Rig Veda · Chapter 6.072
indrāsomā mahi tad vām mahitvaṁ yuvam mahāni prathamāni cakrathuḥ |
yuvaṁ sūryaṁ vividathur yuvaṁ sva1r viśvā tamāṁsy ahataṁ nidaś ca ||
indrāsomā vāsayatha uṣāsam ut sūryaṁ nayatho jyotiṣā saha |
upa dyāṁ skambhathuḥ skambhanenāprathatam pṛthivīm mātaraṁ vi ||
indrāsomāv ahim apaḥ pariṣṭhāṁ hatho vṛtram anu vāṁ dyaur amanyata |
prārṇāṁsy airayataṁ nadīnām ā samudrāṇi paprathuḥ purūṇi ||
indrāsomā pakvam āmāsv antar ni gavām id dadhathur vakṣaṇāsu |
jagṛbhathur anapinaddham āsu ruśac citrāsu jagatīṣv antaḥ ||
indrāsomā yuvam aṅga tarutram apatyasācaṁ śrutyaṁ rarāthe |
yuvaṁ śuṣmaṁ naryaṁ carṣaṇibhyaḥ saṁ vivyathuḥ pṛtanāṣāham ugrā ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0