaktvindriyaṃ rajaḥ sūryo na raśmibhiḥ //

ā tiṣṭha vṛtrahanrathaṃ yuktā te brahmaṇā harī/ arvācīnaṃ su te mano grāvā kṛṇotu vagnunā //

indramiddharī vahato'pratidhṛṣṭaśavasam/ ṛṣīṇāṃ suṣṭutīrupa yajñaṃ ca mānuṣāṇām / / 1030 //

jyotiryajñasya pavate madhu priyaṃ pitā devānāṃ janitā vibhūvasu/ dadhāti ratnaṃ svadhayorapīcyaṃ madintamo matsara indriyo rasaḥ //

abhikrandankalaśaṃ vājyarṣati patirdivaḥ śatadhāro vicakṣaṇaḥ/ harirmitrasya sadaneṣu sīdati marmṛjāno'vibhiḥ sindhubhirvṛṣā //

agre sindhūnāṃ pavamāno arṣatyagre vāco agriyo goṣu gacchasi //

agre vājasya bhajase mahaddhanaṃ svāyudhaḥ sotṛbhiḥ soma sūyase //

asṛkṣata pra vājino gavyā somāso aśvayā/ śukrāso vīrayāśavaḥ //

śumbhamānā ṛtāyubhirmṛjyamānā gabhastyoḥ/ pavante vāre avyaye //

te viśvā dāśuṣe vasu somā divyāni pārthivā/ pavantāmāntarikṣyā //

pavasva devavīrati pavitraṃ soma raṃhyā/ indramindo vṛṣā viśa //

ā vacyasva mahi psaro vṛṣendo dyumnavattamaḥ/ ā yoniṃ dharṇasiḥ sadaḥ /
adhukṣata priyaṃ madhu dhārā sutasya vedhasaḥ/ apo vasiṣṭa sukratuḥ //

mahāntaṃ tvā mahīranvāpo arṣanti sindhavaḥ/ yadgobhirvāsayiṣyase / 1040 //

samudro apsu māmṛje viṣṭambho dharuṇo divaḥ/ somaḥ pavitre asmayuḥ //

acikradadvṛṣā harirmahānmitro na darśataḥ/ saṃ sūryeṇa didyute //

girasta inda ojasā marmṛjyante apasyuvaḥ/ yābhirmadāya śumbhase //

taṃ tvā madāya ghṛṣvaya u lokakṛtnumīmahe/ tava praśastaye mahe //

goṣā indo nṛṣā asyaśvasā vājasā uta/ ātmā yajñasya pūrvyaḥ //

asmabhyamindavindriyaṃ madhoḥ pavasva dhārayā/ parjanyo vṛṣṭimāṃiva //

sanā ca soma jeṣi ca pavamāna mahi śravaḥ/ athā no vasyasaskṛdhi //

sanā jyotiḥ sanā svā'viśvā ca soma saubhagā/ athā no vasyasaskṛdhi //

sanā dakṣamuta kratumapa soma mṛdho jahi/ athā no vasyasaskṛdhi //

pavītāraḥ punītana somamindrāya pātave/ athā no vasyasaskṛdhi / 1050 //

tvaṃsūrye na ā bhaja tava kratvā tavotibhiḥ/ athā no vasyasaskṛdhi //

tava kratvā tavotibhirjyokpaśyema sūryam/ athā no vasyasaskṛdhi //

abhyarṣa svāyudha soma dvibarhasaṃrayim/ athā no vasyasaskṛdhi //

abhya3rṣānapacyuto vājintsamatsu sāsahiḥ/ athā no vasyasaskṛdhi //

tvāṃ yajñairavīvṛdhanpavamāna vidharmaṇi/ athā no vasyasaskṛdhi //

rayiṃ naścitramaśvinamindo viśvāyumā bhara/ athā no vasyasaskṛdhi //

taratsa mandī dhāvati dhārā sutasyāndhasaḥ/ taratsa mandī dhāvati //

usrā veda vasūnāṃ marttasya devyavasaḥ/ taratsa mandī dhāvati //

dhvasrayoḥ puruṣantyorā sahasrāṇi dadmahe/ taratsa mandī dhāvati //

ā yayostriṃśataṃ tanā sahasrāṇi ca dadmahe/ taratsa mandī dhāvati / / 1060 //

ete somā asṛkṣata gṛṇānāḥ śavase mahe/ madintamasya dhārayā //

abhi gavyāni vītaye nṛmṇā punāno arṣasi/ sanadvājaḥ pari srava //

uta no gomatīriṣo viśvā arṣa pariṣṭubhaḥ/ gṛṇāno jamadagninā //

imaṃ stomamarhate jātavedase rathamiva saṃ mahemā manīṣayā/ bhadrā hi naḥ pramatirasya saṃsadyagne sakhye mā riṣāmā vayaṃ tava //

bharāmedhmaṃ kṛṇavāmā havīṃṣi te citayantaḥ parvaṇāparvaṇā vayam/ jīvātave pratarāṃ sādhayā dhiyo'gne sakhye mā riṣāmā vayaṃ tava //

śakema tvā samidhaṃ sādhayā dhiyastve devā haviradantyāhutam/ tvamādityāṃ ā vaha tānhyū'.śmasyagne sakhye mā riṣāmāvayaṃ tava //

prati vāṃsūra udite mitraṃ gṛṇīṣe varuṇam/ aryamaṇaṃ riśādasam //

rāyā hiraṇyayā matiriyamavṛkāya śavase/ iyaṃ viprā medhasātaye //

te syāma deva varuṇa te mitra sūribhiḥ saha/ iṣaṃsvaśca dhīmahi //

bhindhi viśvā apa dviṣaḥ pari bādho jahī mṛdhaḥ/ vasu spārhaṃ tadā bhara / 1070 //

yasya te viśvamānuṣagbhūrerdattasya vedati/ vasu spārhaṃ tadā bhara //

yadvīḍāvindra yatsthire yatparśāne parābhṛtam/ vasu spārhaṃ tadā bhara //

yajñasya hi stha ṛtvijā sasnī vājeṣu karmasu/ indrāgnī tasya bodhatam //

tośāsā rathayāvānā vṛtrahaṇāparājitā/ indrāgnī tasya bodhatam //

idaṃ vāṃ madiraṃ madhvadhukṣannadribhirnaraḥ/ indrāgnī tasya bodhatam //

indrāyendo marutvate pavasva madhumattamaḥ/ arkasya yonimāsadam //

taṃ tvā viprā vacovidaḥ pariṣkṛṇvanti dharṇasim/ saṃ tvā mṛjantyāyavaḥ //

rasaṃ te mitro aryamā pibantu varuṇaḥ kave/ pavamānasya marutaḥ //

mṛjyamānaḥ suhastya samudre vācaminvasi/ rayiṃ piśaṅgaṃ bahulaṃ puruspṛhaṃ pavamānābhyarṣasi //

punāno vāre pavamāno avyaye vṛṣo acikradadvane/ devānāṃsoma pavamāna niṣkṛtaṃ gobhirañjāno arṣasi / / 1080 //

etamu tyaṃ daśa kṣipo mṛjanti sindhumātaram/ samādityebhirakhyata //

samindreṇota vāyunā suta eti pavitra ā/ saṃ sūryasya raśmibhiḥ //

sa no bhagāya vāyave pūṣṇe pavasva madhumān/ cārurmitre varuṇe ca //

revatīrnaḥ sadhamāda indre santu tuvivājāḥ/ kṣumanto yābhirmadema //

ā gha tvāvān tmanā yuktaḥ stotṛbhyo dhṛṣṇavīyānaḥ/ ṛṇoukṣaṃ na cakrayoḥ //

ā yadduvaḥ śatakratavā kāmaṃ jaritṛृ़ṇām/ ṛṇoukṣaṃ na śacībhiḥ //

surūpakṛtnumūtaye sudughāmiva goduhe/ juhūmasi dyavidyavi //

upa naḥ savanā gahi somasya somapāḥ piba/ godā idrevato madaḥ //

athā te antamānāṃ vidyāma sumatīnām/ mā no ati khya ā gahi //

ubhe yadindra rodasī āpaprāthoṣā iva/ mahāntaṃ tvā mahīnāṃ samrājaṃ carṣaṇīnām/ devī janitryajījanadbhadrā janitryajījanat / 1090 //

dīrghaṃ hyaṅkuśaṃ yathā śaktiṃ bibharṣi mantumaḥ/ pūrveṇa maghavanpadā vayāmajo yathā yamaḥ/ devī janitryajījanadbhadrā janitryajījanat //

ava sma durhṛṇāyato marttasya tanuhi sthiram/ adhaspadaṃ tamīṃ kṛdhi yo asmāṃ abhidāsati/ devī janitryajījanadbhadrā janitryajījanat //

pari svāno giriṣṭhāḥ pavitre somo akṣarat/ madeṣu sarvadhā asi //

tvaṃ viprastvaṃ kaviumadhu pra jātamandhasaḥ/ madeṣu sarvadhā asi //

tve viśve sajoṣaso devāsaḥ pītimāśata/ madeṣu sarvadhā asi //

sa sunve yo vasūnāṃ yo rāyāmānetā ya iḍānām/ somo yaḥ sukṣitīnām //

yasya ta indraḥ pibādyasya maruto yasya vāryamaṇā bhagaḥ/ ā yena mitrāvaruṇā karāmaha endramavase mahe //

taṃ vaḥ sakhāyo madāya punānamabhi gāyata/ śiśuṃ na havyaiḥ svadayanta gūrtibhiḥ //

saṃ vatsa iva mātṛbhirindurhinvāno ajyate/ devāvīrmado matibhiḥ pariṣkṛtaḥ //

ayaṃ dakṣāya sādhano'yamadeṣu sarvadhā asi śardhāya vītaye/ ayaṃ devebhyo madhumattaraḥ sutaḥ / / 1100 //

somāḥ pavanta indavo'smabhyaṃ gātuvittamāḥ/ mitrāḥ svānā arepasaḥ svādhyaḥ svarvidaḥ //

te pūtāso vipaścitaḥ somāso dadhyāśiraḥ/ sūrāso na darśatāso jigatnavo dhruvā ghṛte //

suṣvāṇāso vyadribhiścitānā goradhi tvaci/ iṣamasmabhyamabhitaḥ samasvaranvasuvidaḥ //

ayā pavā pavasvainā vasūni māṃścatva indo sarasi pra dhanva/ braghnaścidyasya vāto na jūtiṃ purumedhāścittakave naraṃ dhāt //

uta na enā pavayā pavasvādhi śrute śravāyyasya tīrthe/ ṣaṣṭiṃ sahasrā naiguto vasūni vṛkṣaṃ na pakvaṃ dhūnavadraṇāya //

mahīme asya vṛṣa nāma śūṣe māṃścatve vā pṛśane vā vadhatre/ asvāpayannigutaḥ snehayaccāpāmitrāṃ apācito acetaḥ //

agne tvaṃ no antama uta trātā śivo bhuvo varūthyaḥ //

vasuragnirvasuśravā acchā nakṣi dyumattamo rayiṃ dāḥ //

taṃ tvā śociṣṭha dīdivaḥ sumnāya nūnamīmahe sakhibhyaḥ //

imā nu kaṃ bhuvanā sīṣadhemendraśca viśve ca devāḥ / 1110 //

yajñaṃ ca nastanvaṃ ca prajāṃ cādityairindraḥ saha sīṣadhātu //

ādityaiuindraḥ sagaṇo marudbhirasmabhyaṃ bheṣajā karat //

pravo'rcopa (pra va indrāya vṛtrahantamāya viprāya gāthaṃ gāyata yaṃ jujoṣate //) //

pravo'rcopa (arcantyarkaṃ marutaḥ svarkā ā stobhati śruto yuvā sa indraḥ //) //

pravo'rcopa (upa prakṣe madhumati kṣiyantaḥ puṣyema rayiṃ dhīmahe ta indra //) //

pra kāvyamuśaneva bruvāṇo devo devānāṃ janimā vivakti/ mahivrataḥ śucibandhuḥ pāvakaḥ padā varāho abhyeti rebhan //

pra haṃsāsastṛpalā vagnumacchāmādastaṃ vṛṣagaṇā ayāsuḥ / āṅgoṣiṇaṃ pavamānaṃ sakhāyo durmarṣaṃ vāṇaṃ pra vadanti sākam //

sayojata urugāyasya jūtiṃ vṛthā krīḍantaṃ mimate na gāvaḥ/ parīṇasaṃ kṛṇute tigmaśṛṅgo divā harirdadṛśe naktamṛjraḥ //

pra svānāso rathā ivārvanto na śravasyavaḥ/ somāso rāye akramuḥ //

hinvānāso rathā iva dadhanvire gabhastyoḥ/ bharāsaḥ kāriṇāmiva / 1120 //

rājāno na praśastibhiḥ somāso gobhirañjate/ yajñou na sapta dhātṛbhiḥ //

pari svānāsa indavo madāya barhaṇā girā/ madho arṣanti dhārayā //

āpānāso vivasvato jinvanta uṣaso bhagam/ sūrā aṇvaṃ vi tanvate //

apa dvārā matīnāṃ pratnā ṛṇvanti kāravaḥ/ vṛṣṇo harasa āyavaḥ //

samīcīnāsa āśata hotāraḥ saptajānayaḥ/ padamekasya piprataḥ //

nābhā nābhiṃ na ā dade cakṣuṣā sūryaṃ dṛśe/ kaverapatyamā duhe //

abhi priyaṃ divaspadamadhvaryubhirguhā hitam/ sūraḥ paśyati cakṣasā //

asṛgramindavaḥ pathā dharmannṛtasya suśriyaḥ/ vidānā asya yojanā //

pra dhārā madho agriyo mahīrapo vi gāhate/ havirhaviḥṣu vandyaḥ //

pra yujā vāco agriyo vṛṣo acikradadvane/ sadmābhi satyo adhvaraḥ / 1130 //

pari yatkāvyā kavirnṛmṇā punāno arṣati/ svarvājī siṣāsati //

pavamāno abhi spṛdho viśo rājeva sīdati/ yadīmṛṇvanti vedhasaḥ //

avyā vāre pari priyo harirvaneṣu sīdati/ rebho vanuṣyate matī //

sa vāyumindramaśvinā sākaṃ madena gacchati/ raṇā yo asya dharmaṇā //

ā mitre varuṇe bhage madhoḥ pavanta urmayaḥ/ vidānā asya śakmabhiḥ //

asmabhyaṃ rodasī rayiṃ madhvo vājasya sātaye/ śravo vasūni sañjitam //

ā te dakṣaṃ mayobhuvaṃ vahnimadyā vṛṇīmahe/ pāntamā puruspṛham //

ā mandramā vareṇyamā vipramā manīṣiṇam/ pāntamā puruspṛham //

ā rayimā sucetunamā sukrato tanūṣvā/ pāntamā puruspṛham //

mūrdhānaṃ divo aratiṃ pṛthivyā vaiśvānaramṛta ā jātamagnim/ kaviṃ samrājamatithiṃ janānāmāsannaḥ pātraṃ janayanta devāḥ / 1140 //

tvāṃ viśve amṛtaṃ jāyamānaṃ śiśuṃ na devā abhi saṃ navante/ tava kratubhiramṛtatvamāyan vaiśvānara yatpitroradīde //

nābhiṃ yajñānāṃ sadanaṃ rayīṇāṃ mahāmāhāvamabhi saṃ navanta/ vaiśvānaraṃ rathyamadhvarāṇāṃ yajñasya ketuṃ janayanta devāḥ //

pra vo mitrāya gāyata varuṇāya vipā girā/ mahikṣatrāvṛtaṃ bṛhat //

samrājā yā ghṛtayonī mitraścobhā varuṇaśca/ devā deveṣu praśastā //

tā naḥ śaktaṃ pārthivasya maho rāyo divyasya/ mahi vāṃ kṣatraṃ deveṣu //

indrā yāhi citrabhāno sutā ime tvāyavaḥ/ aṇvībhistanā pūtāsaḥ //

indrā yāhi dhiyeṣito viprajūtaḥ sutāvataḥ/ upa brahmāṇi vāghataḥ //

indrā yāhi tūtujāna upa brahmāṇi harivaḥ/ sute dadhiṣva naścanaḥ //

tamīḍiṣva yo arciṣā vanā viśvā pariṣvajat/ kṛṣṇā kṛṇoti jihvayā //

ya iddha āvivāsati sumnamindrasya martyaḥ/ dyumnāya sutarā apaḥ / 1150 //

tā no vājavatīriṣa āśūn pipṛtamarvataḥ/ endramagniṃ ca voḍhave //

pro ayāsīdindurindrasya niṣkṛta sakhā sakhyurna pra mināti saṅgiram/ marya iva yuvatibhiḥ samarṣati somaḥ kalaśe śatayāmanā pathā //

pra vo dhiyo mandrayuvo vipanyuvaḥ panasyuvaḥ saṃvaraṇeṣvakramuḥ/ hariṃ krīḍantamabhyanūṣata stubho'bhi dhenavaḥ payasedaśiśrayuḥ //

ā naḥ soma saṃyataṃ pipyuṣīmiṣamindo pavasva pavamāna ūrmiṇā/ yā no dohate triuhannasaścuṣī kṣumadvājavanmadhumatsuvīryam //

na kiṣṭaṃ karmaṇā naśadyaścakāra sadāvṛdham/ indraṃ na yajñairviśvagūrttamṛbhvasamadhṛṣṭaṃ dhṛṣṇumojasā //

aṣāḍhamugraṃ pṛtanāsu sāsahiṃ yasminmahīrurujrayaḥ/ saṃ dhenavo jāyamāne anonavurdyā.?.vaḥ kṣāmīranonavuḥ //

sakhāya ā ni ṣīdata punānāya pragāyata/ śiśuṃ na yajñaiḥ pari bhūṣata śriye //

samī vatsaṃ na mātṛbhiḥ sṛjatā gayasādhanam/ devāvyaka'.madamabhi dviśavasam //

punātā dakṣasādhanaṃ yathā śardhāya vītaye/ yathā mitrāya varuṇāya śantamam //

pra vājyakṣāḥ sahasradhārastiraḥ pavitraṃ vi vāramavyam / 1160 //

sa vājyakṣāḥ sahasraretā adbhirmṛjāno gobhiḥ śrīṇānaḥ //

pra soma yāhīndrasya kukṣā nṛbhiryemāno adribhiḥ sutaḥ //

ye somāsaḥ parāvati ye arvāvati sunvire/ ye vādaḥ śaryaṇāvati //

ya ārjīkeṣu kṛtvasu ye madhye pastyānām/ ye vā janeṣu pañcasu //

te no vṛṣṭiṃ divaspari pavantāmā suvīryam/ svānā devāsa indavaḥ //

ā te vatso mano yamatparamāccitsadhasthāt/ agne tvāṃ kāmaye girā //

purutrā hi sadṛṅṅasi diśo viśvā anu prabhuḥ/ samatsu tvā havāmahe //

samatsvagnimavase vājayanto havāmahe/ vājeṣu citrarādhasam //

tvaṃ na indrā bhara ojo nṛmṇaṃ śatakrato vicarṣaṇe/ ā vīraṃ pṛtanāsaham //

tva hi naḥ pitā vaso tvaṃ mātā śatakrato babhūvitha/ athā te sumnamīmahe / 1170 //

tvāṃ śuṣminpuruhūta vājayantamupa bruve sahaskṛta/ sa no rāsva suvīryam //

yadindra citra ma iha nāsti tvādātamadrivaḥ/ rādhastanno vidadvasa ubhayāhastyā bhara //

yanmanyase vareṇyamindra dyukṣaṃ tadā bhara/ vidyāma tasya te vayamakūpārasya dāvanaḥ //

yatte dikṣu prarādhyaṃ mano asti śrutaṃ bṛhat/ tena dṛḍhā cidadriva ā vājaṃ darṣi sātaye //

śiśuṃ jajñānaṃ haryataṃ mṛjanti śumbhanti vipraṃ maruto gaṇena/ kavirgīrbhiḥ kāvyenā kaviḥ santsomaḥ pavitramatyeti rebhan //

ṛṣimanā ya ṛṣikṛtsvarṣāḥ sahasranīthaḥ padavīḥ kavīnām/ tṛtīyaṃ dhāma mahiṣaḥ siṣāsantsomo virājamanu rājati ṣṭup //

camūṣacchyenaḥ śakuno vibhṛtvā govindurdrapsa āyudhāni bibhrat/ apāmūrmiṃ sacamānaḥ samudraṃ turīyaṃ dhāma mahiṣo vivakti //

ete somā abhi priyamindrasya kāmamakṣaran/ vardhanto asya vīkayam //

punānāsaścamūṣado gacchanto vāyumaśvinā/ te no dhatta suvīryam //

indrasya soma rādhase punāno hārdi codaya/ devānāṃ yonimāsadam / 1180 //

mṛjanti tvā daśa kṣipo hinvanti sapta dhītayaḥ/ anu viprā amādiṣuḥ //

devebhyastvā madāya kaṃ sṛjānamati meṣyaḥ/ saṃ gobhirvāsayāmasi //

punānaḥ kalaśeṣvā vastrāṇyaruṣo hariḥ/ pari gavyānyavyata //

maghona ā pavasva no jahi viśvā apa dviṣaḥ/ indo sakhāyamā viśa //

nṛcakṣasaṃ tvā vayamindrapītaṃ svarvidam/ bhakṣīmahi prajāmiṣam //

vṛṣṭiṃ divaḥ pari srava dyumnaṃ pṛthivyā adhi/ saho naḥ soma pṛtsu dhāḥ //

somaḥ punāno arṣati sahasradhāro atyaviḥ/ vāyorindrasya niṣkṛtam //

pavamānamavasyavo vipramabhi pra gāyata/ suṣvāṇaṃ devavītaye //

pavante vājasātaye somāḥ sahasrapājasaḥ/ gṛṇānā devavītaye //

uta no vājasātaye pavasva bṛhatīriṣaḥ/ dyumadindo suvīryam / 1190 //

atyā hiyānā na hetṛbhirasṛgraṃ vājasātaye/ vi vāramavyamāśavaḥ //

te naḥ sahasriṇaṃ rayiṃ pavantāmā suvīryam/ svānā devāsa indavaḥ //

vāśrā arṣantīndavo'bhi vatsaṃ na mātaraḥ/ dadhanvire gabhastyoḥ //

juṣṭa indrāya matsaraḥ pavamānaḥ kanikradat/ viśvā apa dviṣo jahi //

apaghnanto arāvṇaḥ pavamānāḥ svardṛśaḥ/ yonāvṛtasya sīdata / /dū) //

somā asṛgramindavaḥ sutā ṛtasya dhārayā/ indrāya madhumattamāḥ //

abhi viprā anūṣata gāvo vatsaṃ na dhenavaḥ/ indraṃ somasya pītaye //

madacyutkṣeti sādane sindhorūrmā vipaścit/ somo gaurī adhi śritaḥ //

divo nābhā vicakṣaṇo'vyā vāre mahīyate/ somo yaḥ sukratuḥ kaviḥ //

yaḥ somaḥ kalaśeṣvā antaḥ pavitra āhitaḥ/ taminduḥ pari ṣasvaje / 1200 //

pra vācaminduriṣyati samudrasyādhi viṣṭapi/ jinvankośaṃ madhuścutam //

nityastotro vanaspatirdhenāmantaḥ sabardughām/ hinvāno mānuṣā yujā //

ā pavamāna dhāraya rayiṃ sahasravarcasam/ asme indo svābhuvam //

abhi priyā divaḥ kaviuvipraḥ sa dhārayā sutaḥ/ somo hinve parāvati //

utte śuṣmāsa īrate sindhorūrmeriva svanaḥ/ vāṇasya codayā pavim //

prasave ta udīrate tisro vāco makhasyuvaḥ/ yadavya eṣi sānavi //

avyā vāraiḥ pari priyaṃ hariṃ hinvantyadribhiḥ/ pavamānaṃ madhuścutam //

ā pavasva madintama pavitraṃ dhārayā kave/ arkasya yonimāsadam //

sa pavasva madintama gobhirañjāno aktubhiḥ/ endrasya jaṭharaṃ viśa //

ayā vītī pari srava yasta indo madeṣvā/ avāhannavatīrnava / 1210 //

puraḥ sadya itthādhiye divodāsāya śaṃbaram/ adha tyaṃ turvaśaṃ yadum //

pari no aśvamaśvavidgomadindo hiraṇyavat/ kṣarā sahasriṇīriṣaḥ //

apaghnanpavate mṛdho'pa somo arāvṇaḥ/ gacchannindrasya niṣkṛtam //

maho no rāya ā bhara pavamāna jahī mṛdhaḥ/ rāsvendo vīravadyaśaḥ //

na tvā śataṃ ca na hruto rādho ditsantamā minan/ yatpunāno makhasyase //

ayā pavasva dhārayā yayā sūryamarocayaḥ/ hinvāno mānuṣīrapaḥ //

ayukta sūra etaśaṃ pavamāno manāvadhi/ antarikṣeṇa yātave //

uta tyā harito rathe sūro ayukta yātave/ indurindra iti bruvan //

agniṃ vo devamagnibhiḥ sajoṣā yajiṣṭhaṃ dūtamadhvare kṛṇudhvam/ yo martyeṣu nidhruvirṛtāvā tapurmūrdhā ghṛtānnaḥ pāvakaḥ //

prothadaśvo na yavase'viṣyanyadā mahaḥ saṃvaraṇādvyasthāt/ ādasya vāto anu vāti śociradha sma te vrajanaṃ kṛṣṇamasti / 1220 //

udyasya te navajātasya vṛṣṇo'gne carantyajarā idhānāḥ/ acchā dyāmaruṣo dhūma eṣi saṃ dūto agna īyase hi devān //

tamindraṃ vājayāmasi mahe vṛtrāya hantave/ sa vṛṣā vṛṣabho bhuvat //

indraḥ sa dāmane kṛta ojiṣṭhaḥ sa bale hitaḥ/ dyumnī ślokī sa somyaḥ //

girāu vajro na sambhṛtaḥ sabalo anapacyutaḥ/ vavakṣa ugro astṛtaḥ //

adhvaryo adribhiḥ sutaṃ somaṃ pavitra ā naya/ punāhīndrāya pātave //

tava tya indo andhaso devā madhokavyāśata/ pavamānasya marutaḥ //

divaḥ pīyūṣamuttama somamindrāya vajriṇe/ sunotā madhumattamam //

dharttā divaḥ pavate kṛtvyo raso dakṣo devānāmanumādyo nṛbhiḥ/ hariḥ sṛjāno atyo na satvabhirvṛthā pājāṃsi kṛṇuṣe nadīṣvā //

śūro na dhatta ā??yu??dhā gabhastyoḥ sva'ðauḥ(svāḥ) siṣāsanrathiro gaviṣṭiṣu/ indra??sya śuṣmamīra??ya??nnapa??syubhirindurhinvāno ajyate manīṣibhiḥ //

indrasya soma pavamāna ūrmiṇā taviṣyamāṇo jaṭhareṣvā viśa/ pra naḥ pinva vidyudabhreva rodasī dhiyā no vājāṃ upa māhi śaśvataḥ / / 1230 //

yadindra prāgapāgudaṅnyagvā hūyase nṛbhiḥ/ simā purū nṛṣūto asyānave'sriṃ praśardha turvaśe //

yadvā rume ruśame śyāvake kṛpa indra mādayase sacā/ kaṇvāsastvā stomebhirbrahmavāhasa indrā yacchantyā gahi //

ubhayaṃ śṛṇavacca na indro arvāgidaṃ vacaḥ/ satrācyā maghavāntsomapītaye dhiyā śaviṣṭha ā gamat //

taṃ hi svarājaṃ vṛṣabhaṃ tamojasā dhiṣaṇe niṣṭatakṣatuḥ/ utopamānāṃ prathamo ni ṣīdasi somakāmaṃ hi te manaḥ //

pavasva deva āyuṣagindraṃ gacchatu te madaḥ/ vāyumā roha dharmaṇā //

pavamāna ni tośase rayiṃ soma śravāyyam/ indo samudramā viśa //

apaghnanpavase mṛdhaḥ (kratuvitsoma matsaraḥ/ nudasvādevayuṃ janam //)* //

abhī no vājasātamam (rayimarṣa śataspṛham/ indo sahasrabharṇasaṃ tuvidyumnaṃ vibhāsaham //)* //

vayaṃ te asya rādhaso vasorvaso puruspṛhaḥ/ ni nediṣṭhatamā iṣaḥ syāma sumne te adhrigo //

pari sya svāno akṣaradinduravye madacyutaḥ/ dhārā ya ūrdhvo adhvare bhrājā na yāti gavyayuḥ / /1240 //

pavasva soma mahāntsamudraḥ pitā devānāṃ viśvābhi dhāma //

śukraḥ pavasva devebhyaḥ soma dive pṛthivyai śaṃ ca prajābhyaḥ //

divo dharttāsi śukraḥ pīyūṣaḥ satye vidharmanvājī pavasva //

preṣṭhaṃ vo atirthiṃ stuṣe mitramiva priyam/ agne rathaṃ na vedyam //

kavimiva praśaṃsyaṃ yaṃ devāsa iti dvitā/ ni martyeṣvādadhuḥ //

tvaṃ yaviṣṭha dāśuṣo nṝṃ pāhi śṛṇuhī giraḥ/ rakṣā tokamuta tmanā / /8 (yī) //

endra no gadhi priya satrājidagohya/ giriuna viśvataḥ pṛthuḥ patirdivaḥ //

abhi hi satya somapā ubhe babhūtha rodasī/ indrāsi sunvato vṛdhaḥ patirdivaḥ //

tvaṃ hi śaśvatīnāmindra dharttā purāmasi/ hantā dasyormanorvṛdhaḥ patirdivaḥ //

purāṃ bhinduryuvā kaviramitaujā ajāyata/ indro viśvasya karmaṇo dharttā vajrī puruṣṭutaḥ / 1250 //

tvaṃ valasya gomato'pāvaradrivo bilam/ tvāṃ devā abibhyuṣastujyamānāsa āviṣuḥ //

indramīśānamojasābhi stomairanūṣata/ sahasraṃ yasya rātaya uta vā santi bhūyasīḥ //

akrāntsamudraḥ prathame vidharman janayanprajā bhuvanasya gopāḥ/ vṛṣā pavitre adhi sāno avye bṛhatsomo vāvṛdhe svāno adriḥ //

matsi vāyumiṣṭaye rādhase no matsi mitrāvaruṇā pūyamānaḥ/ matsi śardho mārutaṃ matsi devānmatsi dyāvāpṛthivī deva soma //

mahattatsomo mahiṣaścakārāpāṃ yadgarbho'vṛṇīta devān/ adadhādindre pavamāna ojo'janayatsūrye jyotirinduḥ //

eṣa devo amartyaḥ parṇavīriva dīyate/ abhi droṇānyāsadam //

eṣa viprairabhiṣṭuto'po devo vi gāhate/ dadhadratnāni dāśuṣe //

eṣa viśvāni vāryā śūro yanniva satvabhiḥ/ pavamānaḥ siṣāsati //

eṣa devo ratharyati pavamāno diśasyati/ āviṣkṛṇoti vagvanum //

eṣa devo vipanyubhiḥ pavamāna ṛtāyubhiḥ/ harirvājāya mṛjyate / 1260 //

eṣa devo vipā kṛto'ti hvarāṃsi dhāvati/ pavamāno adābhyaḥ //

eṣa divaṃ vi dhāvati tiro rajāṃsi dhārayā/ pavamānaḥ kanikradat //

eṣa divaṃ vyāsarattiro rajāṃsyastṛtaḥ/ pavamānaḥ svadhvaraḥ //

eṣa pratnena janmanā devo devebhyaḥ sutaḥ/ hariḥ pavitre arṣati //

eṣa u sya puruvrato jajñāno janayanniṣaḥ/ dhārayā pavate sutaḥ //

eṣa dhiyā yātyaṇvyā śūro rathebhirāśubhiḥ/ gacchannindrasya niṣkṛtam //

eṣa purū dhiyāyate bṛhate devatātaye/ yatrāmṛtāsa āśata //

etaṃ mṛjanti marjyamupa droṇeṣvāyavaḥ/ pracakrāṇaṃ mahīriṣaḥ //

eṣa hito vi nīyate'ntaḥ śundhyāvatā pathā/ yadī tuñjanti bhūrṇayaḥ //

eṣa rukmibhirīyate vājī śubhrebhiraṃśubhiḥ/ patiḥ sindhūnāṃ bhavan / 1270 //

eṣa śṛṅgāṇi dodhuvacchiśīte yūthyoka'. vṛṣā/ nṛmṇā dadhāna ojasā //

eṣa vasūni pibdanaḥ paruṣā yayivāṃ ati/ ava śādeṣu gacchati //

etamu tyaṃ daśa kṣipo hariṃ hinvanti yātave/ svāyudhaṃ madintamam //

eṣa u sya vṛṣā ratho'vyā vārebhiravyata/ gacchanvājaṃ sahasriṇam //

etaṃ tritasya yoṣaṇo hariṃ hinvantyadribhiḥ/ indumindrāya pītaye //

eṣa sya mānuṣīṣvā śyeno na vikṣu sīdati/ gacchaṃ jāro na yoṣitam //

eṣa sya madyo raso'va caṣṭe divaḥ śiśuḥ/ ya indurvāramāviśat //

eṣa sya pītaye suto harirarṣati dharṇasiḥ/ krandanyonimabhi priyam //

etaṃ tyaṃ harito daśa marmṛjyante apasyuvaḥ/ yābhirmadāya śumbhate //

eṣa vājī hito nṛbhirviśvavinmanasaspatiḥ/ avyaṃ vāraṃ vi dhāvati / 1280 //

eṣa pavitre akṣaratsomo devebhyaḥ sutaḥ/ viśvā dhāmānyāviśan //

eṣa devaḥ śubhāyate'dhi yonāvamartyaḥ/ vṛtrahā devavītamaḥ //

eṣa vṛṣā kanikradaddaśabhirjāmibhiryataḥ/ abhi droṇāni dhāvati //

eṣa sūryamarocayatpavamāno adhi dyavi/ pavitre matsaro madaḥ //

eṣa sūryeṇa hāsate savasāno vivasvatā/ patirvāco adābhyaḥ //

eṣa kavirabhiṣṭutaḥ pavitre adhi tośate/ punāno ghnannapa dviṣaḥ //

eṣa indrāya vāyave svarjitpari ṣicyate/ pavitre dakṣasādhanaḥ //

eṣa nṛbhirvi nīyate divo mūrdhā vṛṣā sutaḥ/ somo vaneṣu viśvavit //

eṣa gavyuracikradatpavamāno hiraṇyayuḥ/ induḥ satrājidastṛtaḥ //

eṣa śuṣmyasiṣyadadantarikṣe vṛṣā hariḥ/ punāna indurindramā / 1290 //

eṣa śuṣmyadābhyaḥ somaḥ punāno arṣati/ devāvīraghaśaṃsahā //

sa sutaḥ pītaye vṛṣā somaḥ pavitre arṣati/ vighnanrakṣāṃsi devayuḥ //

sa pavitre vicakṣaṇo harirarṣati dharṇasiḥ/ abhi yoniṃ kanikradat //

sa vājī rocanaṃ divaḥ pavamāno vi dhāvati/ rakṣohā vāramavyayam //

sa tritasyādhi sānavi pavamāno arocayat/ jāmibhiḥsūryaṃ saha //

sa vṛtrahā vṛṣā suto varivovidadābhyaḥ/ somo vājamivāsarat //

sa devaḥ kavineṣito'.bhi droṇāni dhāvati/ indurindrāya maṃhayan //

yaḥ pāvamānīradhyetyṛṣibhiḥ sambhṛtaṃrasam/ sarvaṃ sa pūtamaśnāti svaditaṃ mātariśvanā //

pāvamānīuyo adhyetyṛṣibhiḥ sambhṛtaṃrasam/ tasmai sarasvatī duhe kṣīraṃ sarpirmadhūdakam //

pāvamānīḥ svastyayanīḥ sudughā hi ghṛtaścutaḥ/ ṛṣibhiḥ sabhṛto raso brāhmaṇeṣvamṛtaṃ hitam / 1300 //

pāvamānīrdadhantu na imaṃ lokamatho amum/ kāmāntsamardhayantu no devīrdevaiḥ samāhṛtāḥ //

yena devāḥ pavitreṇātmānaṃ punate sadā/ tena sahasradhāreṇa pāvamānīḥ punantu naḥ //

pāvamānīḥ svastyayanīstābhirgacchati nāndanam/ puṇyāṃśca bhakṣānbhakṣayatyamṛtatvaṃ ca gacchati //

aganma mahā namasā yaviṣṭhaṃ yo dīdāya samiddhaḥ sve duroṇe/ citrabhānuṃ rodasī antarurvī svāhutaṃ viśvataḥ pratyañcam //

sa mahnā viśvā duritāni sāhvānagni ṣṭave dama ā jātavedāḥ/ sa no rakṣiṣadduritādavadyādasmāngṛṇata uta no maghonaḥ //

tvaṃ varuṇa uta mitro agne tvāṃ vardhanti matibhirvasiṣṭhāḥ/ tve vasu suṣaṇanāni santu yūyaṃ pāta svastibhiḥ sadā naḥ //

mahāṃ indro ya ojasā parjanyo vṛṣṭimāṃ iva/ stomairvatsasya vāvṛdhe //

kaṇvā indraṃ yadakrata stomairyajñasya sādhanam/ jāmi bruvata āyudhā //

prajāmṛtasya piprataḥ pra yadbharanta vahnayaḥ/ viprā ṛtasya vāhasā //

pavamānasya jighnato hareścandrā asṛkṣata/ jīrā ajiraśociṣaḥ / 1310 //

pavamāno rathītamaḥ śubhrebhiḥ śubhraśastamaḥ/ hariścandro marudgaṇaḥ //

pavamāna vyaśnuhi raśmibhirvājasātamaḥ/ dadhatstotre suvīryam //

parīto ṣiñcatā sutaṃsomo ya uttamaṃ haviḥ/ dadhanvāṃ yo naryo apsvā'.ntauā suṣāva somamadribhiḥ //

nūnaṃ punāno'vibhiḥ pari sravādabdhaḥ surabhintaraḥ/ sute citvāpsu madāmo andhasā śrīṇanto gobhiruttaram //

pari svānaścakṣase devamādanaḥ kraturindurvicakṣaṇaḥ //

asāvi somo aruṣo vṛṣā harī rājeva dasmo abhi gā acikradat/ punāno vāramatyeṣyavyayaṃśyeno na yoniṃ ghṛtavantamāsadat //

parjanyaḥ pitā mahiṣasya parṇino nābhā pṛthivyā giriṣu kṣayaṃ dadhe/ svasāra āpo abhi gā udāsarantsaṃ grāvabhirvasate vīte adhvare //

kavirvedhasyā paryeṣi māhinamatyo na mṛṣṭo abhi vājamarṣasi/ apasedhan duritā soma no mṛḍa ghṛtā vasānaḥ pari yāsi nirṇijam //

śrāyanta iva sūryaṃ viśvedindrasya bhakṣata/ vasūni jāto janimānyojasā prati bhāgaṃ na dīdhimaḥ //

alarṣirātiṃ vasudāmupa stuhi bhadrā indrasya rātayaḥ/ yo asya kāmaṃ vidhato na roṣati mano dānāya codayan / / 1320 //

yata indra bhayāmahe tato no abhayaṃ kṛdhi/ maghavan chagdhi tava tanna ūtaye vi dviṣo vi mṛdho jahi //

tva hi rādhasaspate rādhaso mahaḥ kṣayasyāsi vidhartā/ taṃ tvā vayaṃ maghavannindra girvaṇaḥ sutāvanto havāmahe //

tvaṃ somāsi dhārayurmandra ojiṣṭho adhvare/ pavasva maṃhayadrayiḥ //

tvaṃ suto madintamo dadhanvānmatsarintamaḥ/ induḥ satrājidastṛtaḥ //

tvaṃ suṣvāṇo adribhirabhyarṣa kanikradat/ dyumantaṃ śuṣmamā bhara / /6 (lī) //

pavasva devavītaya indo dhārābhirojasā/ ā kalaśaṃ madhumāntsoma naḥ sadaḥ //

tava drapsā udapruta indraṃ madāya vāvṛdhuḥ / tvāṃ devāso amṛtāya kaṃ papuḥ //

ā naḥ sutāsa indavaḥ punānā dhāvatā rayim/ vṛṣṭidyāvo rītyāpaḥ svarvidaḥ //

pari tyaṃharyataṃ hariṃ babhruṃ punanti vāreṇa/ yo devānviśvāṃ itpari madena saha gacchati //

dviuyaṃ pañca svayaśasaṃ sakhāyo adrisaṃhatam/ priyamindrasya kāmyaṃ prasnāpayanta ūrmayaḥ / 1330 //

indrāya soma pātave vṛtraghne pari ṣicyase/ nare ca dakṣiṇāvate vīrāya sadanāsade //

pavasva soma mahe dakṣāyāśvo na nikto vājī dhanāya //

pra te sotāro rasaṃ madāya punanti somaṃ mahe dyumnāya //

śiśuṃ jajñānaṃ hariṃ mṛjanti pavitre somaṃ devebhya indum //

upo ṣu jātamapturaṃ gobhirbhaṅgaṃ pariṣkṛtam/ induṃ devā ayāsiṣuḥ //

tamidvardhantu no giro vatsaṃsaṃśiśvarīriva/ ya indrasya hṛdaṃ saniḥ //

arṣā naḥ soma śaṃ gave dhukṣasva pipyuṣīmiṣam/ vardhā samudramukthya //

ā ghā ye agnimindhate stṛṇanti barhirānuṣak/ yeṣāmindro yuvā sakhā //

bṛhannididhma eṣāṃ bhūri śastraṃ pṛthuḥ svaruḥ/ yeṣāmindro yuvā sakhā //

ayuddha idyudhā vṛtaṃ śūra ājati satvabhiḥ/ yeṣāmindro yuvā sakhā / / 1340 //

ya eka idvidayate vasu marttāya dāśuṣe/ īśāno apratiṣkuta indro aṅga //

yaściddhi tvā bahubhya ā sutāvāṃāvivāsati/ ugraṃ tatpatyate śava indro aṅga //

kadā martamarādhasaṃ padā kṣumpamiva sphurat/ kadā naḥ śuśravadgira indro aṅga //

gāyanti tvā gāyatriṇo'rcantyarkamarkiṇaḥ/ brahmāṇastvā śatakrata udvaṃśamiva yemire //

yatsānoḥ sānvāruho bhūryaspaṣṭa kartvam/ tadindro arthaṃ cetati yūthena vṛṣṇirejati //

yuṅkṣvā hi keśinā harī vṛṣaṇā kakṣyaprā/ athā na indra somapā girāmupaśrutiṃ cara //

suṣamiddho na ā vaha devāṃ agne haviṣmate/ hotaḥ pāvaka yakṣi ca //

madhumantaṃ tanūnapādyajñaṃ deveṣu naḥ kave/ adyā kṛṇuhyūtaye //

narāśaṃsamiha priyamasminyajña upa hvaye/ madhujihvaṃ haviṣkṛtam //

agne sukhatame rathe davāṃ īḍita ā vaha/ asi hotā manurhitaḥ / / 1350 //

yadadya sūra udite'nāgā mitro aryamā/ suvāti savitā bhagaḥ //

suprāvīrastu sa kṣayaḥ pra nu yāmantsudānavaḥ/ ye no aṃho'tipiprati //

uta svarājo aditiradabdhasya vratasya ye/ maho rājāna īśate //

u tvā madantu somāḥ kṛṇuṣva rādho adrivaḥ/ ava brahmadviṣo jahi //

padā paṇīnarādhaso ni bādhasva mahāṃ asi/ na hi tvā kaśca na prati //

tvamīśiṣe sutānāmindra tvamasutānām/ tva rājā janānām //

ā jāgṛvirvipra ṛtāṃ matīnāṃ somaḥ punāno asadaccamūṣu/ sapanti yaṃ mithunāso nikāmā adhvaryavo rathirāsaḥ suhastāḥ //

sa punāna upa sūre dadhāna obhe aprā rodasī vī ṣa āvaḥ/ priyā cidyasya priyasāsa ūtī sato dhanaṃ kāriṇe na pra yaṃ sat //

sa vardhitā vardhanaḥ pūyamānaḥ somo mīḍhvāṃ abhi no jyotiṣāvit/ yatra naḥ pūrve pitaraḥ padajñāḥ svarvido abhi gā adrimiṣṇan //

mā cidanyadvi śaṃsata sakhāyo mā riṣaṇyata/ indramitstotā vṛṣaṇaṃ sacā sute muhurukthā ca śaṃsata / 1360 //

avakrakṣiṇaṃ vṛṣabhaṃ yathā juvaṃ gāṃ na carṣaṇīsaham/ vidveṣaṇaṃ saṃvananamubhayaṅkaraṃ maṃhiṣṭhamubhayāvinam //

udu tye madhumattamā giraḥ stomāsa īrate/ satrājito dhanasā akṣitotayo vājayanto rathā iva //

kaṇvā iva bhṛgavaḥ sūryā iva viśvamiddhītamāśata/ indraṃ stomebhirmahayanta āyavaḥ priyamedhāso asvaran //

paryū ṣu pra dhanva vājasātaye pari vṛtrāṇi sakṣaṇiḥ/ dviṣastaradhyā ṛṇayā na īrase //

ajījano hi pavamāna sūryaṃ vidhāre śakmanā payaḥ/ gojīrayā raṃhamāṇaḥ purandhyā //

anu hi tvā sutaṃ soma madāmasi (mahe samaryarājye)* //

pari pra dhanva (vājām̐ abhi pavamāna pra gāhase / pari pra dhanvendrāya soma svādurmitrāya pūṣṇe bhagāya //)* //

evāmṛtāya mahe kṣayāya sa śukro arṣa divyaḥ pīyūṣaḥ //

indraste soma sutasya peyātkratve dakṣāya viśve ca devāḥ //

sūryasyeva raśmayo drāvayitnavo matsarāsaḥ prasutaḥ sākamīrate/ tantuṃ tataṃ pari sargāsa āśavo nendrādṛte pavate dhāma kiṃ cana / 1370 //

upo matiḥ pṛcyate sicyate madhu mandrājanī codate antarāsani/ pavamānaḥ santaniḥ sunvatāmiva madhumān drapsaḥ pari vāramarṣati //

ukṣā mimeti prati yanti dhenavo devasya devīrupa yanti niṣkṛtam/ atyakramīdarjunaṃ vāramavyayamatkaṃ na niktaṃ pari somo avyata //

agniṃ naro dīdhitibhiraraṇyorhastacyutaṃ janayata praśastam/ dūredṛśaṃ gṛhapatimathavyum //

tamagnimaste vasavo nyṛṇvantsupraticakṣamavase kutaścit //

dakṣāyyo yo dama āsa nityaḥ //

preddho agne dīdihi puro no'jasrayā sūkamyā yaviṣṭha/ tvāṃ śaśvanta upa yanti vājāḥ //

āyaṃ gauḥ pṛśnirakramīdasadanmātaraṃ puraḥ/ pitaraṃ ca prayantsvaḥ //

antaścarati rocanāsya prāṇādapānatī/ vyakhyanmahiṣo divam //

triṃśaddhāma vi rājati vākpataṅgāya dhīyate/ prati vastoraha dyubhiḥ / /
upaprayanto adhvaraṃ mantraṃ vocemāgnaye/ āre asme ca śṛṇvate //

yaḥ snīhitīṣu pūrvyaḥ saṃjagmānāsu kṛṣṭiṣu/ arakṣaddāśuṣe gayam / 1380 //

sa no vedo amātyamagnī rakṣatu śantamaḥ/ utāsmānpātvaṃhasaḥ //

uta bruvantu jantava udagnirvṛtrahājani/ dhanañjayo raṇeraṇe //

agne yuṅkṣvā hi ye tavāśvāso deva sādhavaḥ/ araṃ vahantyāśavaḥ //

acchā no yāhyā vahābhi prayāṃsi vītaye/ ā devāntsomapītaye //

udagne bhārata dyumadajasreṇa davidyutat/ śocā vi bhāhyajara //

pra sunvānāyāndhaso marto na vaṣṭa tadvacaḥ/ apa śvānamarādhasaṃ hatā makhaṃ na bhṛgavaḥ //

ā jāmiratke avyata bhuje na putra oṇyoḥ/ sarajjāro na yoṣaṇāṃ varo na yonimāsadam //

sa vīro dakṣasādhano vi yastastambha rodasī/ hariḥ pavitre avyata vedhā na yonimāsadam //

abhrātṛvyo anā tvamanāpirindra januṣā sanādasi/ yudhedāpitvamicchase //

na kī revantaṃsakhyāya vindase pīyanti te surāśvaḥ/ yadā kṛṇoṣi nadanuṃsamūhasyāditpiteva hūyase / /1390 //

ā tvā sahasramā śataṃ yuktā rathe hiraṇyaye/ brahmayujo haraya indra keśino vahantu somapītaye //

ā tvā rathe hiraṇyaye harī mayūraśepyā/ śitipṛṣṭhā vahatāṃ madhvo andhaso vivakṣaṇasya pītaye //

pibā tva'.sya girvaṇaḥ sutasya pūrvapā iva/ pariṣkṛtasya rasina iyamāsutiścārurmadāya patyate //

ā sotā pari ṣiñcatāśvaṃ na stomamapturaṃrajasturam/ vanaprakṣamudaprutam //

sahasradhāraṃ vṛṣabhaṃ payoduhaṃ priyaṃ devāya janmane/ ṛtena ya ṛtajāto vivāvṛdhe rājā deva ṛtaṃ bṛhat //

agnirvṛtrāṇi jaṅghanaddraviṇasyurvipanyayā/ samiddhaḥ śukra āhutaḥ //

garbhe mātuḥ pituḥ pitā vididyutāno akṣare/ sīdannṛtasya yonimā //

brahma prajāvadā bhara jātavedo vicarṣaṇe/ agne yaddīdayaddivi //

asya preṣā hemanā pūyamāno devo devebhiḥ samapṛkta rasam/ sutaḥ pavitraṃ paryeti rebhanmiteva sadma paśumanti hotā //

bhadrā vastrā samanyā'. vasāno mahānkavirnivacanāni śaṃsan// ā vacyasva camvoḥ pūyamāno vicakṣaṇo jāgṛvirdevavītau / 1400 //

samu priyo mṛjyate sāno avye yaśastaro yaśasāṃ kṣaito asme/ abhi svara dhanvā pūyamāno yūyaṃ pāta svastibhiḥ sadā naḥ //

eto nvindraṃ stavāma śuddhaṃśuddhena sāmnā //

śuddhairukthairvāvṛdhvāṃsaṃśuddhaiśīrvānmamattu //

indra śuddho na ā gahi śuddhaḥ śuddhābhirūtibhiḥ/ śuddho rayiṃ vi dhāraya śuddho mamaddhi somya //

indra śuddho hi no rayiṃ śuddho ratnāni dāśuṣe/ śuddho vṛtrāṇi jighnase śuddho vāja siṣāsasi //

agne stomaṃ manāmahe sidhramadya divispṛśaḥ/ devasya draviṇasyavaḥ //

agnirjuṣata no giro hotā yo mānuṣeṣvā/ sa yakṣaddaivyaṃ janam //

tvamagne saprathā asi juṣṭo hotā vareṇyaḥ/ tvayā yajñaṃ vi tanvate //

abhi tripṛṣṭhaṃ vṛṣaṇaṃ vayodhāmāṅgoṣiṇamavāvaśaṃta vāṇīḥ/ vanā vasāno varuṇo na sindhūrvi ratnadhā dayate vāryāṇi /
śūragrāmaḥ sarvavīraḥ sahāvān jetā pavasva sanitā dhanāni/ tigmāyudhaḥ kṣipradhanvā samatsvaṣāḍhaḥ sāhvānpṛtanāsu śatrūn //

urugavyūtirabhayāni kṛṇvantsamīcīne ā pavasvā purandhī/ apaḥ siṣāsannuṣasaḥ sva'3rgāḥ saṃ cikrado maho asmabhyaṃ vājān / / 1410 //

tvamindra yaśā asyṛjīṣī śavasaspatiḥ/ tvaṃ vṛtrāṇi haṃ syapratīnyeka itpurvanuttaścarṣaṇīdhṛtiḥ //

tamu tvā nūnamasura pracetasaṃ rādho bhāgamivemahe/ mahīva kṛttiḥ śaraṇā ta indra pra te sumnā no aśnavan //

yajiṣṭhaṃ tvā vavṛmahe devaṃ devatrā hotāramamartyam/ asya yajñasya sukratum //

apāṃ napātaṃ subhagaṃsudīditimagnimu śreṣṭhaśociṣam/ sa no mitrasya varuṇasya so apāmā sumnaṃ yakṣate divi //

yamagne pṛtsu martyamavā vājeṣu yaṃ junāḥ/ sa yantā śaśvatīriṣaḥ //

na kirasya sahantya paryetā kayasya cit/ vājo asti śravāyyaḥ //

sa vājaṃ viśvacarṣaṇirarvadbhirastu tarutā/ viprebhirastu sanitā //

sākamukṣo marjayanta svasāro daśa dhīrasya dhītayo dhanutrīḥ/ hariḥ paryadravajjāḥ sūryasya droṇaṃ nanakṣe atyo na vājī //

saṃ mātṛbhirna śiśurvāvaśāno vṛṣā dadhanve puruvāro adbhiḥ/ maryo na yoṣāmabhi niṣkṛtaṃ yantsaṃ gacchate kalaśa usriyābhiḥ //

uta pra pipya ūdharaghnyāyā indurdhārābhiḥ sacate sumedhāḥ / mūrdhānaṃ gāvaḥ payasā camūṣvabhi śrīṇanti vasubhirna niktaiḥ / / 1420 //

pibā sutasya rasino matsvā na indra gomataḥ/ āpirno bodhi sadhamādye vṛdhe'. 'smāṃ avantu te dhiyaḥ //

bhūyāma te sumatau vājino vayaṃ mā na starabhimātaye/ asmāṃ citrābhiravatādabhiṣṭibhirā naḥ sumneṣu yāmaya //

trirasmai sapta dhenavo duduhrire satyāmāśiraṃ parame vyomani //

catvāryanyā bhuvanāni nirṇije cārūṇi cakre yadṛtairavardhata //

sa bhakṣamāṇo amṛtasya cāruṇa ubhe dyāvā kāvyenā vi śaśrathe/ tejiṣṭhā apo maṃhanā pari vyata yadī devasya śravasā sado viduḥ //

te asya santu ketavo'mṛtyavo'dābhyāso januṣī ubhe anu/ yebhirnṛmṇā ca devyā ca punata ādidrājānaṃ mananā agṛbhṇata //

abhi vāyuṃ vītyarṣā gṛṇāno'. 'bhi mitrāvaruṇā pūyamānaḥ/ abhī naraṃ dhījavanaṃ ratheṣṭhāmabhīndraṃ vṛṣaṇaṃ vajrabāhum //

abhi vastrā suvasanānyarṣābhi dhenūḥ sudughāḥ pūyamānaḥ/ abhi candrā bharttave no hiraṇyābhyaśvānrathino deva soma //

abhī no arṣa divyā vasūnyabhi viśvā pārthivā pūyamānaḥ/ abhi yena draviṇamaśnavāmābhyārṣeyaṃ jamadagnivannaḥ / /
yajjāyathā apūrvya maghavanvṛtrahatyāya/ tatpṛthivīmaprathayastadastabhnā uto divam //

tatte yajño ajāyata tadarka uta haskṛtiḥ / tadviśvamabhibhūrasi yajjātaṃ yacca jantvam / 1430 //

āmāsu pakvamairaya ā sūryaṃ rohayo divi/ gharmaṃ na sāmaṃ tapatā suvṛktibhirjuṣṭaṃ girvaṇase bṛhat //

matsyapāyi te mahaḥ pātrasyeva harivo matsaro madaḥ/ vṛṣā te vṛṣṇa indurvājī sahasrasātamaḥ //

ā naste gantu matsaro vṛṣā mado vareṇyaḥ/ sahāvāṃ indra sānasiḥ pṛtanāṣāḍamartyaḥ //

tvaṃ hi śūraḥ sanitā codayo manuṣā ratham/ sahāvāndasyumavratamoṣaḥ pātraṃ na śociṣā //

pavasva vṛṣṭimā su no'pāmūrmiṃ divaspari/ ayakṣmā bṛhatīriṣaḥ //

tayā pavasva dhārayā yayā gāva ihāgaman/ janyāsa upa no gṛham //

ghṛtaṃ pavasva dhārayā yajñeṣu devavītamaḥ/ asmabhyaṃ vṛṣṭimā pava //

sa na ūrje vyaka'.vyayaṃ pavitraṃ dhāva dhārayā/ devāsaḥ śṛṇavan hi kam //

pavamāno asiṣyadadrakṣāṃsyapajaṅghanat/ pratnavadrocayanrucaḥ //

pratyasmai pipīṣate viśvāni viduṣe bhara/ araṅgamāya jagmaye'paścādadhvane naraḥ / 1440 //

emenaṃ pratyetana somebhiḥ somapātamam/ amatrebhirṛjīṣiṇamindraṃ sutebhirindubhiḥ //

yadīsutebhirindubhiḥ somebhiḥ pratibhūṣatha/ vedā viśvasya medhiro dhṛṣattantamideṣate //

asmāasmā idandhaso'dhvaryo pra bharā sutam/ kuvitsamasya jenyasya śardhato'bhiśasteravasvarat //

babhrave nu svatavase'ruṇāya divispṛśe/ somāya gāthamarcata //

hastacyutebhiradribhiḥ sutaṃ somaṃ punītana/ madhāvā dhāvatā madhu //

namasedupa sīdata dadhnedabhi śrīṇītana/ indumindre dadhātana //

amitrahā vicarṣaṇiḥ pavasva soma śaṃ gave/ devebhyo anukāmakṛt //

indrāya soma pātave madāya pari ṣicyase/ manaścinmanasaspatiḥ //

pavamāna suvīryaṃ rayiṃ soma rirīhi naḥ/ indravindreṇa no yujā //

uddhedabhi śrutāmaghaṃ vṛṣabhaṃ naryāpasam/ astārameṣi sūrya / 1450 //

nava yo navatiṃ puro bibheda bāhvojasā/ ahiṃ ca vṛtrahāvadhīt //

sa na indraḥ śivaḥ sakhāśvāvadgomadyavamat/ urudhāreva dohate //

vibhrāḍ bṛhatpibatu somyaṃ madhvāyurdadhadyajñapatāvavihrutam/ vātajūto yo abhirakṣati tmanā prajāḥ piparti bahudhā vi rājati //

vibhrāḍ bṛhatsubhṛtaṃ vājasātamaṃ dharmaṃ divo dharuṇe satyamarpitam/ amitrahā vṛtrahā dasyuhantamaṃ jyotirjajñe asurahā sapatnahā //

idaṃśreṣṭhaṃ jyotiṣāṃ jyotiruttamaṃ viśvajiddhanajiducyate bṛhat/ viśvabhrāḍ bhrājo mahi sūryo dṛśa uru paprathe saha ojo acyutam //

indra kratuṃ na ā bhara pitā putrebhyo yathā/ śikṣā ṇo asminpuruhūta yāmani jīvā jyotiraśīmahi //

mā no ajñātā vṛjanā durādhyo'māśivāso'va kramuḥ/ tvayā vayaṃ pravataḥ śaśvatīrapo'ti śūra tarāmasi //

adyādyā śvaḥśva indra trāsva pare ca naḥ/ viśvā ca no jaritṛृ़ntsatpate ahā divā naktaṃ ca rakṣiṣaḥ //

prabhaṅgī śūro maghavā tuvīmaghaḥ sammiślo vīkayāya kam/ ubhā te bāhū vṛṣaṇā śatakrato ni yā vajraṃ mimikṣatuḥ //

janīyanto nvagravaḥ putrīyantaḥ sudānavaḥ/ sarasvantaṃhavāmahe / / 1460 //

uta naḥ priyā priyāsu saptasvasā sujuṣṭā/ sarasvatī stomyā bhūt //

tatsaviturvareṇyaṃ bhargo devasya dhīmahi/ dhiyo yo naḥ pracodayāt //

somānāṃ svaraṇaṃ (kṛṇuhi brahmaṇaspate/ kakṣīvantam̐ ya auśijaḥ //)* //

agna āyūṃṣi pavase (ā suvorjaṃ iṣaṃ ca naḥ/ āre bādhasva ducchunām //)* //

tā naḥ śaktaṃ pārthivasya (maho rāyo divyasya/ mahi vā kṣatraṃ deveṣu //)* //

ṛtamṛtena sapanteṣiraṃ dakṣamāśāte/ adruhā devau vardhete //

vṛṣṭidyāvā rītyāpeṣaspatī dānumatyāḥ/ bṛhantaṃ gartamāśāte //

yuñjanti bradhnamaruṣaṃ carantaṃ pari tasthuṣaḥ/ rocante rocanā divi //

yuñjantyasya kāmyā harī vipakṣasā rathe/ śoṇā dhṛṣṇū nṛvāhasā //

ketuṃ kṛṇvannaketave peśo maryā apeśase/ samuṣadbhirajāyathāḥ / / 1470 //

ayaṃ soma indra tubhyaṃsunve tubhyaṃ pavate tvamasya pāhi/ tvaṃ ha yaṃ cakṛṣe tvaṃ vavṛṣa induṃ madāya yujyāya somam //

sa īṃ ratho na bhuriṣāḍayoji mahaḥ purūṇi sātaye vasūni/ ādīṃ viśvā nahuṣyāṇi jātā svarṣātā vana ūrdhvā navanta //

śuṣmī śardho na mārutaṃ pavasvānabhiśastā divyā yathā viṭ/ āpo na makṣū sumatirbhavā naḥ sahasrāpsāḥ pṛtanāṣāṇna yajñaḥ //

tvamagne yajñānāṃhotā viśveṣāṃhitaḥ/ devebhirmānuṣe jane //

sa no mandrābhiradhvare jihvābhiryajā mahaḥ/ ā devānvakṣi yakṣi ca //

vetthā hi vedho adhvanaḥ pathaśca devāñjasā/ agne yajñeṣu sukrato //

hotā devo amartyaḥ purastādeti māyayā/ vidathāni pracodayan //

vājī vājeṣu dhīyate'dhvareṣu pra ṇīyate/ vipro yajñasya sādhanaḥ //

dhiyā cakre vareṇyo bhūtānāṃ garbhamā dadhe/ dakṣasya pitaraṃ tanā //

ā sute siñcata śriyaṃrodasyorabhiśriyam/ rasā dadhīta vṛṣabham / 1480 //

te jānata svamokyaṃ'. saṃ vatsāso na mātṛbhiḥ/ mitho nasanta jāmibhiḥ //

upa srakveṣu bapsataḥ kṛṇvate dharuṇaṃ divi/ indre agnā namaḥ svaḥ //

tadidāsa bhuvaneṣu jyeṣṭhaṃ yato jajña ugrastveṣanṛmṇaḥ/ sadyo jajñāno ni riṇāti śatrūnanu yaṃ viśve madantyūmāḥ //

vāvṛdhānaḥ śavasā bhūryojāḥ śatrurdāsāya bhiyasaṃ dadhāti/ avyanacca vyanacca sasni saṃ te navanta prabhṛtā madeṣu //

tve kratumapi vṛñjanti viśve dviuyadete trirbhavantyūmāḥ/ svādoḥ svādīyaḥ svādunā sṛjā samadaḥ su madhu madhunābhi yodhīḥ //

trikadrukeṣu mahiṣo yavāśiraṃ tuviśuṣmastṛmpatsomamapibadviṣṇunā sutaṃ yathāvaśam //

sa īṃ mamāda mahi karma kartave mahāmuruṃ sainaṃ saścaddevo devaṃ satya induḥ satyamindram //

sākaṃ jātaḥ kratunā sākamojasā vavakṣitha sākaṃ vṛddho vīkayaiḥ sāsahiumṛdho vicarṣaṇiḥ //

dātā rādha stuvate kāmyaṃ vasu pracetana sainaṃ saścaddevo devaṃ satya induḥ satyamindram /
adha tviṣīmāṃabhyojasā kṛviṃ yudhābhavadā rodasī āpṛṇadasya majmanā pra vāvṛdhe/
adhattānyaṃ jaṭhare premaricyata pra cetaya sainaṃsaścaddevo devaṃ satya induḥ satyamindram / /
abhi pra gopatiṃ girendramarca yathā vide/ sūnuṃ satyasya satpatim //

ā harayaḥ sasṛjrire'ruṣīradhi barhiṣi/ yatrābhi saṃnavāmahe / 1490 //

indrāya gāva āśiraṃ duduhre vajriṇe madhu/ yatsīmupahvare vidat //

ā no viśvāsu havyamindraṃ samatsu bhūṣata/ upa brahmāṇi savanāni vṛtrahanparamajyā ṛcīṣama //

tvaṃ dātā prathamo rādhasāmasyasi satya īśānakṛt/ tuvidyumnasya yujyā vṛṇīmahe putrasya śavaso mahaḥ //

pratnaṃ pīyūṣaṃ pūrvyaṃ yadukthyaṃ maho gāhaddiva ā niradhukṣata/ indramabhi jāyamānaṃ samasvaran //

ādīṃ ke citpaśyamānāsa āpyaṃ vasuruco divyā abhyanūṣata/ divo na vāraṃ savitā vyūrṇute //

adha yadime pavamāna rodasī imā ca viśvā bhuvanābhi majmanā/ yūthe na niṣṭhā vṛṣabho vi rājasi //

imamū ṣu tvamasmākaṃ saniṃ gāyatraṃ navyāṃsam/ agne deveṣu pra vocaḥ //

vibhaktāsi citrabhāno sindhorūrmā upāka ā/ sadyo dāśuṣe kṣarasi //

ā no bhaja parameṣvā vājeṣu madhyameṣu/ śikṣā vasvo antamasya //

ahamiddhi pituṣpari medhāmṛtasya jagraha/ ahaṃ sūrya ivājani / 1500 //

ahaṃ pratnena janmanā giraḥ śumbhāmi kaṇvavat/ yenendraḥ śuṣmamiddadhe //

ye tvāmindra na tuṣṭuvurṛṣayo ye ca tuṣṭuvuḥ/ mamedvardhasva suṣṭutaḥ //

agne viśvebhiragnibhirjoṣi brahma sahaskṛta/ ye devatrā ya āyuṣu tebhirno mahayā giraḥ //

pra sa viśvebhiragnibhiragniḥ sa yasya vājinaḥ/ tanaye toke asmadā samyaṅvājaiḥ parīvṛtaḥ //

tvaṃ no agne agnibhirbrahma yajñaṃ ca vardhaya/ tvaṃ no devatātaye rāyo dānāya codaya //

tve soma prathamā vṛktabarhiṣo mahe vājāya śravase dhiyaṃ dadhuḥ/ sa tvaṃ no vīra vīkayāya codaya //

abhyabhi hi śravasā tatardithotsaṃ na kaṃ cijjanapānamakṣitam/ śaryābhirna bharamāṇo gabhastyoḥ //

ajījano amṛta martyāya amṛtasya dharmannamṛtasya cāruṇaḥ/ sadāsaro vājamacchā saniṣyadat //

endumindrāya siñcata pibāti somyaṃ madhu/ pra rādhāṃsi codayate mahitvanā //

upo harīṇāṃ patiṃ rādhaḥ pṛñcantamabravam/ nūnaṃśrudhi stuvato aśvyasya / 1510 //

na hyaṃ'.ga purā ca na jajñe vīratarastvat/ na kī rāyā naivathā na bhandanā //

nadaṃ va odatīnāṃ nadaṃ yoyuvatīnām/ patiṃ vo aghnyānāṃ dhenūnāmiṣudhyasi //

devo vo draviṇodāḥ pūrṇāṃ vivaṣṭvāsicam/ udvā siñcadhvamupa vā pṛṇadhvamādidvo deva ohate //

taṃ hotāramadhvarasya pracetasaṃ vahniṃ devā akṛṇvata/ dadhāti ratnaṃ vidhate suvīryamagnirjanāya dāśuṣe //

adarśi gātuvittamo yasminvratānyādadhuḥ/ upo ṣu jātamāryasya vardhanamagniṃ nakṣantu no giraḥ //

yasmādrejanta kṛṣṭayaścarkṛtyāni kṛṇvataḥ/ sahasrasāṃ medhasātāviva tmanāgniṃ dhībhirnamasyata //

pra daivodāso agni (rdeva indro na majmanā/ anu mātaraṃ pṛthivīṃ vi vāvṛte tasthau nākasya śarmaṇi //)* //

agna āyūṃṣi pavasa (āsuvorjamiṣaṃ ca naḥ/ āre bādhasva ducchunām //)* //

agniuṛṣiḥ pavamānaḥ pāñcajanyaḥ purohitaḥ/ tamīmahe mahāgayam //

agne pavasva svapā asme varcaḥ suvīryam/ dadhadrayiṃ mayi poṣam / / 1520 //

agne pāvaka rociṣā mandrayā deva jihvayā/ ā devānvakṣi yakṣi ca //

taṃ tvā ghṛtasnavīmahe citrabhāno svardṛśam/ devā ā vītaye vaha //

vītihotraṃ tvā kave dyumantaṃ samidhīmahi/ agne bṛhantamadhvare //

avā no agna ūtibhirgāyatrasya prabharmaṇi/ viśvāsu dhīṣu vandya //

ā no agne rayiṃ bhara satrāsāhaṃ vareṇyam/ viśvāsu pṛtsu duṣṭaram //

ā no agne sucetunā rayiṃ viśvāyupoṣasam/ mārḍīkaṃ dhehi jīvase //

agniṃ hinvantu no dhiyaḥ saptimāśumivājiṣu/ tena jeṣma dhanaṃdhanam //

yayā gā ākarāmahai senayāgne tavotyā/ tāṃ no hinva maghattaye //

āgne sthūraṃ rayiṃ bhara pṛthuṃ gomantamaśvinam/ aṅdhi khaṃ vartayā pavim //

agne nakṣatramajaramā sūryaṃ rohayo divi/ dadhajjyotirjanebhyaḥ / 1530 //

agne keturviśāmasi preṣṭhaḥ śreṣṭha upasthasat/ bodhā stotre vayo dadhat //

agnirmūrdhā divaḥ kakutpatiḥ pṛthivyā ayam/ apāṃ retāṃsi jinvati //

īśiṣe vāryasya hi dātrasyāgne svaḥpatiḥ/ stotā syāṃ tava śarmaṇi //

udagne śucayastava śukrā bhrājanta īrate/ tava jyotīṃṣyarcayaḥ //

kaste jāmirjanānāmagne ko dāśvadhvaraḥ/ ko ha kasminnasi śritaḥ //

tvaṃ jāmirjanānāmagne mitro asi priyaḥ/ sakhā sakhibhya īḍyaḥ //

yajā no mitrāvaruṇā yajā devāṃ ṛtaṃ bṛhat/ agne yakṣi svaṃ damam //

īḍenyo namasyastirastamāṃsi darśataḥ/ samagniridhyate vṛṣā //

vṛṣo agniḥ samidhyate'śvo na devavāhanaḥ/ taṃ haviṣmanta īḍate //

vṛṣaṇaṃ tvā vayaṃ vṛṣanvṛṣaṇaḥ samidhīmahi/ agne dīdyataṃ bṛhat / / 1540 //

utte bṛhanto arcayaḥ samidhānasya dīdivaḥ/ agne śukrāsa īrate //

upa tvā juhvo'. mama ghṛtācīryantu haryata/ agne havyā juṣasva naḥ //

mandraṃ hotāramṛtvijaṃ citrabhānuṃ vibhāvasum/ agnimīḍe sa u śravat //

pāhi no agna ekayā pāhyu'.ta dvitīyayā/ pāhi gīrbhistisṛbhirūrjāṃ pate pāhi catasṛbhirvaso //

pāhi viśvasmādrakṣaso arāvṇaḥ pra sma vājeṣu no'va// tvāmiddhi nediṣṭhaṃ devatātaya āpiṃ nakṣāmahe vṛdhe //

ino rājannaratiḥ samiddho raudro dakṣāya suṣumāṃ adarśi/ cikidvi bhāti bhāsā bṛhatāsiknīmeti ruśatīmapājan //

kṛṣṇāṃ yadenīmabhi varpasābhūjjanayanyoṣāṃ bṛhataḥ piturjām/ ūrdhvaṃ bhānuṃ sūryasya stabhāyan divo vasubhiraratirvi bhāti //

bhadro bhadrayā sacamāna āgātsvasāraṃ jāro abhyeti paścāt/ supraketairdyubhiragnirvitiṣṭhanruśadbhirvarṇairabhi rāmamasthāt //

kayā te agne aṅgira ūrjo napādupastutim/ varāya deva manyave //

dāśema kasya manasā yajñasya sahaso yaho/ kadu voca idaṃ namaḥ / 1550 //

adhā tvaṃ hi naskaro viśvā asmabhyaṃ sukṣitīḥ/ vājadraviṇaso giraḥ //

agna ā yāhyagnibhirhotāraṃ tvā vṛṇīmahe/ ā tvāmanaktu prayatā haviṣmatī yajiṣṭhaṃ barhirāsade //

acchā hi tvā sahasaḥ sūno aṅgiraḥ srucaścarantyadhvare/ ūrjo napātaṃ ghṛtakeśamīmahe'gniṃ yajñeṣu pūrvyam //

acchā naḥ śīraśociṣaṃ giro yantu darśatam/ acchā yajñāso namasā purūvasuṃ purupraśastamūtaye //

agniṃ sūnuṃ sahaso jātavedasaṃ dānāya vāryāṇām/ dvitā yo bhūdamṛto martyeṣvā hotā mandratamo viśi //

adābhyaḥ puraetā viśāmagnirmānuṣīṇām/ tūrṇī rathaḥ sadā navaḥ //

abhi prayāṃsi vāhasā dāśvāṃaśnoti martyaḥ/ kṣayaṃ pāvakaśociṣaḥ //

sāhvānviśvā abhiyujaḥ kraturdevānāmamṛktaḥ/ agnistuviśravastamaḥ //

bhadro no agnirāhuto bhadrā rātiḥ subhaga bhadro adhvaraḥ/ bhadrā ūta praśastayaḥ //

bhadraṃ manaḥ kṛṇuṣva vṛtratūrye yenā samatsu sāsahiḥ/ ava sthirā tanuhi bhūri śardhatāṃ vanemā te abhiṣṭaye / / 1560 //

agne vājasya gomata īśānaḥ sahaso yaho/ asme dehi jātavedo mahi śravaḥ //

sa idhāno vasuṣkaviragnirīḍenyo girā/ revadasmabhyaṃ purvaṇīka dīdihi //

kṣapo rājannuta tmanāgne vastorutoṣasaḥ/ sa tigmajambha rakṣaso daha prati //

viśoviśo vo atithiṃ vājayantaḥ purupriyam/ agniṃ vo duryaṃ vaca stuṣe śūṣasya manmabhiḥ //

yaṃ janāso haviṣmanto mitraṃ na sarpirāsutim/ praśaṃsanti praśastibhiḥ //

panyāṃsaṃ jātavedasaṃ yo devatātyudyatā/ havyānyairayaddivi //

samiddhamagniṃ samidhā girā gṛṇe śuciṃ pāvakaṃ puro adhvare dhruvam/ vipraṃ hotāraṃ puruvāramadruhaṃ kaviṃ sumnairīmahe jātavedasam //

tvāṃ dūtamagne amṛtaṃ yugeyuge havyavāhaṃ dadhire pāyumīḍyam/ devāsaśca marttāsaśca jāgṛviṃ vibhuṃ viśpatiṃ namasā ni ṣedire //

vibhūṣannagna ubhayāṃ anu vratā dūto devānāṃ rajasī samīyase/ yatte dhītiṃ sumatimāvṛṇīmahe'dha smā nastrivarūthaḥ śivo bhava //

upa tvā jāmayo giro dediśatīrhaviṣkṛtaḥ/ vāyoranīke asthiran / 1570 //

yasya tridhātvavṛtaṃ barhistasthāvasandinam/ āpaścinni dadhā padam //

padaṃ devasya mīḍhuṣo'nādhṛṣṭābhirūtibhiḥ/ bhadrā sūrya ivopadṛk //

abhi tvā pūrvapītaya indra stomebhirāyavaḥ/ samīcīnāsa ṛbhavaḥ samasvaranrudrā gṛṇanta pūrvyam //

asyedindro vāvṛdhe vṛṣṇyaṃśavo made sutasya viṣṇavi/ adyā tamasya mahimānamāyavo'nu ṣṭuvanti pūrvathā //

pra vāmarcantyukthino nīthāvido jaritāraḥ/ indrāgnī iṣa ā vṛṇe //

indrāgnī navatiṃ puro dāsapatnīradhūnutam/ sākamekena karmaṇā //

indrāgnī apasasparyupa pra yanti dhītayaḥ/ ṛtasya pathyā3 anu //

indrāgnī taviṣāṇi vāṃsadhasthāni prayāṃsi ca/ yuvoraptūryaṃhitam //

śagdhyū'. ṣu śacīpata indra viśvābhirūtibhiḥ/ bhagaṃ na hi tvā yaśasaṃ vasuvidamanu śūra carāmasi //

pauro aśvasya purukṛdgavāmasyutso deva hiraṇyayaḥ/ na kirhi dānaṃ pari mardhiṣatve yadyadyāmi tadā bhara / /1580 //

tvaṃhyehi cerave vidā bhagaṃ vasuttaye/ udvāvṛṣasva maghavangaviṣṭaya udindrāśvamiṣṭaye //

tvaṃ purū sahasrāṇi śatāni ca yūthā dānāya maṃhase //

ā purandaraṃ cakṛma vipravacasa indraṃ gāyanto'vase //

yo viśvā dayate vasu hotā mandro janānām/ maghorna pātrā prathamānyasmai pra stomā yantvagnaye //

aśvaṃ na gīrbhī rathyaṃsudānavo marmṛjyante devayavaḥ //

ubhe toke tanaye dasma viśpate parṣi rādho maghonām //

imaṃ me varuṇa śrudhī havamadyā ca mṛḍaya/ tvāmavasyurā cake //

kayā tvaṃ na ūtyābhi pra mandase vṛṣan/ kayā stotṛbhya ā bhara //

indramiddevatātaya indraṃ prayatyadhvare/ indraṃsamīke vanino havāmaha indraṃ dhanasya sātaye /
indro mahnā rodasī paprathacchava indraḥ sūryamarocayat/ indre ha viśvā bhuvanāni yemira indre svānāsa indavaḥ / /
viśvakarmanhaviṣā vāvṛdhānaḥ svayaṃ yajasva tanva3ṃ svā hi te/ muhyantvanye abhito janāsa ihāsmākaṃ maghavā sūrirastu //

ayā rucā hariṇyā punāno viśvā dveṣāṃsi tarati sayugvabhiḥ sūro na sayugvabhiḥ/ dhārā pṛṣṭhasya rocate punāno aruṣo hariḥ/ viśvā yadrūpā pariyāsyṛkvabhiḥ saptāsyebhirṛkvabhiḥ / 1590 //

prācīmanu pradiśaṃ yāti cekitatsaṃ raśmibhiryatate darśato ratho daivyo darśato rathaḥ/ agmannukthāni pauṃsyendraṃ jaitrāya harṣayan/ vajraśca yadbhavatho anapacyutā samatsvanapacyutā //

tvaṃṃ ha tyatpaṇīnāṃ vido vasu saṃ mātṛbhirmarjayasi sva ā dama ṛtasya dhītibhirdame/ parāvato na sāma tadyatrā raṇanti dhītayaḥ //

tridhātubhiraruṣībhirvayo dadhe rocamāno vayo dadhe //

uta no goṣaṇiṃ dhiyamaśvasāṃ vājasāmuta/ nṛvatkṛṇuhyūtaye //

śaśamānasya vā naraḥ svedasya satyaśavasaḥ/ vidā kāmasya venataḥ //

upa naḥ sūnavo giraḥ śṛṇvantvamṛtasya ye/ sumṛḍīkā bhavantu naḥ //

pra vāṃ mahi dyavī abhyupastutiṃ bharāmahe/ śucī upa praśastaye //

punāne tanvā mithaḥ svena dakṣeṇa rājathaḥ/ ūhyāthe sanādṛtam //

mahī mitrasya sādhathastarantī pipratī ṛtam/ pari yajñaṃ (ni?)ṣedathuḥ / /
ayamu te samatasi kapota iva garbhadhim/ vacastaccinna ohase //

stotraṃ rādhānāṃ pate girvāho vīra yasya te/ vibhūtirastu sūnṛtā / 1600 //

ūrdhvastiṣṭhā na ūtaye'sminvāje śatakrato/ samanyeṣu bravāvahai //

gāva upa vadāvaṭe mahi yajñasya rapsudā/ ubhā karṇā hiraṇyayā //

abhyāramidadrayo niṣiktaṃ puṣkare madhu/ avaṭasya visarjane //

siñcanti namasāvaṭamuccācakraṃ parijmānam/ nīcīnabāramakṣitam //

mā bhema mā śramiṣmograsya sakhye tava/ mahatte vṛṣṇo abhicakṣyaṃ kṛtaṃ paśyema turvaśaṃ yadum //

savyāmanu sphigyaṃ vāvase vṛṣā na dāno asya roṣati/ madhvā sapṛktāḥ sāragheṇa dhenavastūyamehi dravā piba //

imā u tvā purūvaso giro vardhantu yā mama/ pāvakavarṇāḥ śucayo vipaścito'bhi stomairanūṣata //

ayaṃ sahasramṛṣibhiḥ sahaskṛtaḥ samudra iva paprathe/ satyaḥ so asya mahimā gṛṇe śavo yajñeṣu viprarājye //

yasyāyaṃ viśva āryo dāsaḥ śevadhipā ariḥ/ tiraścidarye ruśame pavīravi tubhyetso ajyate rayiḥ /
turaṇyavo madhumantaṃ ghṛtaścutaṃ viprāso arkamānṛcuḥ //

asme rayiḥ paprathe vṛṣṇyaṃ śavo'sme svānāsa indavaḥ / / 1610 //

gomanna indo aśvavatsutaḥ sudakṣa dhaniva/ śuciṃ ca varṇamadhi goṣu dhāraya //

sa no harīṇāṃ pata indo devapsarastamaḥ/ sakheva sakhye naryo ruce bhava //

sanemi tvamasmadā adevaṃ kaṃ cidatriṇam/ sāhvāṃ indo pari bādho apa dvayum //

añjate vyañjate samañjate kratuṃ rihanti madhvābhyañjate/ sindhorucchvāse patayantamukṣaṇaṃ hiraṇyapāvāḥ paśumapsu gṛbhṇate //

vipaścite pavamānāya gāyata mahī na dhārātyandho arṣati/ ahirna jūrṇāmati sarpati tvacamatyo na krīḍannasaradvṛṣā hariḥ //

agrego rājāpyastaviṣyate vimāno ahnāṃ bhuvaneṣvarpitaḥ / harirghṛtasnuḥ sudṛśīko arṇavo jyotīrathaḥ pavate rāya okyaḥ //

viśvebhiragne agnibhirimaṃyajñamidaṃ vacaḥ / cano dhāḥ sahasā yaho //

yacciddhi śaśvatā tanā devaṃdevaṃ yajāmahe/ tve iddhūyate haviḥ //

priyo no astu viśpatirhotā mandro vareṇyaḥ/ priyāḥ svagnayo vayam //

indraṃ vo viśvataspari havāmahe janebhyaḥ/ asmākamastu kevalaḥ / 1620 //

sa no vṛṣannamuṃ caruṃ satrādāvannapā vṛdhi/ asmabhyamapratiṣkutaḥ //

vṛṣā yūtheva vaṃsagaḥ kṛṣṭīriyartyojasā/ īśāno apratiṣkutaḥ //

tvaṃ naścitra ūtyā vaso rādhāṃsi codaya/ asya rāyastvamagne rathīrasi vidā gādhaṃ tuce tu naḥ //

parṣi tokaṃ tanayaṃ partṛbhiṣṭvamadabdhairaprayutvabhiḥ / agne heḍāṃsi daivyā yuyodhi no'devāni harāṃsi ca //

kimitte viṣṇo paricakṣi nāma pra yadvavakṣe śipiviṣṭo asmi/ mā varpo asmadapa gūha etadyadanyarūpaḥ samithe babhūtha //

pra tatte adya śipiviṣṭa havyamaryaḥ śaṃsāmi vayunāni vidvān/ taṃ tvā gṛṇāmi tavasamatavyānkṣayantamasya rajasaḥ parāke //

vaṣaṭ te viṣṇavāsa ā kṛṇomi tanme juṣasva śipiviṣṭa havyam/ vardhantu tvā suṣṭutayo giro me yūyaṃ pāta svastabhiḥ sadā naḥ //

vāyo śukro ayāmi te madhvo agraṃ diviṣṭiṣu/ ā yāhi somapītaye spārho deva niyutvatā //

indraśca vāyaveṣāṃsomānāṃ pītimarhathaḥ/ yuvāṃ hi yantīndavo nimnamāpo na sadhryak //

vāyavindraśca śuṣmiṇā sarathaṃśavasaspatī/ niyutvantā na ūtaya ā yātaṃsomapītaye / / 1630 //

adha kṣapā pariṣkṛto vājāṃabhi pra gāhase/ yadī vivasvato dhiyo hariṃhinvanti yātave //

tamasya marjayāmasi mado ya indrapātamaḥ/ yaṃ gāva āsabhirdadhuḥ purā nūnaṃ ca sūrayaḥ //

taṃ gāthayā purāṇyā punānamabhyanūṣata/ uto kṛpanta dhītayo devānāṃ nāma bibhratīḥ //

aśvaṃ na tvā vāravantaṃ vandadhyā agniṃ namobhiḥ/ samrājantamadhvarāṇām //

sa ghā naḥ sūnuḥ śavasā pṛthupragāmā suśevaḥ/ mīḍhvāṃasmākaṃ babhūyāt //

sa no dūrāccāsācca ni martyādaghāyoḥ/ pāhi sadamidviśvāyuḥ //

tvamindra pratūrtiṣvabhi viśvā asi spṛdhaḥ/ aśastihā janitā vṛtratūrasi tvaṃ tūrya taruṣyataḥ //

anu te śuṣmaṃ turayantamīyatuḥ kṣoṇī śiśuṃ na mātarā/ viśvāste spṛdhaḥ śnathayanta manyave vṛtraṃ yadindra tūrvasi //

yajña indramavardhayadyadbhūmiṃ vyavartayat/ cakrāṇa opaśaṃ divi //

vya'.ntarikṣamatiranmade somasya rocanā/ indro yadabhinadvalam / 1640 //

udgā ājadaṅgirobhya āviṣkṛṇvanguhā satīḥ/ arvāñcaṃ nunude valam //

tyamu vaḥ satrāsāhaṃ viśvāsu gīrṣvāyatam/ ā cyāvayasyūtaye //

yudhmaṃsantamanarvāṇaṃsomapāmanapacyutam/ naramavāryakratum //

śikṣā ṇa indra rāya ā puru vidvāṃṛcīṣama/ avā naḥ pārye dhane //

tava tyadindriyaṃ bṛhattava dakṣmamuta kratum/ vajraṃ śiśāti dhiṣaṇā vareṇyam //

tava dyaurindra pauṃsyaṃ pṛthivī vardhati śravaḥ/ tvāmāpaḥ parvatāsaśca hinvire //

tvāṃ viṣṇurbṛhankṣayo mitro gṛṇāti varuṇaḥ/ tvāṃ śardho madatyanu mārutam //

namaste agna ojase gṛṇanti deva kṛṣṭayaḥ/ amairamitramardaya //

kuvitsu no gaviṣṭaye'gne saṃveṣiṣo rayim/ urukṛduru ṇaskṛdhi //

mā no agne mahādhane parā vargbhārabhṛdyathā/ saṃvargaṃ saṃ rayiṃ jaya / / 1650 //

samasya manyave viśo viśvā namanta kṛṣṭayaḥ/ samudrāyeva sindhavaḥ //

vi cidvṛtrasya dodhataḥ śiro bibheda vṛṣṇinā/ vajreṇa śataparvaṇā //

ojastadasya titviṣa ubhe yatsamavarttayat/ indraścarmeva rodasī //

sumanmā vasvī rantī sūnarī //

sarūpa vṛṣannā gahīmau bhadrau dhuryāvabhi/ tāvimā upa sarpataḥ //

nīva śīrṣāṇi mṛḍhvaṃ madhya āpasya tiṣṭhati/ śṛṅgebhirdaśabhirdiśan //

panyaṃpanyamitsotāra ā dhāvata madyāya/ somaṃ vīrāya śūrāya //

eha harī brahmayujā śagmā vakṣataḥ sakhāyam/ indraṃ gīrbhirgirvaṇasam //

pātā vṛtrahā sutamā ghā gamannāue asmat/ ni yamate śatamūtiḥ //

ā tvā viśantvindavaḥ samudramiva sindhavaḥ/ na tvāmindrāti ricyate / 1660 //

vivyaktha mahinā vṛṣanbhakṣaṃ somasya jāgṛve/ ya indra jaṭhareṣu te //

araṃ ta indra kukṣaye somo bhavatu vṛtrahan/ araṃ dhāmabhya indavaḥ //

jarābodha tadviviḍḍhi viśeviśe yajñiyāya/ stomaṃ rudrāya dṛśīkam //

sa no mahāṃ animāno dhūmaketuḥ puruścandraḥ/ dhiye vājāya hinvatu //

sa revāṃ iva viśpatirdaivyaḥ ketuḥ śṛṇotu naḥ //

ukthrairagnirbṛhadbhānuḥ //

tadvo gāya sute sacā puruhūtāya satvane/ śaṃ yadgave na śākine //

na ghā vasurni yamate dānaṃ vājasya gomataḥ/ yatsīmupaśravadgiraḥ //

kuvitsasya pra hi vajraṃ gomantaṃ dasyuhā gamat/ śacībhirapa no varat / /
idaṃ viṣṇurvi cakrame tredhā ni dadhe padam/ samūḍhamasya pāṃsule //

trīṇi padā vi cakrame viṣṇurgopā adābhyaḥ/ ato dharmāṇi dhārayan / 1670 //

viṣṇoḥ karmāṇi paśyata yato vratāni paspaśe/ indrasya yujyaḥ sakhā //

tadviṣṇoḥ paramaṃ padaṃ sadā paśyanti sūrayaḥ/ divīva cakṣurātatam //

tadviprāso vipanyuvo jāgṛvāṃsaḥ samindhate/ viṣṇoryatparamaṃ padam //

ato devā avantu no yato viṣṇurvicakrame/ pṛthivyā adhi sānavi //

mo ṣu tvā vāghataśca nāue asmanni rīraman/ ārāttādvā sadhamādaṃ na ā gahīha vā sannupa śrudhi //

ime hi te brahmakṛtaḥ sute sacā madhau namakṣa āsate/ indre kāmaṃ jaritāro vasūyavo rathe na pādamā dadhuḥ //

astāvi manma pūrvyaṃ brahmendrāya vocata/ pūrvīrṛtasya bṛhatīranūṣata stoturmedhā asṛkṣata //

samindro rāyo bṛhatīradhūnuta saṃ kṣoṇī samu sūryam/ saṃśukrāsaḥ śucayaḥ saṃ gavāśiraḥ somā indramamandiṣuḥ //

indrāya soma pātave vṛtraghne pari ṣicyase/ nare ca dakṣiṇāvate vīrāya sadanāsade //

taṃ sakhāyaḥ purūrucaṃ vayaṃ yūyaṃ ca sūrayaḥ/ aśyāma vājagandhyaṃ sanema vājapastyam /1680 //

pari tyaṃ haryataṃ hariṃ (babhruṃ punanti vāreṇa/ yo devānviśvām̐ itpari madena saha gacchati //)* //

kastamindra tvāvasa (martyo dadharṣati/ śraddhā ittemaghavan pārye divi vājī vājaṃ siṣāsati //)* //

maghonaḥ sma vṛtrahatyeṣu codaya ye dadati priyā vasu/ tava praṇītī haryaśva sūribhirviśvā tarema duritā //

edu madhormadintaraṃsiñcādhvaryo andhasaḥ/ evā hi vīra stavate sadāvṛdhaḥ //

indra sthātarharīṇāṃ na kiṣṭe pūrvyastutim/ udānaṃśa śavasā na bhandanā //

taṃ vo vājānāṃ patimahūmahi śravasyavaḥ/ aprāyubhiryarjñebhirvāvṛdhenyam //

taṃ gūrdhayā svarṇaraṃ devāso devamaratiṃ dadhanvire/ deva?trā havyamūhiṣe //

vibhūtarātiṃ vipra citraśociṣamagnimīḍiṣva yanturam/ asya medhasya //

somyasya sobhare premadhvarāya pūrvyam / /
ā soma svāno adribhistiro vārāṇyavyayā/ jano na puri camvorviśaddhariḥ sado vaneṣu dadhriṣe //

sa māmṛje tiro aṇvāni meṣyo mīḍhvāṃtsaptirna vājayuḥ/ a mādyaḥ pavamāno manīṣibhiḥ somo viprebhirṛkvabhiḥ / / 1690 //

vayamenamidā hyo'pīpemeha vajriṇam/ tasmā u adya savane sutaṃ bharā nūnaṃ bhūṣata śrute //

vṛkaścidasya vāraṇa urāmathirā vayuneṣu bhūṣati/ semaṃ na stomaṃ jujuṣāṇa ā gahīndra pra citrayā dhiyā //

indrāgnī rocanā divaḥ pari vājeṣu bhūṣathaḥ/ tadvāṃ ceti pra vīkayam //

indrāgnī apasaspari (upa pra yanti dhītayaḥ/ ṛtasya pathyā anu //)* //

indrāgnī taviṣāṇi vāṃ (sadhasthāni prayāsi ca/ yuvoraptūryaṃ hitam //)* //

ka īṃ veda sute sacā (pibantaṃ kadvayo dadhe/ ayaṃ yaḥ puro vibhinattyojasā mandānaḥ śiprayandhasaḥ //)* //

dānā mṛgo na vāraṇaḥ purutrā carathaṃ dadhe/ na kiṣṭvā ni yamadā sute gamo mahāṃścarasyojasā //

ya ugraḥ sannaniṣṭṛtaḥ sthiro raṇāya saṃskṛtaḥ/ yadi stoturmaghavā śṛṇavaddhavaṃ nendro yoṣatyā gamat //

pavamānā asṛkṣata somāḥ śukrāsa indavaḥ/ abhi viśvāni kāvyā //

pavamānā divasparyantarikṣādasṛkṣata/ pṛthivyā adhi sānavi / 1700 //

pavamānāsa āśavaḥ śubhrā asṛgramindavaḥ/ ghnanto viśvā apa dviṣaḥ //

tośā vṛtrahaṇā huve sajitvānāparājitā/ indrāgnī vājasātamā //

pra vāmarcantyukthinaḥ (nīthāvido jaritāraḥ/ indrāgnī iṣa ā vṛṇe //)* //

indrāgnī navatiṃ puro (dāsapatnīradhūnutam/ sākamekena karmaṇā //)* //

upa tvā raṇvasandṛśaṃ prayasvantaḥ sahaskṛta/ agne sasṛjmahe giraḥ //

upa cchāyāmiva ghṛṇeraganma śarma te vayam/ agne hiraṇyasandṛśaḥ //

ya ugra iva śaryahā tigmaśṛṅgo na vaṃsagaḥ/ agne puro rurojitha //

ṛtāvānaṃ vaiśvānaramṛtasya jyotiṣaspatim/ ajasraṃ gharmamīmahe //

ya idaṃ pratipaprathe yajñasya svaruttiran/ ṛtūnutsṛjate vaśī //

agniḥ priyeṣu dhāmasu kāmo bhūtasya bhavyasya/ samrāḍeko vi rājati / / 1710 //

agniḥ pratnena janmanā śumbhānastanva3ṃ svām/ kavirvipreṇa vāvṛdhe //

ūrjjo napātamā huve'gniṃ pāvakaśociṣam/ asminyajñe svadhvare //

sa no mitramahastvamagne śukreṇa śociṣā/ devairā satsi barhiṣi //

utte śuṣmāso asthū rakṣo bhindanto adrivaḥ/ nudasva yāḥ parispṛdhaḥ //

ayā nijaghnirojasā rathasaṅge dhane hite / stavā abibhyuṣā hṛdā //

asya vratāni nādhṛṣe pavamānasya dūḍhyā/ ruja yastvā pṛtanyati //

taṃ hinvanti madacyutaṃ hariṃ nadīṣu vājinam/ indumindrāya matsaram //

ā mandrairindra haribhiryāhi mayūraromabhiḥ/ mā tvā ke cinni yemurinna pāśino'ti dhanveva tāṃ ihi //

vṛtrakhādo valaṃ rujaḥ purāṃ darmo apāmajaḥ/ sthātā rathasya haryorabhisvara indro dṛḍhā cidārujaḥ /
gambhīrāṃ udadhīṃriva kratuṃ puṣyasi gā iva //

pra sugopā yavasaṃ dhenavo yathā hradaṃ kulyā ivāśata / / 1720 //

yathā gauro apā kṛtaṃ tṛṣyannetyaveriṇam/ āpitve naḥ prapitve tūyamā gahi kaṇveṣu su sacā piba //

mandantu tvā maghavannindrendavo rādhodeyāya sunvate/ āmuṣyā somamapibaścamū sutaṃ jyeṣṭhaṃ taddadhiṣe sahaḥ //

tvamaṅga pra śaṃsiṣo devaḥ śaviṣṭha martyam/ na tvadanyo maghavannasti marḍitendra bravīmi te vacaḥ //

mā te rādhāṃsi mā ta ūtayo vaso'smānkadā canā dabhan/ viśvā ca na upamimīhi mānuṣa vasūni carṣaṇibhya ā //

prati ṣyā sūnarī janī vyucchantī pari svasuḥ/ divo adarśi duhitā //

aśveva citrāruṣī mātā gavāmṛtāvarī/ sakhā bhūdaśvinoruṣāḥ //

uta sakhāsyaśvinoruta mātā gavāmasi/ utoṣo vasva īśiṣe //

eṣo uṣā apūrvyāðŽ vyucchati priyā divaḥ/ stuṣe vāmaśvinā bṛhat //

yā dasrā sindhumātarā manotarā rayīṇām/ dhiyā devā vasuvidā //

vacyante vāṃ kakuhāso jūrṇāyāmadhi viṣṭapi/ yadvāṃ ratho vibhiṣpatāt / / 1730 //

uṣastaccitramā bharāsmabhyaṃ vājinīvati/ yena tokaṃ ca tanayaṃ ca dhāmahe //

uṣo adyeha gomatyaśvāvati vibhāvari/ revadasme vyuccha sūnṛtāvati //

yuṅkṣvā hi vājinīvatyaśvāṃ adyāruṇāṃ uṣaḥ/ athā no viśvā saubhagānyā vaha //

aśvinā vartirasmadā gomaddasrā hiraṇyavat/ arvāgrathaṃ samanasā ni yacchatam //

eha devā mayobhuvā dasrā hiraṇyavarttanī/ uṣarbudho vahantu somapītaye //

yāvitthā ślokamā divo jyotirjanāya cakrathuḥ/ ā na ūrjaṃ vahatamaśvinā yuvam //

agniṃ taṃ manye yo vasurastaṃ yaṃ yanti dhenavaḥ/ astamarvanta āśavo staṃ nityāso vājina iṣaṃ stotṛbhya ā bhara //

agniuhi vājinaṃ viśe dadāti viśvacarṣaṇiḥ/ agnī rāye svābhuvaṃ sa prīto yāti vāryamiṣaṃstotṛbhya ā bhara //

so agniryo vasurgṛṇe saṃ yamāyanti dhenavaḥ/ samarvanto raghudruvaḥ saṃ sujātāsaḥ sūraya iṣaṃ stotṛbhya ā bhara //

mahe no adya bodhayoṣo rāye divitmatī/ yathā cinno abodhayaḥ satyaśravasi vāyye sujāte aśvasūnṛte / 1740 //

yā sunīthe śaucadrathe vyauccho duhitardivaḥ/ sā vyuccha sahīyasi satyaśravasi vāyye sujāte aśvasūnṛte //

sā no adyābharadvasukavyucchā duhitardivaḥ/ yo vyaucchaḥ sahīyasi satyaśravasi voyye sujāte aśvasūnṛte //

prati priyatamaṃ rathaṃ vṛṣaṇaṃ vasuvāhanam/ stotā vāmaśvināvṛṣi stomebhirbhūṣati prati mādhvī mama śrutaṃ havam //

atyāyātamaśvinā tiro viśvā ahaṃ sanā/ dasrā hiraṇyavartanī suṣumṇā sindhuvāhasā mādhvī mama śrutaṃ havam //

ā no ratnāni bibhratāvaśvinā gacchataṃ yuvam/ rudrā hiraṇyavartanī juṣāṇā vājinīvasū mādhvī mama śrutaṃ havam //

abodhyagniḥ samidhā janānāṃ prati dhenumivāyatīmuṣāsam/ yahvā iva pra vayāmujjihānāḥ pra bhānavaḥ sasrate nākamaccha //

abodhi hotā yajathāya devānūrdhvo agniḥ sumanāḥ prātarasthāt / samiddhasya ruśadadarśi pājo mahān devastamaso niramoci //

yadīṃ gaṇasya raśanāmajīgaḥ śuciraṅte śucibhirgobhiragniḥ/ āddakṣiṇā yujyate vājayantyuttānāmūrdhvo adhayajjuhūbhiḥ //

idaṃśreṣṭhaṃ jyotiṣāṃ jyotirāgāccitraḥ praketo ajaniṣṭa vibhvā/ yathā prasūtā savituḥ savāyaivā rātryuṣase yonimāraik //

ruśadvatsā ruśatī śvetyāgādāraigu kṛṣṇā sadanānyasyāḥ/ samānabandhū amṛte anūcī dyāvā varṇaṃ carata āmināne / 1750 //

samāno adhvā svasroranaṃtastamanyānyā carato devaśiṣṭe/ na methete na tasthatuḥ sumeke naktoṣāsā samanasā virūpe //

ā bhātyagniruṣasāmanīkamudviprāṇāṃ devayā vāco asthuḥ/ arvāñcā nūnaṃ rathyeha yātaṃ pīpivāṃ samaśvinā gharmamaccha //

na saṃskṛtaṃ pra mimīto gamiṣṭhānti nūnamaśvinopastuteha //

divābhipitve'vasāgamiṣṭhā pratyavarttiṃ dāśuṣe śambhaviṣṭhā //

utā yātaṃ saṃgave prātarahno madhyandina uditā sūryasya/ divā naktamavasā śantamena nedānīṃ pītiraśvinā tatāna //

etā u tyā uṣasaḥ ketumakrata pūrve ardhe rajaso bhānumañjate/ niṣkṛṇvānā āyudhānīva dhṛṣṇavaḥ prati gāvo'ruṣīryanti mātaraḥ //

udapaptannaruṇā bhānavo vṛthā svāyujo aruṣīrgā ayukṣata/ akrannuṣāso vayunāni pūrvathā ruśantaṃ bhānumaruṣīraśiśrayuḥ //

arcanti nārīrapaso na viṣṭibhiḥ samānena yojanenā parāvataḥ/ iṣaṃ vahantīḥ sukṛte sudānave viśvedaha yajamānāya sunvate //

abodhyagnirjma udeti sūryo vyū'.ṣāścandrā mahyāvo arciṣā/ āyukṣātāmaśvinā yātave rathaṃ prāsāvīddevaḥ savitā jagatpṛthak /
yadyuñjāthe vṛṣaṇamaśvinā rathaṃ ghṛtena no madhunā kṣatramukṣatam/ asmākaṃ brahma pṛtanāsu jinvataṃ vayaṃ dhanā śūrasātā bhajemahi //

arvāṅ tricakro madhuvāhano ratho jīrāśvo aśvinoryātu suṣṭutaḥ/ trivandhuro maghavā viśvasaubhagaḥ śaṃ na ā vakṣadvipade catuṣpade / / 1760 //

pra te dhārā asaścato divo na yanti vṛṣṭayaḥ/ acchā vājaṃ sahasriṇam //

abhi priyāṇi kāvyā viśvā cakṣāṇo arṣati/ haristuñjāna āyudhā //

sa marmṛjāna āyubhiribho rājeva suvrataḥ/ śyeno na vaṃsu ṣīdati //

sa no viśvā divo vasūto pṛthivyā adhi/ punāna indavā bhara //

prāsya dhārā akṣaranvṛṣṇaḥ sutasyājasaḥ/ devāṃ anu prabhūṣataḥ //

saptiṃ mṛjanti vedhaso gṛṇantaḥ kāravo girā //

jyotirjajñānamukthyam //

suṣahā soma tāni te punānāya prabhūvaso/ vardhā samudramukthya //

eṣa brahmā ya ṛtviya indro nāma śruto gṛṇe /
tvāmicchavasaspate yanti giro na saṃyataḥ //

vi srutayo yathā pathaḥ (indra tvadyantu rātayaḥ //)* / /1770 //

ā tvā rathaṃ yathotaye (sumnāya varttayāmasi/ tuvikūrmimṛtīṣahamindraṃ śaviṣṭha satpatim //)* //

tuviśuṣma tuvikrato śacīvo viśvayā mate/ ā paprātha mahitvanā /2 //

yasya te mahinā mahaḥ pari jmāyantamīyatuḥ/ hastā vajraṃ hiraṇyayam //

ā yaḥ puraṃ nārmiṇīmadīdedatyaḥ kavirnabhanyo3 nārvā/ sūro na rurukvāṃ chatātmā //

abhi dvijanmā trī rocanāni viśvā rajāṃsi śuśucāno asthāt/ hotā yajiṣṭho apāṃ sadhasthe //

aya sa hotā yo dvijanmā viśvā dadhe vāryāṇi śravasyā/ marto yo asmai sutuko dadāśa //

agne tamadyāśvaṃ na stomaiḥ kratuṃ na bhadraṃ hṛdispṛśam/ ṛdhyāmā ta ohaiḥ //

adhā hyagne kratorbhadrasya dakṣasya sādhoḥ/ rathīrṛtasya bṛhato babhūtha //

ebhirno arkairbhavā no arvāṅksva''ṇa jyotiḥ/ agne viśvebhiḥ sumanā anīkaiḥ //

agne vivasvaduṣasaścitraṃ rādho amartya/ ā dāśuṣe jātavedo vahā tvamadyā devāṃ uṣarbudhaḥ / 1780 //

juṣṭo hi dūto asi havyavāhano'gne rathīradhvarāṇām/ sajūraśvibhyāmuṣasā savīryamasme dhehi śravo bṛhat //

vidhuṃ dadrāṇaṃ samane bahūnāṃ yuvānaṃsantaṃ palito jagāra/ devasya paśya kāvyaṃ mahitvādyā mamāra sa hyaḥ samāna //

śākmanā śāko aruṇaḥ suparṇa ā yo mahaḥ śūraḥ sanādanīḍaḥ //

yacciketa satyamittanna moghaṃ vasu spārhamutaṃ jetota dātā //

aibhirdade vṛṣṇyā pauṃsyāni yebhiraukṣadvṛtrahatyāya vajrī/ ye karmaṇaḥ kriyamāṇasya mahna ṛte karmamudajāyanta devāḥ //

asti somo ayaṃ sutaḥ pibantyasya marutaḥ/ uta svarājo aśvinā //

pibanti mitro aryamā tanā pūtasya varuṇaḥ/ triṣadhasthasya jāvataḥ //

uto nvasya joṣamā indraḥ sutasya gomataḥ/ prātarhoteva matsati //

baṇmahāṃ asi sūrya baḍāditya mahāṃ asi/ mahaste sato mahimā paniṣṭama mahnā deva mahāṃ asi /
baṭ sūrya śravasā mahāṃ asi satrā deva mahāṃ asi/ mahnā devānāmasukayaḥ purohito vibhu jyotiradābhyam //

upa no haribhiḥ sutaṃ yāhi madānāṃ pate/ upa no haribhiḥ sutam / 1790 //

dvitā yo vṛtrahantamo vida indraḥ śatakratuḥ/ upa no haribhiḥ sutam //

tvaṃ hi vṛtrahanneṣāṃ pātā somānāmasi/ upa no haribhiḥ sutam //

pra vo mahe mahevṛdhe bharadhvaṃ pracetase pra sumatiṃ kṛṇudhvam/ viśaḥ pūrvīḥ pra cara carṣaṇiprāḥ //

uruvyacase mahine suvṛktimindrāya brahma janayanta viprāḥ/ tasya vratāni na minanti dhīrāḥ //

indraṃ vāṇīranuttamanyumeva satrā rājānaṃ dadhire sahadhyai/ haryaśvāya barhayā samāpīn //

yadindra yāvatastvametāvadahamīśīya/ stotāramiddadhiṣe radāvaso na pāpatvāya raṃsiṣam //

śikṣeyaminmahayate divedive rāya ā kuhacidvide/ na hi tvadanyanmaghavanna āpyaṃ vasyo asti pitā ca na //

śrudhī havaṃ vipipānasyādrerbodhā viprasyārcato manīṣām/ kṛṣvā duvāṃsyantamā sacemā //

na te giro api mṛṣye turasya na suṣṭutimasya yasya vidvān/ sadā te nāma svayaśo vivakmi //

bhūri hi te savanā mānuṣeṣu bhūri manīṣī havate tvāmit/ māu asmanmaghavaṃ jyokkaḥ / / 1800 //

pro ṣvasmai purorathamindrāya śūṣamarcata/ abhīke cidu lokakṛtsaṅge samatsu vṛtrahā //

asmākaṃ bodhi coditā nabhantāmanyakeṣāṃ jyākā adhi dhanvasu //

tvaṃ sindhūṃravāsṛjo'dharāco ahannahim/ aśatrurindra jajñiṣe viśvaṃ puṣyasi vāryam //

taṃ tvā pari ṣvajāmahe nabhantāmanyakeṣāṃ jyākā adhi dhanvasu //

vi ṣu viśvā arātayo'ryo naśanta no dhiyaḥ/ astāsi śatrave vadhaṃ yo na indra jighāṃsati //

yā te rātirdadivasu nabhantāmanyakeṣāṃ jyākā adhi dhanvasu //

revāṃidrevata stotā syāttvāvato maghonaḥ/ predu harivaḥ sutasya //

ukthaṃ ca na śasyamānaṃ nāgo rayirā ciketa/ na gāyatraṃ gīyamānam //

mā na indra pīyatnave mā śardhate parā dāḥ/ śikṣā śacīvaḥ śacībhiḥ / /
endra yāhi haribhirupa kaṇvasya suṣṭutim/ divo amuṣya śāsato divaṃ yaya divāvaso /
atrā vi nemireṣāmurāṃ na dhūnute vṛkaḥ/ divo amuṣya śāsato divaṃ yaya divāvaso /
ā tvā grāvā vadanniha somī ghoṣeṇa vakṣatu/ divo amuṣya śāsato divaṃ yaya divāvaso //

pavasva soma mandayannindrāya madhumattamaḥ / 1810 //

te sutāso vipaścitaḥ śukrā vāyumasṛkṣata //

asṛgraṃ devavītaye vājayanto rathā iva //

agniṃ hotāraṃ manye dāsvantaṃ vasoḥ sūnuṃ sahaso jātavedasaṃ vipraṃ na jātavedasam/ ya ūrdhvaro svadhvaro devo devācyā kṛpā //

ghṛtasya vibhrāṣṭimanu śukraśociṣa ājuhvānasya sarpiṣaḥ //

yajiṣṭhaṃ tvā yajamānā huvema jyeṣṭhamaṅgirasāṃ vipra manmabhirviprebhiḥ śukra manmabhiḥ //

parijmānamiva dyāṃ hotāraṃ carṣaṇīnām/ śociṣkeśaṃ vṛṣaṇaṃ yamimā viśaḥ prāvantu jūtaye viśaḥ //

sa hi purū cidojasā virukmatā dīdyāno bhavati druhantaraḥ paraśurna druhantaraḥ //

vīḍu cidyasya samṛtau śruvadvaneva yatsthiram/ niṣṣahamāṇo yamate nāyate dhanvāsahā nāyate //

agne tava śravo vayo mahi bhrājante arcayo vibhāvaso/ bṛhadbhāno śavasā vājamukthyāṃ3 dadhāsi dāśuṣe kave /
pāvakavarcāḥ śukravarcā anūnavarcā udiyarṣi bhānunā/ putro mātarā vicarannupāvasi pṛṇakṣi rodasī ubhe /
ūrjo napājjātavedaḥ suśastibhirmandasva dhītibhirhitaḥ/ tve iṣaḥ saṃ dadhurbhūrivarṣasaścitrotayo vāmajātāḥ /
irajyannagne prathayasva jantubhirasme rāyo amartya/ sa darśatasya vapuṣo vi rājasi pṛṇakṣi darśataṃ kratum //

iṣkarttāramadhvarasya pracetasaṃ kṣayantaṃ rādhaso mahaḥ/ rātiṃ vāmasya subhagāṃ mahīmiṣaṃ dadhāsi sānasiṃ rayim / 1820 //

ṛtāvānaṃ mahiṣaṃ viśvadarśatamagniṃ sumnāya dadhire puro janāḥ/ śrutkarṇaṃ saprathastamaṃ tvā girā daivyaṃ mānuṣā yugā //

pra so agne tavotibhiḥ suvirābhistarati vājakarmabhiḥ/ yasya tvaṃ sakhyamāvitha //

tava drapso nīlavānvāśa ṛtviya indhānaḥ siṣṇavā dade/ tvaṃ mahīnāmuṣasāmasi priyaḥ kṣapo vastuṣu rājasi //

tamoṣadhīrdadhire garbhamṛtviyaṃ tamāpo agniṃ janayanta mātaraḥ //

tamitsamānaṃ vaninaśca vīrudho'ntarvatīśca suvate ca viśvahā //

agnirindrāya pavate divi śukro vi rājati/ mahiṣīva vi jāyate //

yo jāgāra tamṛcaḥ kāmayante yo jāgāra tamu sāmāni yanti/ yo jāgāra tamayaṃ soma āha tavāhamasmi sakhye nyokāḥ //

agnirjāgāra tamṛcaḥ kāmayante'gnirjāgāra tamu sāmāni yanti/ agnirjāgāra tamayaṃ soma āha tavāhamasmi sakhye nyokāḥ //

namaḥ sakhibhyaḥ pūrvasadbhyo namaḥ sākaṃniṣebhyaḥ/ yuñje vācaṃ śatapadīm /
yuñje vācaṃ śatapadīṃ gāye sahasravartani/ gāyatraṃ traiṣṭubhaṃ jagat //

gāyatraṃ traiṣṭubhaṃ jagadviśvā rūpāṇi sambhṛtā/ devā okāṃsi cakrire / / 1830 //

agniujyotirjyotiragniundro jyotirjyotirindraḥ/ sūryo jyotirjyotiḥ sūryaḥ //

punarūrjā ni varttasva punaragna iṣāyuṣā/ punarnaḥ pāhyaṃhasaḥ //

saha rayyā ni vartasvāgne pinvasva dhārayā/ viśvapsnyā viśvataspari //

yadindrāhaṃ yathā tvamīśīya vasva eka it/ stotā me gosakhā syāt //

śikṣeyamasmai ditseyam̐ṃ śacīpate manīṣiṇe/ yadahaṃ gopatiḥ syām //

dhenuṣṭa indra sūnṛtā yajamānāya sunvate/ gāmaśvaṃ pipyuṣī duhe //

āpo hi ṣṭhā mayobhuvastā na ūrje dadhātana/ mahe raṇāya cakṣase //

yo vaḥ śivatamo rasastasya bhājayateha naḥ/ uśatīriva mātaraḥ //

tasmā araṃ gamāma vo yasya kṣayāya jinvatha/ āpo janayathā ca naḥ //

vāta ā vātu beṣajaṃ śambhu mayobhu no hṛde/ pra na āyūṃṣi tāriṣat / 1840 //

uta vāta pitāsi na uta bhrātota naḥ sakhā/ sa no jīvātave kṛdhi //

yadado vāta te gṛhe'.'mṛtaṃ nihitaṃ guhā/ tasya no dhehi jīvase //

abhi vājī viśvarūpo janitraṃ hiraṇyayaṃ bibhradatkaṃ suparṇaḥ/ sūryasya bhānumṛtuthā vasānaḥ pari svayaṃ medhamṛjro jajāna //

apsu retaḥ śiśriye viśvarūpaṃ tejaḥ pṛthivyāmadhi yatsambabhūva/ antarikṣe svaṃ mahimānaṃ mimānaḥ kanikranti vṛṣṇo aśvasya retaḥ //

ayaṃ sahasrā pari yuktā vasānaḥ sūryasya bhānuṃ yajño dādhāra/ sahasradāḥ śatadā bhūridāvā dharttā divo bhuvanasya viśpatiḥ //

nāke suparṇamupa yatpatantaṃ hṛdā venanto abhyacakṣata tvā/ hiraṇyapakṣaṃ varuṇasya dūtaṃ yamasya yonau śakunaṃ bhuraṇyum //

ūrdhvo gandharvo adhi nāke asthātpratyaṅcitrā bibhradasyāyudhāni/ vasāno atkaṃ surabhiṃ dṛśe kaṃ svā3rṇa nāma janata priyāṇi //

drapsaḥ samudramabhi yajjigāti paśyan gṛdhrasya cakṣasā vidharman/ bhānuḥ śukreṇa śociṣā cakānastṛtīye cakre rajasi priyāṇi //

āśuḥ śiśāno vṛṣabho na bhīmo ghanāghanaḥ kṣobhaṇaścarṣaṇīnām/
saṅkrandano'nimiṣa ekavīraḥ śataṃ senā ajayatsākamindraḥ //

saṅkrandanenānimiṣeṇa jiṣṇunā yutkāreṇa duścyavanena dhṛṣṇunā/ tadindreṇa jayata tatsahadhvaṃ yudho nara iṣuhastena vṛṣṇā / 1850 //

sa iṣuhastaiḥ sa niṣaṅgibhirvaśī saṃsraṣṭā sa yudha indro gaṇena/ saṃ sṛṣṭajitsomapā bāhuśardhyū'.gradhanvā pratihitābhirastā //

bṛhaspate pari dīyā rathena rakṣohāmitrāṃ apabādhamānaḥ/ prabhañjansenāḥ pramṛṇo yudhā jayannasmākamedhyavitā rathānām //

balavijñāyaḥ sthaviraḥ pravīraḥ sahasvānvājī sahamāna ugraḥ/ abhivīro abhisatvā sahojā jaitramindra rathamā tiṣṭha govit //

gotrabhidaṃ govidaṃ vajrabāhuṃ jayantamajma pramṛṇantamojasā/ imaṃ sajātā anu vīrayadhvamindraṃ sakhāyo anu saṃ rabhadhvam //

abhi gotrāṇi sahasā gāhamāno'dayo vīraḥ śatamanyurindraḥ/ duścyavanaḥ pṛtanāṣāḍa.yudhyo3'smākaṃ senā avatu pra yutsu //

indra āsāṃ netā bṛhaspatirdakṣiṇā yajñaḥ pura etu somaḥ/ devasenānāmabhibhañjatīnāṃ jayantīnāṃ maruto yantvagram //

indrasya vṛṣṇo varuṇasya rājña ādityānāṃ marutāṃ śardha ugram/ mahāmanasāṃ bhuvanacyavānāṃ ghoṣo devānāṃ jayatāmudasthāt //

uddharṣaya maghavannāyudhānyutsatvanāṃ māmakānāṃ manāṃsi/ udvṛtrahanvājināṃ vājinānyudrathānāṃ jayatāṃ yantu ghoṣāḥ //

asmākamindraḥ samṛteṣu dhvajeṣvasmākaṃ yā iṣavastājayantu/ asmākaṃ vīrā uttare bhavantvasmāṃ u devā avatā haveṣu //

asau yā senā marutaḥ pareṣāmabhyeti na ojasā spardhamānā/ tāṃ gūhata tamasāpavratena yathaiteṣāmanyo anyaṃ na jānāt / / 1860 //

amīṣāṃ cittaṃ pratilobhayantī gṛhāṇāṅgānyapve parehi/ abhi prehi nirdaha hṛtsu śokairandhenāmitrāstamasā sacantām //

pretā jayatā nara indro vaḥ śarma yacchatu/ ugrā vaḥ santu bāhavo'nādhṛṣyā yathāsatha //

avasṛṣṭā parā pata śaravye brahmasaṃśite/ gacchāmitrānpra padyasva māmīṣāṃ kaṃ ca nocchiṣaḥ //

kaṅkāḥ suparṇā anu yantvenān gṛdhrāṇāmannamasāvastu senā/ maiṣāṃ mocyaghahāraśca nendra vayāṃsyenānanusaṃyantu sarvān //

amitrasenāṃ maghavannasmāṃ chatruyatīmabhi/ ubhau tāmindra vṛtrahannagniśca dahataṃ prati //

yatra bāṇāḥ sampatanti kumārā viśikhā iva/ tatra no brahmaṇaspatiraditiḥ śarma yacchatu viśvāhā śarma yacchatu //

vi rakṣo vi mṛdho jahi vi vṛtrasya hanū ruja/ vi manyumindra vṛtrahannamitrasyābhidāsataḥ //

vi na indra mṛdho jahi nīcā yaccha pṛtanyataḥ/ yo asmāṃ abhidāsatyadharaṃ gamayā tamaḥ //

indrasya bāhū sthavirau yuvānāvanādhṛṣyau supratīkāvasahyau/ tau yuñjīta prathamau yoga āgate yābhyāṃ jitamasurāṇāṃ saho mahat //

marmāṇi te varmaṇā cchādayāmi somastvā rājāmṛtenānu vastām/ urorvarīyo varuṇaste kṛṇotu jayantaṃ tvānu devā madantu / 1870 //

andhā amitrā bhavatāśīrṣāṇo'haya iva/ teṣāṃ vo agninunnānāmindro hantu varaṃvaram //

yo naḥ svo'raṇo yaśca niṣṭhyo jighāṃsati/ devāstaṃ sarve dhūrvantu brahma varma mamāntaraṃ śarma varma mamāntaram //

mṛgo na bhīmaḥ kucaro giriṣṭhāḥ parāvata ā jaganthā parasyāḥ/ sṛkaṃ saṃśāya pavimindra tigmaṃ vi śatrūṃ tāḍhi vi mṛdho nudasva //

bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ/ sthirairaṅgaistuṣṭuvāṃ sastanūbhivyaśemahi devahitaṃ yadāyuḥ //

svasti na indro vṛddhaśravāḥ svasti naḥ pūṣā viśvavedāḥ/ svasti nastārkṣyo ariṣṭanemiḥ svasti no bṛhaspatirdadhātu//
ॐ svasti no bṛhaspatirdadhātu //