Rig Veda · Chapter 6.029

indraṁ vo naraḥ sakhyāya sepur maho yantaḥ sumataye cakānāḥ |
maho hi dātā vajrahasto asti mahām u raṇvam avase yajadhvam ||

ā yasmin haste naryā mimikṣur ā rathe hiraṇyaye ratheṣṭhāḥ |
ā raśmayo gabhastyoḥ sthūrayor ādhvann aśvāso vṛṣaṇo yujānāḥ ||

śriye te pādā duva ā mimikṣur dhṛṣṇur vajrī śavasā dakṣiṇāvān |
vasāno atkaṁ surabhiṁ dṛśe kaṁ sva1r ṇa nṛtav iṣiro babhūtha ||

sa soma āmiślatamaḥ suto bhūd yasmin paktiḥ pacyate santi dhānāḥ |
indraṁ naraḥ stuvanto brahmakārā ukthā śaṁsanto devavātatamāḥ ||

na te antaḥ śavaso dhāyy asya vi tu bābadhe rodasī mahitvā |
ā tā sūriḥ pṛṇati tūtujāno yūthevāpsu samījamāna ūtī ||

eved indraḥ suhava ṛṣvo astūtī anūtī hiriśipraḥ satvā |
evā hi jāto asamātyojāḥ purū ca vṛtrā hanati ni dasyūn ||