ઋગ્વેદ · અધ્યાય 7.050

આ મામ્ મિત્રાવરુણેહ રક્ષતં કુલાયયદ્ વિશ્વયન્ મા ન આ ગન્ ।
અજકાવં દુર્દૃશીકં તિરો દધે મા મામ્ પદ્યેન રપસા વિદત્ ત્સરુઃ ॥

યદ્ વિજામન્ પરુષિ વન્દનમ્ ભુવદ્ અષ્ઠીવન્તૌ પરિ કુલ્ફૌ ચ દેહત્ ।
અગ્નિષ્ ટચ્ છોચન્ન્ અપ બાધતામ્ ઇતો મા મામ્ પદ્યેન રપસા વિદત્ ત્સરુઃ ॥

યચ્ છલ્મલૌ ભવતિ યન્ નદીષુ યદ્ ઓષધીભ્યઃ પરિ જાયતે વિષમ્ ।
વિશ્વે દેવા નિર્ ઇતસ્ તત્ સુવન્તુ મા મામ્ પદ્યેન રપસા વિદત્ ત્સરુઃ ॥

યાઃ પ્રવતો નિવત ઉદ્વત ઉદન્વતીર્ અનુદકાશ્ ચ યાઃ ।
તા અસ્મભ્યમ્ પયસા પિન્વમાનાઃ શિવા દેવીર્ અશિપદા ભવન્તુ સર્વા નદ્યો અશિમિદા ભવન્તુ ॥