ઋગ્વેદ · અધ્યાય 6.072

ઇન્દ્રાસોમા મહિ તદ્ વામ્ મહિત્વં યુવમ્ મહાનિ પ્રથમાનિ ચક્રથુઃ ।
યુવં સૂર્યં વિવિદથુર્ યુવં સ્વ1ર્ વિશ્વા તમાંસ્ય્ અહતં નિદશ્ ચ ॥

ઇન્દ્રાસોમા વાસયથ ઉષાસમ્ ઉત્ સૂર્યં નયથો જ્યોતિષા સહ ।
ઉપ દ્યાં સ્કમ્ભથુઃ સ્કમ્ભનેનાપ્રથતમ્ પૃથિવીમ્ માતરં વિ ॥

ઇન્દ્રાસોમાવ્ અહિમ્ અપઃ પરિષ્ઠાં હથો વૃત્રમ્ અનુ વાં દ્યૌર્ અમન્યત ।
પ્રાર્ણાંસ્ય્ ઐરયતં નદીનામ્ આ સમુદ્રાણિ પપ્રથુઃ પુરૂણિ ॥

ઇન્દ્રાસોમા પક્વમ્ આમાસ્વ્ અન્તર્ નિ ગવામ્ ઇદ્ દધથુર્ વક્ષણાસુ ।
જગૃભથુર્ અનપિનદ્ધમ્ આસુ રુશચ્ ચિત્રાસુ જગતીષ્વ્ અન્તઃ ॥

ઇન્દ્રાસોમા યુવમ્ અઙ્ગ તરુત્રમ્ અપત્યસાચં શ્રુત્યં રરાથે ।
યુવં શુષ્મં નર્યં ચર્ષણિભ્યઃ સં વિવ્યથુઃ પૃતનાષાહમ્ ઉગ્રા ॥