Rig Veda · Chapter 7.050
ā mām mitrāvaruṇeha rakṣataṁ kulāyayad viśvayan mā na ā gan |
ajakāvaṁ durdṛśīkaṁ tiro dadhe mā mām padyena rapasā vidat tsaruḥ ||
yad vijāman paruṣi vandanam bhuvad aṣṭhīvantau pari kulphau ca dehat |
agniṣ ṭac chocann apa bādhatām ito mā mām padyena rapasā vidat tsaruḥ ||
yac chalmalau bhavati yan nadīṣu yad oṣadhībhyaḥ pari jāyate viṣam |
viśve devā nir itas tat suvantu mā mām padyena rapasā vidat tsaruḥ ||
yāḥ pravato nivata udvata udanvatīr anudakāś ca yāḥ |
tā asmabhyam payasā pinvamānāḥ śivā devīr aśipadā bhavantu sarvā nadyo aśimidā bhavantu ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0