ઋગ્વેદ · અધ્યાય 9.019

યત્ સોમ ચિત્રમ્ ઉક્થ્યં દિવ્યમ્ પાર્થિવં વસુ ।
તન્ નઃ પુનાન આ ભર ॥

યુવં હિ સ્થઃ સ્વર્પતી ઇન્દ્રશ્ ચ સોમ ગોપતી ।
ઈશાના પિપ્યતં ધિયઃ ॥

વૃષા પુનાન આયુષુ સ્તનયન્ન્ અધિ બર્હિષિ ।
હરિઃ સન્ યોનિમ્ આસદત્ ॥

અવાવશન્ત ધીતયો વૃષભસ્યાધિ રેતસિ ।
સૂનોર્ વત્સસ્ય માતરઃ ॥

કુવિદ્ વૃષણ્યન્તીભ્યઃ પુનાનો ગર્ભમ્ આદધત્ ।
યાઃ શુક્રં દુહતે પયઃ ॥

ઉપ શિક્ષાપતસ્થુષો ભિયસમ્ આ ધેહિ શત્રુષુ ।
પવમાન વિદા રયિમ્ ॥

નિ શત્રોઃ સોમ વૃષ્ણ્યં નિ શુષ્મં નિ વયસ્ તિર ।
દૂરે વા સતો અન્તિ વા ॥