Rig Veda · Chapter 8.091

kanyā3 vār avāyatī somam api srutāvidat |
astam bharanty abravīd indrāya sunavai tvā śakrāya sunavai tvā ||

asau ya eṣi vīrako gṛhaṁ-gṛhaṁ vicākaśad |
imaṁ jambhasutam piba dhānāvantaṁ karambhiṇam apūpavantam ukthinam ||

ā cana tvā cikitsāmo 'dhi cana tvā nemasi |
śanair iva śanakair ivendrāyendo pari srava ||

kuvic chakat kuvit karat kuvin no vasyasas karat |
kuvit patidviṣo yatīr indreṇa saṁgamāmahai ||

imāni trīṇi viṣṭapā tānīndra vi rohaya |
śiras tatasyorvarām ād idam ma upodare ||

asau ca yā na urvarād imāṁ tanva1m mama |
atho tatasya yac chiraḥ sarvā tā romaśā kṛdhi ||

khe rathasya khe 'nasaḥ khe yugasya śatakrato |
apālām indra triṣ pūtvy akṛṇoḥ sūryatvacam ||