Rig Veda · Chapter 9.019

yat soma citram ukthyaṁ divyam pārthivaṁ vasu |
tan naḥ punāna ā bhara ||

yuvaṁ hi sthaḥ svarpatī indraś ca soma gopatī |
īśānā pipyataṁ dhiyaḥ ||

vṛṣā punāna āyuṣu stanayann adhi barhiṣi |
hariḥ san yonim āsadat ||

avāvaśanta dhītayo vṛṣabhasyādhi retasi |
sūnor vatsasya mātaraḥ ||

kuvid vṛṣaṇyantībhyaḥ punāno garbham ādadhat |
yāḥ śukraṁ duhate payaḥ ||

upa śikṣāpatasthuṣo bhiyasam ā dhehi śatruṣu |
pavamāna vidā rayim ||

ni śatroḥ soma vṛṣṇyaṁ ni śuṣmaṁ ni vayas tira |
dūre vā sato anti vā ||