Rig Veda · Chapter 6.009

ahaś ca kṛṣṇam ahar arjunaṁ ca vi vartete rajasī vedyābhiḥ |
vaiśvānaro jāyamāno na rājāvātiraj jyotiṣāgnis tamāṁsi ||

nāhaṁ tantuṁ na vi jānāmy otuṁ na yaṁ vayanti samare 'tamānāḥ |
kasya svit putra iha vaktvāni paro vadāty avareṇa pitrā ||

sa it tantuṁ sa vi jānāty otuṁ sa vaktvāny ṛtuthā vadāti |
ya īṁ ciketad amṛtasya gopā avaś caran paro anyena paśyan ||

ayaṁ hotā prathamaḥ paśyatemam idaṁ jyotir amṛtam martyeṣu |
ayaṁ sa jajñe dhruva ā niṣatto 'martyas tanvā3 vardhamānaḥ ||

dhruvaṁ jyotir nihitaṁ dṛśaye kam mano javiṣṭham patayatsv antaḥ |
viśve devāḥ samanasaḥ saketā ekaṁ kratum abhi vi yanti sādhu ||

vi me karṇā patayato vi cakṣur vī3daṁ jyotir hṛdaya āhitaṁ yat |
vi me manaś carati dūraādhīḥ kiṁ svid vakṣyāmi kim u nū maniṣye ||

viśve devā anamasyan bhiyānās tvām agne tamasi tasthivāṁsam |
vaiśvānaro 'vatūtaye no 'martyo 'vatūtaye naḥ ||